糖宮甜品專門店 (積信街)

营业中

休息中

啱啱同女朋友搬黎大圍附近，咁啱端午節，做完節梗係二人世界散下步，行過呢間糖水舖，見咁多人等位食，即刻諗都唔洗諗，跟大隊實冇死！真係太多人關係，唯有買外賣返屋企食，揀左兩種雪花冰，啱晒呢啲天氣焗住焗住既時候，黎過透心涼。1. 落神花，試呢個都係因為出面好小會有呢個味，相信飲過落神花既都知酸酸甜甜又解渴，而佢拎黎做雪花冰又估佢唔到咁好食，味道係有接近十成落神花茶既味，但係變雪花冰又多咗個緩衝，唔會第一下就食到好酸，而係慢慢咁滲啲酸甜味出嚟，食完一啖真係有小小開胃，如果唔係好接受到酸味既人絕對可以一試，完全係食完有種回味，不知不覺就會食晒，而且佢都有配啲三色雜椰味同爆珠，唔會一味食到陣落神花味，下次一定返食。2. 楊枝甘露，大眾化既野，本身買黎都係補飛，如果落神花唔好食都唔洗死住，點知1.係超乎預期。咁楊枝甘露就同市面差唔多，就唔多講。總結下，5分滿分，樣4，味4，服務5分(ps因為真係好多人等唔切轉外賣，店員都好禮貌係咁唔好意思前唔好意思後，比人感觀非常良好)，唯一可惜既係試唔到招牌椰皇燉蛋白，基本上等既途中，10個有9個都會叫，可想而知有幾咁受歡迎，下個禮拜再試！

📍糖宮甜品專門店，大圍 Taiwai🥭🧇芒果窩夫伴雪糕 $45窩夫都脆口 但薄身左少少唔係好夠咬口😂 配上芒果蓉同一球雪糕。雪糕可自選口味， 㨂左曲奇味唔錯👌🏻🍨佛系芋圓 $36有芋圓，雪糕，紅豆，涼粉。一碗一次過食晒唔同種類，唔駛叫好多款試😂但其實個芋圓真係好失望.....硬到好似咬香口膠咁。。雖然粒粒芋圓唔同色，但啲味道好似一樣咁😅🥭 楊枝甘露芋圓 ～$40楊枝甘露加芋圓係入面。同樣個芋圓硬到好似香口膠咁。。個楊枝甘露味道都偏淡。。建議所有芋圓系列都唔好試😣

大圍店嘅甜品林立，要揀一間出色嘅唔容易。今次同朋友嚟食，令人喜出望外嘅係榴槤拿破崙！面個層榴槤肉&cream blend得好好， 唔會太漏，拿破崙鬆脆牛油味有好重，整體嘅配合非常之好！裏面仲有三隻貓貓睇鋪，好痴人，好可愛😻

今日黎到大圍踏單車🚴🏻‍♀️十年唔做運動做完當然去食返啲好野補充體力啦結果我同家姐一齊黎左呢間「糖宮」起初入到店內，覺得無咩特別但一上到二樓，我就發左癡原來有三隻貓店長丫！講返野食，我地都唔知食咩好店長推介椰皇燉蛋白咁我就試下啦一試之下，馬上愛上了椰香味好出，加上不會死甜蛋味亦很出難怪店長話係招牌菜而家姐就比較傳統小小佢叫左個陳皮紅豆沙我試下一啖又估唔到陳皮味又唔會太苦而係一陣陣甘香於是我問問店長佢話佢用三個鐘炒香陳皮醬而成既難怪又幾好食估唔到呢間新派既中式甜水又幾有水準！值得推介比大家

第一次寫食評，竟然係差既評語，那日係大圍食完晚飯，心思思想買糖水食，於是係呢度睇完評語，就選擇左呢間糖水舖，我買左個芋圓紅豆沙外賣，返到屋企，打開黎食第一啖，就知道又賴野，碗紅豆沙竟然係酸架，芋圓又死實實及完全無味，似係食緊橡膠，由於有酸味，都唔敢再食就掉左去。當日眼見間舖都好似有好多種類既甜品，但一間甜品舖連最基本既糖水都可以做得甘差及明顯係變壞左，我實在無話可說。真心唔知憑咩可以收人地一碗$37（連外賣盒$1）一碗酸既紅豆沙,而且係變壞左都可以買比人，甘唔老實，生意唔係甘做既！！

自從之前同朋友黎食過一完個椰皇燉蛋白後就一直念念不忘，今次咁啱又去大圍食晚飯🥣咁就梗係黎食個椰皇燉蛋白啦開心🔸椰皇燉蛋白 $56望住佢好似細細個 但可以食勁多啖 食極都食唔晒 可以食埋入邊啲椰皇肉 其實啱啱食完晚飯再即刻食有啲濟本身鍾意食燉奶嘅我所以對呢啲好難抗拒到好有椰香味嘅燉奶咁價錢係唔平㗎 但份量味道超值 非常推薦大家試吓🔸白雪 $40有椰汁米露配芒果雪糕，入邊仲有啲芒果粒同完整一份牛奶布甸 足料啊上次嚟可以見到三隻貓貓🐱今次可惜遇唔上佢哋 少少遺憾啦 希望下次見到佢哋

1.朱古力心太軟配雪糕❤️朱古力味特濃，一切開就有朱古力流心❤️我揀咗配綠茶雪糕同曲奇味雪糕🍦2.菠蘿雪花冰🍍呢個係我食過所有雪花冰最好食嘅一個！佢係會送埋西米露配椰果😋係用新鮮菠蘿整😋味道鮮甜😋呢個我係極度推薦大家一定要食！！！3.芒果小丸子配奶凍同芋圓芒果控必食😋❤️成個配搭好夾👍🏻好多配料，口感好豐富，透心涼😊大圍甜品來講，呢一間係必推！大家如果想食宵夜嘅話不妨試吓👍🏻😋

同朋友食完飯經過大圍，心絲絲想食糖水，我哋兩個都異口同聲話去糖宮食。之前讀書個陣都嚟過幾次，個陣多數都係食涼粉／雪花冰，不過天氣開始凍，想食d熱野，就揀咗食腐竹雞蛋薏米糖水加芋圓（仲比我fd笑我老土🤣）而我fd就叫咗楊枝金露。個腐竹雞蛋薏米糖水都幾一般，主要係因為料唔足，煲出嚟好浠，都係媽咪煲個d都食d hahahaha不過糖水還糖水，d芋圓反而唔錯，幾有蕃薯芋圓味，而家唔硬，食落幾煙un。食完之後仲見到原來係用公雞碗，呢點幾有傳統特色。為食嘅我去偷食咗幾啖個fd嘅楊枝金露，其實我平時唔多鐘意食，但今次食呢個幾有驚喜，芒果汁好濃，入面嘅料亦都好足，睇嚟下次都係食西式甜品好d😌除咗嘢食，仲想講呢度有2隻可愛貓貓坐陣， 我哋去個陣有一隻覺覺豬緊，另一隻就坐我哋隔離，佢都好乖，就算隔離枱有人撩佢玩佢都唔會抓人。

叫左芒冰冰 - $𝟹𝟾芒果好甜 但係超大舊冰 一食落去凍到頭痛🥶建議慢慢食等佢舊冰溶溶地先食🤣仲有雜果白涼粉 - $𝟹𝟾水果同涼粉加埋好𝙵𝚛𝚎𝚜𝚑！好少地方用白涼粉 幾特別～總括黎講，門口既貓貓好受歡迎🐱～環境好舒服 我哋今次坐門口位好涼爽🍁不過甜品賣相同味道普通！不完美可接受要改善👍🏻

食完飯行下街，見到呢間甜品鋪就入左嚟，同朋友order左兩樣野1. 心太軟Overall都ok 同有兩球蛋糕，價錢同質素成正比💪🏻💪🏻2.芒果拿破侖重點就嚟啦，你以為自己食緊既係拿破侖？其實唔係，係印度薄餅加芒果😂😂，呢間甜品鋪完全顛覆左我對拿破侖既睇法。相就唔記得影，對住呢個印度薄餅(拿破侖)太過震驚。總括嚟講，服務好，環境ok，食物都ok (如果你好中意食薄餅，一定要叫個拿破侖試下)。

一日一黃店-大圍貓貓糖水店呢次第2次黎 又想黎玩下3隻貓貓上次三隻貓貓 坐咗監喺2樓今次放左出黎 但竟然瞓晒覺間中有一隻好勤力上下走巡舖呢次叫左⭐️榴酷瓏$78 （打卡平$10）姐係 糖瓏蜜瓜榴槤雪花冰👍🏻足足有半個 蜜瓜 幾香甜（算高成本）👍🏻榴槤雪花冰就係好食 夠綿 夠榴槤味😋配料都幾多 爆爆珠 三色椰果 藍莓賣相係靚靚既 食完好滿足好評 推介.第二個叫左下午茶餐呢度下午茶餐幾平喎大概$48至$68有一個甜品加一杯特飲叫咗個⭐️朱古力窩夫 配曲奇雪糕加⭐️芒果特飲都係$48😨但個朱古力窩夫 焗到燶晒 黑過舊炭 可以睇圖4🤢食落口有明顯燒焦味 同時都有小小蛋香我見到佢地ig舊post唔係咁😢😢.同店員講 店員都好有禮貌 即時勁唔好意思即刻幫我再整過 都用咗幾耐時間但睇得出店員好有誠意 話今日部機壞壞地整左2次都仲有小小黑 問我地o唔ok（可能嚇親店員 唔記咗加返糖粉同朱古力醬俾我）.最後從新出爐嘅窩夫都係唔合格 如果冇黑點 應該會好好多.#糖宮甜品專門店 (大圍) 地址：大圍積信街61號地舖.⭐️評分：味道：4.5/5 (但窩夫1分)環境：4/5 乾淨 服務：4.5/5 店員超有禮貌 好有

路過大圍想食糖水，試左呢間家人推薦既甜品店🥰呢間店養左3隻貓貓，不過今次黎只見倒一隻🤔店內有電視播片介紹下啲貓貓😺貓貓好freedom會自由進出店行出去🐈比個可愛既餐牌座吸引倒！開心地點餐🥰甜品名稱都幾有特色🤔「唔該要一個華華😳」少啲恥力差啲講唔出口🤕😂🍧華華 $40其實華華黎到既時候...覺得佢無咩特別🤔就係撈埋一齊既脆脆西米露咁，但呢個甜品比我想像中好味😳朱古力雪糕係有朱古力碎係入面😍唔係三色雪糕朱古力味😍阿華田布甸係清甜，西米露加埋其他味係幾好食！🍧抹茶紅豆涼粉 $32家人點左呢個涼粉，我麻麻地食涼粉，但我覺得呢個幾好食！至少佢夠清甜😂🍧朱古力心太軟伴兩球雪糕 $58心太軟係甜品店常見甜品之一，呢個心太軟好似外層甜度同內層甜度唔同🤔內餡係甜啲，跟住屋企人話啲內層朱古力好似另外打入去咁🤔不過因為食食下已經無深究😂唔通粒藍莓係用黎遮住個入餡洞？下次再黎再fc下😂✅有貓貓✅感覺親民✅無咩驚喜款但穩陣好味

💛相信大家都知道大圍有好多甜品店今次食呢間都開得比較耐 但到夜晚都係勁多人幫襯我地就揀咗坐喺出邊 試咗兩款比較經典嘅甜品😆-心太軟流心做得唔錯 焗嘅時間控制得啱啱好👍🏻朱古力味食落唔會太甜 仲有啲生果可以點下醬😛雪糕可以自選兩球口味 揀咗綠茶同曲奇味綠茶雪糕太甜冇乜茶味 而曲奇雪糕就正常發揮🤭-芒果小丸子西米露配北海道奶凍呢款望落去好似普普通通咁但食落幾有驚喜北海道奶凍好重奶味 配埋酸酸甜甜嘅芒果好夾如果小丸子可以再多啲會再正啲🥰芒果雪糕都係普通偏甜 但算可以接受範圍👐🏻好味評分😋：4/5🌟🌟抵食指數🤑：4 /5 🌟🌟餐廳環境 🤪：4/5🌟🌟

諗住去食tea 行行吓路過見到呢間糖宮 少少印象記得係手足就入咗去懲罰💛嗌咗兩個tea set一個係朱古力心太軟配兩球雪糕 雪糕食得出係自家製 真係唔似街邊買?感覺上係啦 心太軟好澎湃🤤唔會太甜食完都唔膩 同埋用兩個兜裝幾貼心 啲融咗啲雪糕同啲朱古力醬都唔會瀉哂跟住另一個就芒果窩夫配雪糕 啲芒果好鬼死甜🥴芒果雪糕同樣似係自家製😗窩夫真心好脆 加埋糖霜同朱古力醬就正🤤Set有配嘢飲 一個菠椰菠蘿汁同一個芒果汁 前者唔記得映☹️但幾好飲 可惜有啲啲菠蘿榨 芒果汁好正 有好多果肉 一飲都覺得係自家製😌見住佢自稱用心製作真係冇講錯 好多食得出係自家製所以幾驚喜 忍唔住千年一次寫吓食評 樓面唔係好多人 但幾個人都勁nice笑笑口咁 好識同客傾計仲好貼心 任我哋加朱古力醬呀 又俾個全新特登買嘅口罩套我哋 間舖嘅樓上仲好似養咗貓貓😂不過好可惜佢哋以前嘅招牌香蕉心太軟已經冇再做🥺可能星期一至五所以比較少人啲 要大大力懲罰😚

香港嘅天氣越嚟越熱，偶然經過大圍糖宮甜品專門店，佢哋下午3:00-8:00 嘅 tea menu 由$48-$58，免費加配一杯特飲。天氣熱到我忍唔住入去食個雪糕降下溫。我楝咗菠蘿酥皮卷伴雪糕$58，配新鮮椰皇水。 外層酥皮係新鮮整，所以好脆。內層係蛋糕再加菠蘿，菠蘿唔似罐頭菠蘿，幾甜，整體就一般喇，無咩特別。我係鋪內見到有一個推介叫 “榴酷瓏”，原價$78，社交平台check-in 價$68。我見個名咁特別而且$68就可以食到蜜瓜同榴槤雪花，所以我就叫咗一個試吓。估唔到這個榴酷龍咁大個，由原個蜜瓜盛起榴槤雪花，雖然個蜜瓜唔係貴價日本蜜瓜，但係都幾甜，榴槤雪花好重榴槤味，加上佢仲有其他生果配襯，我覺得這個甜品好特別亦都幾好食，我誠意推介。