影片
营业时间
今日营业
07:30 - 21:00
星期一至日
07:30 - 21:00
以上资料只供参考，请与餐厅确认详情
嚟「米线阵」梗喺食米线啦，错！真喺嚟唔喺食米线，因为今日两公婆又过嚟荃湾睇早场，先晌荃新天地一期食个早餐，再过去二期睇戏，因为一期呢边多嘢食，就喺商场内嘅中庭地下就见已经有好几个选择，「米线阵」未帮衬过，加上其中有一个系列嘅港式早餐好啱我。因为餐厅位处商场嘅中庭大堂，而唔喺入舖，所以，空间咁十足，加上其实餐厅占地都唔细，再者星期六一朝早嘅人流真喺唔多，所以，会感觉更宽敞。虽然餐具、简单调味料已经放喺枱上，但喺出面有个柜枱放咗热水、餐具，另一边又有个调味料区嘅柜枱，自由取用，服务全自助。上文讲过有个系列嘅早餐好啱我，就喺呢一款丹麦多士系列，配搭唔同嘅主食，包餐饮，都喺$38 / $40。老婆就唔食得多士，不过，都有其他选择，港式公仔面餐、醒神早餐、米线自由配早餐，选择非常有弹性，唔使担心拣唔到。炸猪扒煎蛋米粉餐 $36最后，佢嘅选项喺炸猪扒搭太阳蛋配米粉，餐饮就拣热柠水，唔喺讲笑，碗米粉非常之大碗，而且，睇得见猪扒亦好大件，煎双蛋，绝无欺场，而味道亦唔错㖞，猪扒炸得骚脆，并且腌得入味，仲有啲蔬菜垫底，够均衡。招牌蕃茄牛肉通粉餐 $40丹麦多士餐属于比较典型嘅港式早餐只系由 一般多士转咗丹麦多士 小弟就拣咗配午餐肉 炒滑蛋，主食就要茄牛通。先讲啲副食，炒蛋炒得几滑，而且，好够份量，睇落有两只蛋量，餐肉煎得香口，入口热焫焫，唔似煎定一大埋摊凉晒，丹麦多士比一般多士自然酥脆更富牛油香。而碗茄牛通唔错，蕃茄味浓郁，酸香鲜活，味道自然，唔似揾茄膏开嘅货色，更有唔少蕃茄肉，通粉亦煮得刚好，最怕过腍；啲牛肉都OK，腍滑有肉香。热咖啡、热柠水呢个喺同老婆几例牌嘅选择，因为唔喺茶记，唔知奶茶得唔得，无谓搏，其次，揾手机落单时，见喺即磨咖啡，心想应该稳阵啲。事实上，杯咖啡算唔错，啲豆几香，而个人就觉得啲奶偏多咗少少。今次嚟「米线阵」食早餐真喺有少少意外惊喜，估唔到佢米线以外嘅嘢都做得唔错，比预期好。此外，餐厅位处商场嘅中庭广场，地方阔落，空间感强，加上呢度嚟戏院近，我哋可以睇住时间慢慢食。
继续阅读
今日就嚟试食米线阵最近新出嘅$25小食放题✨暂时只有3间分店有得食 食放题嘅话需要主动同待应讲 要手动落单先叫到㗎～今次拣咗佢地preset咗嘅米线肥牛芝士鱼腐麻辣茄汤米线＆麻辣蕃茄汤嫩鸡豆卜米线 分别系$52同$48 咁样叫再加$25放题就再抵食啲😋除返开都系$75一个人 放题食到90分钟 都几抵食👍🏻除咗糍粑其他小食上菜嘅时候都系冻嘅 所以我就觉得浸落汤度食会好味啲😛第一转嘅时候会上晒啲小食 第二转就画纸仔追加不过因为食到咁上下餐厅都开始多人 侍应都好忙就要预咗食第二转嘅时候上菜速度会慢啲～冻柠茶系任加茶底 可以转饮其他嘢饮 不过就冇得任饮饮完就叫侍应再添预先整好嘅茶底 饮落都系冻嘅不过预先整啲冰会溶咗冇冰 不过本身饮第一杯嘅时候都有冰 所以唔算太大问题🙌🏻我自己饮开走甜 呢杯虽然落咗甜但系又几好饮😂平时食嘢加一款小食闲闲哋都要十蚊廿蚊 今次又食得几饱下咁我觉得呢个都试得㖞🤣🙌🏻后记：第二次食嘅时候就发现冇咗冻柠茶任饮同埋麻辣花甲木耳就转咗做糖心蛋
继续阅读
食匀咁多间米线，最出色嘅蕃茄汤一定系米线阵，尤其系佢哋嘅麻辣蕃茄汤，浓郁蕃茄味带住甜辣交织嘅层次，汤底同米线都系一流，绝对系必试！ 今日食：芝士鱼腐+炆冬菇（麻辣番茄汤）+热阿华田**，$58整体性价比唔错～ 芝士鱼腐：真心好食！芝士香浓带奶味，系亮点！ 冬菇：普通，冇乜特别，唔会再叫。下次都系拣番肥牛配芝士鱼腐，肥牛嘅水准一直保持得唔错，稳阵！ 热阿华田：比较失望，味道太淡，饮落去冇乜阿华田嘅浓郁感，可以skip。个人觉得米线阵既特色饮品系青瓜豆腐，真系好饮，但唔知点解依加冇左。芒果乌龙茶还可以，芒果个堆好甜，中唔中意睇个人。总结：米线阵嘅麻辣番茄汤真系无得输，值得回头！
继续阅读
试试米线阵$25冻柠茶小食放题实测到底伏唔伏？ 需要先叫一碗米线 再加$25就可以任食几款小食佢哋有六款 ⭐️香辣皮蛋 ⭐️香辣青瓜云耳 ⭐️酱辣猪肚⭐️麻辣鸭血韭菜 ⭐️爆浆黑糖糍粑同埋⭐️香辣花甲木耳 🥲不过今次卖晒食唔到😍最钟意会系黑糖糍粑 软绵绵 中间有流心黑糖.特别讲一讲佢哋柠檬茶 系无限添饮 而唔系任饮😂柠檬茶得1.5片柠檬 之后店员会帮你加茶‼️第一杯柠檬茶可以自己拣甜度 添茶嘅糖度系固定茶底比较偏甜 本身钟意饮甜所以觉得OK餐厅好环保 1.5片柠檬茶可以饮好多杯🤣.单点猪软骨份量劲少 碎湿湿 得一匙羹份量如果叫云吞会开心啲 至少有四粒.‼️只有三间分店有 荃湾荃新天地 元朗广场 马鞍山恒安整体价钱唔贵 其实都算抵食 仲有唔算多人 但都辛苦哂店员好忙🙏🏻.#hkfunfoodrecord穷游香港#hkfunfoodrecord_咩都试试系列.#米线阵 (荃新天地) (荃湾)地址：荃湾杨屋道1号荃新天地地下FC1-2号舖..#hkfoodie #foodiehk #hkfoodblogger #hkblogger #hkfoodies #hongkongfood #食评 #尖沙咀美食 #旺角美食 #太子美食 #铜锣湾美食 #沙田美食 #荃湾美食 #葵芳美食 #深水埗美食 #中环美食 #香港美食 #观塘美食 #米线 #任食 #放题 #任饮任食 #冻柠茶
继续阅读
今日（10-11-2024 Sun） 同老公去买𩠌前食过饭，我哋行到嚟呢头唔知食乜嘢好，走入嚟荃新天地地下，发觉好多食肆都执咗，而原本系KFC嘅都变咗我哋未食过嘅米线阵， 于事入嚟食下，坐低睇完menu扫QR code落单，咁我哋就要咗：2. 叫午后之选加$3.00嘅冻奶茶呢个味道较淡。2分1. $50.00午后之选嘅重庆酸辣汤猪扒鸭血米线我只试佢一件鸭血，汤就酸唔系好辣，不过可能我系净系舀面𠮶浸；鸭血系滑嘅但系就冇乜味；猪扒我冇食到，因为老公话惊我会觉得辣，同佢系冇剪开成块上，其他我就冇问。3. $58.00嘅人气米线～大大碗特盛米线，加$4.00要担担面汤底呢个材料有鲶鱼片，牛丸，芝士肠，鱼蛋，猪，牛，鸡肉片，豆卜，鸡翼，萝卜，唐生菜，韭菜，火腿片，香蒜炸酱同酸菜。鲶鱼片滑亦唔腥；鱼蛋系爽但唔系实，松松地；鸡肉片系粉红色，仅仅熟；鸡翼中间都红红地，味道我觉得系卤水鸡翼，几入味；豆卜唔腍又唔硬；香蒜炸酱好好味；米线都弹牙嘅；担担面汤味道唔够浓；其他都正常冇问题。3分服务：全部都系年轻人，亦全部都有礼。抵食系2.5分
继续阅读