端記茶樓

营业中

休息中

每次去行山之前 都會同朋友黎食 味道不是重點重點係情懷 自助搵位 自助沖茶 師傅叫賣出爐點心 宜人風景 風味十足 由於係自助形式 每一次去到亂拎一通😂 完全留意唔到個價錢 但埋單的店員每次也有如有計數機一般 馬上心算到張單既價錢1..西洋菜 必點 西洋菜香嫩無渣 2.鮮竹卷 最鍾意佢一咬開爆汁3.各款茶果 鹹甜都有 不過都係睇你當日去到有咩出爐啦4.粉果 個餡我就好鍾意 鹹鹹香香 不過皮就略硬同厚咗啲5.糯米飯 略太淋同油6.奶黃千層糕 呢個我每次去都會攞 熱辣辣好鬆軟 而且奶黃又香甜度適中7.鮮蝦腸粉 隻蝦都大隻同埋爽但皮都略厚8.臘腸卷 很喜歡 一大啖咬落去口感油腴9.芝麻煎堆 呢個都好耐冇食 煙煙韌韌 加上芝麻十分香口今次遇唔到啫喱 下次再來🌹

人哋行山後嚟食 我就無辦法咁早起身唯有行山前食咗先 再去行🤣🤣🤣上網睇過介紹 呢間茶樓幾有feel茶葉想飲咩款、濃度，全部都係睇你拎幾多茶葉第一次去飲茶係自己放茶葉，好有趣～上咗一樓坐 晏到無哂所謂嘅窗邊位🫣落翻地下拎鐵盤裝野食先 都幾多選擇但分咗兩個區域拎點心 ～❤️燒賣正常發揮，唔會好多肥肉❤️牛柏葉夠味，唔會咬唔爛❤️叉燒腸皮唔薄同唔夠煙韌，但叉燒唔錯❤️蝦餃皮唔薄偏粉唔夠煙韌，但蝦仁夠彈牙❤️咖哩魷魚蒸耐咗，好韌❤️排骨好入味，正常發揮❤️雞札好耐無見有雞札會放豬肚👍🏻❤️醬汁鳳爪正常發揮❤️芋頭叉燒春卷鍾意芋頭放係春卷入面，好食❤️豬大腸煮得好入味，好易咬，出色💯❤️椰汁馬豆糕唔算好甜，椰汁比例剛剛好，推薦❤️黑加侖子啫喱天氣太熱，遲咗少少食就溶溶地，大家記得快啲食不過略嫌啫喱甜咗少少，唔嚐甜嘅唔好試啦～

疫情期間好多人多咗在家工作, 每日來回屋企同公司嗰少少運動量都無埋, 一有空餘時間就梗係要好好郁動吓 ✅ 由川龍行上大帽山, 中間有兩段都幾斜, 行之前點都要去彩龍食返啲嘢俾啲動力自己🥲 呢度嘅茶客明顯比平時少咗, 不過嘢食嘅質素就無咩影響, 仲幾抵食✨

自己茶葉自己執 , 自己點心自己拎大帽山川龍村端記茶樓自助式飲茶又幾得意雖然係自助式,但伙記仍然會親切咁教你D野係邊到拎.咩點心配咩醬好食點心一出爐就會用咪直播通知客人, 場面相當搞笑食既除左係風味,仲有懷舊點心雞球大包,芋頭酥同蒸蘿白糕, 正呀!!!不過最出色(沒有之一)一定係佢地自家種植既西洋菜菜之嘛?有咩特別呀?特別在佢既香甜爽脆, 係平時新界菜先食有既質素! 絕不誇張唯一係點心無價錢的, 到俾錢時亦至知道總數, 不過價錢仍然係好合理既

相信好多人喺行山前都會順路到川龍飲個早茶，記得第一次嚟喺10年前，個陣新年爸媽帶我嚟郊遊😆由於個陣冬天，我地飲完個早茶，仲去咗隔離個田摘西洋菜同埋拔蘿蔔😂😂當時第一次玩，覺得好有趣 ！今次再嚟，喺同啲朋友去行山，一行4人叫咗少少點心食！同當年一樣，都係要自己沖茶😂未嚟過嘅朋友覺得好新奇有趣我地叫咗啲好大路嘅點心，鵪鶉蛋燒賣、鳳爪、排骨、牛肉球、牛柏葉、魷魚、叉燒☕️其實味道就真喺一般㗎咋😆相信大家嚟都只喺食佢個風味🤤🤤

一連四日嘅復活節假就用大帽山之旅畫上句號😎 行完山一路順路走到川龍村，一嚐傳統中式茶樓🫖 師傅用大聲公叫賣出爐點心；食客自助搵位到執茶葉沖泡，鄉郊宜人，唔係食味道係食情懷😌拎點心都係自助型式，所以都唔係好清楚每碟點心嘅價錢🤣 叫左接近15-17碟，埋單$400，好多款都係一盅兩件，可以試到好多唔同款式👍🏻食物質素大致普通，必食嘅有《馬拉糕》同《川龍西洋菜》，平時唔食西洋菜嘅小編都大讚又甜又爽口又新鮮！而馬拉糕每層都夾有少許奶皇，又甜又軟糯🤤各款腸粉皮好厚又餡少，係幾滑但唔抵食；炸物好多放到涼左，不過好足料又有鹹香，例如蝦角、芋角👍🏻 包點正常無特別；蒸飯有豬油香，飯粒分明；比較災難級嘅係蒸蘿蔔糕出晒水，仲要得面頭蝦米數粒🦐 其餘都係糕🥲 另外甜品仲保留舊時茶樓嘅特色，會有把牙籤竹遮仔，真係好似返返細個嗰陣☺️整體而言行完山一定要順便黎川龍飲番個茶，好有風味👍🏻———————————————🏠環境舒適度：💛💛💛👅舔脷回頭度：💛💛💛📸打卡able度：💛💛💛💛💛🙇🏻‍♀️服務滿意度：💛💛💛———————————————

尋日早收工原本同朋友諗住黎呢度飲完茶行個短山，但去到荃灣keep住有啲雨，所以專程入黎呢個歷史悠久既茶樓飲個茶就算😂呢度基本上採取全自助形式，自己搵位/開茶/拎點心 (除左一啲即炒野要搵店員落單同埋埋單計數之外) ～如果有點心新鮮出爐老細就會嗌咪通知😅不過點心無價錢，我地兩個人叫左五樣野埋單$106，扣除每人$4茶芥，粗略估計應該係兩籠$15小點，一籠$18中點同兩籠$25大點～❤️奶皇馬拉糕 (評分: 4/5)買少見少嘅點心👍 宜家市面好多時都淨係得比較深色果款既紅糖馬拉糕～呢個食落幾鬆軟，唔會太甜，不過就真係純奶皇欠缺左啲蛋黃香，但值得一試👍❤️雞球大包 (評分: 4/5)又係好懷舊既點心😁呢個大包皮薄足料👍👍餡料大概有火腿，鵪鶉蛋，雞肉，臘腸，雲耳等等雞肉夠滑，雲耳增加左成個包爽口既口感但鵪鶉蛋就有啲硬同臘腸有啲肥，不過都係值得一試既懷舊野😀⭐️蝦餃 (評分: 3/5)蝦肉幾爽口但味道偏淡，蝦餃皮既收口位亦都太厚，呢個水準比較普通❤️鳳爪排骨飯 (評分: 4/5)食食吓先記得影相😂 排骨都算嫩滑唔韌～最欣賞係啲白飯底粒粒分明，食落有米飯香，唔錯👍⭐️金錢肚 (評分: 3.5/5)呢個金錢肚

3/5The watercress is nice there, tender with the light sweet soy sauce. Very fun and cool place that you help serve yourself. Dim sun is not bad too. Meat bun, quail egg siu Mai.Definitely worth a try. Recommend to walk up one floor to sit outside.

聽過瑞記多年第一次去，中午去仍多人，等露台位行了第二轉半小時才有位。冲茶自助，可以溝吓茶。出點心會有咪通知。最有驚喜係叉燒包有裂口笑口常開，一般茶樓都已經做唔到。牛肉幾實不過不失。點心質素味道一般，食嘅係懷舊風味，有茶粿和豆腐花。叉燒包牛肉計小點，都幾抵。

🔸全自助玩法，自己搵位自己斟茶自己攞嘢食🔸有點心出爐會嗌咪，最好target呢啲嚟攞🔸點心質素一般，坐露天位啲嘢食凍得好快，我覺得豆腐花最好味幾滑，另外西洋菜都係必食因為隔離就有個西洋菜田🔸山上空氣一流，一路食點心一路聽住無數雀仔吱吱吱吱嘅叫聲🔸目測都幾多老人家鍾意晨早嚟呢度飲茶🔸停車場情況混亂，引起唔少爭執，茶客不停食花生，搭公共交通上嚟會方便d🔸兩個人食咗$15x🔸食左乜？!🔘鮮蝦韭菜餃🔘蓮蓉包🔘牛肉球🔘蝦米腸粉🔘山水豆腐花🔘西洋菜

行山前先醫肚！瑞記茶樓出名茶果同西洋菜，但都賣光了！不過其他點心都好美味。🥢蝦🦐餃：剛出爐的蝦餃大大粒，蝦肉飽滿結實，餃皮唔會好淋，幾好食算above mean ~🥢雞扎：魚肚彈牙，豬肚夠滑，同埋食落唔會油淋淋，係真材實料👍🏻🥢牛柏頁、鳳爪：入味但有啲un 唔夠淋🥢义燒包：麵團以酵母發酵，而唔係用梳打粉，所以麵包好有咬口。🥢馬拉糕：正常發揮。味道：🔅🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅（5🔅為滿分）

在大帽山看完日出後，怎會不去附近一間很有歷史的茶樓，而且出名的不是點心，而是它的環境和服務方式。位置：位於川龍村，在小巴站的樓梯下到小路，往前去就到了。環境：茶樓分為兩層。地下共分為房內兩處大廳及戶外地方。而樓上有兩個天台，並設有室內座位，環境最好是天台，因為可望遠處的村屋和藍天白雲。服務：基本上是沒有服務，所有杯碟碗筷都是自取，茶葉任君選擇，自己斟水沖茶，自取點心，最後唯一的服務是付帳單！早餐：本來都沒有期望，但想不到質素那麼差，不知道是否因為那日人多，點心的選擇都不多，大多賣完了。中伏點心：荷葉糯米雞，應該是橙色糯米飯，外形看似正常，但內裏是不見有雞肉，而且只有一塊臘腸和火腿，餡料少之餘，醬汁都很奇怪，怎會是橙色的?味道極之普通，結果是吃不下去。蝦餃皮厚，蝦肉完全沒有鮮味，簡直味如嚼蠟。蒸排骨是所有點心之中最難吃，肉質有一股難以形容的氣味，幸好是全熟，但那股霉味難忍，沒有再吃。馬拉糕如結實的蛋糕，一點也不鬆化，唯一的好是味道正常，只是口感如吃厚實的蛋糕。牛肉球是我唯一沒有吃到，但每個吃完的朋友都說難吃，粉漿太多。正常發揮：蝦腸粉是少數我們一致覺得不錯，最起碼是皮滑和有醬油香。鹹水角

welcome to the taimo shan at tuenwan. againthis is my 2nd tinme coming here!!!its a great place for hiking the highest mountain in hk with excellent breakfast in the morning at this resto. highly recommend the chasiu intestine powder becoz it burns with chocoal❤️. the rests are a bit normal. price are cheap but u need to serve yourself.the route to taimoshan is easy first u have to takebus from tuenwan west mtr : no. 51minibus from tuenwan mtr : no. 80you will get up to the starting point around

一個月之前行山嚟到，三個人點左七樣點心。老實講真係好麻麻，除咗個菜係好食之外 😅 今日又行山，好似冇乜選擇到再入去俾多次機會佢啦。 兩個人點做六個點心，出乎意料一個月之間水準大有改善，最好食係個鳳爪、糯米飯都唔錯，跟住啲姐姐又好好人喎，今次食得好開心好滿意，兩個人食咗$130

今天帶父母專登去這間名氣茶樓，點了不少點心， 燒賣、蝦餃、鳳爪、排骨、牛肚、蝦腸粉、雞扎、炸春卷、鮮竹卷、叉燒包、通菜、娃娃菜、豆腐花結果….燒賣、蝦餃都係唔熟，燒賣的情況最誇張，生豬肉（如圖），同啲伙記講，佢地的反應好明顯係經常發生，之後聽返朋友講佢地都試過啲嘢食唔熟！腸粉、蝦餃的皮厚到好似食包咁鳳爪硬、鹹排骨啲粉可以食到飽牛肚、雞扎、鮮竹卷、炸春卷、叉燒包還可以，起碼熟，但一啲都唔好食！最好食係菜！新鮮！大家想想，生豬肉放入口咬嗰種感覺有幾咁新鮮！