笑金蝦粥麵

营业中

休息中

昨天因有事在身由元朗出到長沙灣，剛好想找午飯吃，，路經呢間伏店，這店不是很多人，二人於是就推門入店，二人叫了一碗牛腩米粉及一碗雲吞水餃麵，二杯凍檸茶，茶是一般，而牛腩米就小得可憐！有相為証！牛腩只有三舊米粉就只是外邊正常牛腩麵店的一半，可能沒有一半，夠膽死收我42元一碗牛腩又冇牛腩味，米粉又小到暈，湯頭又淡蒽都冇嘅牛腩米，雲吞水餃麵都是境況都是一樣，D雲吞入面只有一隻半隻虾毛連肉都好似冇嘅雲吞，水餃亦是一樣D餡料小到暈！水餃雲吞又是沒有味道，就收我48元！今次真係伏到上天花板再跌落地再上天花板來回幾次，奉勸大家呢間野勁伏！想食就諗諗先！我就永不幫襯！

笑金蝦剛開業時，實在是驚艷，絕對比得上十大碗和麥奀，計埋價錢，可以赢一條街。後來，因為祥仔介紹，常常爆滿，應接不暇，雲吞麵大跌watt，我再笑不出，決定暫别笑金蝦。今天早上在餓與餓之間，最合吃精緻的點心如雲吞麵。事隔多月，希望笑金蝦已重生。店剛開門，已有幾位長者等吃，長者長情，不貪新厭舊，祇要好吃，百吃不厭。雲吞麵冒着煙送來，單是看見麵上那一抹蝦籽，已令人在十月還十分燠熱的清早，有一陣不可思議的愉悦。麵爽口彈牙，雲吞是剛剛淥熟，蝦、笋和豬肉都是美味不可方物，湯浮着份量恰到好處的豬油和淡黃的韮黄，入口熱燙，大地魚的鲜味久久散。蝦籽、麵、雲吞和湯都是天衣無縫的完美配搭，我甚至因為要好好留住和記着這美味，竟然不捨得太快吃完這碗雲吞麵，但又怕麵會變淋，湯會凍。這種挣扎其實已許久沒出現了。

因為最近搬左附近住，就去搵食，見到笑金蝦的餐牌不錯，就入去食，當時9點幾，好多都收左鋪，既然係主打雲吞麵，叫左一碗，另加8蚊凍檸茶。碗麵上面有幾粒韭黃（一般店舖不會落呢的），仲有蝦籽係上面，一入口，湯底係肯定冇味精的，似層相識既味道，是蝦子麵的湯底（之後先知原來有大地魚），習慣落辣椒油的我，今次就破例唔落，麵就正常，雲吞的蝦好新鮮，好有蝦味，雲吞皮薄，蝦跟肉的比例，大小剛好，基本上係上品。見到佢哋熄燈，我就諗住走，姐姐叫我慢慢坐，服務很有禮貌。

笑金蝦從前是 Secret Gem，雲吞麵是勝過麥奀和十大碗，價錢卻平一截，湯甜，有油香，雲吞即淥，新鲜，蝦和豬肉份量天衣無縫，麵是吃到最後一口也是極爽，那一抹蝦籽更是餘韻悠長，念念不忘，絕對是誠意之作，绝對值得專誠搭車去吃。多謝祥仔 YouTube 介紹，最近其門如市，坐滿人，要等位，都沒問題，不再好吃就真是笑不出。一次是雲吞一早淥熟。一次是雲吞竟放在麵上面，所以祇有第一口麵是爽的。每次我都對自己說試多次吧。最近也是最笑出的一次次是雲吞包得均云，雲吞皮叠起淥不熟，放在口中絕不是味兒，心裡的失望更是無底。後會暫無期。希望笑金蝦多振作。

今日到長沙灣經過這店，店名很特別所以記得在網上有人介紹過，就入去試試雲吞麵。雲吞麵份量適中，麵上灑些蝦子，令整碗麵味道提升，湯很好味，喝後不會口渴，麵質不错徧幼及不會很膠的質地，雲吞比較一般，好似自己屋企包嘅以$35的價錢，這碗麵係物有所值，不妨一試

笑金蝦可以係話我最鍾意既粥鋪。員工個個都好有禮貌。次次要求走青都一定有走青。 同埋佢既粥係真心好食，又有陳皮係入面。 如果冇乜胃口都一定黎外賣碗粥返屋企食。 通常食開皮蛋瘦肉粥。 分量十足又美味。😄

麵質麻麻，雲吞內豬肉有腥味有筋，蝦唔爽， 靠大量大地魚粉， 過量不見得是好事。 想食好雲吞麵，在香港寥寥可數， 不需要刻意去食長沙灣試食， 近近哋去返佐敦盛記更優勢，雖然坐得唔舒服，但係質素好麵靚雲吞蝦爽。

細舖仔但都乾淨企理，叫左碗南乳豬手面同淨雲吞，雲吞好香好濃郁，好過麥X勁多，南乳豬手好入味，整得好乾淨，無毛無膻味，又唔會太淋，睇得出用心製作，價錢又合理，下次會試埋其他嘢

被門面張貼的雲吞麵照吸引。門面相拍攝技巧差，不是商業拍攝。但從相中看出應該有料到。叫了碗水餃麵。掂！湯有大地魚香，但不要預冀如一些五六十元一碗的名店，湯清味鮮，完全是誠意湯底，麵彈牙無鹼水味，麵色通透，是上乘作品。水餃足料，有筍有木耳絲。無得輸

粥： 上次吃了豬潤粥，豬潤正常發揮，但是粥底最值得推介，很綿雲吞：是自家包製的，皮薄夠味。 港式凍奶茶：也不錯，少冰正常甜，味道剛剛好（甜度標準： 平時飲珍珠奶茶選七分甜）

長沙灣元洲商場一帶都有好多唔同食店 當中都有好幾間係食粥粉雲呑麵 有啲望落都算老字號感覺我今日就揀左新開冇耐既笑金蝦 朋友早兩日去食過覺得唔錯 所以我決定一試店內環境大概坐到30-40人左右 坐位舒適 晚上大概6點都仲可以揀位見餐牌仲有粥品 油器等等既選擇我今日叫左豬手雲吞河 凍豆漿等左5分鐘左右碗麵就到佢個湯底似係大地魚湯底佢雲吞入面清楚見到隻蝦係度叫左豬手有3舊 唔算好肥 有小小肉食下而我最鐘意係佢個河粉口感係淋小小煙靭但唔係熟到爛個種 配埋個湯同辣椒油我成碗食哂了 麵上面唔係跟蔥 係韭黃黎 咁樣配搭都好正個凍豆漿係支漿的 唔會太甜 不錯下次會想試佢其他野

響屋企附近，新開咗一排都無機會黎試。標榜住大地魚做湯底明火粥底叫咗我最愛的 炸醬撈麵，及第粥加一條油炸鬼。炸醬撈麵， 炸醬唔似小時候食的味道，都好好味麵底同湯底就真係好味。麵爽口彈牙，湯底味濃香口。及第粥，豬潤粉腸洗得乾淨，新鮮爽口，粥底好綿。油炸鬼係脆，呢啲時候（夜晚差唔多8點）食都脆係有啲驚喜嫁🤣🤣地方乾淨同企理。希望保持水準，越做越好💪💪終於可以唔洗食附近果兩檔污糟邋遢粥檔。😝🤣

雲吞美味即叫即做，油炸鬼即叫即炸熱辣辣非常美味，奶茶亦非常之好，整體嚟講水準中上，值得回味。在長沙灣裏面是屬於較出色嘅麵食，希望能保持水準，下次回來吃他們的粥品。