影片
港铁中环站 D2 出口, 步行约4分钟
继续阅读
营业时间
星期一至五
12:00 - 15:00
18:00 - 23:00
星期六
18:00 - 22:00
星期日
全日休息
以上资料只供参考，请与餐厅确认详情
4样𩠌逐样讲地狱七重天花枝辣嘅头盘，薄切花枝片配好多种唔同嘅辣香料，原本以为会好辣，食落又唔觉，反而感觉到一种清新，落单时服务员强调加左墨西哥辣椒，话好珍贵，总共七种唔同辣香料，虽然我唔识咩系墨西哥辣椒，但确实系辣中带香，亦会啖啖都食到相似但不相同嘅辣味，而且花枝片亦高质兼弹牙，very good。水煮海班球乌冬第一眼望落去嘅感觉就系哗驶唔驶咁多旧鱼，份量真系好足，估唔到会多成咁。而一般水煮鱼要好食其实都要预先煎一煎，即系传说中嘅水煮油封，所以会比起清蒸更惹味，咁呢碟水煮鱼嘅鱼肉都仍然几结实，有味得来亦有口感，亦冇遮到鱼嘅鲜味，非常唔错，而且用嘅乌冬底都几弹牙，成碟都好有水准。香茅脆皮炸子鸡讲卖相，绝对一流！至于味道其实都几有新鲜感，但以我对香茅冇特别好感来讲，OK好味，不过最想知系佢点样整到D香茅入到鸡入面，真系唔知佢点腌得咁入味，讲返只鸡，煮功到家，外脆内嫩，好过普通酒楼何止两级，配香茅绝对系一个好嘅尝试，至少热爱香茅嘅朋友唔需要再不停食香茅猪扒！香菌海虾墨鱼面超正嘅墨鱼面！一般食墨鱼面都预左好咸，但呢个唔同，有墨汁香，咸淡适中，好弹牙！近一年内食过嘅墨鱼面之中呢个最高质，反而牛肝菌汁变左配角，汁好浓、好重味、但唔算杰，都几易捞埋D面条一齐食，其实己经十分惹味，但D墨鱼面无论味道抑或口感都实在太正！做唔到主角！中环来讲算抵食，高质系重点，创意同特别都要加分，有机会系会再去。
继续阅读
星期五同两位好姊妹一齐食晚饭，选择左去中环一间粤菜。嚟到 California tower 嘅粤桂楼，之前其实都嚟过一楼嘅酒吧但唔知道原来2楼系一间粤菜。入到嚟觉得呢度装修几高级，不过系2楼都可以望到一楼嘅DJ枱同埋灯光，感觉好得意 经理递上餐牌同我哋介绍咗一啲推介菜式，我哋就点餐啦。前菜系黑鱼子流心熏蛋，鱼子味好香！主菜我哋每人都拣左一份羽衣甘蓝龙趸球，知道雨衣甘蓝系今年火爆嘅超级食物，用系粤菜里面显得厨师嘅心思。鱼肉十分滑，旁边绿色的系蛋白。鸡枞菌千页豆腐，呢个虽然等左有啲耐但系见到豆腐真系一片一片咁切出嚟又细滑又薄身，厨师刀功真系精湛！个汁食唔出系乜但十分之好味。椰香脆皮烧春鸡，鸡外脆内软，而且椰香味浓，非常推介！甜品我地叫左贡品桃胶豆腐花，黄色系类似creme brulee 的味道（唔记得个名），紫色系紫薯布甸，三款甜品都好好味而且仲有干冰嘅烟雾效果一想你三个女仔就即刻相机食先啦！食到好饱之后经理仲送咗个凤梨酥，系厨师亲自烘培，绝对不输台湾凤梨酥！另外见到佢哋午餐餐牌，价钱比较实惠非常适合喺中环返工嘅上班族作商务午餐。
继续阅读
Had set lunch with my friend. This restaurant boasts modernistic decorations and nice atmosphere. Perfect for chat. Appetizer soup was very rich and the taste was just good. Shrimp with scrambled egg is very nice and good for serving with rice. Chicken with soy bean and onions is another delicious dish. Dessert is cha cha sweet soup which is as good as the rest of the meal. One of my favourite Chinese restaurants for lunch in Central.
继续阅读
中环兰桂坊约食饭见客又多个选择，Fovea价位中等，但啲菜就好特别同一份贵气，睇图就明架喇！春暖花开笑迎春全素头盘，头盘主要都系帮食客开胃，所以都系酸为主，比较特别系一款用鲜淮山混合左芒果汁，好有新鲜感，鲜淮山真系第一次试，有惊喜，另外金梅凉瓜爽，都算几酸，但酸之中又带少少甘，都算系近期之中最特别嘅头盘。飞雪蓝莓黑豚肉卖相系类似糖醋排骨，但系一来系用黑豚肉，二来系用蓝梅汁，所以个味有啲唔同，黑豚肉唔算肥，唔驶担心好似食肥膏咁，味道都有惊喜，相信系蓝梅汁带出左啲肉味，唔错！少少糖霜营造左飞雪效果，主要都系为左卖相，唔会令道菜好甜，值得一提系每一件黑豚肉大小形状都好接近，大啖少少都可以一啖一件，都几细心，好高水准！龙皇野菌飞鸽圃非常好食有惊喜ge一个菜，因为好好食，我就好仔细咁睇真啲里面系用咩整，首先佢系用起骨起肉再绞碎，仲捞左少少虾胶，再酿返入只鸽再炸，钟意啖啖肉嘅朋友一定会好钟意，因为乳鸽好多人钟意食，但系就唔系咁多人钟意佢有骨，呢道菜就冇晒烦恼，系好得，味道比普通乳鸽重少少，口感就大幅提升左，要推介！浓汤竹笙花胶素翅未上枱嘅时候以为系一煲咁上，原来系一道菜，卖相好靓成个圆型 (有啲可爱feel)，竹笙模酿花胶丝素翅蟹肉 浓汤底味好够，一啖入面有汤有花胶有蟹肉素翅，口感几好，唔知点解食落有好grand嘅感受，几有趣，系特别嘅！呢餐真系几满足，一来啲野好食，二来系呢个价钱但每道菜都好有心机整，值！
继续阅读
兰桂坊近年私房菜多左好多餐厅或者私房菜，好多水准真系唔错，有时见客都适合直接约after lunch时间去一路试菜一路倾，而呢度气氛偏暗，好啱倾密计!三菇六耳泡乌冬食得多日式乌冬，通常都系豚肉呀牛肉，全素乌冬我估就冇几多人试过，所以趁第一次见就order左呢个三菇六耳泡乌冬，首先佢呢个乌冬睇落真系一滴油都冇，连汤都系素，清得好紧要，不过又唔会话好淡，然后就开始试下D乌冬，好明显系手打，有食开乌冬都会分得到手打乌冬系会比较烟韧同埋滑，几好。至于味道就真系好清好素，但又会话无味，三菇六耳就各少少咁啦，加两条白菜，一人份量叫做啱啱好咁。如果要评呢个乌冬，味道几好，但系确实好特别，其他地方冇！凤梨鸭松黄金炒饭呢个饭又系其他地方唔会有得食，向来我食炒饭会第一时间注意，就系睇佢油唔油腻，好多地方D炒饭一系就好油，一系就好湿，所以如果见到油腻炒饭或者湿到不似饭形我通常会即时扣分，fovea呢度嘅炒饭就睇落干身爽口(至少今次系)，另外睇炒饭炒得够唔够均匀，因为配料都带唔同味，一唔均匀呢，成个饭就格格不入，呢个就考炒功，咁呢个就通常都合格嘅，呢个饭合格有余，呢个饭仲有少少特别就系用左鸭松，都几重味，夹埋菠萝嘅清甜令成个饭D味道好易入口，同埋好易记得个味，可以重覆再试嘅一个饭，good！总括来讲Fovea粤桂楼几适合见客时lunch去，价钱中等，但菜试同水准都见得人，个乌各更加可以氹到D食素嘅客，包冇衰！
继续阅读