米線站 (已結業)

要榨菜冇榨菜，要雪菜冇雪菜，要凍飲冇凍飲原因：尋日休息一天，今日又晏開出餐又慢，點攪10:11出單10:25先有多士、炒蛋，餐肉，塊餐肉仲係好似塊板咁硬10:32先有麵食仲好笑係，我要凍奶茶，佢話今日冇凍飲，但10:30嘅時候我見到有人有凍檸茶（仲要係10分鐘前有另一客人叫凍檸茶又係話冇），咁究竟係乜原因？試問一間餐廳要超過二十分鐘先出齊一份早餐，叫我以後點再去試，唔通要一個鐘前去？🤦🏻‍♂️🤦🏻‍♂️🤦🏻‍♂️

🔎米線站 📍深水埗汝州街278號地舖-最近都周圍係深水埗搵野食 見佢早餐時間去到12:30就入去試下 點知就出左事除左基本早餐仲有米線同其他飯類 選擇幾多價錢都算平🔹早餐C: 沙嗲牛肉麵 $32 配2餸連多士 凍飲+$3沙嗲牛麵中規中矩 兩餸揀左餐肉煎蛋 餐肉薄左少少 煎蛋OK有小小流心凍檸茶茶底算比較差 因為走甜所以更明顯小插曲: 朋友果碗麵有隻小昆蟲，同店員講完佢話應該無野，可以照食，真係眼都反埋🙄，雖然最後有換個碗比我地，但都無心機再食了。可以black list👋🏻

今天和朋友行經深水埗，区來食肆林立，進入了一家名為米線站的店舖，店員隨即招呼入内，店内很多空位，我們坐了卡位，舒服不迫窄，我們選擇了什錦米線，但女服務員对我們說這款米線很大碗，可能2個人1碗也足夠，但朋友說很肚餓，结果叫了2碗，5分鐘後米線到了，果然像湯碗般大，餸料味道像譚仔米線，味道還算可以，店内還有其他飯類、茶餐、常餐、出前一丁餐，價錢也非常便宜'三四十餘元己經有交易，女服務員服務態度非常好，侍客殷勤，值得一讚。

Lunchtime經過，次次都見老闆企起門口宣傳，今日見入面有位，就去試下。- 雖然店名叫米線站，但係原來佢主打係懷舊飯餐，亦都有公仔麵餐，即係冰室咁。-叫左佢其中一個懷舊飯餐 芙蓉蛋飯，十分足料，入面有蟹柳，叉燒，蝦等等，仲食到鮑魚絲，配上特製的甜豉油，果然係同外面一般茶餐廳有分別！-朋友嗌左全日一叮餐，配黑松露炒蛋。黑松露醬好香！另一位朋友嗌左蔥油豬扒煎蛋飯，塊豬扒好入味，加上秘製蔥油。睇到老闆既心思，將簡單嘅食物變成不簡單。- 整體黎講係一間有誠意既小店，環境食物服務各樣都幾好，值得再三支持！

雖然佢專門食米線。 但係除左米線。 下午茶都唔錯架！ 今日我就叫左個炸雞肶，薯條 再加紅豆冰首先， 個炸雞肶，係好食既。 夠熱夠脆夠味道，絕對值得推介薯條仲要係舊式既波浪薯條，真係好好食，亦都好難得. 真係越食越想食可能真係太好食啦... 我真係覺得唔夠..(目測大約得20-25條,下次有機會我會數下..)紅豆冰就真係一般般. 甚至覺得有少少唔合格. 我覺得佢要改善....另外再試左佢地一個三文治, 可能真係太普通.. 真係唔覺得有特別....最後要講既係..最近早餐有$3 DISCOUNT...有機會一定要去試下啦

自選2餸米線，米線彈牙，食材新鮮，食落口就知，而麻辣酸辣可因個人接受度自選level較受落, 可個人化口味，最吸引價錢較大眾化。微酸辣湯底味道啱啱好，唔太淡亦唔過濃，而米底份量亦恰當，1人份量吃完啱啱好，唔會有飽漲感不適。

新開張第一個星期, 大家街坊都要幫襯一下嘅, 由於暫時知名度不足, 老闆同伙計都輪流出來實行賣力招客, 全部新裝修即使簡單一點但應該都花費了不少呵, 能否在這條街這個鋪位企得住除咗真功努力都好重要, 店的名字已經講明自己的主打項目, 入來就試主攻的米線吧, 見到有個似乎包羅萬有的二人份量雜錦米線, 散叫都肯定超過呢個價$59, 一於就試佢, 放面的食物種類不少,有丸類雖然每款只有兩粒, 丸的質感味道不錯, 豬潤也幾爽口, 雞胸肉唔老, 牛肉則OK啦不能要求太多了,同時還跟一碟醃菜/有味肉碎, 茶方面係一般, 裝茶嘅茶杯套裝還是好新淨, 跟住另一次幫襯咗下午茶餐, 多士厚度適中,沙爹牛肉落味沒有太重手, 炒蛋加一片半邊餐肉配熱奶茶$39, 太座叫咗三餸湯米線$44 凍O水加6蚊, 價位算係有競爭力嘅,

見有新鋪開 就入去試下 但有啲失望佢叫米線站，招牌一定係米線，同一般米線店一樣，面底跟有芽菜，韮菜及腐竹(無肉碎已有少少失望)，但佢上菜時，竟然只得韮菜，無腐竹同芽菜，要我出聲先補返比我，仲要最後話已無我最鐘意食的芽菜，真係唔係好得囉至於我老公叫左個常餐，個煎蛋真係唔得，又多油，又縮埋一堆，而個豬排唔剪開都無緊要，都要比把刀我先得架，成件咬真係有啲困難囉