影片
相关文章
153 浏览
舅父仔已多年冇喺香港庆生，家庭饭局中明显XO仔最有心，一早就喺公司附近间「简品堂」订定生日蛋糕为佢暖寿！饼舖面积唔算好大，但胜在地方整齐，空间感足。除咗面包之外，透明玻璃雪柜陈列出不少原个蛋糕。小肥早于网上锁定目标蛋糕，加上友善嘅收银姐姐效率高，五分钟内即成功订购。取货当日落大雨，姐姐仔仲加多个胶袋保护，当真细心体贴得很！夜醉金迷蛋糕（$618/七寸）：舅甥年纪相若，从小便一齐饮酒，见到个蛋糕人人都话好啱feel，姨姨姨丈们都劲爆笑，最令人疑惑嘅就系究竟蛋糕面樽酒饮唔饮得呢？！其实樽酒真系液体黎嘅，无奈在场冇人扭得开个盖，结果就引证唔到。当晚家人畅饮狂欢，细佬都系之后先发现冇影到个薄荷朱古力馅，只系记得个蛋糕轻盈松巧，一层浅绿色嘅薄荷层隔住一层朱古力，传出嘅薄荷香好清新，整体微甜不腻滞。连锁西饼店「简品堂」光鲜企理，服务优良，蛋糕款式相当精美，诚意推介清新可口嘅薄荷朱古力馅。
继续阅读
2025年2月5日 星期三呢日喺湾仔附近收工，准备搭巴士返屋企嘅时候，竟然见到湾仔道开咗简品堂既分店之前净系食过旺角东既分店，一直对佢嘅麻糬包念念不忘，咁啱俾我撞到就梗系入去帮衬啦，未入门口之前已经见到门口侧边摆咗放满曲奇饼嘅柜同放满甜品嘅冻柜曲奇饼嘅柜真系放咗好多唔同款式嘅曲奇饼，除咗手唧曲奇之外，仲有好多特别款式嘅曲奇，例如竹炭芝士曲奇、斑斓曲奇、乌龙茶腰果曲奇等等，都真系花多眼乱入面嘅情况就更加夸张，有好多种唔同款式嘅面包同食物，有近期大热嘅开心果脆脆朱古力包，亦有最新推出嘅法兰克福肠碱水结，全部都好吸引，最后决定每样都要少少嚟试吓，返屋企同屋企人一齐分享一返到屋企打开包装拎食物出嚟，屋企人都吓咗一跳，因为卖相真系好靓，同埋冇谂过我买咗咁多，但真系好想试匀晒全部食物首先有唔同味道嘅糯米糍，无论系榛子脆脆或者大甲芋泥脆脆，一咬落去都充满馅料，真真正正做到皮薄馅靓，芋泥味唔算太甜，芋头味几出，食完都唔觉得好腻跟住有麻糬QQ球，最惊喜系近期大热嘅开心果味，因为外层已经有好多开心果碎，咬落去里面仲有好大嚿麻糬添，口感十分丰富呢个系杜拜开心果脆脆朱古力包，又系另一款有开心果既产品，同麻糬QQ球好唔同，呢个开心果同朱古力包好夹，个包咬落好松软然后有芝麻麻糬波波，每一粒都好大个，咬落去充满芝麻香之余，仲食到麻糬好烟靭最后有芋泥麻糬Tiramisu盒子蛋糕，十分足料，从外面睇落去已经见到里面有劲多芋泥同麻糬，充满层次感，味道唔算太甜，食埋已经觉得好满足！！
继续阅读
最近香港人气品牌「简品堂」推出各款精美高质的贺年礼盒，为佳节更添气氛～经过时已急不及待拣选数盒，红色礼盒包装十分吸睛，送人或自用都得体❣️新年帝王原味／咖啡蛋卷新年必买手作蛋卷，店家选用进口鲜牛油及新鲜鸡蛋制作，条条松脆可口，甜而不腻，食用时可以食出啖啖牛油香和浓郁的蛋香，口感酥脆实在； 除了以上两款口味外，亦有阿华田、伯爵茶和抹茶口味，梗有一款啱大家😍❣️新年曲奇礼盒人气产品之一，红色包装适合过年，曲奇有十几款口味，今次拣选咗其中九款，蔓越莓抹茶朱古力每一款都松脆可口，拥有传统曲奇既松化口感与牛油浓香，重拾儿时美好回忆❣️凤梨酥店家使用新鲜100%凤梨，确保每一啖凤梨酥都散发住自然的果香，让人感受到凤梨的原汁原味；每一盒有五个凤梨酥，以独立包装好贴心，食完一个好有满足感❣️开心果脆糖开心果控绝对不能错过，花生脆糖我就食得多，第一次食开心果口味🤪香酥脆口不黏牙～一粒脆糖包含数十粒开心果肉，超香浓坚果力量，一口齿颊留香值得推荐❣️合桃牛油薄脆片一啖一个的薄脆片，风味酥脆香浓，尝一口已感受到牛油和果仁蔓延到口腔每个角落；外层嘅合桃增加薄脆的口感，让你细味薄脆的丰富层次
继续阅读
原本打算买面包做早餐，居然见到开心果毛公仔出了两个新款式，分别是小小的微笑开心果bb，及同伤心版同款的微笑样，开心果也终于开心啦！超可爱！见到这么可爱的开心果毛公仔宝宝，忍不住又买了开心果脆脆糯米糍，内有大份的粒粒开心果馅，绿茶味及朱古力味也不错着，口感十足。然后买了香葱芝士麻薯波波球，试用了微波炉叮包，真是又香又软，内里的芝士和麻薯都烟韧得令人感动，加上包的大小分量刚好，配上热茶一流。最后是新出的旋风薄荷朱古力脆脆包，巨型朱古力卷，上面的朱古力波脆脆凉凉的又有口感，而内里的浓郁朱古力酱和薄荷酱忌廉混着食，饱足感十足。
继续阅读
湾仔行完电脑城，无意发现一间新颖面包店，我被佢玻璃柜的蛋糕及西饼吸引我眼球。我就入左去行，西饼曲奇类五花八门，款式新颖，又有三文治选择，奶茶等等，蛋糕造型美观。焦糖夏威夷果仁糖食唔停口开心果糯米糍馅有适中碎粒开心果，甜度恰当！抹茶脆脆糯米糍，内馅有很多粒朱古力脆脆！口感唔错！脆卡卡可颂带有点葱香味，脆口😍香葱芝士麻薯波波，每粒波波有软硬适中的麻薯，芝士味浓！食左一粒已感到好饱薄荷朱古力忌廉脆脆包，薄荷味重！
继续阅读