影片
相关文章
今日黎食米线阵，但我唔系食米线，改左食乌冬！非常之出色的！红油珍珠饺子，对我黎讲，有点辣，但非常香口！乌冬配呢个蕃茄汤系正的，乌冬索哂蕃茄汤底，食嘅时候系好入味！而且呢度啲牛肉够软身，唔会咬唔开！
继续阅读
大埔分店啱啱开嘅时候 , 佢个麻辣汤底好好味 , 每个星期都会去, 仲比钱做埋会员 , 但之后佢转咗汤底 , 唔岩口味 , 整体质素都下降 , 就冇再去啦 今日再去返 , 发现质素进步左 , 麻辣汤底好似变返以前咁小食同米线配料多咗选择 , 有鲜虾同鱿鱼须 ! 😍😍餐牌 :金钱肚 + 爽甜鲜虾四川麻辣汤米线 (微辣) ($47) 上菜时个摆盘冇咁靓, 系自己执返好影相啫 🤣🤣爽甜鲜虾 $12 有 3 只都几抵 , 而且爽口新鲜 ! 推介 !金钱肚都有 4 , 5 片 , 入味好食 , 米线偏烟韧 , 浸耐左都唔会好淋汤底又麻又辣 , 个人钟意呢个麻辣汤底多过 _ 仔竹笙 + 鱿鱼须香菜猪骨浓汤米线 ($45)竹笙份量都几多 , 鱿鱼须有 6 条 , 爽口不过略嫌份量少咗啲啲 , 性价比冇 $12 3 只虾咁抵 , 汤底无咩特别花雕醉鸡翼 ($24)好香花雕酒味 , 好入味 , 🤤🤤🤤 3 只真系唔够喉 芒果铁观音 (跟餐 + $15)成个铁观音茶包放落去 , 杯底有芒果肉碎 捞埋一齐 , 饮到铁观音嘅茶味 , 亦都饮到芒果甜甜酸酸嘅味道 , 仲有啲果蓉咬下 , 配搭够晒特别 , 唔错唔错 😋佢个青瓜豆浆都几好饮㗎 大家可以试下两个人夹埋食咗 $131 , 好饱 , 会再回头 ! 👍👍
继续阅读
今朝咁啱入咗大埔做嘢,11点嘅时候想揾间茶餐厅食个早餐,点知间间都好full,有一间啱啱又话停咗早餐,得米线阵唔使等位所以就入去试下。拣咗蕃茄牛肉通心粉,好快就上菜,系有集团式一贯速度👍🏻碗通心粉入面有只好大嘅匙羹(食拉面用个种),而枱上面嘅餐具篮就只有筷子同叉, 换言之,通心粉系要用碗入面𠮶只非常大嘅匙羹黎进食,我觉得有啲唔user-friendly。讲返碗通心粉,由于集团式经营本身我已经唔会抱好大期望,但系呢碗个样真系好唔吸引,牛肉好嚡好老,白雪雪无乜味,蕃茄汤偏淡,可以话系纯粹填饱个肚,同埋胜在唔使等位。早餐呢碗通心粉加杯冻饮承惠$30,抵唔抵就见仁见智,至于本人就未必再会食佢既早餐啦,不过相信大集团始终都会有一批捧场客既。
继续阅读
同女朋友收工，唔个食咩好，见到间米线阵新开，又好多人排，所以入左去试试。我地叫左个二人餐，但二人餐真系好大份，2个人完全食唔晒。可以拣2个汤面，每个面可以拣2个送。同埋2个小菜、2杯饮品。佢有好多汤底拣，例如重庆酸辣、蕃茄汤、沙嗲汤等等。我就拣左蕃茄汤，味道好浓，甜甜地，好开胃。而送可以自己拣咁我叫左猪大肠同猪颈肉。两样送面好入味。猪大肠佢炆到好软，入口即溶。而猪颈肉就好脆。我觉得最好食面系个小菜，醉糟鸡翼。好香酒既味道，非常入味。如果大食而又钟意米线既 可以一试二人餐。细食就叫一碗面好喇。
继续阅读
食物都还可以，食米线既你想啲野有几好质素。只系今日去食左早餐，叫左杯冻奶茶，佢竟然话公司唔比饮筒。喂，你环保唔用胶饮筒我明白既，好支持添。但系依家有其他款既饮筒嫁麻，纸饮筒都可以嫁。冻野冇饮筒点饮，成只牙麻痺晒
继续阅读