第五街冰室 (已結業)

叫外賣既咖哩牛腩飯盒第一次叫既外賣唔熟，粉紅色既，跟住打電話叫佢補送。第二次送到黎，依然係粉紅色唔熟。我叫經理聽電話，跟住男餐廳接線生聽，冇表示係咪經理，態度極差，仲猛禁cut我線，我表示佢個飯盒出現左問題，佢不斷好勞氣敢話「跟住呢？」，反問我想點，好似係我比錢買個粉紅色肉既飯盒先係岩既。我問點解牛腩既肉點解會係粉紅色，但個男餐廳接線生話這是彩虹色，雖然我再三強調想要熟既牛楠飯，但依然係粉紅色既肉，睇到都倒胃口。我叫既係下午茶，其實其他野食都係一般。唯一有杯稍為正常既鴛鴦可以飲下！

千祈唔好叫枝竹魚腩煲！啲魚好多骨好多刺，又鞋又腥。我叫左個枝竹魚腩煲餐，$88送白飯，湯同埋熱飲，但夜晚七點幾已經冇晒例湯……我就係因為想飲例湯先叫個餐……咁唯有轉忌廉湯，個湯不過不失，味有啲淡湯有啲油，但都還可以。到個魚……中曬伏……$88仲要真係唔好食就完全唔抵朋友叫左個西炒飯，就正正常常，冇話特別難食特別好食。我見有其他人叫羊腩煲，唔知味道如何，下次可能都會試吓叫佢哋啲招牌，其他嘢就唔敢再試了

見到一間邨屋商場有咁多好comments,有高質，性價比，色香味俱全等等就決定試下第一次。一入去見到好多Ironman figure，店主應該係Ironman迷。Menu都係一般茶餐廳會有嘅野，唔緊要！最緊要好食嘛！服務員態度一般啦，都係普通你要咩就落咩，唔會有多餘說話。諗左一論叫左個"星洲炒米"同"XO醬豬扒炒烏冬"，星洲炒米味道較淡同無乜配料；XO醬豬扒炒烏冬味道就較濃。星洲炒米食左一半就發現有隻"曱甴🪳"，叫左職員黎，好快答票覆係可能曱甴係啲蒽度出黎，好快佢就收走及取消碟星洲炒米，感覺類似事件經常發生，輕描淡寫態度，收走左碟星洲炒米後連人都消失埋。不過都明，普通屋邨茶餐廳唔通比你酒店服務態度咩，但都要有基本衛生。希望會有改善。

第五街冰室應該新開唔係好耐，入面有勁多iron figure ，相信係老闆珍藏！餐牌好多選擇，所以今日就黎試下佢啦！叫左個招牌美國肉眼扒上到枱。。。。勁大份！份扒成個鐵板甘大，仲要好厚身，好擔心食唔晒呀！仲有好多既薯角同菜！薯角新鮮炸起，外脆內熱！好味！叫左蒜蓉汁，味道剛好，唔會太咸。肉眼扒叫左7成熟，食落好稔好juicy ！牛味重，無雪藏味。雖然肉眼，但都唔會好多筋，唔錯！餐連牛油餐包，暖暖的。餐連餐湯同免費升紙紅豆冰，夏天熱熱地飲正呀！食到超級飽，唔錯！

今日去竹園拎件 肚餓順便食個lunch，見到有間新冰室時日午餐有味菜炒豬頸肉就試下，$60難得Lunch set 仲包湯+熱飲，而唔係是但一樣，凍飲加$3，湯仲有中湯、羅宋湯、忌廉湯選擇，揀咗羅宋湯，幾好飲，有湯料，唔係求求其其。味菜炒豬頸肉色香味俱全，雖然豬頸肉係好薄，但炒得幾有鑊氣，大大碟又多肉，飯一碗都唔錯，軟硬適中。係杯凍鴛鴦麻麻地，叫咗少奶但都太甜太多奶。環境好闊落，坐得舒服！下次會試常餐，見到隔離枱炒蛋幾滑咁…

屋企商場新開茶餐廳，成日都見到佢坐好爆今日終於黎試下佢，餐牌好豐富，連餐湯都有紅湯白湯中湯選擇，中湯暖胃好飲，老闆每日喺九龍城街市搜羅當日最正海鮮返嚟買，清蒸杉斑$128細細條啱曬兩個人食，原條啖啖肉，面珠墩肉滑捋捋，薑蔥同甜豉油係天作之合，好好味，薑蔥桶蠔$208，份量超級多，勁抵食，我同朋友每人好似食咗四五隻，味道又香又惹味，將汁撈飯一流，另外我哋仲叫咗蒜蓉粉絲蒸元貝$30一隻，餐廳好好可以單隻落單，啱晒平時一兩小口嘅客人落嚟都可以過口癮，唔使每次都好似平時出面大排檔咁叫一碟，除咗海鮮大餐，我哋都叫咗金銀蛋白菜仔，食啲蔬菜健康啲，金銀蛋份量好多，有我最鍾意食嘅鹹蛋黃可以原粒食到好開心，白菜仔味道鮮甜，最後甜品嚟個雪糕紅豆冰，一上枱見到勁大杯，超級足料，成個雲呢拿雪糕球，好多紅豆可以咬下咬下，全部小菜都很高質，下次帶埋阿爸阿媽黎食晚餐先！😌😌

位於竹園呢間❤︎︎第五街冰室❤︎︎超推薦大家去試吓😋店舖好大，座位好寬敞，店主擺左好多Figure公仔做佈置，一入門口重有部扭蛋機👍🏻呢度啲侍應招呼好好，好有禮貌，食物款式選擇超多，樣樣都好好食。👍🏻❤︎︎菠蘿咕嚕肉❤︎︎$68 廚師嘅火喉同時間掌握得好好😋酸酸甜甜，啖啖肉，外脆內嫩。❤︎︎金銀蛋白菜仔❤︎︎$68大大碟👍🏻超足料，師父重落埋紅蘿蔔片，望落色彩繽紛好開胃。❤︎︎菜遠排骨炒河❤︎︎$60好夠穫氣👍🏻排骨份量超多，茨汁濃度岩岩好。❤︎︎清蒸石斑❤︎︎$108⭐️推介必叫之選，石斑岩岩蒸起，夾嘅時候啲魚肉出晒熱🤤，入口超嫩滑好新鮮，好味過酒樓添，真係無誇張，我同媽咪好快清晒成條魚。❤︎︎BB鴿(一隻）❤︎︎$50呢到啲出品真係好有誠意架，成兜淮鹽跟比你👍🏻皮脆肉嫩，好香口。❤︎︎雪糕紅豆冰❤︎︎跟餐$18呢個都係推介之一😋一上枱連隔離枱食客都問我呢杯咩來😂超大杯勁吸晴👁️👁️紅豆🫘夠淋，甜度夠，清暑解渴呃like一流👍🏻

前段日子，樓下又有新餐廳開，今日（15/9/2023）終於有時間來試吓。午餐時間，唔爆滿，坐得舒服，周圍環境放滿特式公仔，令小朋友不停看，可以定定坐。午餐餐牌選擇多，點了三個午餐。海鮮什菜煲，都幾多海鮮，蝦乾稍為硬咗D，但都好甜美。菠蘿咕嚕肉，份量都多，味道唔錯，只有二片菠蘿，如果多D菠蘿更好更開胃。餐肉炒公仔麵，餐肉份量很少，公仔麵炒得乾身，不太咸。午餐附有例湯，有羅宋湯 忌廉湯及中湯選，選了中湯，味道還可。

海南雞飯深受人們喜愛。這裏的雞肉的鮮嫩多汁，外皮細緻微脆，肉質鮮美，且充分入味，每一口都能感受到雞肉的美味與香氣。米飯粒粒分明，並透著微微的雞香，為整個菜餚增色不少。另一道令人驚喜的上湯蝦仁勝瓜，湯汁清澈，蝦仁鮮嫩彈牙，散發著鮮甜的海鮮味。而勝瓜的脆爽口感更是為湯品增色不少，。這次晚餐，海南雞飯配上上湯蝦仁勝瓜，口感與風味都很平衡，實在是下飯的好餸菜。不論是在質感上還是味覺上，都值得推薦品嚐。🌈🌈

高質素新派冰室 餐廳新開張 好受街坊歡迎，夜晚七點去已經排緊隊 店舖空間闊落，環 境休閒舒適，佈置好有心思 打卡一流食物方面絕對係超多選擇 揀唔落手，日日食都唔厭 提供多款意粉、焗飯、湯飯、扒類、 川菜 等等，款式創新，價格合理 份量好多，人均唔使$100 性價比高晚市三人消費:$283 不設加一服務費 食評我哋叫咗個二人餐，包括三碟餸 兩碗湯 兩碗白飯，兩杯飲品 仲可以免費升級特飲，只需 $188，超抵呀羅宋湯✨明火例湯✨清炒時蔬菜✨份量多 味道適中 唔會鹹，好新鮮，值得讚!海南雞(例牌)✨份量好足夠，雞肉夠嫩口，點上醬汁配飯好正豆腐斑腩煲✨熱騰騰，鹹香惹味!大量豆腐及斑腩，好入味，配上白飯一流另外個朋友叫咗個意粉~ 忌廉蝦球意粉 $95✨好飽肚好滿足意粉好高質!熱騰騰，鋪上好多大隻蝦球，意粉佈滿香濃忌廉汁，好好味

去左竹園搵親戚，夜晚係附近一間冰室食飯。呢間冰室好乾淨，係新開張，夜晚都幾多人食。我地叫左清蒸石斑，配埋白飯、湯同熱飲，價錢都係 $108，好抵食，石斑好新鮮，魚肉好嫰滑，唔會蒸過龍👍🏻，加入唔少薑同蔥花更鮮味。水準拍得住酒樓嘅蒸魚蜜椒薯仔牛柳粒都幾大碟，牛柳非常軟腍，仲有薯仔同三色椒，加左蜜糖同黑椒炒到好香口，好惹味😋叫左碟菜，北菇鮑片扒時蔬，係西蘭花配冬菇同鮑片，加埋個蠔油做茨汁，都幾入味😆沙嗲肥牛粉絲煲值得一試👍🏻肥牛份量多，平時出面嘅呢個煲都會比較咸，值呢個煲就唔會，咸味剛剛好，食完都唔會口渴😬呢個整體嘅食物質素都唔錯，以街坊店黎講性價比好高👍🏻👍🏻

去黃大仙探個朋友👧諗住食埋飯，結果朋友👧話冇時間煮🤣，佢👧就帶咗我嚟呢間冰室🥢開餐，朋友👧仲帶埋佢個妹妹🧒🏻，我哋三個人一齊食晚飯🤣冰室裝飾幾特別，有好多模型同埋壁畫，餐廳老闆應該花咗唔少心思🤩叫咗 $108「清蒸石斑」、$88「上湯魚腐浸勝瓜」，呢兩個係「晚餐」，包「白飯、餐湯(羅宋湯/忌廉湯/明火例湯）、飲品(熱飲/凍飲加 $3/汽水加 $8/特飲加 $12)」；另外再加 $108「滑蛋炒蝦球」同埋 $90「炸BB乳鴿兩隻」🤩「清蒸石斑」：石班魚🐟新鮮，肉質結實鮮甜😋，清蒸完之後加咗大量薑蔥絲喺面，再加醬油生油，又香又好食🤩「炸BB乳鴿兩隻」：即叫即炸，炸得香口，乳鴿肉質軟熟🤩，乳鴿皮仲炸到脆脆哋😋「上湯魚腐浸勝瓜」：勝瓜新鮮，爽脆得嚟又幾滑😋；加埋魚腐，增添美味🤩「滑蛋炒蝦球」：蝦仁🍤肉質幾結實😋，雞蛋🥚就炒得好滑🤩「熱奶茶」夠香滑🤩「羅宋湯」同埋「明火例湯」我哋三個人都食得好飽🤩

❤餐廳環境夠哂開揚，坐得好舒服，地方好夠大，如果成班朋友黎聚餐都一樣冇問題! 今晚叫左3款廚師推薦既菜色同1款地道碟頭飯。🥰西芹腰果炒蝦球🥰爽口清甜青青綠綠既西芹 又香又脆既腰果 同鮮嫩爽口大大隻大蝦，鑊氣十足! 😃清蒸石斑😍魚肉口感結實有彈性，食起上黎鮮味十足夠哂滑溜，而且好大條! 師傅掌握個蒸魚時間控制得好好! 而且佢地既豉油唔係死咸死甜，配埋滾油，好食過一般酒樓! 🤤豉汁蒸䱽魚😍岩哂中意重口味既你，因為真係好惹味，魚肉一D都唔鞋口，仲好嫩滑厚實，豉汁味濃郁，豆香甜美，呢個真係要連汁送飯食~😋⭐佢地既魚係每日係街市到買返黎，夠哂新鮮，肉質鮮美~大大大大推⭐👍🏽每個餸都跟一個白飯 例湯同熱餐飲，呢個價錢真係性價比極高!雪糕紅豆冰😋真係同一份正式甜品既份量有得揮! 大大球雲呢拿 + 大大份既紅豆 成杯都好好好大杯! 紅豆大大粒，口感軟硬岩岩好又唔死甜，加左雪糕甜味岩岩好，仲多左陣雲呢拿白味，正~❤涼瓜牛肉飯😍苦瓜煮到岩岩好，唔會好冧好硬，牛肉夠哂鮮嫩，飯多汁多，撈飯一流!🤤呢到既野食都即叫即炒，好食好夠火喉好足料，絕對推介俾大家😃