米線營 (已結業)

The tomato and spicy potato noodles with fish balls are so good I'm addicted. I go there three times a week. Something easy and cheap.…查看更多

夜晚時份，在附近工作過後，人生路不熟，不知那裏有好東西食。工作過後已經筋疲力盡,再也不想多加思考了，剛好見到米線營有了這一個套餐選擇，方便了我已倦了的腦袋那這一家吧！先來第一碟雞絲粉皮， 剛上菜的時候，第一個反應便是覺得為什麼那麼少，我的肚子已餓都古古聲了，但再想想，這一碟是一碟小菜，小亦是很正常吧～再來了這一杯青瓜豆漿， 哈哈～從來都沒有看過青瓜加豆漿這個選擇。我想一想，因為天天捱夜，真的想健康一點!!!不想再喝那些凍奶茶凍檸茶。因為覺得不太健康呢～便點了這一杯青瓜豆漿~想不到竟意外的驚喜先值得推薦！可以一試來到了主菜， 大大件炸豬扒米線了。 這時極之肚餓的我，已經立刻把眼前的炸豬扒吃了一大口！米線吃了一大口了！ 這個炸豬扒是即炸的外脆內軟不是那些已經放了很久的～ 米線不過不失。最後付賬也是76個大洋！份量多！味道也不錯！可以一試。…查看更多

一碗墨丸雲吞紫菜米，紫菜得一啖，同佢講好少。個經理完全唔理，態度令人很氣。四十幾蚊下午茶，雲吞仲細粒過墨丸。完全係街邊貨。清湯像水加味精。永遠不會再來。之前食蕃茄湯無蕃茄味，但係係怪甜味，加左糖既湯。好難食。…查看更多

食早餐有餐包想揾把刀搽牛油,但係揾極枱上個籃都冇,我唯有舉手問侍應攞但冇人理,跟著我主動起身,走去一位包緊外賣嘅員工問一下,佢答我係枱面上籃裏面有,我回應揾過係冇嘅,之後佢完全冇理會我,呢間係快餐店我冇預期會有好殷切招待,但係都冇預期連一個小問題都唔會幫你解決…查看更多

昨天早上08:20往探朋友，去了馬鞍山。到了商場就搵地方食早餐，於是和朋友一齊去米線營。由於早上天文台已預告稍後會8號風球，所以好早就已經好多人，餐廳爆滿。好彩唔係等左好耐已經有位，我地叫左2個鮮茄牛肉通粉，2杯凍檸茶。鮮茄牛肉湯粉幾好食，通粉彈牙，湯好有蕃茄味，唔似出面蕃茄湯多數用罐頭茄汁，罐頭蕃茄茸去煮。不過餐廳人手不足，得3至4名員工在大堂，見到佢地都好努力去招呼客人，都好有禮貌，我地都食得好開心…查看更多

米線營唔講你唔知，其實係大家樂旗下嘅！不過佢就唔似大家樂咁餐牌日日如是，佢係定期會出新餐牌，好似雞煲、火鍋個啲，但同時都會無咗某啲嘢食，例如係孜然雞亦，佢嘅雞亦唔同譚仔，比譚仔脆同夠香辣，可惜呀！不過叫得米線營我就緊係食米線為主啦！ 話說我最鍾意食嘅就係酸辣湯，佢好在唔會太辣，平時食嘢叫開小辣，佢哩間嘅米線我中辣都食到！酸辣湯底夠濃，不過好少配料，加$8要白豚肉但係勁薄，同埋得四五塊，有少少唔抵食！但係整體都係好食嘅！…查看更多

馬鞍山真係美食沙漠...其實都冇咩好選擇。呢間米線營真係算係幾好！份量剛剛好，夠飽肚。下午茶時段都有好多唔同選擇，除左米線，西多士奶醬多個D都有！不過今日想食飽D，都係係menu入面揀啦！口水雞米線（香茜湯底)個米線軟硬程度恰到好處，香茜十分十分之多，完全避唔開！我十分喜歡佢伴碟既花生，十分香脆！好好食！而個口水雞汁就多蒜微辣，加上大量芝麻，十分香口。至於個雞，雞皮厚左D，雞肉都有雞味，唔太有雪櫃味。…查看更多

夜晚收工試食酸辣湯底味道一般，份量多少少就好d，有d唔夠雞比肉得4舊，多多舊就ok炸醬不夠香，份量少服務態度ok啦總而言，份量可以加多少少就好，湯底有待改善牛奶同米線唔夾…查看更多

呢間米線營係美食沙漠馬山曾令我有一試希望。叫了午餐五香牛肉燥飯,川式櫻花蝦豆花撈米線,本來以為櫻花蝦撈米係皇牌菜,因為meun,佔一整頁,點知食落好咸,得好少肉碎,米線份量好小,女仔都唔夠食。所謂櫻花蝦其實組係蝦乾,係導致只有咸味既原因之一。五香牛肉燥飯好失望,d飯又爛又淋,牛得2,3片,完全唔夠,而且肉燥都好少,完全唔值30蚊,仲要冇野飲。加上問拎水既時候,店員態度都唔好,但點餐時,佢地就派張紙仲問加唔加呢個小食,令人覺得煩厭。…查看更多

由佢地開業開始食，同一位置前身係大家樂，大家樂減少鋪面位置所以多左呢間米線營。有恆安邨居民就覺得呢間麻麻地，始終鍾意大家樂好D。我自己就覺得同區冇乜米線鋪，有都好少特登坐車去食，所以呢間真係算幾好唔錯。個人黎講我就最喜歡佢地既口水雞米線。佢地口水雞同米線係分開上，所以口水雞既汁就唔會跌晒落湯度勒～口水雞唔算辣，但好香口，佢既口水雞汁就少少麻辣，口水雞下面有好多香脆花生係底，花生係我既至愛：）米線就要睇下師傅，有時好比較硬，不過就未試過林到唔好食。…查看更多

連鎖式集團的食店，本來都沒有信心，能給我再光顧的食店這間應該都是不錯的。裝修沒有改變，原打算今次來會試火鍋，但因趕時間，所以還是選擇食二人套餐。今次都是點左豬大腸酸辣湯底米線，但比上次辣多了，有少少難入口，但味道依然可以。牛展田園番茄湯，牛展滷水味好重，加埋番茄味，兩個味道好夾。川辣口水雞水準冇變，都係雞肉去骨，雖然雞肉比較淡，但點了醬汁一起食，還是很不錯紅油青瓜也夠凍又夠脆口，黃瓜的味道好新鮮。蒜泥白肉，食落不太油膩 而且超多蒜頭整體黎講米線營都幾好食 …查看更多

門口及內部環境感覺非常舒適，未曾嘗試！所以不妨一試！餐牌係學生功課簿座位放了一些小盆栽蕃茄滑牛波蛋米線蕃茄味極濃，絕對係真材實料！滑牛有口感，牛肉味道偏淡，被蕃茄味掩蓋！波蛋口感滑嘟嘟！凍檸茶茶味濃！…查看更多

曾聽說過馬鞍山一帶只係得米線米線和米線……既然係咁，今日就試下恒安邨的米線營，感受一下馬鞍山米線威力下午茶:蕃茄豬扒豆卜米線5時許，有幸趕上下午茶尾班車，這碗蕃茄豬扒豆卜米線賣相普通，而且上枱賣相有點混亂。味道:湯底清清甜甜，不算是濃湯那種。豬扒大塊，食起嚟都幾辛苦，若有碎上就加分。豬扒肉質實淨，有肉味，沒有鬆肉粉感覺。用上大量薑做味，不喜歡薑的朋友請注意。豆卜兩片，乾瘦長方形，咬開沒有白色豆腐，只係兩片黃色豆卜乾.....米線不過不失，不硬不軟。散叫:櫻花蝦肉鬆皮蛋豆腐適合夏天進食，全冷盤。櫻花蝦肉鬆惹味，襯埋甜甜地豉油汁，幾開胃豆腐皮蛋豆腐屬大路牌子，無咩特別。皮蛋約有一隻，幾爽口。下午茶仲包一杯熱飲品，其實算不錯，抵食P.S.米線營是大家樂集團屬下…查看更多

最近已經加價了，晚餐份量以前的一碗變半碗，一個成年人本來的份量都不夠呢，會不會太少了呢，份量愈來愈少，價錢又愈來愈貴，完全與價錢不成正比，難道要人一餐要叫幾碗才夠飽，味道也跟以前差太遠，一些鹹，一些沒味道，服務態度又差了很多…查看更多

終於試下另一間米線，一打開餐牌，價錢都唔係話好抵食！點了白豚肉酸辣米線，凍青檸薏米水，承惠$40味道非常一般！份量比較起其他都會比較少，寧願揀譚x系列/傷x酸辣粉了。見到下午茶餐牌，價錢都幾吸引，都可以嘗試一試。 …查看更多