米堤 鮮乳•茶 (已結業)

無意中見到呢間鋪，本身都冇咩大興趣，但見佢寫住買一送一，好似幾抵飲咁，於是就買咗2杯試下。店員好熱情咁同我哋逐一介紹🤣，最後我哋決定試下佢既招牌，地獄黑糖八波厚鮮乳🤣，平均一杯15蚊，好抵。我哋問點解叫地獄，店員話係因為老闆之前係台灣大熱天時整珍珠，又冇冷氣，所以就叫佢做地獄。呢杯珍奶上面有一層奶蓋，下面係黑糖珍珠同牛奶。呢個配搭基本上唔會難飲得去邊，因為加咗奶蓋既緣故，奶味特別濃，另外珍珠都好好食，煙煙韌韌得嚟又唔會好甜，cp值都幾高。如果大家係尖沙咀行街時想飲下野，呢間都係唔錯既選擇，又唔使點排隊🤣，質量都唔差。

終於終於都開啦，唔使過台北啦好好好正，超好飲，要講三次，黑糖八波珍珠勁好味，原本人手抄，唔怪得咁入味，口感勁煙um ，飲哂成杯留返珍珠都好正，好重黑糖味，唔會死甜，有回甘，另外三八波，好特別，有三種唔同珍珠，飲落口感咁都幾得意，最後究極檸檬桂，估唔到成粒檸檬落哂，好重本，唔會好酸，茶味又香，另外加小紫蘇，口感又唔同左，有一粒粒食下冇咁單調，勁正，超鍾意隱藏小店，幾種驚喜，仲有幾種未飲，要再去試下，依家飲完諗返都想再去飲。

今日去尖沙咀食飯 經過見到呢間茶飲店，新開的 便膽粗粗入去嘗試下（依家開左好多茶飲店 實質多為中伏）本人好茶 所以點左一杯奶霜碳焙鐵觀音- 入口感覺清新 奶霜充滿好香同濃厚既芝士味；茶味香醇、甘甜，啱好中和奶霜既芝味 ，飲完一杯都吾會有滯既感覺。老闆好好傾 ，好熱情推介，同講解佢地做茶既理念；鋪頭裝飾簡單整潔，整體感覺非常吾錯，會再返來幫襯

經過K11，想起附近有台式飲料店新開張，剛好經過一試無妨。位置剛好在馬路轉角位附近，行人路面不多，人多的話要注意安全。新張期內，飲料9折！眼闊肚窄，看到臺幣一千元和跨行匯款的名字和外觀都很吸引，再三猶豫最後試了三八波鮮乳茶，有三種不同大小和口味的珍珠，配搭紅茶鮮乳。杯子很討喜、很可愛；三種珍珠也很有咬口；飲料有紅茶香味，7分糖的甜度剛剛好。飲料的選擇有特色，除了常見的果茶和珍奶，還有蝶豆花特調，味得也不錯，值得一試。

係尖沙咀返工，好鐘意收工就同fd買杯野飲行街，新開左間台式飲品叫‘咪提’😂，好搞笑d野飲名都好搞笑，有個叫三八波鮮乳茶，好正🤣，店員話係三種吾同既珍珠，有大細珍珠同蜂蜜珍珠，勁吸引，一次過滿足我三個願望，岩曬我呢個煙un控😍見到佢地係用我最愛既明治靚奶去沖奶茶😍吾係用奶精，好滑好好飲😋，超級鐘意d珍珠，好煙un又吾會太甜，平時最怕飲到d好粉好硬既珍珠🤭呢間既三八波令我一試愛上🤤我fd就鐘情地獄黑糖珍珠，試左n甘多間台式飲品，大家都覺得呢間係最好飲又平😆👍🏻

上年去店台北旅行時，天氣太熱，隨便走入一間鋪頭到買左2杯野飲，當時就覺得餐牌名上有D奇怪既飲品名同埋店名都好特別，叫米堤銀行。正因為特別既名所以印象深刻。用當地小農鮮乳，跟外邊用奶茶粉原全唔同，茶方面更加出色，茶味好濃，為一唔好就係台灣總台沒有冷氣（可能環保）。本來諗住明年去台北再試下，估唔到宜家香港都有！三八波鮮奶茶，台幣一千元，跨行匯款等等，都可以飲返！特別係三八波鮮奶茶，三種唔同珠珍（雖然講唔出係咩珍珠）但肯定外邊一定無，琴日再去飲都味道都無走樣

上年有一股黑糖珍珠熱潮，咁岩又去台北遊行，五日行程一次過飲哂台北黑糖珍珠，包括老虎堂、陳三鼎、幸福堂、珍珠丹、迷客夏......其中有一間當地台灣朋友介紹既黑糖珍珠就係米堤，米堤位置好偏僻，唔係當地人介紹都唔會識，我抱住一試無妨心態，一飲就覺得好正，好好飲，味道同出邊不相伯仲，珍珠就用大粒珍珠，咬落夠口感。前日經過尖沙咀，估唔到依家香港開咗，我即刻買一杯試下，今次我就試飲三八波鮮乳茶，簡單啲即係珍珠奶茶，唔係用奶精粉，用鮮奶加茶，茶香及茶味適中，而且有三款唔同size既珍珠，咬落又夠彈牙，整體好飲，無令我失望，值得再試。

最近睇到網上介紹依間係台灣大熱既台式飲品 又係正尖沙咀區 收工就緊係第一時間去試 台灣就叫米堤銀行 香港就叫米堤香港 開左好似都係幾日 6月12日正式開業 剛好錯過了買一送一優惠 不過由6月10日至6月14日都有9折優惠 本身想試下黑糖 但又怕太甜 就叫左另一杯-台幣一千元 9折左唔貴 都係$26 價$28 其實佢係蝶豆花鮮奶 我就叫左7成甜同少冰 飲後感 漸層好令 店員都好貼心咁提示記得飲之前要搖搖 搖完會變左淺藍色 超令 好重奶味同蝶豆花味 個人認為7成甜會比較好 唔會太甜 又唔會冇味淡得濟 不過朋友點左杯桂花烏龍鮮奶就因為正常甜度 反而變左太甜了下次要試試黑糖鮮奶