築地銀だこ (海之戀商場) (海之戀商場)

营业中

休息中

繼上次發現海之戀Donki出口旁原來有個小型美食廣場後，今次又去試另一間。銀だこSet A（$55）原味正宗章魚小丸子（四粒），雖然唔係即整，都算熱的，外層微脆，裡面微熱，章魚腿大粒有咬口。沙律醬、照燒醬味道正常。築地銀炒麵，即炒夠熱，份量唔算好多，除咗幾條椰菜絲就無咩配料。麵條可以，唔糊口有些少口感。味道唔太濃。飲品，除咗汽水，還可以選原味抺茶及抺茶牛奶。

行行下街有啲肚餓，又唔想食咁多，整幾粒章魚燒就啱啱好。叫左個原味同一個明太子味，每樣4粒啱啱好夠食。2隻都外皮都好脆，有少少乾，好彩啲牆夠多，咁先易啲入口。原味配沙律醬同柴魚碎，正常發揮，無乜特別，個明太子醬就少少辣幾惹味，不過都係太乾，醫肚都還好。

已經唔記得呢個食物叫咩名🙃🥲就係有流心蛋，再加章魚燒啲材料放落麵上～佢係撈麵黎嘅😗😗個人覺得呢個章魚燒同麵唔係好夾，好彩呢碟麵有蛋嘅存在，如果唔係 會越食越唔想食，感覺好單調😂

今日8號風球去到呢個日式超市food court，無咩人。就到這間築地買個章魚丸子燒的小型套餐。大阪燒唔錯，味道同份量幾好，不過唔係好夠熱，可能打風小人幫襯。章魚燒真係存乜特別，章魚比較細粒。但$55元包埋飲品，都算唔錯。

之前book咗24-6-2023(Sat)去神石燒食晚飯,我同老公傍晚就去行吓街先,我哋行完Donki後經過food court,佢又話想食啲嘢,我哋咁啱行到嚟呢間前面嘅枱坐,老公見到呢喥有鯛魚燒賣,於是就用$20.00買一件吉士味嘅.竟然係即刻有,拎到嚟後打開睇,外形同我哋食開嘅唔同,唔係似用班戟粉整嗰種,而條魚係扁平,而且係壓咗魚嘅形狀落長方形嘅鯛魚燒上.食落,佢係酥皮嗰種,佢係脆口同甜,吉士餡嘅份量同甜度都適中,成個幾好食,不過真係估唔到佢嘅鯛魚燒唔同啲啫.味道係4.5:分   抵食係2.7分

時日下午茶，叫咗一個set c，有大阪燒，日式炒麵，同埋4粒章魚小丸子。再加咗8粒有2種口味嘅小丸孑佢呢度採用自助式取餐，叫餐速度非常之快，取餐亦都係一樣咁快🤣，講返d食物，個炒麵炒得非常之好味，食落有咬口，入面嘅材料亦都非常之多，，個大阪燒亦都一樣，最值得一提嘅就係….. 個小丸子，佢整得超級脆口.. 小朋友好鍾意食，入面粒章魚都好大粒，食落有口感。唔似坊間喺出面買到嗰啲粉多個餡＇能夠做到咁出色嘅小丸子，呢個師傅一定唔簡單

**章魚小丸子 4粒**新鮮出爐，見到員工都好忙，不停咁整，每粒都整到外皮脆卜卜，內裡又軟淋淋。平時食的章魚小丸子偏向麵粉較多，他們家的章魚小丸子咬落去就好有章魚肉，沒有粉多口感，再加上燒汁，紫菜碎同蛋黃醬，非常夠味，超滿足。 **日式炒麵**味道可以，炒麵醬酸甜味濃，但麵同配料的份量偏少，有待改進。**抹茶鮮奶**抹茶鮮奶，抹茶味濃而偏苦，奶味偏淡，整體味道普通。 套餐價︰$50

有次趁着嬰兒睡眠，我們本身已經在荃灣吃了泰式東西，然之後他醒來，行完Donki超級市場，又生怕他肚餓，於是來看看不知版這邊的美食廣場，但發覺北之板已經圍板裝修定還是結業，於是就到了旁邊這間築地買個章魚丸子燒的小型套餐。由於我之前已經食咗咖喱飯等等正餐，因此見到章魚丸子以及炒麵，胃口都不算太好，因此沒有動筷子，不過和大埔一田那間，看來都非常相似，味道應該會太差。反而我吃了這個三角形的所謂鯛魚燒，就像是外邊酥皮，內裏帶點吉士的甜點，外邊又有酥皮，少許糖粒，內裏吉士不會太甜，但令到牛角酥有點餡料，味道相當怡人，作為下午茶還好。另外旁邊還有一杯抹茶鮮奶，和北之板版那種熱抹茶味道相當不同，這種抹茶鮮奶，抹茶味道欠奉，奶味都相當淡，冰粒太多，因此成為了沒有什麼茶味的飲料，欠佳

不錯不錯🫣見到職員係入面整幾得意 佢部機係可以自動轉😳講翻章魚燒 佢有足夠嘅鰹魚乾 所以整體香氣提升！而且沙律醬剛剛好 入面嘅料都好多 一咬落去就會慢慢爆出來 唯一希望外皮可以更酥脆

星期日2點幾去到food court，無咩人，是但揾個近章魚燒嘅位坐低成個food court 最多人幫襯算係呢間，keep住有人排隊落單買叫左一個原味章魚燒8粒，芝士明太子章魚燒4粒，放上一個比較污糟嘅餐盤上，有上一手d食物殘餘，而且餐盤拎上手係痴立立嘅，清潔度好差但章魚燒味道同口感就非常好，入口熱辣辣，外脆內軟，淡淡章魚肉，都好足料。最驚喜係芝士明太子味，好正啊，濃濃嘅芝士明太子醬汁，同章魚燒非常夾，下次要食8粒兩個店員無停手係咁燒

今日係荃灣行開Donki,有D肚餓🤤居然比我見到有築地Gindaco 係food court,平時你想食要到日本先可以食到😋，今日係荃灣Donki food court就有得食了。叫左個8粒裝$48每一粒都大大粒，夠哂圓，外皮好脆，配合埋燒汁醬同沙律醬，真係一流🥰而家不過今次入邊多咗啲生薑，比較spicy,算係美中不足，不過都係好好食！環境指數：🌟🌟🌟🌟味道指數：🌟🌟🌟🌟回頭指數：🌟🌟🌟🌟推介指數：🌟🌟🌟🌟

今日去Donki 買禮物見到food court 有好多嘢食,口痕痕走去買章魚小丸子食下揀咗B餐:有4粒章魚小丸子+大阪燒+抹茶牛奶章魚小丸子:新鮮即製熱辣辣好好食,粒章魚好彈牙有咬口,食落去粉漿唔會太厚,配上原味醬汁和沙律醬,好滋味大阪燒:大量木魚碎鋪在燒餅上,入邊夾住濕潤柔軟菜絲,口感極好抹茶牛奶:抹茶甘香味濃,沒有苦澀

中午時間，諗住去donki買外賣，點知行行下行左出去就見到外面有個美食廣場，見冇咩人就去睇下有咩食。見到呢間築地銀だこ，見到有炒麵同章魚燒就食呢樣，午餐只係50蚊而且仲有凍抺茶，等左幾分鐘就叫我出去攞，之前見到佢有order先會煮，見到一邊炒麵一邊章魚燒都相當熟練，個炒麵賣相好吸引加上章魚燒有4粒，炒麵味道有少少酸甜的口感彈牙，雖然餸料不多但就相當美味，最讚就係章魚燒，皮薄而脆內裡軟熟做得相當出色，章魚粒亦都爽口，最後抺茶就做得泡沫細嫩豐富，回頭率80%

皮薄、脆、多餡（每件都有兩粒章魚、生薑、蔥），有輕微overcooked但不影響口感。😋鋪面的蛋沙律及蛋黃醬味道很好，友人超級喜歡💕，不過即使跟店員說要加錢，也不能另外加添，只能以再多叫幾客的方式，來「加添」蛋沙律及醬汁，因為跟想要的比例（多醬）會有所不同，所以只好作罷。😋這家的章魚燒沒有一般店家都會下的紫菜、椰菜，及章魚燒汁，但有加上一定會有的鰹魚乾。😋配的抹茶一般，另外在別店買了可樂。😳每次經過都一定會買來即場吃。據說這家的大阪燒炒麪也不錯，改天再試試。

毛毛蟲去荃灣donki行街，順手去Food Court搵食。Food Court 好多好嘢食，實在太想去日本旅行，只好食下小丸子、炒麵+大阪燒當自己去左啦!毛毛蟲開餐！❶築地銀だこ🍴築地銀だこ係Food Count最內面，星期六下午的人出奇地小。❷原味正宗小丸子套餐內的小丸子一共有4粒，大大粒，比較軟身，喜歡彈牙口感的可能未必鍾意。❸築地銀炒麵+大阪燒套餐內的炒麵和大阪燒。築地銀炒麵：炒麵好好味，調味有些甜，有些咸，啱我依D重口味的人。大阪燒：大阪燒味道好一般，口感好淋，好粉。❹抹茶牛奶🥛本來有心理準備會比較甜，點知飲落落一點都唔甜。飲到最後發現個底先甜，原來係我無搞勻❺套餐C($80)今餐食左$80。有三樣嘢食+杯飲品其實算係咁。除左大阪燒外，其他二樣都唔錯，下次再叫叫A餐好了。🐛推薦指數美味🌕🌕🌕🌕🌑抵食🌕🌕🌕🌕🌑環境🌕🌕🌕🌕🌑回頭🌕🌕🌕🌕🌑店舖資料🗺荃灣大河道100號海之戀商場2樓激安之殿堂美食廣場內📞26763378⌚星期一至日 1000-2200#hkfood #hkgoodies #yummy #foodiehk #foodblogger #eat#毛毛蟲美食 #香港食評