影片
以上资料只供参考，请与餐厅确认详情
以前住佐敦，耐唔耐都会去「竹家庄」食海鲜奖励吓自己🤭呢度主打避风塘海鲜，海鲜新鲜不在话下，而且我敢讲味道系第二度食唔到😋祝家庄仲要开到凌晨3点，试过有次夜麻麻落机到香港，返屋企前都走嚟呢度食埋个宵夜～蒜蓉粉丝蒸蛏子皇 ⭐️⭐️⭐️⭐️⭐️size惊人嘅蛏子皇😍入口一股清甜嘅鲜味爆发出嚟，口感爽身弹牙易咬，蒜蓉调味同份量啱啱好，唔会有过于咸辣嘅情况，所有嘢都恰到好处，当然唔少得嘅就系吸收晒精华嘅粉丝，推荐大家必点🔥油盐水大蚬 ⭐️⭐️⭐️⭐️⭐️估唔到份量咁大，食蚬我钟意油盐水，其次就系豉椒，今次嘅大蚬肉厚鲜甜，而且清洗干净一啲沙都冇，入面加咗啲粉丝又滑又好食👍🏻豉油王海虾 ⭐️⭐️⭐️⭐️⭐️上枱时已经闻到劲香食指大动，海虾新鲜肉质爽，虾壳咬落会有脆卜卜嘅口感，豉油王酱汁挂满晒喺海虾嘅身上，食起嚟真系好滋味❤️椒盐泥鯭 ⭐️⭐️⭐️⭐️⭐️朋友话平时食开陈皮蒸泥鯭，所以今次想试吓呢味椒盐泥鯭，泥鯭炸到好松脆，连鱼骨都可以食，钟意食泥鯭就系食呢一种特别嘅味道😋白灼大鱿鱼、海蜇、韭菜花 ⭐️⭐️⭐️⭐️⭐️叫咗三样白灼都系咁出色，平时我都钟意买韭菜花返屋企煮，但我食过呢度嘅韭菜花之后，先知原来韭菜花系可以咁好食❤️另外鱿鱼咬落去真系超级腍，点少少辣椒豉油已经好正，仲有不得不赞海蜇头，大大旧海蜇口感劲爽脆，原来白灼都可以咁好食😋烧鸭河粉 ⭐️⭐️⭐️⭐️⭐️听老板讲呢个烧鸭河粉系必点嘅‼️烧鸭肉厚皮脆，竟然比出面好多烧味舖都出色！河粉偏幼质地嫩滑，成件事充满避风塘口味，下次要试埋佢个艇仔粥🤭
继续阅读
今日跟朋友去咗呢间港式地道海鲜酒家食饭，试咗几款招牌菜，真系好正！店内除咗本地人之外，仲有唔少韩国食客。原来呢间饭店向韩国已经好有名气。果然系hidden 💎 gem前菜：白灼大鱿鱼+靓海蜇-灼得啱啱好，爽脆美味配埋啲麻油，好开胃，食完仲想再encore！👍🏻白灼韭菜花-推介。韭菜花翠绿鲜嫩，灼得刚刚好，唔会过老，食落去有啲清甜，配埋啲海鲜一齐食，可以中和返啲油腻感，好夹！主菜：椒盐海中虾 - 真系必试！虾肉鲜甜，外皮炸得香脆，椒盐味道够晒惹味，食落去咸香得嚟又唔会太咸，虾肉依然保持到鲜嫩，食到停唔到口果种👍🏻👍🏻👍🏻白灼花螺 - 都好出色，螺肉鲜甜，灼得啱啱好，咬落去有啲弹性，蘸啲海鲜酱，鲜味更加突出。而且好干净冇乜沙。清蒸鲜鲍鱼 - 大大只真系无得输。鲍鱼肉质鲜嫩，蒸得刚刚好，唔会过火，配埋啲果皮同葱花，味道更加丰富，食完仲想再叫多份！蒜蓉粉丝蒸扇贝- 一绝👍🏻扇贝大只又鲜甜，蒜蓉香味扑鼻，粉丝吸晒啲扇贝嘅精华，食落去好入味，真系好满足！最后个烧鸭汤河粉，烧鸭皮脆肉嫩，汤底清甜，河粉滑溜，超级有惊喜👍🏻👍🏻👍🏻 另外，食店系采用传统玻璃樽汽水。香港情怀。识货。完美👍🏻餐厅仲有提供不加味精嘅老火汤。食材高质。餐厅的环境宽敞舒适。38年历史嘅装修，好有特色。而且上菜速度理想。每碟𩠌都好有水准可以热辣辣一齐食。❤️厨师厨艺超级有水准。绝对睇得出用心制作。真系好值得推介❤️👍🏻绝对值得再嚟！
继续阅读
呢间好多韩国🇰🇷游客帮衬嘅老字号，菜单都设有韩文，装修偏向中式庭园风，餐厅主打海鲜，亦都同样有唔同嘅小菜🪄蒜蓉蒸海虾蒜蓉配虾简直系绝配😎虾肉质够腍身，带少少弹牙，虾味香浓，加上蒜蓉烹调超级惹味🪄豉椒炒大蚬跟传统食开非一般豉椒炒蚬，加入餐厅秘制韩式辣酱，韩式风味香辣惹味配酒水一流唷，酱汁带点甜辣味实在出色，而蚬亦已经吐沙，数量都好丰富🪄 豉椒炒青口味道同样用上餐厅秘制的韩式辣酱，青口多肉好有口感，有海水嘅新鲜感🪄果皮蒸泥鯭泥鯭新鲜，只需要用少少果皮就可以带出成个𩠌嘅鲜味，而且泥鯭都好大条，好有肉感 🪄烧鸭河粉烧鸭厚肉，咬落啖啖肉很满足，烧鸭肉质软腍，肉味香口，算系经典嘅简单粤菜之一，一般烧味粉面的汤底都会比较油腻，而河粉汤底不油腻🪄杨州炒饭呢个炒饭都几出色，用上叉烧虾仁等等好足料，饭粒分明好香口，真系够晒镬气🚩 竹家庄 (佐敦)佐敦庙街265-267号地舖#addifoodie #addifoodie佐敦#foodie #hongkongfood #香港美食 #吃喝好去处 #周末好去处 #goodfood #周围食 #情侣美食 #HKcouple #foodiecouple #竹家庄 #粤菜
继续阅读
╰•★★ 市区都有正海鲜！～竹家庄＠佐敦庙街 ★★•╯成日话要去西贡食海鲜，但坐落系佐敦庙街都有平、靓、正海鲜食，今次卡米去咗竹家庄食海鲜。餐厅主打传统避风塘海鲜菜式，贵精不贵多，餐牌＆海鲜都有列明价钱，明码实价。因为样样都想试，店员就推介咗几款必试❤╰ 👍🏻 椒盐珍宝濑尿虾经典艇家煮法，外壳炸到脆卜卜，大大只濑尿虾，配上惹味辣椒、蒜、葱，每啖入口鲜香脆爽，啖啖肉。╰ 👍🏻 避风塘古法炒蟹 🦀上枱已经闻到好香蒜香，香蒜爆到粒粒松脆分明，肉厚肥美的大肉蟹，同样都系啖啖肉，鲜香弹牙，渗出蒜香╰ 椒盐泥鯭🐟完全冇泥味，香炸过泥鯭连骨炸到脆卜卜，每条都可以连骨食，加埋香蒜椒盐，香口惹味字╰ 豉椒炒大蚬粒粒开口有蚬肉，蚬肉零沙鲜甜，配上经典豉椒，粒粒惹味╰ 白灼花螺 白灼最简单的煮法，越食到食材新鲜度。花螺经过白灼，用牙签挑出，简单点辣椒豉油及海鲜酱，入口保留原始鲜味🤤肉质柔软弹牙╰ 白灼大鱿 ＆ 白灼靓海蜇 🪼前菜六小福（白灼小食），白灼小食配上自家特制酱油，点了大鱿口感Q弹，厚切海蜇食落爽脆，简单好味。╰ 烧鸭拼叉烧河粉 店员推介招牌菜，河粉用上秘制汤头，河粉吸收晒汤汁，连汤都饮埋。————————————─ 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛 ─📍 竹家庄 ｜ 佐敦庙街265-267号地舖
继续阅读
这间餐厅原来已经开业38年，正宗老字号，虽然菜式不算多，但样样质素都不错，贵精不贵多。职员友善健谈，很有人情味呢！这里有很多明星、韩国旅客来吃饭，我们旁边已经有一两台的韩国人，和老板细谈之下才知道原来韩国的Rain和BLACKPINK也是这里的座上客，来香港的时候也会过来用餐唷！♡椒盐珍宝濑尿虾 $时价🥢必点🥢平日比较多吃到的濑尿虾是斑马纹理品种，而这个濑尿虾品种比较少见，我都是第一次吃，肉质软腍得来带少少弹牙，虾味香浓，加上椒盐烹调，味道更加惹味呢！♡豉椒炒大蚬$128 🥢必点🥢非一般的豉椒炒蚬，这款还加了餐厅秘制的韩式辣酱，韩式风味香辣惹味，配饭一流唷～为了这碟大蚬我们还特意另外点了一碗饭，因为这个酱汁实在太出色了！而蚬不但没有沙，而且数量还不少，我一只接一只停不了口，味道令人非常回味啊！♡烧鸭拼叉烧河粉$78 🥢必点🥢烧鸭和叉烧都很厚肉，绝对不是大大旧骨只有少少肉那种，啖啖肉很满足啊！烧鸭和叉烧肉质软腍，肉味很香口，一般烧味粉面的汤底都会比较油腻，难得的是这个河粉汤底不油腻，我吃掉整碗都没有油腻感。♡白灼韭菜花$60平日比较少吃到的韭菜花，碧绿的绿色，很有光泽。每一条长短一样摆放得很整齐，咬下去是清甜爽脆的味道。♡白灼鲜粉肠$70这个看似平平无奇的粉肠，要做得好的话也有不少工序，咬下去没有臭味，质感软腍，同行的朋友就喜欢这个菜式呢～♡老火例汤$50碗这天的老火例汤是大山地汤，汤水呈黑色，喝下去是药膳的味道，味道浓郁，感觉真材实料，火候很够。•✔️餐厅设加一服务费
继续阅读