竹地小館 (已結業)

之前去過一次摸門釘，今日再去！原來超平，一碗雞扒麵都係$25！係$25！有質素又大碗又好味，去邊度搵？可能地方比較細，位置唔就腳，同埋出面坐位夏熱冬凍，但都無阻去食碗麵嘅，坐咗一陣，已經有四個人坐入面位食，再過一陣又有人外賣，然後啲人陸續咁嚟，又估唔到咁好生意不過唔知係咪剛開店，等得有點耐，我諗有十分鐘先嚟碗麵但真的有驚喜、塊雞扒好嫩滑，我還加咗三隻韭菜餃，上海麵就正常無咩特別餃子味道好好！但煮熟咗就變咗形不過都好好味😋

其實竹地小館都開咗一排，自己又住得近所以一直都好想食可惜店面比較細同日日都好多人自己又唔中意排隊所以一直無食過！琴晚行過見到無乜人當然立即要食下！叫咗個粟米豬肉餃子，雞扒蔥油撈面加個可樂 都唔洗等太耐！不過食物真係好有驚喜！賣相都好靚仔下！仲粟好食！唔怪之得咁多人食啦！當然都係黃店嚟雞扒皮好脆又有味！面都好香好食！餃子就耐小小啦！可煎可唔煎都有！好脆個底，d涵又新鮮足料！堅好食！加上未比人列入黃店前已見有擺工其實，不過果時未有咁多人食所以e到都係堅黃店嚟！埋單total 67!!唔貴又好食！正！

昨日同朋友行旺角買聖誕禮物後，已經好累，朋友話不如食d野先返屋企啦，咁我又冇所謂，我咪話好啦，但我唔想食咁飽，簡單d就得，因想快食完回家。朋友話有間唔錯的小店帶我食 ，就帶左我來竹地小館，地址：油麻地廣東道838號金冠樓地下我地先叫左兩款涼拌，分別係青瓜和皮蛋 兩款醬汁一樣是加了大量蒜頭芝麻芫茜去拌，所以越食越重味。朋友仲叫左一份粟米豬肉煎餃 ，即叫即煎有誠意的，因即煎所以個底好脆。最後叫左個葱油撈豬扒麵加魚蛋， 有葱油撈個麵都幾好食。

琴日食滯咗，又想食啲清淡野，見到屋企附近有間新開嘅餃子店，咪去試吓囉！坐低睇個餐牌，食物價錢都相當之抵食，二話不說，我哋就叫咗雞扒擔擔麵，上海菜肉雲吞同埋韭菜豬肉煎餃。雲吞個湯清清地，雲吞夠大粒！夠料！擔擔面味道都唔錯，不過略嫌花生味唔夠，仲可以辣D！煎餃最出色！皮脆得黎，肉汁亦都好夠！豬同九菜都好新鮮！30蚊有成8隻！總結，CP值極高，大件夾抵食！兩個人食左108蚊飽到行唔到，唯獨座位較少，可能要排下隊！

餃子皮薄餡靚！間店雖然細 繁忙時間要等位 但係服務好好，價錢10分相宜冬天一定要食餃子，食完之後全身暖晒。人情味小店喺香港實在唔多見，我哋真係要食少啲大集團嘅餐廳。Better than八方雲集太多！

值得一試的小店，座位不多，要有排隊的心理準備。晚上6點前到達，由於是非繁忙時間的關係，可以馬上入座。點了韮菜餃上海麵，餃子皮薄餡靚，餡是滿滿的，上海麵散發著淡淡的麥香。另外還點了涼拌青瓜，涼拌皮蛋，估不到小食的份量有咁多。

尼到見到十幾個人企左喺度以為有排等，原來好多都係等外賣嘅。不過位就真係唔多，都唔好預係坐得幾舒服喇叫左十隻韭菜豬肉煎餃，新鮮熱辣，餡唔算好多但都唔會係冇肉食嘅。豬扒擔擔麵同葱油雞扒撈麵就都有中上水平，啲肉好味又腍，麵係有咬口嗰種，係撈麵有少少太油（但好視乎個人口味，始終人地係叫葱油撈麵）

晚市好旺🎆😄鋪仔細細開放式廚房, 外圍一排日式拉麵店高櫈, 店內有兩張枱, 上星期來的時候都是坐滿人, 出面不間斷兩三人等外賣, 餐廳人手不多所以候餐時間稍長, 原因?價錢吸引🐔二三十蚊就有碗麵❕賣相不錯呢😋麵底看似公仔麵, 其實是白麵條沾滿了醬油, 重口味❗麵上灑滿蔥花和芝麻增加口感🍃蔥油味若隱若現, 到底是老闆孤寒, 還是我撈唔均🤔這是燒味檔白切雞的蔥油超惹味的說❗豬扒調味十足擺盤靚, 但沾粉才煎欲蓋彌彰, 明明厚薄適足不用上粉🐷份量適合小鳥胃🐦撈麵配一小碗白蘿蔔湯, 剛好中和麵的醬油味, 雖然湯本身也很鹹😅整體好吃但味道上仍有許多細節要注意🐒搵食後記: 之前幫襯食過湯餃和煎餃, 好吃, 值得一推

因為知道佢係黃店所以特登行嚟幫襯，離登打士街並唔遠，店鋪比想像中小，但店面又幾靚。聽聞店鋪曾經差啲執笠，但後尾先頂得住。餐廳價錢好公道，麵只是$20-40已有一碗。門口都多人第緊外賣，不過上菜時間都不算太耐。我點嘅栗米豬肉餃，$35十隻，湯是不錯的，栗米略嫌有少少硬，可以再煮耐少少。男友點的雞扒擔擔麵$40，佢幾鍾意呢個，因為花生醬嘅味道唔會太重。最後加埋一支烏龍茶只是$83埋單，平均一人$42，抵呀！

位於油麻地街角，隱細小店。坐位不多，但就很有風味。出名食餃，有煎餃和湯餃但我最終揀左佢蔥油撈雞扒麵$30很香既香蔥味，感覺很油膩，但很好味麵既份量很多，而且有嚼勁雞扒大大塊，煎得很香口，無雪藏味，起骨，啖啖肉價錢很大眾化，廿蚊有碗麵，所以見有好多街坊來買外賣。晚上七點多，廚房已經要叫停，無材料冇得再煮，生意非常好。所以有定心理準備，想去懲罰佢，要早啲去。仲要預左等等等。。等我呀，下星期我會再黎呀

我係常客，住對面大廈呢度個電話成日都冇人聽，但我望落樓佢係有開，打足半個鐘都冇人聽，因為覺得佢整好耐，所以想打落泥叫定轉頭自取然後成日都整錯order，一係就唔知點解話整漏定係乜要我等好耐但佢d野食真係抵食同好食，同埋最好笑係、拎走佢係冇匙羹，（我未試過堂食唔知堂食有冇）有湯面有湯水餃但冇匙羹係咩玩法？仲有佢明明寫話收11點、有時收工成11點幾番到泥都未收，但有時10點想叫，打落去佢話收左囉，d營業時間甘飄忽點做生意呀唔該同埋睇到好多食評話d撈面好食.. 甘我就試左一次，完全唔覺好食... 冇味既面... 最好食都係雲吞同煎餃

星期日下午，我本來是想從西貢坐新開通路線的巴士來到尖沙咀，先光顧位於尖沙咀的日本甜品店，然後才慢慢徒步來到油麻地光顧這間麵店「竹地小館」，可是旺角尖沙咀狀況混亂，該日本甜品店甚至關門躲避。光顧日本街頭甜品店不成的我，結果被迫繼續徒步北上，徒步走到近乎油麻地「廣東道」與「碧街」交界的位置，那些氣味仍然徘徊不散，情況一片混亂，氣味籠罩在油麻地「廣東道」漆黑一片的夜空裡面。但是「竹地小館」與油麻地「廣東道」一帶的寧靜環境，已經跟旁邊「彌敦道」一片混亂，混亂而嘈吵環境下，形成了強烈對比，期間很多人來到光顧仍然營業的「竹地小館」。「竹地小館」店舖實際的環境和面積都不算很大，廚房已經佔據了店舖很多位置，店舖剩下的樓面都全部放置了檯櫈，甚至在廚房外面位置增設了，類似酒吧「吧檯」的位置。不過，「吧檯」位置是沒有高腳櫈可以坐的。我為免在現場拍照的舉動，可能會觸發任何不必要的拗撬，所以選擇了坐開放式的吧檯，至少拍攝店舖環境和廚房，過程都可以靈活一點，自由一點。我發現坐在「竹地小館」的吧檯位置，甚至拍攝「竹地小館」的難度，都好像因此而大大減少，至少可以隱約拍攝到「竹地小館」廚房內部狀況。另一方面，我最後一直

竹地小館在油麻地開業不久，又是街角沒太大店鋪的小店，很容易被人忽略。這裡菜色簡單，主要是幾種湯/乾麵和餃子，但麵條和烹煮方式很有特色，餃子豐富特別的口味也很讓人驚艷。這裡最吸引人之處除了東西好吃，最重要的時價格超便宜！大概是市面餐廳價格一半以下，但聊聊確毫不馬虎，主菜分量也很夠，且老闆娘很親切。這次點的是撈麵，和香港撈麵不同，是很有彈性的傷害細麵，另外有加芝麻炒過，非常香。雞扒也很大塊又有彈性，吃完非常滿足。

位於油麻地的小店有半開放廚房 可以見到師傅在炮製美食，令人分外食指大動。由於食物是即叫即製，需要等一段時間，但在等待的期間看著師傅忙碌地準備，可看到小店製作認真。招牌水餃十分多汁飽滿，皮薄餡靚，材料新鮮。豬扒擔擔麵香而不膩，湯底微辣，花生味香濃。豬扒煎得剛好，不是油炸、吃完不覺躁熱肥膩。😋😋小店收費不貴，難怪有不少食客。

上星期個friend帶我去左油麻地近果欄的位置去試新嘢，佢同我講呢間好勁，起初都半信半疑，心諗响果個位置有乜勁嘢...一去到發現係一間好細好細嘅舖頭，有一張細檯，再加幾張櫈，看似普通，不過最特別嘅係有好多外國人响度食嘢，重要係企响度食，而食嘅唔係西式食物，而係撈麵餃子之類，突然覺得呢間舖應該有啲料....我吔2人等左一陣坐底叫左2個主食，分別係豬扒擔擔面及一個雞扒撈麵，擔擔麵好香身而撈麵好乾身易入口。另外叫左2個小食，一個係10隻煎餃及一個麻醬豆腐，後者絕對係一個驚喜，好香，作為一個小食絕對係必食而最緊要係以上每樣食品都係20-30蚊左右，性價比係高得可怕，一定要推介俾大家