影片
港铁钻石山站 B 出口, 步行约8分钟
继续阅读
电话号码
68788340
营业时间
今日营业
07:30 - 20:00
星期一至三
07:30 - 20:00
星期四
全日休息
星期五至日
07:30 - 20:00
以上资料只供参考，请与餐厅确认详情
本身都好钟意食石磨肠粉，无意中search到屋企附近竟然开返😍营业时间仲好长，又唔使等好耐，店员好nice，可以储印花，配搭都好free～樱花虾画龙点睛，一定要加！！！食咗几次，口感烟韧又有米香🥹见全部店员都系后生仔，我呢个后生仔梗系支持十波啦～所以上嚟写下评分希望俾更多人认识撑下佢哋啦～配料方面小妹都系食肉多🤣猪颈肉制叉烧唔错～好浓叉烧味，猪颈肉令到佢更香更弹牙爽口👍🏻虾我次次都嗌（纯粹因为钟意食虾）但都好爽口冇咩雪味，豚肉碎同牛肉碎就正正常常👍🏻希望佢哋继续加油～
继续阅读
呢间新蒲岗采颐花园附近嘅石磨肠粉铺真系值得一试，五芳街行过去唔使五分钟就到。今次试咗「油炸鬼樱花虾肠粉」，真系有惊喜！肠粉皮够滑仲带有米香，入口弹牙唔会烂，油炸鬼脆脆地配埋樱花虾嘅鲜味，食落口感层次十足。豉油调得啱啱好，唔会太咸，提味之余又唔会抢走肠粉本身嘅风味。如果真系想再提升啲，我会建议最后淋少少浓香嘅花生油。之前喺广州一啲传统肠粉铺试过，𠮶阵花生油香气真系好提升到成碟嘅层次，尤其系配埋樱花虾嘅味道，会更加突出。价钱都算抵，连饮品加只蛋都系四十蚊多啲，系新蒲岗呢个区嚟讲真系唔错嘅选择。如果喺附近，呢间铺头真系可以试下，味道同价钱都交足功课！
继续阅读
哩间新开冇耐嘅石磨肠粉嘅小店，规模唔大，但好有心思去制作食物佢哋嘅酱汁同饮品等都系自己较同调配落单唔驶等好耐就有得食！肠粉一入口，口感真系好香滑，薄薄一层，咬下去就有一种柔软嘅感觉，几乎喺舌尖上融化。每一口都好似带住一种米香，令人回味无穷。而且肠粉里面包住嘅馅料都好新鲜特别钟意佢嘅辣椒酱加咗蒜蓉，十分之惹味辣味同蒜香混合，简直系绝配～完美地提升咗肠粉嘅风味每一啖肠粉搭配少少辣椒酱，食到停唔到口！所以食完再嗌多咗份哩期咁啱做紧个限定饮品——陈皮菊花茶，真系一流茶嘅颜色清澈，饮落去清新解渴。陈皮带出嘅香气搭配菊花嘅清香，饮完之后感觉精神一振，暑气全消。特别系食完热辣辣嘅肠粉之后，饮一啖陈皮菊花茶，真系冇得顶系一间一定会再回头嘅小店！！
继续阅读