竺扶大班燒味

营业中

休息中

以前喺灣仔返工已經聽過啲同事話 #竺扶大班燒味 好出名～由前海灣酒店行政總廚開嘅!!!用佢一身藍帶廚藝 + 自設嘅太空爐製作新鮮靚燒味👀不過以前冇咁大消費力🙃覺得一碗燒味飯要兩個麥記價錢…afford唔到~今次一試，絕對覺得值回票價👏🏻👏🏻<<黯然銷魂鴛鴦飯>>($70)除咗有Top1必食半肥瘦叉燒之外，仲有冰燒鳳凰雞同埋煎雙蛋🍳🍳兩個橙黃色嘅蛋黃好吸睛🤩督穿佢…望住佢啲蛋黃汁一湧而下好治癒~淨係用佢嚟撈飯已經好正，加埋佢嘅大將燒肉汁，直頭將肉味提升到極至☝🏻食得辣嘅朋友，可以點埋佢附加嘅鳳凰辣汁添呀🤤講番啲肉🐷🐔叉燒係用波蘭黑豚肉，所以肉質特別軟腍易咬😄最怕食叉燒食到攝牙罅😵‍💫呢嚿一定唔會🤝鳳凰雞有啲似燒雞，肉質偏實有嚼感~兩款肉卡啦食就會滿足到唔同口感嘅需要🤭除咗有燒味之外，佢都仲有多款小菜選擇㗎💁🏻‍♀️特別推介<<椒鹽爆豬扒>>($88)超大碟!! 勁香口!! 多到都食唔晒!!<<豉椒涼瓜炒鮮魷>>($98)都好有鑊氣~三色椒仲要好多😂每個小菜餐都仲有送例湯同熱飲❤️無論係質量定份量都

聽說竺扶係聞名係燒味, 尤其是叉燒非常出名, 所以今日lunch又專登去一嘗聞名燒味飯😍燒味雙拼飯 (叉燒、燒腩仔)聞說叉燒本身出名, 但有點失望, 味道普通, 唔夠香口,不過可能係下午茶嘅關係, 份量比較細, 叉燒冇咁好食,反而燒腩仔夠出色, 個皮好脆口, 配埋芥末醬好夾好配合😍😋💯👍👍

【大埔轉角地道風味｜茶餐廳堂食更有格調♨️】本身單純諗住Hea食早餐，入咗間裝修唔錯嘅茶餐廳，對佢冇咩期望，但比想像中高質素😋.🐨沙嗲牛肉麵 $38推薦度：⭐️⭐️⭐️沙嗲做到好濃稠，醃得好入味，食到牛味又唔會好韌～.🐨厚多士+香嫩炒滑蛋推薦度：⭐⭐️️⭐️⭐️口多士烘脆咗做到外脆內軟，加咗少少牛油同砂糖喺上面，甜甜地好易入口～而炒蛋應該加咗奶香得黎好滑～.🐨熱奶茶推薦度：⭐️⭐️⭐️奶同茶嘅比例都調得好好👍🏻-----☼-----☼-----☼-----☼-----☼-----竺扶大班燒味📍地址：大埔安泰路1號大埔廣場地下61-62號舖🐨推薦度：😋😋😋/5💰人均價格：$50或以下📸打卡度：💡💡/5🛠️分類：

燒味之魂 肉罷不能😂暫時覺得大埔最好食燒味由前海灣酒店行政總名廚藍帶師傅自立門戶 店內自設太空爐 燒味日日新鮮出爐 廚窗掛住皮脆肉嫩古井燒鵝🦆肥瘦金牌叉燒好吸引🐖今次帶家人試下 6月新推出晚市小菜多達30款附送白飯一碗 另加錢配凍飲特飲🥦西蘭花炒蝦仁 蔥蒜草菇炒夠鑊氣 蝦大隻 點埋蝦醬鹹香惹味家人讚飯質煮得夠綿 🐓燒味雙拼飯嫩滑豉油雞 脆卜卜燒腩仔 芥末好強勁送無味精足料老火湯 是日例湯係青紅蘿蔔豬𦟌 送完即止嫁

【大埔區】【竺扶大班燒味】呢間係好臨時臨急食，本身想約嘅朋友有事，我又預咗時間無謂放棄，所以搵咗道歉哥陪我食。其實都明白嘅，有時人生都係有好多嘢唔係自己能夠控制得到。好似呢餐我係喺屯門飛的入去食，盡力而為而無愧於心就可以。呢間燒味餐廳原來仲有小菜食，聽侍應講先知出咗冇耐咋喎，咁就一定要試吓喇。我揀咗 $88 嘅「菠蘿咕嚕肉」嚟試，味道都可以，茶記嚟講唔失禮。始終，呢道菜係會令我諗起女同事，配埋個「白飯」都好快食晒，冇得剩。咁始終嚟到呢度係燒味餐廳嚟，除咗向女同事致敬就當然要試埋燒味。叫咗 $70 嘅「黯然銷魂鴛鴦飯」，佢係有「半肥瘦叉燒」同「冰燒鳳凰雞」加「煎雙蛋」，揀咗「太陽蛋」嚟食，配埋「大將燒肉汁」同埋「鳳凰辣汁」嘅。味道上，個半肥瘦叉好正，個雞就相形見絀，始終可能都係想食返切雞或者油雞嗰啲。啲汁醬同雙蛋都可以，唔差嘅。嘢飲兩杯係各加 $5 嘅「凍奶茶」同「凍檸茶走甜」，送埋「例湯」，兩位埋單價 $168，咁多嘢唔算過份。。。（地址：大埔安泰路1號大埔廣場地下61-62號舖）@chukfotaipanrestaurant#1amfoodie #foodie #hkfoodie #

今日lunch特別肚餓, 人人都話呢間嘅燒味好食, 但我偏偏要試呢度嘅西炒飯😂😂Lunch 2點幾, 唔算太多人, 直入有卡位坐😙西炒飯炒飯有鑊氣, 每粒飯炒到粒粒分明有光澤, 蕃茄酸度與甜度恰到好處, 蝦肉爽口彈牙😋碟飯份量都算多, 凍奶茶正常發揮👍

搭正下午茶時間坐低梗係叫下午茶餐啦，見佢個Menu表示生炸雞脾配薯條同埋公司三文治都係推介食品，於是就叫呢兩個啦。生炸雞脾配薯條的雞脾唔算大隻，D薯條亦唔算多，不過佢勝在第一唔太油第二隻雞脾無雪藏味。公司三文治又真係幾好食，件蛋、午餐肉、番茄同生菜絲都幾Fresh，件蛋亦唔會乾爭爭，烘一烘嘅麵包夾住都真係唔錯。飲品就叫咗凍奶茶同熱檸茶，味道不錯。

早餐可以轉米粉，幾好味 😋 有食過晚市的叉燒飯，肥瘦都有啲勁好味！但今次食早餐的叉燒「鞋」左少少，同埋凍凍地，唔知係咪食返前一晚剩的叉燒 🤔 不過好彩碗米熱辣辣，浸一陣先食都ok。　不過炒蛋好味，我鍾意塊包係厚多士有烘，配熱奶茶$40都ok，下次會改返食沙嗲牛米，叉燒都係留返午/晚餐食叉燒飯。見人食豬潤麵都幾多片咁，不過自己少食唔敢試。　卡位唔算好濶，但已經比同區附近，我都幾鍾意好熱門的王牌燒味好坐，王牌搭枱無隔板之餘，張枱都幾細 😆😆

竺扶叉燒出名好食，我次次都會點燶邊，食落更加香脆，叉燒本身就已經半肥瘦，口感好好，飯好大碗，又多汁撈飯，仲有煎蛋同菜，一啲都唔馬虎，份量又多，例湯足料，飲完又唔會口乾，真係又好食又抵食

裝修好光猛嘅燒味舖想試好耐🤩🤩脆腩🌟🌟🌟睇相都知高質🤩五層肉分明，皮炸到好脆，脂肪層唔厚但加到入口即化嘅口感🤩肉唔嚡唔乾，仲有肉汁嘅口入面爆發😋叉燒都好食，尤其燶邊位😋半肥瘦啱啱好👍不過調味有啲寡，同埋再腍少少更好🙈（定因為我無幾耐前食左太好食嘅叉燒？🧐）都係覺得燒腩最正加左$10轉鵝油撈瀨粉，唔係好覺鵝油味🙈淨係食到豉油🙈不過瀨粉幾滑唯一想挑剔係食物唔夠熱🙈菜係凍嘅，燒味就微暖

叫咗個金牌銷魂叉燒王，上湯瀨粉，外賣。已經講明要半肥瘦，返到屋企打開真係失望到喊出黎啲叉燒又乾又硬，冇汁，叫佢另加蔥油，又比漏啲瀨粉分湯上都漲曬，真係嬲到食唔落要上黎比返個劣評條氣先順啲！！！以後不了。

竺扶燒味出名好食，呢晚想快食晚餐，叉燒又冇咁肥，就嚟嘆返碗黯然銷魂飯啲卡位係比較細嘅，但商業區預咗啦，要坐得闊落就唔止呢個價錢，講返食物，菜心有幾條，唔係求其搭一條半條俾客，兩隻太陽蛋煎得好好，底好夠脆，叉燒本身已經係半肥瘦，嗌燶邊真係會嘆到外脆內軟嘅口感，飯乾身粒粒分明，要埋多汁甜甜地真係幾多都食得落，整體份量係大嘅，多叉燒多飯飲咗杯凍檸茶走甜，檸檬幾靚，茶底夠濃，唔錯食完想快啲有下次，同埋會樣樣都想食！

自從此店開業至今本人一直光顧買燒鵝，覺得比棋哥和元朗天鴻更好吃。可惜最近兩次光顧買燒鵝令人極為失望！我在冬至和年三十晚買燒鵝，皮燒太燶近黑色，肉質十分硬和堅韌！連隻燒鵝髀都唔好食！簡直離譜！燒鵝係招牌菜，希望可以有所改善，變返開業初期水平！

今日早上媽咪帶咗我嚟食呢間早餐新開咗咁耐都未食過店內環境整潔，米啡色為主調再加上幾個特色燈牌，簡單而有格調睇睇餐牌先，招牌除咗沙嗲牛仲有豬潤麵早餐都幾少見，一於試下呢個打氣早餐先～香嫩炒滑蛋食落蛋味濃厚，似加咗牛奶炒非常嫩滑厚多士外脆內軟，牛油夠香，另加咗少量砂糖增加層次勁夠薑豬潤麵嚟到已經有多條薑條係面，夠哂薑好啱冬天食豬潤食落爽韌嚼勁沙嗲牛肉公仔麵沙嗲汁香濃惹味，牛肉食落爽滑彈牙呢度杯奶茶都唔錯，茶底夠濃，奶同茶比例剛好整體食物味道唔錯，相對抵食～

呢間堂食我幫襯過好多次，堂食質素無問題，叉燒好稔，有下午茶餐及早餐，價錢亦算公道，但買外賣就被店家借D依斬左舊好多燶左皮的叉燒，咁大範圍燶左斬果個無可能唔知，我一路食要一路自己咬返D燶皮出來，而且D燶皮甩左出來之後整左落白飯度，令到部分白飯唔食得，店家咁樣做生意真係唔要得。當然總會有人話我自己無睇清楚燶唔燶係有責任，但我無諗過一間堂食無問題的餐廳外賣時會搵客人笨，都係果句，斬果個一定知，店家點都有責任。