第三站 (已結業)

旺角黎黎去去都係食啲牌子野，友人提議食cafe,貪佢靜靜地坐下傾下計，又唔會限時限刻趕你走今次揀左喺潮特附近好近嘅嘅station 3樓下無咩廣告，相信要做下功課先拱到上黎食野，呢度環境幾大，又夠獨立，一張張卡位自成一角，好岩上黎開party小妹今次又係揀有關黑松露，貪佢果陣除香噴噴而友人就揀咗鴨胸試下田園沙律加$30有沙律同甜品，跟餐有價值39蚊嘅飲品你揀，選擇都幾多先黎小妹嘅黑松露帶子鮮菌燴意大利飯首先飯濕度岩岩好，唔會太濕，而且飯亦都軟硬適中，無“生米金“帶子係細size帶子，同鮮菌都幾配搭，又足料，係個黑松露香略為淡咗小小，不過都好好食友人嘅意大利鴨胸燴飯有驚喜喎大廚落左辣椒仔去調味，提升咗同帶出左啲蕃茄味，而且個汁甜辣適中，好吸引，食落會食唔停囗蜜糖雞翼，惹味，唔會過甜，外脆內嫩，好味！飲品選擇有好多，天氣咁凍，飲下花茶一流！小妹揀左"特首",呢排熱氣，清一清啲肝火，佢嘅檸檬草同歐薄荷配合得好好，飲完個人好舒服友人就揀咗"可人兒",佢話清清地又有美顏功效，身心都舒暢晒喎最後食埋甜品，正！好飽好滿足！

收工想搵個地方同朋友傾下計, 輕鬆下相約左係旺角搵間cafe就揀左呢間station 3 cafe  環境幾寬敞擺設幾用心仲有電視同board game做娛樂, 適合幾位朋友一齊黎我地嗌左個一份dinner set - 燒牛肉配田園沙律 ($75) + $30要頭盤加甜品個sauce要讚一讚 夠開胃 牛肉都夠爽不過菜有點不新鮮 俾3分啦 原來個頭盤都係沙律....然後我地再嗌左d小食蜜糖雞翼($40)餐廳將雞翼先炸好再係上面放香草 蜜糖雖然做法比一般蜜糖雞翼無咁入味但係同時有蜜糖味 同脆卜卜既口感都係值得一食得4分 芝士火腿飛碟 ($34)第一個感覺係 好大份!兩個人食一份都覺得好夠咬開佢 d芝士濃到可以拉絲 火腿都好足料 夠香好味又抵食5分  特濃芝士薯角($38)如果各位以為芝士火腿飛碟已經夠抵食, 就錯勒壓軸黎到既特濃芝士薯角先真正抵食佢既份量係足夠4人食芝士一樣夠濃薯角夠脆(最後食到我地食唔哂..)5分 again!  最後講講d野飲友人點左杯已塔羅牌命名既野飲 - 節制朋友話 佢純粹因為覺得藍色靚就點左佢 唔算太甜藍色既係藍莓梳打下面既係紅荼mix埋幾有新意4

旺角同油麻地既新填地街 以我所知叫係好多舊式食店今天徒弟仔放假，特意相約晚饍，今天相約地點為旺角，旺角同油麻地既新填地街 以我所知叫係好多caffe shop  在毫無頭緒情況下，high tea 地點揀選Station 3。餐廳位置毫不顯眼，成間鋪頭裝修佈置都好舒服，地方非常寬敞,做熟客居多。價錢都可以接受 仲可以hea好耐 沙律菜新鮮，咬落爽脆用上芝麻醬，加入了青瓜讓沙律的口感再多一層芝士忌廉煙肉長通粉卡邦尼長通粉，撈雲芝士後，仲可以拉到芝士一絲一絲,汁都ok，不會太多太鹹，加入左煙肉，整碟長通粉都好香肉醬意粉，意粉乾身，肉醬真材實料，上面的芝士仲係溶溶地,口感一流

1月1 號個個都訓到黃朝百晏 難ho二有人肯陪我2pm食個tea , 商量過後 呢d時間反而係cafe最少人 於是我地上到去mk其中一棟多大廈既cafe基利商業大廈 睇下有邊間可以選擇 於是我地上左6 樓試下station 3 cafe 食店環境好大 有三兩個鋪位 以白色疏化為主同長白色枱為主 可以坐到幾十人食店有一班人開party既餐 亦有lunch set tea set等等 , 而且亦似一般既cafe會有適量既blog game玩。由於我同朋友太肚餓， 所以點左好多野食 ,.首先黎兩個lunch set先，每個set有一個主菜 一杯野飲 同一個cheesecake我地點左煙三文魚白汁意粉 煙三文魚有大慨4 塊 砌成 玫瑰花形狀 份外美觀 意粉夠爽滑 配以味道偏濃既白汁 加上洋葱 三色豆 同磨菇點綴 味道唔錯牛肉田園沙律 牛肉味偏濃 係醃過既西式咸牛肉， 沙律既菜十分新鮮 加上青瓜 同沙律醬汁 十分開胃飲品方面 我地點左西班牙coffee正宗係coffee上面有vanilla雪糕， 但佢冇哂 我唔mind轉chocolate味， 咖啡味偏濃 雪糕亦偏甜 雪糕食到甘上下溶左 味道更濃

一間上樓cafe，如果唔係朋友帶，真係唔會識得黎因為聖誕既關係，呢度都擺滿左xmas既裝飾一入去門口，已經見到有好多board games玩入到去雖然店面唔細，但非常開揚，所以基本上一眼已經可以睇哂。雖然裝修唔算好雅緻，但係就好親民，好似去左人地屋企咁，感覺可以好casual叫左個dinner set，不過主菜都係食左沙律既，隨餐亦都送左個沙律，證明左我係幾咁中意食菜主菜係燒牛肉沙律，係同附送個個當然唔一樣啦！估唔到佢個沙律入面會有咁多牛肉，燒香既牛肉咸咸地，又幾醒胃不過食完個餐，又忍唔住叫多幾個小食一齊黎食，去cafe就係要一路玩game一路食小食先過癮先黎呢個芝士火腿飛碟，見到芝士咩都唔理就係叫左先！將個飛碟整開，見到入面既火腿多到就黎漏哂出黎啦！啖啖都係火腿都真係好足料，而d芝士係白色拉唔到絲既，雖然唔係貴芝士但食到都足量架再黎多個芝士乜乜乜，我最中意食薯仔，少不免要叫返個芝士薯角啦。面頭又係有勁多芝士淋面，而且呢個份量超超超多，2個人都真係多左，3－4個人就差唔多。要讚既係佢d薯角真係炸得好香口，配埋芝士完全係絕配黎當然仲有就係要食返d雞翼先得，除左蜜糖雞翼其實仲有西班牙雞翼揀

我認識的一位朋友食量驚人聽說這裡的食物份量非常多在生日正日便帶她來到這家位於旺角與油麻地之間的樓上Cafe - Station 3剛放工便趕過來,只有零丁的食客地方非常寬敞裝修略為有點兒空洞點上這杯名為<女祭師>的塔羅特飲實情是玫瑰士多啤梨梳打放上椰果粒，整體感覺有點像雜果賓治~友人看見香蕉即時心心眼點上這杯香蕉mocha可惜的是味道偏甜，而咖啡味較淡熱騰騰地喝下去很暖身，非常適合冬日~選用新鮮蔬菜，配上特別調製沙律汁味道不錯。而這碟值得一讚的是一般都是沙律菜多肉少，而這裡是不吝嗇的給大片大片的燒牛肉，雖則肉片有點像煙燻火腿，但整體合格!湯汁均勻沾上麵條，軟硬適中，配上細細粒的帆立貝及大大片的蘑菇，整體配搭不錯喔湯汁大概是千島醬加上海鮮湯自己挺喜歡呢~~這碟的湯汁明顯較少，亦未能完全掛上通粉進口有一股很香的黑松露味，通粉煙韌度剛剛好約莫用上忌廉雞湯煮完再落黑松露汁，汁較稀。上桌已聞到一陣陣的蜜糖香氣。咬下去....好像剛剛BBQ燒好的~雞翼以及蜜糖也是BBQ的那種肉質嫩滑，相當入味~~吃光兩大碟意粉，友人仍感肚餓非常加碼點上多款小食~這碟拼揍了什菜春卷、紫菜日式醬汁炸餃

CAFE 唔一定要一班人先黎得既等埋男朋友收工我地就呢左第三站貪CAFE有個優美、舒適既環境聖誕節氣氛濃厚，門口有一棵聖誕樹入裡亦掛上閃帶我地點選左燒牛肉配田園沙律沙律菜新鮮，咬落爽脆用上芝麻醬，味道咸甜比外面沙律特別的是它加入了青瓜讓沙律的口感再多一層燒牛肉亦很香，且沒有肥膏另一款主菜是香蒜珍珠帶子燴意粉帶很香的蒜味雖沒有汁，但一點亦不乾身帶子細細粒，彈牙份量也毫不吝嗇可看到滿滿的配料我選了可人兒右邊的是糖漿，可除客人口味自行添加甜味這點很細心洋甘菊的味道很出，略為蓋過其他的味道OREO奶昔很不錯就像喝M記的OREO麥旋風的味道OREO味道十足，落足料因為有粒粒在內，不會覺得質地細滑但呢d先叫做口感MA食物質素相當不俗，價錢亦合理 而且環境光鮮，很乾淨、座位也寛敝肯定會回頭仲有2隻公仔同我SAYGOODBYE 添

從旺角既易拉架發現有間新開既樓上cafe於是一行三人去左尋寶新開既原故，未有好多人知呢間cafe所以晚上730都無咩人有一個櫃專放遊戲除左dinner set之外仲有party set可以揀雖然價錢貴啲，但就可以試多款小食都幾抵問過店員 話最少3-4人就可以叫但主食就唔會有齊咁多款份量會視乎有幾多人田園沙律、炸薯角沙律用上芝麻醬，生菜脆口、新鮮薯角炸耐左少少，不過有朋友話咁先叫香口薯身粗度都OK，有薯味日式餃子、香脆咖喱角日式餃子做到好似小丸子咁配上紫菜同小丸子既汁幾特別、味道都唔差咖喱角皮較薄身、香脆配上沙律酸酸甜甜滋味蜜糖雞翼灑上左芝麻、黑椒雖然有蜜糖，但甜度唔高反而食到哂咁多配料既味道皮脆、肉嫩雞肉入面都夠哂味主食叫左芝士忌廉煙肉長通粉撈雲芝士後，仲可以拉到芝士一絲一絲不過芝士份量可以再多D因為加入左煙肉，整碟長通粉都好香但就有D乾身，汁可以多返D蒜香火腿絲焗意粉不得不讚呢碟直頭係西餐廳質素料足、汁夠、又香又滑我地3個搶住黎食甜品係濃情朱古力焦糖多士多士加上CREAM甜度配合得剛好又令到多士DRY既感覺消失只食到多士既脆相得益彰呢間樓上CAFE既食物質素完全係一間餐廳而且感覺衛生

在旺角血拼了四小時，雙腳差不多跛的情況下，又差不多到了晚餐時間。星期六的食肆周圍都開始出現人龍，想要好好坐下聊天的地方，唯有轉戰樓上Cafe室。上到去嚇了一跳，人呢？外面一個客人都沒有，完全包場的感覺。坐下才發現原來Cafe分為兩部分，VIP房早已塞滿了人在搞Party，外面靜悄悄的，形成極大對比。餐牌上的食物以小食居多，店員都推介我們嘗試Party餐，按人數收費。不過經過下午的滿足放題，晚餐還是收斂一下比較好。燒牛肉田園沙律第一次吃到沙律中的燒牛肉可以如此鮮嫩，微微的鹹香，配上蔬菜的清爽，不錯。松露薯條松露香味都算突出，只是不喜歡太乾身的薯條，吃多會渴喉。蜜糖雞翼店鋪的人氣小食，外層焦脆，很重的蜜糖香味，內層香滑又保留著雞翼的肉汁，突然發覺每人只有三隻好像太少，是值得再encore的食物。Oreo朱古力曲奇奶昔淺嘗一啖已經愛上這滋味，Oreo味道出眾，朱古力味道適中，不太甜，配上幼滑的忌廉，解渴又不膩，一定要試試，一定不會推介錯。水蜜桃紅茶朋友的意見是紅茶味較重，奪去的水蜜桃的香味，不知道還以為是普通的紅茶。雖然只是嘗試了很少的食物，但是覺得食物質素還是不錯，價格都適中，而且最重要的

週中的晚上總是特別無聊,不想早回家,但下班又沒什麼好去處,旺角的街上到處都是人,十分討厭走著走著來到油麻地,看見樓下介紹一家CAFE,看似不俗,就上去坐坐吧餐廳環境頗光亮,十分適合大顆兒聚會餐廳上有大量小食,相當吸引,原來更有包場服務,看似不錯點了一個芝麻醬沙津,想不到味道十分不錯,感覺像是日式和西式的混合版,沙津菜十分新鮮,吃起來相當開胃松露薯條,灑滿著黑松露粉的薯條,意想不到的是薯條味道十鈕可口,香脆之餘薯味濃郁,絕不是求其之作下次絕對會約其他朋友一起前往

已經有多年沒有上過café,難得中學同學聚會,想搵個地方坐得舒服同可以坐得耐既地方,又於太耐無去過café 所以早幾日前就打去book位,同問可以坐幾耐,有D咩食,職員亦詳細講解到了當天亦有職員致電確定人數時間去到時安排了方型梳化位,都方便我地咁耐無見噓寒問暖,亦又職員黎介紹兩款套餐,有沙律,主菜,小食,甜品,最重要飲品任飲,但我地好多個都好餓下,始終個個岩岩收工怕唔夠食,職員亦話如果食晒唔夠食主菜可以refill,咁我地相討過去,亦叫左人頭$128套餐有十款食物野食不用半個鐘已經到齊,前菜沙律沙律醬汁份量適中，唔會過多，沙律菜新鮮爽脆，份量都夠我地食，食起黎感覺好清新，值得推介。薯角整得好脆好好味，加上面頭醬汁配搭非常美味肉醬意粉，意粉乾身，唔會一PAT PAT，肉醬真材實料，上面的芝士仲係溶溶地煙鴨胸意大利飯: 呢個意大利飯一D都唔油，又唔會好重芝士味，一D都唔漏，鴨胸份量又夠足，又香又辣十分惹味，值得推介。朱古力焦糖多士作結。多士烤得十分香脆，很喜歡，而且加上cream，好像混著巧克力冰淇淋一拼吃一樣總結每人百幾蚊但個個食得飽飽,食物又美味,環境又坐得舒服,真係可以話叫左做平,而

同朋友們weekend夜晚book左station 3 cafe,貪有個地方可以圍埋一齊玩,今日我地十幾個人,一人叫一個set dinner,價錢由$100-$120不等set dinner包括:前菜沙律雜果沙律,有蘋果,罐頭什果,一般肉醬意粉同茶餐廳食到既一模一樣,乾身少少Cappuccino太淡,無咩咖啡味, 奶泡唔夠滑,無質感,唔得個人認為呢間CAFE有待改進... 

同朋友gathering...一行6人，其中兩位之前黎過~朋友推介點party set,食物種類多，而且可以refill食物，於是我地就點左較平既一個，每位$128+10%...食物同其他食評推介既差唔多1.雜果沙律都係罐頭水果加蘋果加沙律醬...不過d醬好快變水,而且味道偏酸2.雞翼，炸餃子3.薯角都幾脆口同好食 4.白汁長通粉有濃厚芝士，係好味 ，不過有d膩...5.煙鴨胸意大利飯普普通通啦...6.肉醬意粉上枱時竟然傳黎一陣焦味...不過食落都幾好食既 7.朱古力醬多士唔明點解多士當甜品...😅8.金桔檸檬，荔枝特飲((本人較愛熱飲，如果有熱飲供應就更好喇))總括黎講::食物水平屬中上不過我地2男4女，食淨左半碟意粉同飯，大半碟雞翼...所以如果點野食，可能4個set dinner加d小食更抵~,環境都舒適~

餐廳有158， 188 餐選擇，按人頭收費及上菜份量份量方面一定夠食有餘地點方便，地方亦寬敞，坐得好舒服，只係遊戲種類較少，亦有好多係唔齊全，可以再作改善~好，講返食物先前菜小食: 薯角佢炸得好好， 唔會太焦，食多兩舊都唔會感到太熱氣，加上醬料好好味，又唔會太多令到d 薯軟哂， 唔錯 前菜小食: 咖哩角 前菜小食: 煎餃子咖哩角有肉汁，餃子欣賞配上紫菜同日式醬汁，有心意小食: 香草鹵水雞翼本身以為係香草焗雞翼之類的口味，點知係鹵水雞翼再灑上香草芝麻煎一煎，出黎效果都唔錯之後到稍為普通的三道主菜卡邦尼長通粉，意大利飯，茄汁意粉 甜品: 熱騰騰的朱古力焦糖醬忌廉多士聽個名已經好正，多士焗到脆卜卜，熱騰騰，d cream 份量恰到好處，good

深深的被環境吸引了一出lift 門 已被副牆畫吸引了入去位於旺角的Station3 cafe 裝潢帶著經典英式格調，米白色的牆上掛上了歐洲風景的相片，環境十分舒適,人客亦不多因為樓上cafe 食物一般都好易出事,就叫了個肉醬意粉加杯Mocha ,最穩陣既款式 ,但竟然係喜出望外,個意粉出奇都好食,亦好食過好多大集團杯mocha 亦唔差,在濃濃朱古力味仲有香濃既咖啡香 而又不甜綜合環境,食物同飲品 呢間cafe 值得推介