糖人佳 (已結業)

叫左2個綿花冰，一個黑朱古力，一個豆腐， 綿花冰唔夠元朗個間錦，不過質感尚算ok，黑朱古力好漏， 豆腐味都ok，都幾入味，$22一個，加topping每款2蚊，生果每款5蚊。糖不甩好普遍，不過幾大粒，$12有6粒。 最後鹽蘇雞，$20一大碟，質感好粉，冇乜味，一d都唔好食。下次唔會再叫。 其實置樂仲有幾間呢d糖水店，下次再試！

住附近既關係.成日落去食糖水..想試下新野...真係very good.好食過格離波記&糖百府我男朋友唔中意食甜品..但佢食完1次冰布之後都話好正.又抵.good個冰布超好食..好食過刨冰..刨冰硬.但呢個勁軟.有口感.^^ 有好多味比你簡,$22 包3樣野.幾抵.then食左雞翼尖同咖哩魚蛋.都幾好味...推薦冰布...牛奶同朱古力味都好味.唔會淡..建議最好2-4 個人去..岩哂情侶..因為我都同男朋友去.如果多人既話..個到比較細得1張大枱..等好耐

係建生打邊爐之後 經弟弟推薦 到置樂走一趟 就係為o左食冰布 其實食物真係唔錯 我點左個西瓜味冰布 初時好怕會好淡因為之前去旺角食過綿綿冰 好淡 但這裡的冰布好重味雖然係細份o的 但係宵夜o岩o岩好我朋友仲點左豆腐味.芒果味.等等 味道都唔錯 !西瓜味比較少見 同埋lei間鋪又整得幾好味大家可以去試下 ~但係個老闆真係好惡劣囉我同朋友一行六人應該要坐大枱不過門口o個個店員話o岩o岩有張8個人入左去我地就o念住去附近行下 唔想o係門口等10分鐘之後 我地番到o黎 o個個老闆話張枱hold左俾另一班 8個人 明明大枱下一張就到我地 依家個老闆仲好理所當然咁話hold左 要我地再等多一張好差囉 最後我地等左over30分鐘先有張4人枱俾我地6個坐 都係無大枱 下次真係寧願行多兩步去糖百府 雖然款式無咁新但係好過o係lei度無啦啦等多半個鐘

琴晚番娘家食晚飯, 飯後突然癡起條筋想食甜品, 細妹介紹去呢間, 推介必試冰布, 講到好好味咁款, 咁就一於試下我叫左個牛奶味冰布+朱古力醬+芒果爆爆珠同細妹share, 唔..... 個份量都幾多, 味道都幾好唔太甜, 啱我口味, 個爆爆珠口感特別老豆唔食得凍嘢, 叫左個紅豆沙溝芝麻糊, 同糖不甩大家share食, 佢老人家唔太好甜品, 但都話幾好味, 個糖不甩煙煙"un" "un"好食老公叫左楊枝金露, 啲芒果又多又甜, 啱晒佢呢個芒果癡整體上呢間小店啲甜品都唔錯, 服務員態度友善親切, 店舖就係細間左dd ，不過環境就好乾淨企理下次想試下佢個軟心朱古力湯丸同一口朱古力Brownie, 期待中......

食完晚飯行過見到有間甜品鋪個度侍應同老闆好好招呼又極力推介所以入黎試下呢度既雪花冰叫冰布叫左個朱古力冰布+花生碎+藍莓漿配三色q果同芒果爆爆珠賣相一般,而且溶得好快影左兩三張相佢就跌左d落黎不過好好味尤其個芒果爆爆珠好得意,好特別一口咬落去就爆左d汁出黎間鋪比較細但侍應同埋老闆好好食前會問下你有冇食過有就比較下食完後又問下你既意見睇得出好有誠意,值得一讚~之後都會再黎食~

買左一直好想試既朱古力湯丸，幾好食，不過好溜。食2粒夠晒！ (一共有5粒，可凍可熱)芒果豆腐花一般，冇咩特別，不過$20就唔抵食喇！

看到前面的食評都寫得很好，於是慕名試試。吃了芒果冰布($24)配巨峰提子醬，加粟米片及三色QQ。味道香精太強了，不像用鮮果打出來，而且冰布有冰粒，不夠綿。另外，點了一款自由配搭的甜品($25)，有多款水果可自選三款，另外加上豆腐花及涼粉，配上芒果汁。水果一般，但嫌西瓜切到太底見到白邊，豆腐花太失望，不夠滑而且有燒焦味，芒果汁味道也是怪怪的。但值得嘉許的是店員服務態度很好，有禮貌。

屯門有我最愛的冰布加爆爆珠，炎炎夏日，最好就係食迫過冰布嘉年華啦“正”我每次都可要起碼食2碟先收手，唔知幾時先至試得晒咁多種呢? 哈哈我的最愛:朱古力冰布+朱古力爆爆珠爆爆珠+朱古力醬芒果冰布+芒果醬+朱古力爆爆珠+芒果爆爆珠 香芋布冰+朱古力爆爆珠軟心朱古力湯丸綠茶紅豆湯丸不過地方就細咗小小...但樣樣都好好味!!!!!!!!!:冇所謂啦

禮拜日一班朋友去左小曼谷，飯後諗住食下甜品吹吹水。見到呢間『糖人佳』好多人等，好.....即管試試。我地叫左個芒果滑冰﹑綠茶紅豆冰布﹑芒果涼粉﹑楊枝柑露﹑同埋門口寫住馳名嘅豆腐花。我嘅芒果滑冰落足料，果味好濃，非常解暑，正!!!!! 個冰布刨得好薄，食落好似入口即溶既雪糕咁，口感特別，味道亦夠濃，個個Friend都食到唔停口，very good!!!! 芒果涼粉個Friend話中規中矩啦! 豆腐花好滑，果真值得推介! 楊枝柑露就差啲，無咩金柚，變左芒西，要改進下....總括來講，各款甜品都唔錯，下次我都會再幫襯, 要試埋呢度好多人推介嘅椒鹽魷魚同軟心朱古力湯丸 ....

新開張* 一路都想去試*尋日終於去左*同男朋友兩個人去*叫左兩個唔同既布冰*分別試左牛奶布冰&香芋布冰*牛奶布冰($22) 加芒果醬* 小丸子($2)* 台灣珍珠($2)* 朱古力爆爆珠($2)* 芒果($5)*= $33*香芋布冰($22) 加朱古力醬* 台灣珍珠($2)* 芒果爆爆珠($2)* 星星形椰果($2)*= $28*牛奶好好味好滑; 香芋就一般; 最特別既係個爆爆珠; 個人好鍾意個呢個感覺; 一咬會爆架!生果略嫌少左dddddd;;; 我覺得加唔加都冇所謂......anyway! 一定會再去食!!!!今次去到食唔到個軟心朱古力湯丸,,,因為已經賣哂!下次一定要試呀!!!!!!!!!!!!!!!!!!!!!!!!!!!!!!!!!!!!!

其實剛剛係台灣返hk...見未返工就同耀先生去下Tuen Mun 行下...初初都以為好遠...但俾我想像中近同快.........見天氣咁熱好想食d透心涼的野..行行下見到呢間糖水小食店.....一入舖頭就見到我係台灣"song"食的綿綿冰..但係呢間店俾左個新名佢叫"冰布"...二話不說..."唔該來個芒果冰布"....一來到....急不及待咁食....都唔記得係食之前影張相...食食下先影...所以唔好介意以下的相賣相有d 麻麻...原本個樣靚好多... 我之前食過旺角人氣好勁個間冰店, 但我就覺得今次呢間好味d...用料又多....(而且平好多添..佢個價錢同我係士林夜市食冇分別..抵抵抵)食食下冰又見到另一樣台灣小食...醢酥雞....引唔到口....又叫埋來食.... 來到我面前的雞好熱...外面好脆..入面就好juicy....勁正....就算生飛滋都要食....我一個人食哂成碟..好辛苦先肯搳愛一粒俾我男朋友.講完食...又講下服務...我估間店係家庭式...同d客好好...又會推介下有d好食...邊樣同邊樣配料親埋先好味....整體來講,正, 我下次會特登去..最好叫

從朋友口中得知彩華花園開設一間新糖水店,相約好友去試店,所以專誠空著肚試嚐!試了好幾款小食包括咖喱魚旦,炸燒賣,椒鹽尤魚鬚&鹽酥雞...咖喱魚旦辣度適中,咖喱汁不會太"唏",炸燒賣剛好炸至皮脆,但不太油~鹽酥雞略欠不夠脆,有少許失望.司華力腸無特別之處.炸尤魚鬚首要看所用炸粉,炸粉需不厚而且不鬆散!此店亦能做到,不錯~各款小食,各有千秋!最後必試冰布,真係十個good!!!好食到震~~~~冰布可自由選配或另加生果~員工有禮,價錢合理,店內裝修乾淨整齊,稍為不足店內的座位較少,大約可容納廿人左右!但若不介意可坐店外!!!

今日同個朋友去試左新野,原來呢間糖水舖d野食全部都係出自老闆娘隻手豆腐花,湯圓,冰布全部唔係買返黎不過最緊要都係好唔好食!!!!!我地叫左個魷魚鬚($20),炸燒賣($10),豆腐花($10),香蕉滑冰($18)同埋巨蜂綠茶($16); 魷魚鬚 - 好正唔會好似出面個d咁多粉,又唔un,有辣同唔辣(本人勁鍾意食) 炸燒賣 - good唔會炸到硬哂,$10都算抵食,佢有個蜜糖汁另上,點埋一齊食幾特別 豆腐花 - 正老闆娘自己磨豆整,我試個時仲要係啱啱做起,熱辣辣,好滑好香,抵!!!不過糖粉要問佢攞~~ 香蕉滑冰 - 普通第一次試,都ok,不過我個人覺得淡左d 巨蜂綠茶 - ok 今次冇乜點試d糖水,下次夜晚要再去試過

同男朋友食完小曼谷行過咁o岩叫到間新開o既糖水鋪入去試下!!我食o左個朱古力軟心湯丸~好香朱古力味~好好味!!男朋友就叫o左個豆腐花好滑~正!!佢地間鋪仲有綿綿冰食~不過食飽o左所以無試!下次一定要食!!之前食過附近糖百府o既o個個粥粉面飯~食過一次以後都唔會再食= =(超難食..又貴)呢間糖人佳~小妹極力推介!!一定要試!!