粒粒果甜品 (已結業)

賣萌！賣萌！打咭一流。走年青人路線，新派有意念的一間甜品店，今晚行經旺角廣華街，被一間燈火通明，五顏六色的店吸引，走前一看原來是甜品店，難得偶然，試下又無防。翻過餐牌，款式比一般的甜品店有新意，另我眼前一亮，心大心細，終於決定兩款少見的。水果星球 $42水晶晶，亮晶晶，超萌！有點捨不得吃掉。外層透明的相信是椰青水製造的，內裡藏著生果，即時想起兒時的波子棋。我選擇了芒果汁西米，再配以新鮮時令水果，味道清甜透心。紫色夢幻 $48色系配搭鮮明夠搶眼。畫花了得。最特別將生果片不偏不倚地型造出效果，拍照扼like第一。這個紫色夢幻採用了藍莓，奶，乳酪所調配，加入了奇亞籽，超級健康飲品。質感濃稠，香滑不太甜膩，我鐘意噢！

同友人兩個人嚟到門口，見到前面有十幾個人等緊位，但係我哋都係大約等咗十分鐘就入到去坐啦。地方就唔係好大，坐得有啲迫，但係都還好嘅。咁同友人就兩個人嗌左兩碗糖水，都係水果星球系列，一個就嗌咗芒果西米，另一個就嗌咗椰汁涼粉。先講芒果西米，但底似係用啲芒果濃縮汁較出嚟，唔係話真係用真既芒果brand出嚟嘅芒果汁，有啲過甜嘅感覺，西米還好。至於所謂既水晶星球就係出面係啫喱然後包住粒生果，你會覺得過癮，但係唔係話十分之好食。至於個椰汁涼粉就好過個芒果西米，不過椰汁味都唔出，唔會有好香既椰汁味，但係值得一讚嘅係我幾鍾意佢嘅涼粉切到細細粒，方便女仔食生果方面，芒果有啲酸，我喜歡，但友人卻食到皺曬眉頭 西瓜不太甜 感覺不太好，蜜瓜係最正常最好味個人覺得甜品既賣相，影相打卡係唔錯嘅，但係如果話味道既話 ，本人就不敢恭維啦。 我亦都冇勇氣試多一次 感覺上 近幾年甜品鋪愈開愈多，但冇乜邊間係令我有再想食既衝動

周五由中午飽到收工，所以甜品當Dinner！試下呢間廣華街新開無耐嘅粒粒果。晚上嘅8點，暫得一桌客人。雖然我入黎時包場甘制，坐左幾個字之後，全場滿晒。價錢相對同區都較相宜！我就比佢特色嘅水果星球吸引左入黎!水果星球 （配芒汁西米）$ 42有5粒晶瑩剔透嘅雜果啫喱波波，超癒療！水果多多、可選芒汁或椰汁底、西米或涼粉。 芒汁酸酸甜甜同水果更夾。珍寶芋圓仙草$32珍寶芋圓最特別之處係有餡，口感依舊煙韌QQ!除芋圓仙草外，仲有紅豆、珍珠、椰汁底！足料好味～思慕雪 系列 #香芒戀人$48呢杯令我最有驚喜，杯上彩色拉花神還原，仲靚過menu ！以為圖片只供參考tim! 口感好綿滑、芒果奶昔唔會好甜藍莓沙冰 $32味道天然藍莓味，甜度唔高，不錯！牛奶小方 $18細細粒、一啖一粒。固體方形嘅牛奶布甸！食左5樣野埋單都唔洗$200！

同男朋友喺旺角食完飯，慢慢行到嚟呢間粒粒果甜品，見到門口張poster好靚，寫住精緻水果星球，賣相好吸引，最終忍唔住入咗去試下。餐牌嗰度分開咗幾個唔同系列，有思慕雪系列 (提提大家：下午3:00 -8:00先有架)、皇牌甘露系列、水果星球系列、芒冰系列、草莓冰系列🍨、 雪花冰🍧系列、奶酪布甸系列同埋芭菲系列。樣樣望落都好似好好味咁，真係唔知揀邊款好。最後， 鍾意食芒果同士多啤梨🍓嘅我終於揀咗個芒果雪之國(配芒果雪糕)， 可以一次過滿足幾個唔同嘅口味，有雪花冰、生果同埋雪糕。🍓🍨🍦水果星球嘅星球係用蒟蒻整成，生果裝喺入面，有西瓜🍉、芒果同奇異果🥝，粒粒晶瑩剔透，好似水晶球咁，見到都唔捨得食，口感煙韌，有Q彈嘅感覺。客人可以自己選擇配料，可以跟芒汁西米/芒汁涼粉/椰汁涼粉/椰汁西米， 芒果控嘅我真係啱晒，我揀左芒汁西米，芒果汁又香又甜，加埋新鮮嘅生果，非常juicy，真係大滿足。其實仲有好多款甜品都好想試，不過實在太飽飽啦，唯有下次再黎幫襯過啦！

番工忙到無時間食飯，所以收工想同同事去廣華街食個甜品開心下，行經見到呢間甜品鋪未試過，一於入去試試。裝修幾新，因為時間尚早所以無咩人，可以坐低慢慢食。餐牌的食物同其他甜品鋪好唔同，有好多新奇吸睛的款式。榴槤甘露配綠茶雪糕 ($53)，將榴槤換成芒果的楊枝甘露，再加上一球綠茶雪糕🍦。一大球榴槤蓉，好正呀，西米同西柚的份量都好多，店員好貼心比左兩個小碗我地share食。粉紅季節($48)，呢杯其實係飲品來的，士多啤梨smoothie，有一層chia seed起下面豐富左個口感。呢杯smoothie 的質感比我想像中稠但重奶味。 個拉花圖案影相握like一流，原來唔係淨係飲咖啡先有拉花。但兩款甜品我都係較喜歡個榴槤甘露多d，無辦法，個人太重口味。

見到靚靚的甜品，我就系忍不住想要試一下，明明同自己講好左，要戒甜食，但又經不住誘惑！好在呢間甜品鋪有思慕雪系列，即系yogurt底的生果特色甜品，不僅樣靚靚可以打卡影相，仲要十分健康，十分岩女仔食。魔法森林：牛油果味yogurt,透著清香，拉花十分漂亮！香芒之戀：比魔法森林香甜，果味十足，有碎果粒，口感豐富。榴槤星球：賣相非常漂亮，有幾粒含有榴櫣的透明水晶球，好得意！珍寶芋圓配桂花湯底：可以揀熱或者凍，包心芋圓有陷，好Q!配上桂花湯底，滋潤又好味！

某日下午跟朋友在旺角逛街，走到腳累好想坐坐。知道廣華街附近好像不少好hea的cafe。還沒找到心水café前，經過這家甜品店，剛好我們倆人都不嗜咖啡，愛甜食，馬上被餐牌吸引了進去。環境也不錯，非繁忙時間人不多，似乎可以抖抖傾下計。-一人點了一個甜品share食，很愛waffle的我直接選了士多啤梨waffle.朋友是榴槤控，問了我吃不吃榴槤後，就選了榴槤星球，涼粉底。-Waffle是站起來的兩個心型，暖暖地外脆內軟，即製的自然不差。前後有雪糕陪襯，可惜雪糕質素一般。周圍淋上草莓粒草莓醬，酸甜開胃。味道不錯。情侶食應該仲開心，夠哂sweet。-榴槤水晶球晶瑩剔透，應該很花工夫，類似大菜糕的口感但更軟嫩一些，裡面榴槤質素比想像中好，香甜綿密；一羹一粒連同花奶送入口，正，一下子就KO。還好尚有其他鮮果，芒果西瓜哈蜜瓜都幾甜，看來選材不錯，新鮮。涼粉底清熱消暑，好適合在外面逛到熱辣辣的我們。-整體吸晴又好味，又打得卡又食得，值得一讚是環境舒服不侷促，hea了一段時間都沒有白眼我們，悠閒滿足的下午。

旺角呢間新派甜品舖：粒粒果甜品，主打賣相吸引嘅思慕雪(Smoothies)系列，果汁表面上畫上花紋，打卡呃like一流。粉紅季節 ($48)士多啤梨Smoothies賣相靚靚，而且非常足料，杯底有一粒粒小珍珠，飲落夠飽肚~店內亦有其他賣相特別嘅甜品，例如一粒粒圓形嘅水果啫喱「水果星球」。水晶星球（配椰汁涼粉）($40)，水晶球圓碌碌好可愛，水晶jelly入面包住唔同嘅生果，椰汁加雜果顏色夠繽紛！士多啤梨沙冰($32)，rich strawberry taste!士多啤梨迷至愛!追加一客士多啤梨窩夫($46)，有兩球雪糕，揀左士多啤梨+雲呢拿味，窩夫焗得香脆，又香噴噴!!!今後路過旺角又有新甜品落腳點了!

在香港總有一間甜品店在左近，尤其是在旺角呢啲旺區，一條街可能有三四間都不出奇。今日和朋友吃過晚飯後再來了這邊甜品舖林立的廣華街。見到呢度新開左間標榜以鮮果做甜品的鋪頭，餐牌比一般甜品店更色彩繽紛，而且種類都比較多。古草芋圓仙草配料很豐富有芋圓、地瓜圓、紫薯圓、西米、紅豆、珍珠以及仙草做底。芋圓軟糯有咬口，汁底用上古早黑糖，但不會太甜仲帶有少許藥材味。水果星球（芒汁西米）這個外型非常討好，啫喱球本身就沒有什麼味道，不過入面的生果就好鮮甜士多啤梨窩夫窩夫絕對係出類拔萃！烤得外脆內軟，就算放耐啲都仍然維持到哩個質地配上士多啤梨醬及雪糕。雖然有啲甜，但都冇影響呢個高質素嘅窩夫紫薯水晶湯圓 (茉莉花湯)水晶湯圓外皮煙靭有咬口，紫薯內餡唔會過甜，配合花香味十足的茉莉花湯就更顯得呢個甜品嘅不平凡整個甜點的重點不是在於甜，而是在於花香和紫薯香拼砌出來的獨特配搭。這個是今晚覺得最有驚喜嘅甜品

今日行旺角，想食糖水同飲下野，去左好景商場再行後少少個到揀左呢間糖水店。7點幾、8點黎食糖水會唔會太早🤣牛奶小方$18牛奶小方糖表面有點椰絲，食落去好香濃既牛奶味，呢個我覺得好抵食👍🏻👍🏻👍🏻👍🏻草莓戀人$36士多啤梨🍓有點酸，配埋甜甜既雪糕🍦又好好味😋有椰果，西米露，小丸子煙韌，味道唔錯，唔會話好甜。香芒之戀$48呢杯系朋友既，一黎到見到同餐牌一樣，有拉花，好有心思。😍藍莓思慕雪$38奇異果🥝切得好薄，擺得好靚，睇得出好花心思❤️ 奇異果唔酸，營養豐富，健康飲品❤️👍🏻 芒果傾斜奶酪$38有燕麥片，杏仁片，配乳酪。芒果系超級超級好味，好好好甜，一啲酸都冇😍😍😍👍🏻👍🏻👍🏻有d椰果，有d提子🍇乾粒系入面，成杯野好有層次，好有口感。👍🏻環境幾好，坐得好舒服👍🏻店員好有禮貌

-下班了最幸福莫過於有好友等你一起去宵夜比甜品更甜㖿❤️-桂花紫薯湯圓甜湯是清香的桂花味湯圓味道也算不錯不過湯圓的外皮部分是很明顯還有一點點白白的吃下去就確定是根本沒有熟透是有點失望的-古早珍寶芋圓(熱)芋圓是挺Q軟的而且裏面是藏了芋泥可惜甜湯不夠熱而且好像有點太甜(對我而言)

早前在OpenRice 見到已經心心眼。今日又長征回家就決定吃這個。有了目標，就是行得沒那麼辛苦😆。沒多少人會像我那樣甜品當晚餐。所以7:00人影都沒有也不會令我卻步。而且這裏裝飾得淸新，感覺良好。其實選擇很多，也有很多想試。但我還是堅持要了一早在OpenRice食評裏看中了的。水果星球（配芒汁米露），$42。對我來說更像小時候玩的波子琪。如果整一個6人份迷你棋盤，相信能呃很多like😁。似日本啫喱入面有果肉那種。啫喱有口感，而生果鮮甜爽口，是主要的味道來源。感覺沒加糖，是用生果帶出甜味的，蠻建康。魔法森林，$55。靚到呢。那個用來拉花的味道酸酸的。口感順滑清新，不濃的牛油果味道，底下是亞麻籽。那三塊是士多啤梨，應該裝飾用，因為有點酸。一個人差不多$100吃晚飯看似有點豪。但以甜品來說其實價錢合理😂。創意都值錢嘛。至少我沒見過甜品拉花和水果星球，豪一餐吧👍。

今次晚飯後到訪了粒粒果甜品店。附近不乏類似的店鋪，見到這家特別光猛，裝修企理乾淨。晚上7點多到達，時間尚早，因此店中只有我們一枱的食客。點了的士多啤梨芭菲層次不多，用料較簡單，雪糕，豆腐布丁，一些米片，椰果，士多啤梨醬，算對得起價錢。味道不過不失，甜度是可以接受的。另外，點了杏仁茶豆腐布丁，溫度只屬微暖。第一口覺得帶點酸味，慢慢才飲出杏仁味，也帶點未完全打滑的杏仁粒粒口感。

係旺角行到累，又熱又多人，一直沿食街行，見到一間特色甜品店，叫‘粒粒果甜品’。快D入去補充下元氣。水果星球配椰汁西米好得意好得意好得意！唔同的水果係彈彈波入面，真係好似星球。隔離枱都指住話要一份配上椰汁西米，大量新鮮水果，好香滑，好清爽！呢個配合好好味。芒果窩夫點餐時，聞到廚房傳來香噴噴的窩夫，明明飽飽地都想吃一份。冷熱交融，新鮮芒果肉，即整熱辣辣窩夫，芒果味雪糕，而且係二球雪糕，有一球收左係後面，同朋友一人一球，清碟窩夫新鮮熱辣勁好味。影定下次吃埋其他款係好景後面附近，好易揾。

收工同friend就即去食個甜品做晚餐，旺角廣華街呢邊有好多甜品舖，最後比哩間既大大粒芋圓吸引左menu有好多選擇，有埋中式同smoothie.叫左個水果星球，配芒果涼粉，啲星球好靚丫，整得好精緻，好吸睛，QQ彈彈的，天氣咁熱食完呢個好爽珍寶芋圓仙草配古早黑糖，熱食，有蕃薯丸好鬼大粒，食到有淡淡的蕃薯同芋頭味，食完有點飽肚，仙草好Q 好滑，仙草分量再多啲會更加好豆腐布甸杏仁露，我至愛，有濃濃既杏仁味，入面加埋件布甸一齊食就更有囗感strawberry waffle, 賣相好靚，都脆既，如果再厚身啲，就更加好了