米皇茶餐廳小廚

营业中

休息中

入去食過早餐，食物充滿萬年油味道，好難食，全日口氣都係個陣鷄扒油味。熱奶茶應該係我飲過最難飲嘅野，味道難以形容，根本係唔知邊樣野變左味，宜家唸起都怕肚痛。餐台餐具全部痴lup lup。餐牌係錯嘅，店員/老闆唔友善，仲要聲大夾惡，話個餐牌係上一手留低，啊姐，我點知啊。其實一入去已經污污糟糟，但急住食個快嘅，又近趕住去嘅地方，冇辦法，照入去坐低搏一搏，我個人都無咩要求，好又一餐，唔好又係一餐。我明白雖然係工廈入面，唔可以有太高要求，但都無可能樣樣都咁過分，仲要態度差。阿姐(應該係老闆），呢度係香港啊！絕對唔會再去，絕對唔建議任何人去（除左食環處）。