米走雞Deluxe (已搬遷) 新店位置

性價比幾高的一間火鍋店 和朋友在銅鑼灣找火鍋店 叫左啲打邊爐基本嘅嘢 例如肥牛響鈴炸魚皮芝士丸娃娃菜等等 首先先食左雞煲 雞煲叫左小辣 因為有朋友不是吃得很辣 小辣來說麻香的確不錯 朋友們都說好 一開始覺得加咗水打邊爐味道會好淡 但係最後結果還不錯 食物質素也很好 對於一間不是任食的火鍋店 價錢不算太貴 肥牛能看得出不是很平嗰啲 有機會可以去再食 叫一些啤酒 和朋友吃個晚飯打邊爐 是一個很不錯的地方 員工們都很友善 是一個10分推介的火鍋店

平時麻辣雞煲就食得好, 芝士雞煲係第一次食～～最近同好友黎到 CWB 咪走雞食芝士雞煲, 食完就打邊爐！！一開始，店員先拎醬料比我地混醬～之後我地揀芝士既份量，我地填左＂激多"～～果然，一黎個雞煲，雞煲上面鋪滿哂芝士。芝士味道濃厚，滾熱後，仲有拉絲！！雞件食落嫩滑，而且份量都幾多。。。食完啲雞，就可以同店員講加湯打邊爐～～打邊爐料都幾多選擇，食左咁多雞肉，我地揀D 清清地既野~EG. 金菇、蘿蔔、鯪魚丸、豆腐、手打蝦丸~金菇、蘿蔔都健康美味.鯪魚丸好香口，豆腐嫩滑、手打蝦丸非常爽口彈牙。OVERALL 價錢合理，環境又坐得舒舒服服，值得一試。

自從跟過同事去食米走雞既雞煲後 每個月都總會心思思想食💁🏻‍♀️💁🏻‍♀️今次有5個朋友一齊黎 所以可以嗌兩款細雞煲 分別係芝士雞煲同火焰麻辣雞煲 最鍾意麻辣既我 緊係二話不說坐去麻辣雞煲嗰枱 一上枱侍應就會淋一圈火椒油 再點火 雖然見過幾次 但係每次都忍唔住錄低佢火焰麻辣雞煲- 一入口甜味較重 後勁先會有啲麻辣味湧出黎 再加上其他既配料 例如洋蔥 蔥段 芫茜等  味道好有層次! 食到咁上下就叫待應加湯 係時候打邊爐喇🙌🏻🙌🏻🙌🏻火鍋配料有好多種 我私心推介既有 牛頸脊 蝦中寶 竹笙墨魚滑 響玲 樣樣都會吸收到麻辣湯底既精華 一咬落去爆汁 超好味環境雖坐得舒服 但隔音效果普通 以致食客 店員都大聲說話 😅

小份大辣火焰麻辣雞煲，內有大量洋蔥、芫荽、中芹、辣椒乾，雞肉肉質嫩滑，食落麻辣兼備。麻辣湯底，味道惹味，配以麻辣雞煲醬料，雙重麻辣。半份M5和牛餃，皮薄餡多，和牛牛肉口感紮實，牛味濃厚。全份牛柏葉，份量多，食落好爽口，容易入味。全份番茄，味道酸甜。半份生菜，口感爽脆，食落好新鮮。半份豆腐，口感滑溜，豆香味濃。2枝津路烏龍茶，茶味濃厚、不苦澀。2份醬湯，包括有豉油、麻醬、指天椒、芫荽、香蔥、炸蒜、蒜蓉。

🧀米走雞🐔🧀黃金芝士雞煲（小）2-3人份$208芝士碎份量可以自己選擇😌👧🏻當然揀左［激量］芝士，雞煲上檯的時候，芝士粒完全佈滿哂見唔到雞件😍🤣雞肉好嫩滑，大部分都係雞脾肉拉絲芝士😋芝士不會太膩，食完雞的時候可以選擇加芝士湯/清湯打邊爐😎❤️煲有大量洋蔥🧅哈哈蝦中寶🦐$68（半份）推薦😈面層有大量蟹籽，蝦膠非常彈牙爽口幾乎有一個拳頭👊🏻甘大食芝士雞煲🫕點可以少得出前一丁🍜🧀整個邪惡的芝士撈丁😋😋

諗起食雞煲 一定會諗起米走雞先 呢日起銅鑼灣正好可以去埋未曾去過既銅鑼灣分店果然銅鑼灣真係如其名 米走雞Deluxe 呢間真係有Deluxe多啲 被安排到卡位 感覺真係有坐得舒服啲嚟親都要叫返碟手切肥牛 叫碟細既次次二個人去食都夠數有突 除咗份量除勝 牛肉脂香加上醬汁好惹味 所以次次去都會encore佢既牛去米走雞不得不叫既係佢嘅竹笙 原條一碟份量都幾足 對得起價錢 打邊爐竹笙一份既配料四十幾蚊就有咁多 暫時我未發掘到比米走雞俾我更足竹笙份量既其他打邊爐店 次次嚟又係會encore 當然米走雞 梗係無走雞 麻辣雞煲係必須點既 一如既往 雞滑肉嫩 香濃惹味 質數一如既往咁好 會繼續一直定時米走雞😆

我同朋友一直都好鍾意打邊爐，雞保也不例外，收工同朋友經過米走雞就入去坐低左，聽聞呢間係雞煲專門店，咁就真係要試一試啦🥰一入到去，環境好舒適，唔會坐到好迫，不錯😆調味架有多款醬料自行DIY生蒜蓉、芫荽、香蔥、辣椒、麻醬、炸蒜蓉🌶火焰麻辣雞煲🍲（$198/小）配料：辣椒乾🌶、洋蔥🍃、中芹🌱、芫茜🌿我同朋友兩個人食，雞煲有唔同辣度選擇，而我地就揀左2-3人份嘅中辣雞煲。雞煲好惹味，又香又麻辣，食到停唔到口。而且雞肉嘅份量好多，又嫩又滑又入味，啖啖都係肉，真係好滿足呀🥰雞煲仲有好多配料，有洋蔥，芫茜，中芹等等，配埋啲雞肉真係好惹味！😝食曬啲雞之後，當然就係要加辣湯打邊爐啦😍火鍋配料部份分為半份同全份，啱啱想試好多唔同配料嘅我地啦😜呢個位真係要加分👍🏻我地點左幾款配料，配上麻辣湯底，非常惹味😍哈哈蝦中寶（$68/半）蝦迷嘅我地，一見到有個蝦字嘅食物就唔會放過，半份就有3舊好大嘅蝦滑包住新鮮大蝦🦐，真材實料，賣相一流，又夠特別🥰鵝腸（$53）我地都好鍾意食內臟，所以點左鵝腸，放左鍋煮一煮就得，好爽口！😬鮮製韮菜餃（$48/半）呢到個韮菜餃好大隻，夠新鮮，好足料，皮又薄，真係要必試🥰鮮炸響鈴（$32

對上一次食雞煲時候仲係上年既冬天依家天氣雖則仲你媽熱 但係已經忍唔倒到冬天決定夏天都黎返個雞煲咪走雞 我所了解 最有特色一定係火焰麻辣雞煲雞煲煲滾後 店員會幫我地點火 🔥麻辣程度可以因人而異 自行選擇唔食得辣既我簡左最輕微既辣 感覺剛好我地兩個人叫左半隻雞 肉係用雞脾雞鎚 雞上脾等等既部位所以每一舊都啖啖肉 唔洗擔心雞煲完然到邊爐環節最低食我覺得有兩樣 一個你等級雪花肥牛一個係炸魚皮兩個既份量又多又高質肥牛兩個人既話 叫一個細既 一定夠食肉質鮮嫩 而魚皮要講多次 份量真係好多 脆口飲品我地叫左一壺竹蔗茅根夠飲到俾錢埋單不過個人覺得丸類同菜類價錢略高可以平少少就Perfect雞煲肥牛呢兩大元素都幾唔錯

「米走雞Deluxe」嘅雞煲每次食到都好滿足.所以麻辣雞煲🐔職員上枱時候會點火幫你炒🔥食落小麻小辣🌶雞肉每件都好大又惹味🤤仲有大量洋蔥🧅中芹、芫荽🌿😋😋.雜菇拼盤🍄有雞髀菇、秀珍菇、鮮冬菇同金菇👍🏻好多選擇😍😍.芝心丸(半份)🧀勁多拉絲芝士😋.蘿白(半份)🦀份量超多，不過有dd渣😢😢.紅薯粉🍜食落煙韌😆但有少少易夾斷🥺.清熱銀菊露🌼自家製，非常清甜🥰🥰

火焰麻辣雞煲(HKD198) 是米走雞店內主打雞煲口味之一，有多種辣度可選，用上了三十多種香料製作而成，並加入辣椒乾、洋蔥、中芹和芫茜作配料，裡面灒了玫瑰露，上桌燃點後呈火焰效果，拍照一流！雞肉除了香嫩入味外，還帶超濃郁麻辣味，非常美味，愛辣人士不要錯過了。他們的火鍋配料分量蠻多之餘，價格也不高。五香鮮牛肉 (HKD98) 十分新鮮，是必點之選，肉質飽滿鮮甜，質感軟嫩滑溜，好好吃！鮮製韭菜餃 (HKD48/半份) 及手打M5和牛丸(HKD48/半份) 味道也不錯，可以試看看。

上次食芝士雞煲時就話下次一定要試火焰麻辣雞煲，因為真係有火焰的雞煲，好震撼嘛😜揀咗一隻辣椒的火焰雞煲，雞塊都頗多，煮咗一陣，就有個專人來倒酒落雞煲，嘩！好期待這時刻！即刻全埸香噴噴😍😍小小辣，雞肉又滑，味道調較啱啱好，每啖雞肉都惹味！正👍🏻食完雞煲已經半飽，但點都要打埋邊爐嘅。儍更更要個芫茜皮蛋湯。原來可以加清湯就可以架喇。慳返差不多一嚿水😂😂推介：手打五寶拼盤，可以試齊5種肉丸！教大家每次落丸前先一開二，咁樣兩個人都可以一齊試哂五款架啦✌🏻✌🏻虎蝦又大隻又新鮮，非常甜美😋😋我應該上咗癮啦😜

今次沒有試出名的芝士雞煲 而是吃麻辣雞煲😋 上枱後會點火 視覺效果一流!! 雞煲的雞件不韌 而且厚肉🐔 不會只得皮和骨👍🏼 醬汁惹味辛麻 辣度可以自選的🤤 細既雞煲寫可供2-3人吃 份量都好足 其實3-4人食都得🤣 吃完雞件之後 就可以加湯打邊爐 火鍋配料方面也很不錯 手切牛頸脊有美美的雪花 肉味和脂香平均😚 細的份量都不少～另外鴨肝和牛丸有驚喜!! 和牛丸大大的一顆 口感彈牙 中間真的包著一塊鴨肝 有著油香😍整體食物質素真的不錯 可以回頭!

前幾日好想食啲好拉絲好邪惡嘅芝士，咁啱又發現自己已經難得地幾個禮拜冇打過邊爐或者食雞煲，於是就同朋友黎左米走雞食芝士雞煲，之後再順手打埋個邊爐。黃金芝士雞煲（小）$208呢到嘅芝士雞煲有大同小揀，小都已經夠2-3個人食。揀左激量嘅芝士，芝士雞煲一黎到，見到上面滿佈芝士真係好吸引，每件雞都癡滿曬芝士，拉絲拉得好緊要，芝士味超香濃。我地走曬啲芫荽、洋蔥同埋芹菜，唔知係咪因為咁，雞嘅底下有啲娃娃菜，癡埋芝士拉絲嘅娃娃菜好正。食完呢個基本上已經好滿足。之後店員就會幫我地加入湯底落去芝士雞煲入面。有得揀芝士湯定清湯，店員介紹話清湯會冇咁膩，我地就揀左清湯。雖然係清湯，但加入芝士雞煲之後都仲係有幾濃嘅芝士味，用黎煮菜同烏冬食又幾滑。我覺得係啱啱好，店員真係冇介紹錯！我地揀左幾款配料：竹笙墨魚滑（半份）$53呢個幾特別，竹笙包住墨魚滑，值得試下。生菜（全份）$48芋絲（全份）$38稻庭烏冬$28

今日嚟到銅鑼灣渣甸街既<<米走雞>>食雞煲🥰佢哋有兩隻雞煲嘅簡既，一隻係普通辣味，一隻係芝士雞煲，而我哋就揀咗芝士雞煲，芝士雞煲仲有得揀，芝士嘅份量，有小中多，激多簡！我哋就揀咗激多😋😋😋😋一嚟到香噴噴真係勁有食慾！勁多雞件鮮嫩多汁！另外我哋嗌左其他配菜食完芝士雞煲，加芝士湯就可以打邊爐我哋嗌左魚皮餃芝士腸生蠔，同埋佢哋即炸嘅響鈴🔔，仲有大大粒既鮮蝦雲吞即炸響鈴好正！吸晒芝士湯汁生蠔亦都好新鮮，完全唔會有腥味大大粒嘅鮮蝦雲吞入邊有大大粒嘅蝦肉完全係勁好食😋冇嘢可以挑剔絕對會再嚟食！

想試呢個芝士雞煲好耐嫁啦，今日終於食到啦！黃金芝士(小) $178叫左個2-3人份量，芝士粒份量可以自己揀，我地咁中意芝士緊係揀激量啦。一上枱完全心心眼，真係勁多芝士啊！芝士超級拉絲，我地叫左半隻雞，份量唔少，雞件鮮嫩多汁，加左芝士香濃可口，食完雞我地就叫店員幫我地加湯，可以加芝士湯或者清湯，我地本身已經好多芝士就叫左店員一半芝士湯一半清湯。我地叫左凍豆腐吸哂湯汁好正，豬肉丸同鮮蝦丸都非常彈牙，韮菜餃皮薄多汁。