一年一度细妹生日饭，就番细佬妹，所以过返哩深水埗揾食，今次唔拣中菜，拣咗米桶改试越南嘢，因为佢哋唔似我，少出街食，亦少周围试嘢食
。是晚系中秋前嘅星期日，好多人会提前做节，路经好多中菜馆都好爆。事前订咗枱，7:00pm准时到，但就吓咗我一跳，唔系人多到无泡，相反系人少到你唔信
，入门口右手边系卡位，大概有5排左右，4枱有人坐，最尾第5枱就安排咗俾我哋；左手边系可加可减嘅2、4、6枱，大概有40、50个位，全部都吉嘅，虽然啲人多数拣酒楼食饭做节，但依刻始终系饭市，都无乜理由咁空了了架。随后𠮶一个钟都陆续有客，最终都有8乘几满，真系以为佢差得咁紧要，恐怕都同做节有关吧
！话说回头，我又几钟意佢啲装修㖞，应该叫顺眼啰，一室青青绿绿，感觉光洁清爽，两边墙又镶嵌咗好多越南景物嘅画，有山水、有人物，因为旧年自由行去过一次河内同下龙湾，所以对墙上嘅景致有份亲身感，令我同太太又讲番去越南嘅事物，想番起好多第一次嘅体验，虽然越南几落后，但当地人一般都好友善:)。咁晌米桶，啲侍应都好友善有礼，大多数都系后生仔女，做嘢都几勤快。小拼盘 $48都系常见嘅越式小食，有越南丝网春卷、越南蒸粉包、虾片牛肉、扎肉、炸章鱼饼，不过炸章鱼饼自己就少见啲，当然有虾饼就仲正啦，可能个碟大大，睇落份量唔算多。越南蒸粉包同个虾片牛肉比较出色，蒸粉包外皮好薄有米香，馅料又多，包到四四方方，卖相几讨好；而虾片牛肉，就大块虾片之上放咗撮檬粉，再加啲炸牛肉碎，撒多少少葱粒晌面，味道同口感都变得唔单调喇！蒜蓉牛油鸡翼 $10
依个招牌菜，又系做紧优惠，堂食三个人起，就可以用 $10换一客三只鸡翼，鸡翼系鸡全翼，认真超抵食，直头成本价倾销。其实个鸡翼话难唔难，话易唔易整，鸡翼腌好上粉炸至金黄，沥干油回镬加牛油、蒜茸中火兜匀搞掂，牛油易㶶大火就出事，所以$10三只蚀卖价。味道唔错，有牛油香，但蒜茸味觉得唔够，可以再重手啲。外皮香脆，证明快炸快炒，如果唔系好易腍番晒。火车头汤河粉 $42:(真系唔同铺做嘅火车头都唔同，米桶嘅火车头汤河粉就似乎简单啲，𩠌料只系得生牛肉同黑椒牛丸，份量亦唔多，另附送香叶、芽菜、青柠、辣椒做佐料；汤色呈淡啡色，带有肉香；而河粉同广式面档食嘅差唔多，但卖成$42一碗就唔系咁抵食！反而分别叫两碗越南汤河仲抵，因为晚市优惠每碗$26，好几款汤河仲系双拼添，例如：生熟牛肉、牛丸栢叶、扎肉鸡丝，比净叫一个火车头多十蚊鸡之嘛！咖喱牛腩煲跟薄饼 $65．追加蒜茸包 $18咖喱煲系列都有好多选择，鸡牛羊，仲有牛尾、班腩，可配白饭、薄饼 、蒜茸包。一个咖喱牛腩煲都唔少嘢，牛腩多，咖喱汁就仲多，所以食完薄饼之后，就追加一客蒜茸包（5件），唔好嘥啲咖喱汁，反正食得落。牛腩炆得好腍好松软，仲垫咗啲芽菜伴住哩食，咖喱汁香得哩唔算辣，椰奶味稍重，又唔及印度咖喱𠮶类有多种香料味，但都算唔错。马拉盏炒通菜 $38钟意虾酱嘅咸香惹味，顺理成章就拣咗马拉盏炒通菜，马拉盏可以话系东南亚人常用嘅虾酱，名称有别，实质大同小异，都系小虾用粗盐腌，再晒再发酵细磨而成嘅酱。炒通菜确实好夹，可能去亲大排当好多时都会叫虾酱通菜牛，食开有少少惯性。 红豆冰、青柠梳打、大树菠萝冰 $9晚市优惠，好多特饮都系$9，所以我哋都叫咗几杯哩饮吓。细佬嘅红豆冰唔系好OK，佢话啲豆未腍透；细妹嘅青柠梳打OK嘅，有汽梳打水加两片青柠，感觉话似饮柠七；我嘅大树菠萝冰色泽几抢眼，石榴糖水加大树菠萝，不过，都知系罐头货，所以质感差少少，都叫做还可以。仲有十几款特饮，好似三色冰、越南青柠茶，不过如果想试越南嘅滴馏咖啡，就要$25喇！4个人又饮又食，试咗唔少嘢，加埋一，三百蚊都唔使，质量都OK，况且环境、招呼又唔错，食得过！仲有好多特价嘢未试，好似单张所介绍嘅「家乡鱼汤系列，采用越式独特秘制嘅香浓汤底」，迟吓可以再哩。…查看更多
。是晚系中秋前嘅星期日，好多人会提前做节，路经好多中菜馆都好爆。事前订咗枱，7:00pm准时到，但就吓咗我一跳，唔系人多到无泡，相反系人少到你唔信，入门口右手边系卡位，大概有5排左右，4枱有人坐，最尾第5枱就安排咗俾我哋；左手边系可加可减嘅2、4、6枱，大概有40、50个位，全部都吉嘅，虽然啲人多数拣酒楼食饭做节，但依刻始终系饭市，都无乜理由咁空了了架。随后𠮶一个钟都陆续有客，最终都有8乘几满，真系以为佢差得咁紧要，恐怕都同做节有关吧！话说回头，我又几钟意佢啲装修㖞，应该叫顺眼啰，一室青青绿绿，感觉光洁清爽，两边墙又镶嵌咗好多越南景物嘅画，有山水、有人物，因为旧年自由行去过一次河内同下龙湾，所以对墙上嘅景致有份亲身感，令我同太太又讲番去越南嘅事物，想番起好多第一次嘅体验，虽然越南几落后，但当地人一般都好友善:)。咁晌米桶，啲侍应都好友善有礼，大多数都系后生仔女，做嘢都几勤快。小拼盘 $48都系常见嘅越式小食，有越南丝网春卷、越南蒸粉包、虾片牛肉、扎肉、炸章鱼饼，不过炸章鱼饼自己就少见啲，当然有虾饼就仲正啦，可能个碟大大，睇落份量唔算多。越南蒸粉包同个虾片牛肉比较出色，蒸粉包外皮好薄有米香，馅料又多，包到四四方方，卖相几讨好；而虾片牛肉，就大块虾片之上放咗撮檬粉，再加啲炸牛肉碎，撒多少少葱粒晌面，味道同口感都变得唔单调喇！蒜蓉牛油鸡翼 $10依个招牌菜，又系做紧优惠，堂食三个人起，就可以用 $10换一客三只鸡翼，鸡翼系鸡全翼，认真超抵食，直头成本价倾销。其实个鸡翼话难唔难，话易唔易整，鸡翼腌好上粉炸至金黄，沥干油回镬加牛油、蒜茸中火兜匀搞掂，牛油易㶶大火就出事，所以$10三只蚀卖价。味道唔错，有牛油香，但蒜茸味觉得唔够，可以再重手啲。外皮香脆，证明快炸快炒，如果唔系好易腍番晒。火车头汤河粉 $42:(真系唔同铺做嘅火车头都唔同，米桶嘅火车头汤河粉就似乎简单啲，𩠌料只系得生牛肉同黑椒牛丸，份量亦唔多，另附送香叶、芽菜、青柠、辣椒做佐料；汤色呈淡啡色，带有肉香；而河粉同广式面档食嘅差唔多，但卖成$42一碗就唔系咁抵食！反而分别叫两碗越南汤河仲抵，因为晚市优惠每碗$26，好几款汤河仲系双拼添，例如：生熟牛肉、牛丸栢叶、扎肉鸡丝，比净叫一个火车头多十蚊鸡之嘛！咖喱牛腩煲跟薄饼 $65．追加蒜茸包 $18咖喱煲系列都有好多选择，鸡牛羊，仲有牛尾、班腩，可配白饭、薄饼 、蒜茸包。一个咖喱牛腩煲都唔少嘢，牛腩多，咖喱汁就仲多，所以食完薄饼之后，就追加一客蒜茸包（5件），唔好嘥啲咖喱汁，反正食得落。牛腩炆得好腍好松软，仲垫咗啲芽菜伴住哩食，咖喱汁香得哩唔算辣，椰奶味稍重，又唔及印度咖喱𠮶类有多种香料味，但都算唔错。马拉盏炒通菜 $38钟意虾酱嘅咸香惹味，顺理成章就拣咗马拉盏炒通菜，马拉盏可以话系东南亚人常用嘅虾酱，名称有别，实质大同小异，都系小虾用粗盐腌，再晒再发酵细磨而成嘅酱。炒通菜确实好夹，可能去亲大排当好多时都会叫虾酱通菜牛，食开有少少惯性。 红豆冰、青柠梳打、大树菠萝冰 $9晚市优惠，好多特饮都系$9，所以我哋都叫咗几杯哩饮吓。细佬嘅红豆冰唔系好OK，佢话啲豆未腍透；细妹嘅青柠梳打OK嘅，有汽梳打水加两片青柠，感觉话似饮柠七；我嘅大树菠萝冰色泽几抢眼，石榴糖水加大树菠萝，不过，都知系罐头货，所以质感差少少，都叫做还可以。仲有十几款特饮，好似三色冰、越南青柠茶，不过如果想试越南嘅滴馏咖啡，就要$25喇！4个人又饮又食，试咗唔少嘢，加埋一，三百蚊都唔使，质量都OK，况且环境、招呼又唔错，食得过！仲有好多特价嘢未试，好似单张所介绍嘅「家乡鱼汤系列，采用越式独特秘制嘅香浓汤底」，迟吓可以再哩。…查看更多
越式炒蚬:唔会好辣,配上越式香料,感觉好有越南风味
