粵廚點心專門店 (已結業)

咁啱呢晚約咗個Auntie去深水埗俾啲手信佢.....其實深水埗都好多嘢食....但係你就要慢慢搵....而且點心點解好多....其實我自己就麻麻哋食點心....難得個Auntie想食就唯有陪佢去.....佢話呢間係佢成日去個喎....唯有去試吓囉......估唔到尼晚深水埗嘅月亮係可以咁圓既睇落點心就唔係好似好多款揀.....😶😶不過帶咗呢個蝦餃同粉果拼盤.....又真係出乎意料咁多料.....啲蝦餃裏面嘅下都幾大隻🤗🤗坦白講.....個叉燒腸就麻麻哋......😏😏個菜份量就少啲.....其實個海鮮卷係有三條.....不過比我食咗一條先影相😂😂真係唔好意思喇最後呢個肉餅飯都幾有驚喜......因為啲肉質都幾有質感....令你有種食完一盅再想食多盅既感覺埋單走人.......😘😘

呢間點心光顧過好多次，佢唔算好就腳，出左地鐵站都要行大約十五分鐘，就算快快步，我諗都要十分鐘，但每次諗起佢地既腸粉，都令我心思思想返黎食。佢呢度既腸粉係即叫即拉，所以點完野食都要等一段時間，最有特色既，本人覺得係呢個特制蝦腸。先用酥脆既網狀春卷皮包住隻隻鮮蝦，炸熟後再用白滑腸粉包裹住，食落係外滑內脆，比起平時食既炸兩好食得多，層次、級數都要高。另外，呢度除左傳統既普洱外，仲可以點綠茶，岩哂不同口味既人黎。

呢間點心既價錢適中，茶錢每位$3，唔洗加一，夠哂經濟。點心價錢則唔算太貴亦唔算平，味道都OK。今次兩個人晚餐，決定點五個點心，夜D再去食甜品。北菇綿花雞，"綿花"超級好味，雖然油油地，但勝在夠軟，口感非常好，雞肉軟度都岩岩好，絕對推介呢個點心。沙嗲金錢肚，唔算好"林" 正常味道，不過有些微小小辣，好彩有綠茶飲。一口焗叉燒包，本身以為得三個，但原來有四個，味道正常，小小甜但呢個價錢下次值得再點。香煎蘿蔔糕，外脆內黏，味道唔錯，可惜只有辣醬無甜醬，但性價比絕對OK。脆皮蝦腸粉，全晚覺得最好味係呢個，最外層先有腸粉，之後脆皮，之後蝦，口感非常特別，味道有蝦鮮味之餘，仲有腸粉味，成啖食呢個點心係正，極力推介呢個點心。

今晚想飲舊茶。所以媽咪提意依間。諗住都懷舊吓。用膠杯飲茶。姐姐會為你加茶。飲得出茶葉用咗一日。唔會想飲得多。點心夠熱外。賣相。味道就不過不失喇。飲完都唔會再去。

今日同朋友出左深水埗睇電子野，行到夜一夜，又唔算太餓，見到依間點心店，自己食幾多可以自己控制，所以毫不猶豫就入左去店內裝修格局都有少許舊式茶樓感覺黑松露鳳餃: 用左蝦餃皮半包住蝦肉同蟹子餡料，黑松露放左係頂，食落幾香黑松露香味，但餃皮有少少乾身，口感有D痴牙，但都算幾有創意既點心醬皇蒸鳳爪: 蒸得多軟身，味道好入味同濃郁柴魚花生豬骨粥: 味道有少許淡，我覺得柴魚花生同排骨係一早已放碗中，再後加白粥咁，粥係煲得好綿，係唔夠應要淆煮既味道豉椒蒸排骨: 排骨幾入味，排骨蒸得好冧身，一咬就好易分離肉同骨，唔錯鮮蝦燒賣王: 味道普通，始終酒樓既更好香茜牛肉腸: 皮好薄好透，口感唔錯，牛肉肉質嫩滑，入口咬兩啖就呑左，牛肉既咸味唔太夠，要靠豉油搭夠先可以整體上過得去同有進步空間，比起其他點心專門店同酒樓仲有些少距離，好既一餐唔好既又一餐啦

係屋企附近見到呢間點心餐廳好耐，一直想試，今日終於有機會試下喇非常好彩，一黎到咁啱有人埋單走，唔駛等位。職員們都好有禮貌，唔錯再睇睇點心紙，食品款式唔算太多，同男友2個人叫左6樣野黑椒金錢肚蠔皇叉燒包乾蒸牛肉燒賣珍寶蝦春卷蜜汁叉燒腸鳳爪排骨飯野食質素唔差，特別係個飯，唔太大，排骨夠入味金錢肚好淋，亦好夠味，試過其他地方既金錢肚，韌到咬唔入，呢間真係整得好好一定會再番黎食

PJ呢排經常要去深水埗揾料，行到好攰，見到有間外觀別緻嘅點心小店，於是便入去抖吓，食番啲嘢補充體力。估唔到去到深水埗都有供應貴價的黑松露點心，只賣$30元一籠，去酒店食，一隻都唔只呢個價錢啦！點心即叫即蒸，黑松露鳳眼餃賣相靚，放了不少黑松露醬係面。急不及待用筷子夾起隻餃，可惜餃皮太軟，又太痴立立，根本夾唔起，夾到成隻餃散哂。最後都係蝦還蝦食，餃皮還餃皮食，黑松露還黑松露食，麻麻地。黑松露野菌餃比較好，用水晶包包住好香嘅黑松露菇粒，放入口香氣四射，推介。煎蛋牛肉飯令人頗失望，煎蛋賣相差，蛋黄煎到好熟。牛肉餅打到起哂膠，好似食緊牛滑咁，無牛肉味。飯得好少，不合比例。燒賣皇好多鮮蝦，豬肉不夠滑，好多硬粒粒，好普通。裝修上，整潔帶有懷舊氣色。牆上有一幅香港海岸線嘅圖晝，非常搶眼。