粵藝館 (時代廣場)

营业中

休息中

散叫了六款小菜和甜品，整體味道非常好，其中主打菜即燒無花菓天下第一豬更是外皮脆而鬆化，肉軟有果香，必食之選。CITIBANK信用卡有85折，但服務員沒有主動提示，稍嫌不太妥當。

無食中菜一排總會有啲掛住今日就嚟到銅鑼灣試吓呢間粵菜呢度環境一流，餐廳樓底高，座位舒服坐低之後先開壺桂花烏龍茶桂花味都幾香，一倒出嚟隔住口罩都聞到落單之後，店員就拎咗小食比我哋蕎頭+XO醬食物方面，我哋叫咗兩款點心1️⃣香煎自家手作辣味蘿萄糕蘿蔔糕都幾足料，見到有一條條蘿蔔絲揀咗辣味，頭兩啖都唔係好辣但after taste啲辣味就開始湧出嚟蘿蔔糕可能揀原味會比較適合2️⃣灌湯豚肉爆汁鍋貼鍋貼上枱之後有少少失望見到個皮都幾厚，同埋煎得唔夠香食落真係有啲食粉嘅感覺，不過餡嘅味道都OK可惜湯汁唔係好似menu講嘅爆汁所以整體嚟講一般般另外睇主菜單見到有蝦籽柚皮已經決定要叫呢個，因為整柚皮功夫多唔係好多地方有得食，有得嗌就梗係要試吓🍽️十八頭花膠蝦籽柚皮一上枱真係哇哇聲，兩舊花膠大大舊蝦籽鋪滿咗成個餸，充滿期待😍我哋一人一舊花膠扒一舊柚皮，鋸扒咁鋸但係食落又係失望🫣花膠炆得唔夠淋，變咗好似食緊膠相反柚皮又炆得過咗龍，入口就好似溶晒咁不過$388有咁大舊花膠，質素應該係咁上下總結💭💭三樣嘢食有兩樣都令人失望而且價錢都唔平，性價比比較低😔

粵藝館的前稱就是麟藝館, 聽說其乳豬是即叫即燒的, 但點了例牌如何即叫即燒, 至少上菜速度不慢, 會否有時間將每一枱的單集在一起處理, 倒是一個問題. 先說其份量, 六件乳豬片要接近$350, 有點昂貴, 貼近酒店定價. 外皮夠香脆, 肉夠香帶無花果的清新味, 嫩度OK但肉汁不夠, 說是香港頂級的, 還是差一點吧!點心中的燒賣下了松露, 夠Luxurious但其香味蓋過了蝦肉和豬肉的鮮味, 常常說粵菜和松露的濃烈味道不太合襯. 燒賣皮薄而不散, 夾起來也不會糊化, 算是OK. 另一道牛肝菌牛肉酥有驚喜, 外皮酥香層次分明, 牛肉是同集團代理的日山和牛, 油脂肉汁豐盈, 牛肝菌為其提味, 以酥類點心來說真的不錯.小菜如辣子雞及乾炒牛河也是中上水平, 位置來說人流完全沒有問題, 但如果以乳豬作為主打, 說是香港首屈一指的, 在水準和價錢的平衡上, 暫時還未能說服到我呢!Art of Canton is focused on her suckling pig and giving her small portion with high price, the quality is not ba

朋友介紹銅鑼灣時代廣場食高質中菜，非位於10樓的粵藝館莫屬，餐廳已天下第一豬作為招徠，好友共聚大宴親朋必點推介。係餐廳門口都見到現場燒製，即燒無花果天下第一豬，師傅用心製作，乳豬皮脆肉滑，咬落去啖啖肉卜卜脆，好食。食完乳豬梗係要再試埋叉燒，西班牙栗子豬朝香叉燒，叉燒肥瘦適中，有少少燶邊，香口好食，真係食完一舊又一舊。飲埋京都文思海蝦花膠羹就大滿足，花膠羹材料十足，味道一流，感覺飲咗大量骨膠原，超級大滿足完美的一個晚上。

同屋企人慶祝生日特登揀呢間高級粵菜地方闊落，坐得舒服食物估唔到咁有驚喜屋企人都好讚賞一蟹兩藝皇室焗釀蟹蓋及炸軟殼蟹伴陳醋野菜沙律見好多人推薦呢樣就跟點釀蟹蓋入邊有菇同其他蔬菜一齊炸外邊酥脆內裡juicy配上陳醋沙律減低油膩感蔬菜新鮮爽脆👍🏻西班牙栗子豬焦香叉燒 栗子豬比一般豬肉更清甜叉燒燒得好好，外層好焦香叉燒入口鬆軟，同時不失豬肉既口感一D 都唔韌，甜甜地送飯食一流金沙鳳尾蝦鍋巴好邪惡嘅一道菜蝦肉沾上滿滿的蛋黃再配上鬆脆既鍋巴中和真係忍唔住一口接一口

粵藝館，位於銅鑼灣時代廣場10樓，餐廳佈置優雅舒適，以高級中菜為賣點，餐廳門外更有天下第一豬的現場燒烤作為賣點，當然要來試一試。即燒無花果天下第一豬$348，皮脆肉嫩多汁，乳豬皮燒到剛剛好，肥瘦適中，配乳豬醬一齊食，唔會感覺太油膩。西班牙栗子豬朝香叉燒$198，叉燒表面帶燶邊，叉燒不會過熟過硬，廚師手藝高值得一讚。京都文思海蝦花膠羹$188，花膠羹濃稠剛剛好，湯羹材料豐富，啖啖花膠鮮蝦味道鮮甜滿足。

去咗銅鑼灣時代廣場粵藝館品嚐粵菜，餐廳裝修幾靚，地方又夠大，坐得好舒服。 ▪️一蟹兩藝:皇室焗釀蟹蓋及炸軟殼蟹伴陳醋野菜沙律 $238一隻蟹煮出兩道菜式！炸軟殼蟹炸到香脆滋味，旁邊拌上陳醋野菜沙律，配搭唔錯！而釀蟹蓋口感外脆內軟，加上忌廉汁、洋蔥絲相當滋味又惹味，口感一流▪️西班牙栗子豬焦香叉燒 $198叉燒肥瘦適中，帶有少少燶邊食落更香口，整得好入味，肉質淋身▪️金沙鳳尾蝦鍋巴 $288好有心思嘅一道菜，大大隻鳳尾蝦鮮味十足，爽彈厚肉，而下層鍋巴香脆可口，口感豐富。

粵藝館是一間以中菜日化為主題的高級食府，同時亦是一間花膠的專門店。以經典粤菜為本的粵藝館，結合矜貴食材、揉合獨門拿手菜以及日式元素裝潢風格和傢俱融合東瀛和現代元素，旨在將新派粵菜日化料理的氛圍延伸至餐廳環境中。兩側以頂天立地的木調立柱與天花板相接，外延成扇 形和半圓，充滿空間感即燒無花菓天下第一豬 例牌$348西班牙栗子豬焦香叉燒 $198京都文思海蝦花膠羹 $188餐廳毗鄰尖沙咀天星碼頭，白天時可將海天一色的蔚藍景致收攬眼下，到了晚上更可一睹浪漫璀璨的 「百萬夜景」，讓賓客可不分晝夜盡享一覽無遺的維港景致。

粵藝館以經典粵菜為本，中菜日化為題，使用矜貴食材入饌並揉合粵菜細膩之處及東瀛風情，創作出多道獨特且富特色的新派菜餚粵藝館以經典粵菜為本，中菜日化為題，使用矜貴食材入饌並揉合粵菜細膩之處及東瀛風情，創作出多道獨特且富特色的新派菜餚；進一步昇華菜式的口感與味道，為饕客端上色香味皆備的時令美饌。即燒無花菓天下第一豬 例牌$348西班牙栗子豬焦香叉燒 $198十八頭花膠蝦籽柚皮 $388粵藝館同時亦是一間花膠專門店，匠心呈獻各種以鎮店花膠精心烹調的美味佳餚，盡現功架。

今日朋友請食食飯，帶我到銅鑼灣時代廣場10樓粵藝館食一D精緻而有特色既中菜。聽到餐廳坐落於時代廣場就知一定番咁上下高級，個場地相當闊落，佈置上亦有種中國風既典雅及氣派，作為請客既場地便顯得十分大方得體。我同朋友都好鍾意食中菜，皆因中菜變化多端，煎炒煮炸燜燉焗，仲配有唔同派系，真係經常都係新鮮感，而呢間餐廳仲用上外國食材，又有新既衝擊，口味更豐富。我地就試左三個菜，味道濃郁，配搭創新，令人欲罷不能。即燒無花菓天下第一豬 例牌$348西班牙栗子豬焦香叉燒 $198京都文思海蝦花膠羹 $188

跟長輩去食高級粵菜，確是精緻又好味。一蟹兩藝，包括了皇室焗釀蟹蓋及炸軟殼蟹伴陳醋野菜沙律，價錢只需$238，便可嚐到兩種蟹的美食，啱曬我這個中意食蟹的人。蟹蓋釀滿蟹肉，非常滋味；炸軟殼蟹外脆內較，啖啖鮮甜，加上淋上陳醋的沙律，解膩又提升蟹味。例牌$348的即燒無花菓天下第一豬果然名不虛傳，外皮酥脆，皮下脂肪均勻，肉質嫩滑。無花果醬甜甜地幾好味，而師傅就在餐廳門口即席燒豬呢。西班牙栗子豬焦香叉燒 （$198），這個叉燒不得了，厚肉嫩滑無渣，非常好食。

我喜歡食豬多過牛。廣東燒豬和叉燒，絕對不會比高級和牛遜色。今日跟朋友在銅鑼灣食飯，餐廳的燒乳豬和叉燒就讓我一試難忘，加上環境高尚而舒服，非常滿意。即燒無花菓天下第一豬。豬皮超脆，真係脆過薯片；豬肉脂肪少，多肉嫩滑。那個無花果醬更是一流，比平日的海鮮醬更好味。叉燒又係一流，西班牙栗子豬焦香叉燒。外觀非常吸引，色澤光亮，帶少許焦糖色，肉質鮮嫩。此外我們還叫了一道京都文思海蝦花膠羹 。真材實料，鮮甜美味。

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】粵藝館【地區】#Dr_eat_銅鑼灣【類型】#Dr_eat_中式【價位】中價位【用餐時段】晚市【餐廳主打】中菜日化，花膠專門口店────────────────────【環境/服務/衛生】。裝潢優雅大氣。設獨立房間，有私隱度.【即燒無花菓天下第一豬 例牌$348】。淨係聽個名就知夠哂霸氣。外皮燒至如紙般薄脆。底下嘅肉質Keep住嫩滑富肉汁。口感鬆化輕薄。同時乳豬香好濃厚。真係不愧為天下第一豬.【西班牙栗子豬焦香叉燒 $198】。叉燒色澤鮮美，邊邊嘅焦位可見外層焦香脆口。肥瘦相間嘅口感。既食到叉燒紮實又不失肥美感。香而不膩，又帶陣陣嘅粟子甜香.【十八頭花膠蝦籽柚皮 $388】。蒸熟後嘅有柚皮，口感綿密又帶柚子香。十八頭花膠個感腍滑，膠質豐富。而蝦籽嘅加持令整道菜式添加不少鮮味────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】銅鑼灣勿地臣街1號時代廣場10樓1001A號舖【分店】銅鑼灣|尖沙咀【℡】28853390【營業時間】星期一至五 11:30-15:00；18:00-22:3

朋友曾到訪這間餐廳，說食物質素不錯，所以就把飯局約在這裏。餐廳的地方不大，裝修走簡約中國風，侍應的服務算殷勤有禮，但每枱之間的距離頗近，出入時可能會有些不便。蒜片牛柳粒 （$108）這個前菜有8-10粒牛柳粒，算是餐廳內抵吃之選。牛柳煮得不會過韌，蒜香味濃。西班牙栗子豬焦香叉燒 （$198）這個菜式的賣相賞心悅目，就好像藝術品擺設一樣。叉燒肥瘦適中，每件都塗滿醬汁，亦燒得很焦香。濃湯花膠鮮腐竹浸時蔬 （$188）花膠的份量不少，配合腐竹一起吃，很有咬口。上湯味道也不錯，不會過鹹，為蔬菜添上鮮味。黑松露薏米燒釀乳豬 （$1688）這頓飯的重頭戲，雖要早一天預訂。乳豬燒得很香脆，內裏包裹着的薏米和飯，吸收了乳豬的油香，令人忍不住一口接一口。

訂晚上六點，帶顧客去枱，見到枱上有用過牙籤！店員才慢慢清理！叫咗醉鮑魚，鹽水鴨，海鮮泡飯，乳豬，黃金鳳尾蝦，夠膽死上完鮑魚即刻上泡飯，中菜是如何安排的嗎？？一次過上曬所有嘢，有冇諗過顧客食唔切啲嘢凍咗會唔好食？咁嘅價錢，呢個服務，簡直垃圾！！永遠不會再光顧！！