窩心冰室 (水泉澳廣場)

营业中

休息中

裏面其中一個夥計態度極差，我叫一個奶油豬，凍奶茶，隻奶油豬個包係有蒜蓉包嘅味同好鹹我同其中一個夥計講個包好鹹，之後態度惡劣嗰個夥計就同另外一個同事講，你有冇聽過奶油豬係鹹㗎？另外嗰個夥計話冇，跟住之後就超級冇禮貌同我講我冇聽過鬧豬係鹹個喎，如果你唔啱食可從食其他嘢啦之後走咗去做其他嘢！我真係未見過啲態度咁惡劣嘅夥計，同一時間隔籬枱都有一個男人投訴佢個包好鹹，但係佢都比一樣嘅答案你唔啱食我去食其他嘢又係例牌走咗去，真心黐線，其實屋村茶餐廳都唔係要你有啲咩好服務正正常常就得，但係你食物有問題只係人哋問返你立即就即跳掣咁即係俾啲咩人食有問題人哋都要接受？成個水泉澳好似剩係得佢一間茶餐廳咁啲態度唔會再有下次！

其實都唔要求佢哋態度好，正正常常咁就得 公道嚟講係有正常嘅員工，但都有一兩個真心態度惡劣，通常收錢嗰個態度最差，一個字都唔講 但講親嘢都係難聽冇禮貌，好似人哋欠左佢咁，無著制服唔知係咪老細，但都唔需要咁嘅態度，唔想幫人落單當人透明，其實唔想幫客落單又唔整返個QR code比人落單，反而係咁無視啲客，真心唔知佢哋想點有時佢哋真係忙我都明，咁咪整QR code囉！但有時唔忙都態度咁差真係佢哋問題，冇心做生意又要做.

嗌咗個咖哩牛腩飯$83食到一半發現個咖哩勁多條毛最後成個飯掉咗😅😅😅服務態度又差 嗌外賣要等好耐唔會再食劣食😅😅😅😅ptsd😓😓😓😓😓😓

0822叫外賣 明明Whatapp 有講要送0905問佢幾耐送到佢話我無講Cap 番圖俾佢睇先知自己睇漏一句唔好意思都無仲叫我0830應該要再提佢要送講到係我問題咁明明就係自己睇漏仲要咁無禮貌

今早去比錢拎外賣時，睇到收銀個男侍應極之冇禮貌，講野快，人地聽唔到，個細路落單，當中有誤會以為落左2個，佢問個陣已經冇禮貌，落錯左糾正返個陣，個樣極唔耐煩，唔講以為人地欠佢錢，仲要兇人，越兇人地越騰雞之前已經試過一次，嗌外賣聽唔到佢講咩，比錯左外賣我仲要話返我轉頭，食野受罪😵‍💫😵‍💫其實都係食個餐，態度劣呀個客又唔係鬧佢，個男侍應已經咁既態度，不如唔做收銀？ 佢不耐煩時d客又唔好受，建議轉個岩d既位做

今日放假，諗住早啲起身食完個早餐跟住就返屋企探下我屋企人啦，五最好嘅選擇喺屋企樓下嘅窩心冰廳，我坐咗落嚟之後呢嗌咗個剩雪菜肉絲漢堡扒米，諗住加番三蚊轉套餐竟然唔畀真係有啲唔開心！

忙碌咗成日收工返到屋企冇乜精神,所以喺樓下嘅茶餐廳窩心冰室食完個晚餐就算,今次呢我就嗌咗馬拉盞牛肉炒通菜晚餐嚟嘅,65蚊嚟講份量都好足夠,不過味道就比較偏鹹少少！

因為水泉澳商場樓上的茶餐廳結業，呢間窩心就愈來愈差，餐單唔變😒工作人員態度差😔比錯食物☹️套餐杯奶茶好似比人飲左幾嗒（附圖片），其實唔只第一次係咁，但今次實在太太太過份！！！😤😤😤😤😤😤😤😤😤唔好話驚外賣容易倒瀉先比少咗，我打開個時，真係懷疑係比人飲左先比我😖😖😖希望商場快啲快啲開返間茶餐廳，唔好比窩心咁「得戚」😠😡😠😡😠😡😠😡😠😡😠😡😠😡😠😡

在水泉澳商場好似淨係得佢一間做嘢咁態度冇又惡劣添明明有卡位都話冇又話有人等但係下一個Number就係我張單㗎喇喎熟人係咪會好啲啊你話食晏時間好多人排隊就話啫真係應該要再培訓不過呢間嘢係成個商場較為好食冇辦法啦啲人係串啲啊如果顧客不能有特定要求可以標明加上我家人隻腳不太好所以才想坐得舒服些其實我冇話唔願意等喎只不過不要同我講有人等喂但其實之後張飛就係我們再搵另外一個高級啲或者可以咁講搵另外一個人嘅時候佢又俾我們坐真係唔係好明白而家啲人點做嘢

因為放假太舒服所以瞓晏咗，起身又唔想去咁遠食個午餐，所以就喺樓下窩心個到食，我就叫左個雞扒加漢堡扒公仔麵,塊雞扒阿媽啱啱炸完出嚟,仲見到表面嘅滾油喺度跳動,好新鮮脆口,漢堡扒就普通,埋單41都吾錯

今朝晏咗起身，所以冇係屋企煮到早餐，就樓下嘅窩心冰室食個早餐返工，我就例牌嗌咗個沙嗲牛麵跟住炒滑蛋,厚切午餐肉同埋佢個方包,今次嘅沙爹牛比較普通因為太多跟腱,不過我每次都好欣賞佢嘅方包有蜜糖味咬落去好鬆口喺第二度食唔到.

作為一個打普通工仔，收得夜都已經集以為常,反到屋企樓好彩仲有間食肆未收，我就叫左一個大路既魚香茄子煲,可能係泡油吾係太耐，所以茄子有D散,不過都有濃厚既鹼魚味一個人晚飯冇要求太多都ok.

早餐方面，由點餐到黎食物都算快 ，5分鐘之內，食物方面都熱，無任何不乾淨東西，員工方面都算可以，無任何吾理客人要求，晚餐方面，都係一樣，由點餐到黎食物都算快，5至8分鐘左右

「晨早流流食早餐」系列之山旯旮隠世茶餐廳一向對早餐有要求的胃食貓, 自從一次機緣巧合下試過呢度既早餐後, 就一直念念不忘, 皆因係我食過最好食既早餐之一暖暖既丹麥厚多士, 香濃既牛油, 酥脆既口感, 一級棒! 香煎午餐肉夠厚夠大塊, 煎到好香, 少少咸, 好惹味炒滑蛋係茶餐廳早餐既靈魂所在, 呢度水準高班, 一直都keep 得好好, 每次都炒到香滑濃到食多10份都得! 炒蛋上既黑松露好香, 份量一啲都唔吝嗇, 溝埋啲蛋一齊食又得, 一啖蛋一啖黑松露又得, 好得~ 得咗~ 雪菜肉絲米既份量, 配搭, 味道, 濃淡, 都配合得好好, 連湯都飲埋熱茶走甘香濃, 除左讚, 都係讚呢個餐, 每次食完既後遺症就係想再食多一份, 同埋成日心掛掛想再去... 順帶一提, 呢度服務唔錯, 連帶位, 收牌, 執枱既伙計都會講唔該呢間平民茶餐廳, 價錢公道, 食物質素高, 服務唔錯, 真係值得推介同支持既隠世茶餐廳

第一次嚟呢間野食！亦都係俾個痴根員工服務態度迫到要打呢啲嘢，廢事有人瀨嘢！其實野食價錢唔係貴，但態度就真係不知謂。入去個時唔多人，但佢就好似封咗一邊咁，將啲人迫埋晒一邊坐。而家疫情嚴重可以嘅都盡可能想坐得鬆動啲。一行過去無咩人個面個短髮男員工已經喝狗咁話嗰邊唔開，叫坐另一邊。算！忍你。到叫咗野食，諗住叫佢哋俾杯熱水洗下啲餐具，叫幾次都無人理，最後又俾個個男員工走埋嚟，放底本水，仲單單打打話食幾十蚊野又多多要求。大佬！都係想坐喺無人個面（你又無封，春知你唔想人坐）同埋問你攞本熱水啫，究竟係有幾多要求啊？你唔想做不如好做，枉你間鋪改個名叫窩心，你啲嘅服務態度就係窩心啦！