米線陣 (已結業)

米線舖開到周街都係要特圍真係難，因為唔食得辣所以叫蕃茄湯底青青地都可以，小食分量細得驚人以為跟餐所以細，點知散叫都一樣，但青瓜雲耳雲吞都ok,豬軟骨味道可以但唔夠林，肉燥小辣好野味

尋晚屋企冇人煮飯，我自己又冇約人，唯有毒毒地自己落街食飯啦~行左一陣都唔知食咩好，見到呢間食米線既，其實都開左好耐，但一路都冇試過，既然唔使等位就入去試下啦~晚市有一人餐同二人餐揀，原來想食個一人餐架，$68有米線自由配、2款前菜、1款小食再加杯野飲(轉特飲都唔使加錢~)，好似好抵咁不過諗諗下今晚又約左人食韓燒，費事食得咁heavy啦，咁我就散叫算lu~散叫都有唔少選擇既，佢有d幫你set好左既米線同埋薯粉，不過唔多啱我口味，所以我都係自己叫左個米線自由配加個小食~我叫左個酸辣肥牛雲吞牛丸米線+凍檸茶(驚辣得滯)，酸辣有得揀大/中/小/微辣，咁我平時都食開辣野既自然就揀左中辣，個湯飲落又真係唔錯喎，中辣都幾辣架冇呃人，如果食唔到辣最好揀番微辣安全啲~講番個湯先，酸得黎帶辣，兩者平衡得啱啱好，唔似我係街邊食果d一味酸/一味辣，唔錯我個人比較大食所以揀左3樣餸，其中我最鍾意既係個鮮蝦雲吞，雲吞皮唔會過厚搞到冇哂口感，入面真係有蝦架好好味，最衰得3粒我唔夠食哈哈~另外個肥牛同牛丸都ok，丸唔會好多粉，咬落都幾彈牙~杯凍檸茶有加配價$11，正正常常啦見佢有蒜泥白肉我諗都冇諗就叫左(我超鍾意食架

今日同老細去左天水圍開會，開完會大概3:45pm到，老細竟然同我講:「今日happy friday，唔使番office啦，你放工啦！」yeahhhhhhh!好感動!於是一個人無無聊聊周圍行下，又有啲肚餓，諗住去食個tea先返屋企，諗住去大X樂食啦，點知鬼死咁多人見隔離有間「米線陣」食米線既，又唔使等位喎，咁就是但啦入去試下~間野叫做「米線陣」，真係未聽過，唔知有咩意思呢？入面既裝修幾靚，同埋冇乜人坐得幾舒服佢有8款下午茶餐供應，有米線、薯粉同幾款小食(餃子、雞絲粉皮等等)，因為我都幾肚餓所以就叫左碗鮮菌腩肉米線其實佢d菜式都幾新派，有咩擔擔米線，豬大腸酸辣薯粉等等，呢d係坊間一般米線舖都好少見哈哈~米線湯底可以自選，有清湯/番茄湯/麻辣湯同酸辣湯揀，麻辣同酸辣仲可以揀大/中/小辣，我自己就揀左麻辣(中辣)。可能因為鋪頭唔太多人啦，所以落左單一陣就有野食lu~個湯底都幾好味，辣得黎又真係有d麻如果鍾意食辣既朋友仔可以叫大辣，應該會辣得幾過癮米線份量好足，又唔會過腍，岩岩好，值得一讚而腩肉同菇菌個配搭又出奇地match喎，腩肉肥瘦均勻，菇菌吸收左湯底既精華，食落去好入味茶餐仲包埋野飲，凍飲

係天水圍要食米線or薯粉，個個更係去新北江。重口味，淡口味？自家，連鎖都有齊！最近係銀座見到有間新米線舖，二人餐牌有兩款又幾抵食。$148餐：兩杯飲品(冷熱均可)三款小食(豬軟骨/雞絲粉皮/皮蛋豆腐)兩碗肥牛米線(清湯/番茄/酸辣/麻辣等)門口望入去又幾大，最重要係唔駛等，更係入去試下？總括：碗米線份量係大既！但唔知點解米線咁粗身，而且好白好硬身！米線唔係應該煮完就軟身？

米線可以話是香港人另一個最愛食店,亦都開了不少以米線為專門店，我十分喜愛吃米線,天水圍亦有不少米線食店,銀座自從有了自由行生意之後，比以前旺了好多，本來一個冇人行商場到現在人來人住,自然吸引食店，銀座食店本來揀選不多,而家百花齊放,最近發現開了米線店,個名好有氣勢，店鋪名叫米線陣，十分有型呀，我本身想吃拉麵，最後決定試下這間，服務就一般,我入座之後店員冇主動走來寫野,叫了2次才有人走來,我点自選米線，湯底要豬骨湯,個湯都OK,味道不算太咸,米線好淋,青瓜豆漿味道十分之怪,青瓜味好重,反而飲唔出豆漿味道，覺得似青瓜飲品,米線陣真是好普通，我想我未必再去,同區可以行去新北江,青瓜豆漿有新意,兩者本來唔夾,正常地出回普通豆漿食物水準金姑,份量好少,只是OK火腿，味道一般雲吞，我覺得都OK米線，煮得太淋,並不是太好吃青瓜豆漿，青瓜豆漿味道好怪，感覺飲青瓜，我覺得麻麻地服務這裡就一般價錢，43元番吃，未必再去

我食既係重慶酸辣粉加$9得2舊既豬軟骨一啲都唔好食😓d酸辣粉勁un 咬左好耐先咬得斷 搞到好un胃又唔辣 個侍應又冇問我要咩辣跟住聽到對面有個客人又係叫酸辣粉另一個侍應又問佢要咩辣不過算啦 可能人地新黎姐同埋個麵係唔跟野飲 所以都唔抵食