築地GINDACO

营业中

休息中

下午茶食個章魚丸，雖然係冇日本咁好食，不過過下口癮。唔洗排隊，有幾盒章魚燒亦都準備好，排隊到拎野食唔洗1分鐘。我覺得上次食好食啲既，今次個章魚有啲硬，而且有2粒個面有啲焦焦地，其他ok既，係脆既。鐘意哩間唔會好多麵粉係入面，好怕其他店勁多粉漿，食2粒就唔想食，我一個人食左8粒🤭🤭🤭企我隔離有2個日本人，日本人都食既日本野唔會差得去邊。$45 8粒 $25 4粒 另外有啲鯛魚燒都幾吸引，不過太飽冇食到。

好耐以前喺旺角嘅中地章魚小丸子係我嘅最愛，每次經過旺角都會買來食。不過自從嗰間執咗之後，築地都好似冇再喺香港開分店。直到最近喺銅鑼灣Sogo終於開返，梗係要去食啦！八粒($45)四粒($25)，試住四粒睇吓質素如何先！果然冇令到我失望，咁多年冇食水準依然保持到，依然食得返日本嘅元組味道！每粒章魚小丸子嘅麵粉同埋章魚嘅比例都夾得好好，唔會太粉漿住過口，好食！不過沙律醬啦略嫌多咗少少，肥膩左少少。木魚嘅份量好多，好香口！

Sogo超市有好多不同既小食店，例如有近期好紅既蘋果批等。 今日食完晚餐見時間還早，便和老婆到sogo超市逛逛，見到每次到日本都會吃的築地銀，雖然已經很飽，但還是決定買來食。章魚燒就算越洋來到香港，但依家做到外脆內軟，非常好食！！！是在日本食過的味道，但吃的時候一定要很小心，因為是新鮮出爐，一不小心便會燙傷嘴。見到脆皮鯛魚燒做緊半價，平時因不是特別喜愛食，所以不會有興趣，但見到有優惠便嚐嚐。吃完的感覺是好在是半價的，如果是正價真的覺得十分不值，皮是脆的，無甚特別。如果來到只推介大家買章魚燒吃。