粥麵皇 (已結業)

第一次偶然去幫襯佢哋，食咗個京都炸醬麵同鵝腸豬潤粥，麵同粥俱佳，果然不負其店名。市面好少有靚嘅鵝腸，佢哋嘅都算肥美，唯因為多油，用嚟送粥會較好。另一次隨同事去食，雖然店外大排長龍，但不消一刻已經可以入內。同事食嘅冬菇牛筋麵，冬菇大而腍，咬口好好。我自己就叫咗個肥牛撈麵，都整得好彈牙。臨走叫咗個瑞士雞翼行街，但依個決定唔係好明智，一則即叫即整要花時間等，二來試過之後發現味道極一般，事關佢哋只不過係將五隻雞翼求其放落啲油到煮，然後再淋啲瑞士汁喺面，根本完全唔入味，屋企整都好食過佢，仲要外賣加一蚊。依廿一蚊俾得好寃枉，即使老細都話佢哋甚少有客人叫，我真係唔醒目。人家叫得做粥麵皇，就係淨係食依兩樣嘢好喇。

今天4人來lunch,因來時12點都未到,好多檯。叫咗:1)肉丸粥x2-1碗有4/5粒(either one,唔記得)肉丸,粥底幾有甜味,唔太鹹,適中。唔喺煲到"溶"晒好綿嗰種,你還可以見到d米煲到爆開,都綿滑。肉丸味道也不俗2)油菜撈麵-是生菜幼麵+蠔油+1碗上湯-友人說麵質不錯3)冬菇肉丸米線-d菇好肥大,但見友人d湯好快比米線"索"晒4)鵝腸(1碗)-鵝腸是濕上,放在清湯。水面都幾肥幾油-鵝腸質感軟,唔能夠說爽,要蘸跟附上的豉油,小辣才有味,一般-服務唔差,友人要求1碗肉丸粥要多蔥,waitress端上來時說如果唔夠可再加

最初未有踏入粥麵皇是因為不喜歡它的格局，但偶然一次吃了一碗米線後，發現它的質素實在是好，米線軟滑，咬落又彈牙。它的價錢不算平，但物有所值。我還未吃過它的粥，所以只推介麵食。冬菇肥大肉厚、鮮黑栢葉有”趙”頭、豬潤、鵝腸肥美爽脆、肉丸香軟juicy。可惜，試過一次鯪魚球，非常失望！！太腍，半點也不彈牙，不彈牙的鯪魚球是下等貨，難食！！！還有，這裡的老闆態度呼呼口喝喝，非常很寸。

而家不是每間粥舖有及第粥賣這裡的及第粥,豬肝唔”鞋”,豬肚有一塊有異味其他材料ok粥底初頭好”綿”,但吃多幾口,已經變稀炒麵-味道一般,不過夾起過”一餅餅”

兩個人想吃粥, 朋友建議到粥麵皇. 好, 且與金華一決高下. 要埋身比拼, 各派一碗肉丸粥上擂台. 肉丸: 竟然是外表一樣, 味道一樣, 極離奇. 但粥麵皇的較大較"肥美".粥底: 論綿不夠金華綿, 還有味精!!!! 犯了規, 紅牌出場. 結案陳辭: 台主勝. 請鼓掌.

上學前忍不住要吃點東西下肚, 其實不餓, 只是想食, 就專程早一個站下車來到這裡吃了一個魚腩粥。無論是吃麵吃粥的, 都會奉上辣豉油一碗, 但豉油香味不及生記, 就算放於粥面上之香蔥也不及生記的香嫩。碗內盛了三大件鮮滑魚腩, 但跟其他店的都是相差不遠, 咀嚼時一路想, 為何咀嚼了良久也有渣的呢？望落帶有槳糊感的粥底, 很有味道, 不知是否味精關係, 吃完了兩個小時後仍覺得口腔內有種 的感覺。

呢度係我compare 中環粥店肉丸粥o既第二站．．．佢o既肉丸粥幾大碗（我見其他人o既麵都好鬼大碗, 抵！），大粒肉丸有６粒，我呢日唔太餓，ｌｕｎｃｈ食剩兩粒，ｈｅｈｅ．．．大粒雖然大粒，味就不及黃枝記ｏ既大地魚味正，不過佢加咗ｄ蝦落去，味道都算唔錯啦。粥就真係要讚啦，勁綿（係我暫時食到中環最綿），正呀！呢度ｓｅｒｖｉｃｅ都幾好，朋友食咗野冇叫野，員工都冇咩，ｏｋ有禮貌。

一入到鋪頭，好忙、好多人、排左3分鐘隊就到我地啦(2個女仔)services 幾好…因為我今日拎住個大bag bag 去，佢就轉個「大」d 既位俾我，叫佢抹一抹張枱佢都肯，冇黑口黑面俾我睇。入到去見到枱枱都食冬菇，我本身都幾好「菇」既，咁就叫左個冬菇水餃米線啦！見到枱枱都叫冬菇又叫米線…好快有得食啦！見到d 冬菇大大隻肥大肉厚！觀感唔錯。水餃得2粒…(20蚊雙拼)少左d 囉…不過真係好大隻@.@ 先講米線，我覺得米線要「林」得黎有d 彈牙先好，呢度就合格啦！米線軟綿綿、好滑、咬落有d彈呀，好快就會「雪雪」聲食哂~~~再黎就水餃，入面個餡幾好，蝦、肉同入面d菜溝埋d 幾好味。最後係冬菇……唉…呢個有d失望囉，我覺得佢太鹹啦！無錯，係用蠔油「炆林」左，但係太鹹啦…將冬菇味都趕走哂……口感就ok 既，林林地咁，佢勝在夠厚夠大隻囉…聽人講d 粥同黑栢葉都會好味喎…希望第二d 野會有突破啦！

吾系今日比兩個舊同事拉左來，我都吾知開左哩間麵店。見到檯檯都叫左冬菇，好似好正窩。我地叫左鯪魚球豬潤米線，冬菇水餃米線同冬菇菜肉餃米。中環地區食店當然系好快就上檯，冬菇用蠔油燜過，大大片又滑又香，水餃都好大舊有以前灣仔五龍水餃的影子，企圖一啖食曬都吾成功，正。鯪魚球吾死實，但系又會彈牙，真係好神奇；豬潤片SIZE 無羅富記果D甘大片，但系都好鮮同剛剛好，吾會太老或者吾熟！大概＄20-＄25一碗，抵到爛啦，同隔離羅富記有得FIGHT，唉呀，吾記得囉張外賣紙添～～

星期日要返學, 放食飯, 有人想食粥, 但又有人唔想, 結果有人建議呢度.一行五人, 叫左豬潤粥x2, 魚片粥, 水餃米線及麵各一. 豬潤好大塊, 堆到個碗都好滿, 友人的評語係唔過熟過un, 無"壓"味, 同埋好飽(因算大碗). 水餃的評語都唔差, 味道幾好, 入面的蝦好大隻, 但一碗只有三隻, 可能因size大的關係. 我的魚片粥都唔錯, 魚片唔霉兼無乜骨.另再加左炸鯪魚球同油菜, 鯪魚球本身幾好, 但跟上的蜆介醬就好稀, 碟油菜就一般啦!見人地的黑柏業同冬菇都唔錯, 下次試試先!

一向不太愛吃內臟﹐但原來內臟﹐如豬肝、豬腰等﹐除了有豐富的維他命B外﹐重有份量不少的葉酸。葉酸有抗抑鬱的作用﹐據說吃了可令人開心點。於是在心情麻麻時﹐又去吃了一碗魚腩豬腰粥。吃完後是不是開心點﹐唔知呀。我淨係知又加了價﹐現在是24元喇。

距離上個食評一年零四個月﹐但唔使擔心﹐佢中午人頭湧湧﹐插針都唔入。的麵好大碗﹐冬菰好大隻﹐有時大隻到嚇襯人﹐真係試過的女仔見到咁大隻冬菰笑到收唔到聲﹐以為假的。粥好綿﹐而且用料十足﹐魚腩豬腰粥用五、六塊成幾寸長的魚腩﹐豬腰又有六、七塊﹐好新鮮。今日試個魚腩蠔豉粥﹐其實我不太喜歡食蠔豉﹐但就考驗下佢到底會唔會好味到令我覺得好好味﹐答案係﹕「唔係」。我依然覺得蠔豉唔好食﹐不過的魚腩真係好滑。

好鍾意食呢度d 粥,夠綿又足料,配搭又多,食極唔厭,嘻嘻<br />米線都好好,最鍾意雲吞/水餃/黑柏葉/肉丸/冬菇,全部都新鮮又好味<br />最欣賞係佢地既油菜,係我食過咁多間粉麵鋪整得最好既！'焯’得剛剛好之餘又大大碟,正!!<br />

8月19 日早上，非繁忙時間，在粥麵皇叫了碗皮蛋粥，邊望餐牌邊問那女侍應有沒有齋腸，佢話有，我說怎麼不見餐牌有寫，佢答：「我話有就有。」OK，我想可能是新加食品吧。端來一碟100% 全白的齋腸，連一點豉油都欠奉，跟著佢在地下一個櫃裏拿出來二支像豉油和油的東西，樽身油立立，我看見腸粉死實實，試用手指拈一拈，微暖，像放在廚房裏一些時日，總知不是新鮮做的，我問她可否用微波爐熱一熱，她說沒有微波爐，問我要唔要，好彩我仲有得揀，挭係唔要啦。仲有，呢度D 女侍應合群程度極之一流，有個小女孩在一旁包雲吞定水餃，個個行過去都會幫佢包一、兩粒，自己又要做埋落單，遞粥遞麵，抹台，收錢….我就親眼見到呢個十項全能的放低了那塊抹台布後，拿了點零食往口裏送，手還拈著她的口水時，去幫小女孩包雲吞，跟著有人要埋單，佢又做埋，對手還沾滿麵粉。其實佢地有四、五個女侍應，找個正式坐定定收錢都得掛。我最唔忍得又收錢又拈食物的員工。我知呢間野好多人去食，好多人都唔計較衛生問題，但我就係咁先啦。

初初開o左呢間粥麵皇個陣, 我好crazy, 食足成個月都唔厭, 人多排隊就外賣, 有D 懶鬼同事搭單又買, 食到個個阿姐都認得我.....其實呢度又係七喜個D o野, 但呢度份量同選擇多D, 水準穩定, 貴少少都OK. 我個陣最鍾意柏葉鵝腸米線, 冬菇水餃麵, 魚片粥....炸鯪魚球仲大粒過羅富記, 只係蜆芥唔夠佢咁'臭', 油菜都算係中環粥麵鋪之最(好食抵食), 堂食加個樽裝可樂正到痺, 所以卅度化晒粧著埋suit 都照o黎幫襯, 幾鬼癡心/ 線呀!