籠町茶番 (已結業)

好少見有抹茶布甸嘅奶茶，好特別，今日終於去試左抹布奶茶。奶茶係正常台式奶茶味，夾埋抹布一齊飲都幾好味，但如果布甸嘅抹茶味再濃d就更好～試左少少朋友個杯相思Q抹茶，抹茶味夠濃，唔錯

依間新茶飲店, 吾似得開到成行成市加盟店咁, 見咁特別, 所以一試!!! 點知就一試愛上~ 紅豆甜甜的又夠軟綿綿, 冇誇張, 用條脷梅得爛 ;抹茶亦茶香又濃, 平時甜既抹茶其實好易得個甜字同得d色, 但依間吾會, 相信佢真係用茶整的!!!   

經過見到間新野，買杯黎試下。都都幾多台式野飲選擇，最後我簡左檸檬益力多綠茶。又OK 喎，平時飲D 台式飲品糖水味好重，呢杯又無喎。益力多味好重，從中又有D 檸檬既酸味，綠茶味就弱D，珍珠都幾好咬口，唔會太硬太林。下次經過都會試下其他。

之前見到已經好想黎！因為有抹茶又有珍珠同抹茶布丁,咁岩黎開荃灣當然要試下啦😁由左至右，紅豆珍珠抹茶，熊貓奶抹，抹布奶茶… 抹茶味唔係話好濃郁，但係係飲得出既。奶茶就同平時飯既有少少分別，佢奶味重好多。第一杯既紅豆夠淋夠大粒😜。而熊貓奶抹其實係黑色同白色既珍珠，兩隻珍珠其實冇乜分別，同樣煙韌，但有少許偏硬。抹茶布丁就幾好食，吮茶好滑lud lud..有茶味😜。整體其實唔錯，如果抹茶茶味再濃d就perfect喇！

抹布奶茶（$20）一開始睇抹布，心諗做乜咁dirty🤔😂。原來係指抹茶布丁奶茶，未見過！即刻買尼試試，一飲，又幾特別喎。司令超中意佢入面個抹茶布丁🍮！係食落有淡淡嘅抹茶味，而且質感好滑，配上奶茶就正正可以中和返奶茶嘅甜，兩者都可以平衡返。同埋抹茶布丁係珍奶界真係少之有，整得好飲嘅就更加少😂。所以呢間真係算難得，加上佢有好多唔同既抹茶飲品，鍾意抹茶既，不妨試下抹茶奶茶加抹茶布丁喎！

經過見到有抹茶布丁加上奶茶，救命好吸引即刻買左黎試！布丁抹茶味好重，滑滑的，份量都好多！差唔多每啖奶茶都食到有布丁。奶茶就偏濃同甜，加埋布丁既甜就岩岩好！以後係荃灣除左珍珠奶茶又有多一個選擇啦

今日經過荃灣見到呢間有野飲賣，飲得太多其他台式飲品，今次試下呢間，個人唔係特別綠茶控，但對綠茶都幾有好感，叫左杯熊貓抹茶奶茶＋布丁，叫左小甜小冰，我唔太鐘意飲好甜，所以覺得小甜岩岩好，抹茶味都幾濃，飲落幾重奶味，用左黑珍珠同白玉，個人覺得唔錯，幾煙韌，岩岩好，個布丁就飲到最尾先會飲到佢，所以如果真係想試，分開叫會好飲d，咁飲先可以布丁同抹茶一齊飲，好似我咁加落去就會比較易飲到最後先飲到布丁，個雞蛋布丁都好滑，原本想叫抹茶布丁，不過叫錯左，不過雞蛋布丁都幾正，下次再試，如果呢個我會覺得mix布丁正過珍珠。

食完午餐,途經荃灣地鐵對出,台灣飲品店-籠町茶番。叫左一杯佢地店舖推介之一ge飲品。我叫佢紅豆珍珠抹茶,哈哈(我忘了店舖稱這飲品稱呼)你知啦~好多地方d紅豆煮唔林。曾經飲過大公司ge紅豆冰~d紅豆好似未煮過甘硬。所以我都驚驚地一飲落去,抹茶味好足夠,紅豆同珍珠又夠林。我要求少冰 , 甜味100%也不會過甜。總之好味道。飲到好野,當然開心。 下次試其他

一心諗住去隔離嘅唯一麵家食嫩雞煨麵，點知荃灣呢間總店係無提供煨麵類的！大失所望下吃完，然後想喝好的飲料安撫一下，但行去荃灣廣場的天仁茗茶又太遠，見到呢間新開的台灣茶店便膽粗粗試下。叫了一杯熊貓抹茶半糖少冰，一試有驚喜喎！抹茶味濃厚，黑白珍珠好煙韌，飲完即刻開心番！下次試下珍珠奶茶先～ 但暫時見佢得荃灣呢一間店，所以寫個食評支持下！

抺茶挺不錯，珍珠白玉都一樣味，一樣煙韌！廿蚊一杯，其實都幾貴⋯仲有，唔記得嗌少冰，飲耐左會淡味。勝在快，由落單到飲都不過幾分鐘！位置近地鐵站，方便。下次再試其他味！