穴壽司 (形點 I)

营业中

休息中

屋企附近唔係太多日本菜選擇，同媽咪去咗元朗 Yoho 嘅穴壽司 ，多年前食過印象唔深，今次覺得幾好喎！！🙆🏽‍♀️❀ 季節限定二人前｜$880櫻花蝦豆腐沙律，醬汁微酸帶豆乳香氣好清新，太好啦唔係周街都係嘅 BB 芝麻醬，食到厭！！牛油果三文魚他他以最中餅夾起，賣相吸引之餘增加口感 🌼刺身中最喜歡間八薄切（鯛魚），白身魚本質清淡好依賴調味，師傅自家調製酸汁突出鮮味，柚子醋、辣蘿蔔蓉同小葱好開胃，作為前菜最好不過 😋本來平平無奇嘅茶碗蒸，配龍蝦汁咁 Genius 嘅想法係邊個諗出嚟 🦞 嫩滑蒸蛋淋上濃郁蝦湯，齋諗都知好味 🤤另外追加咗磯煮鮑魚同藍蝦刺身 (+$68)，前者伴以甘香肝醬，凍食爽口有嚼勁；法國藍蝦於純淨水域生長，肉質結實彈牙。壽司質素屬水準之上，主要選用魚腩部份，吞拿魚竟然用上淡粉色嘅拖羅綴以芥茉籽，微辛刺激大大減低油膩感，入口即融好出色！🍣 深海池魚配獨特紫菜醬，鹹甜交織海洋味十足 海膽三文魚籽杯落重本，日本直送海膽鮮甜軟糯，魚籽色澤緋紅飽滿，爆爆珠口感夠新鮮 🧡通常對套餐主食都無乜期望，對唔住係我以貌取人 🙂‍↕️ 烏冬加入 A5 鹿兒島和牛，牛肉雪花均勻肉質勁腍有牛味，絕對值

呢間日式居酒屋已在Yoho開了很多年，一直食物質素良好，選擇夠多元化，儘管刺身冇以前咁新鮮，但侍應嘅服務態度卻一次比一次差，唔夠誠懇有禮，當客人在用膳時有任何疑問，服務員就黑口黑面，唔出聲，用動作表示就直接行開就算，全程很匆忙，不願意花時間幫你，上菜亦動作好大咁放低漬物，嫌你個人麻煩，去到埋單亦比面色客人睇，話有會員就比啲唔情願嘅面口你睇，未能全面為客人提供優質的客戶服務。始終係服務性行業，你唔鍾意做可以選擇唔做呢行，本人冇要求啲咩，只係詢問午市有無加配小食和串燒，埋單亦只係答應有會員，要求店員協助儲分，但服務員一路以嚟無服務可言，無禮貌，態度差，竟然如此待客，本人應該係不久嘅將來先會再來光顧這日式餐廳。

今次嚟到呢間餐廳，試左下海鰻魚壽司，海鰻魚壽司新鮮可口，魚肉滑嫩，口感極佳。壽司飯保持咗適當的溫度，米粒鬆軟，微微帶酸，與海鰻的鮮味相互融合。每一口都能感受到海鰻的鮮香，搭配上少許的醬油，味道更加突出，實在令人陶醉。和牛炒飯，則係另一個驚喜！牛肉質地鮮美，炒得恰到好處，保留咗肉的多汁感，與米飯混合得非常均勻。飯粒粒粒分明，吸收咗牛肉的香氣，加上蔬菜的清新，口感層次豐富。每一口都能感受到牛肉的濃厚風味，真係好味到令人回味無窮。

👀看到吃貨橫掃港深珠介紹「穴壽司」有買一送一Omakase，今晚就來吃👇前菜：海膽蟹肉冷豆腐，豆腐滑溜，蟹肉及海膽正常，如用加拿大海膽就更好😏👇時令刺身(五款)🍶磯煮鮑魚，爽而有嚼口🍶蒜蓉醬油配真鯛，質感結實鮮美，魚皮有炙燒過的香🍶 ⁠醬油漬赤蝦，鮮甜黏密🍶 日本生蠔配酸汁啫喱，肥美滑溜，跟酸汁啫喱配搭得宜，只需咀嚼數下，蠔的鮮味便在口腔隨隨滑下🍶 ⁠吞拿魚腩(沒有拍照），最愛中拖，入口鮮嫩細膩壽司系列：🍣霜燒帆立貝、深海池魚、金目鯛、赤身醬油漬、江戶前玉子燒👇所有壽司都新鮮，四件壽司面有不同醬料或食材配搭，讓味蕾更豐富👇串燒雞翼，外皮香脆，肉質嫩滑又Juicy👇天婦羅冷烏冬，天婦羅及烏冬正常發揮。同桌的友人一致覺得，如烏冬改為日式炒飯會更精彩最後，甜品是日式雪糕(沒有拍照)溫馨提示🔔：1. 需下載吃貨優惠憑證2. ⁠此優惠只適用於星期一至日晚市，優惠期限至2024-11-153. ⁠須另收加一服務費，兩位即是$176+$880=$10564. ⁠留意使用條款及細則

朋友响英國返嚟想要食壽司 。 當然知道英國啲壽司嘅質素係好差囉 。食嚟食去都係得三文魚。真惨。所以叫咗壽司拼盤 10件。壽司非常之新鮮。朋友大讚。 吞拿魚碎拌飯個花花名脆配埋真係好夾。好特別。火炙既魚油脂出哂嚟勁香。牛油軟殼蟹卷。軟殼蟹勁香同牛油果係朋友啊。雜錦天婦羅都好好食。d蝦炸得岩岩好。 都喜歡佢既蕃薯南瓜。綠茶雪糕好濃綠茶味勁滑。7：30pm仲有即場表演開吞拿魚。好多人圍觀啊。 店員仲好熱情幫我哋打卡影相。。

一向知道Ana價錢不菲，不過每個食過號客人都會話好好食，每個都會做回頭客。今次叫左以下食品，的確食完自己都成為回頭客🌸海膽帶子丼飯🌸$468自己最怕係香港食海膽，貴得來仲要臭。不過Ana嘅海膽完全0臭味仲好creamy。而帶子都好足足有8片，全部好厚身同好甜。🌸特上刺身拼盤🌸$568自己最鐘意佢嘅魚子，唔鹹仲好爽，每粒都好飽滿。一咬落去，成個口都充滿香味。另外佢地嘅柚子汁都令魚生嘅鮮甜味昇華。🌸舞茸湯🌸$48一碗湯，整得好飲完全唔容易。而呢款湯係做到好睇，而且清得黎味道好濃，除左食材要好，都好巧師傅對食材嘅認識。🌸喜知次次🌸$888講真聽到咁貴真係嚇一嚇，但喜知次屬於魚王，食左次就明真係值呢個價。完全唔洗特別調味，就咁食都好好。成條魚係烤製而成，外枝脆而魚質好滑又充滿油脂。我地叫完後，都已經冇曬貨，多謝店員姐姐介紹呢道菜單🙏🏻

元朗好多嘢食，不過要想搵一間又舒服，食物質素有保證嘅日本菜，真係要去返穴了。基本上任何菜式都可以無腦選擇，好少出現唔好味嘅情況。尤其鍾意佢個三文魚腩，既肥厚，油脂又足夠，食到大家舔舔脷。牡丹蝦都好鮮甜，令人開胃。是日特色是來了北海道海膽，跟加拿大海膽作對比，海膽味更突出，且沒有腥味。唯一一道熱食蟹肉帶子炒飯也沒有令人失望，粒粒鮮明的飯粒炒得均勻，大贊。🥢特上刺身拼盤牡丹蝦｜油甘魚｜帆立貝｜鯛魚｜鰤魚｜三文魚腩｜加拿大海膽｜吞拿魚腩｜三文魚籽🥢牛油果軟殼蟹卷（6pcs)🥢蟹肉帶子炒飯🥢北海道海膽

三兩知己相約晚膳，估唔到無咩人，可以直入。環境幾好，可惜坐嘅位置靠近商場，扣少少分。所有叫嘅品項都好唔錯。❗️和牛壽喜燒叫咗個貴啲嘅壽喜燒，但冇失望！牛嘅質地好好，味道濃，而材料都唔差，3個人分每人都可以食到兩塊肉。❗️特選壽司3個人分唔係每款都可以食，但刺身新鮮❗️串燒醬汁不錯，不過幾個人分就梗係唔夠如果想有個有保證嘅日式料理，會係一個唔錯嘅選擇。不過預埋單都要3／4百蚊整體評分：（滿分5分）味道：⭐️⭐️⭐️⭐️⭐️環境：⭐️⭐️⭐️⭐️推薦：⭐️⭐️⭐️⭐️⭐️

今日去左穴壽司食飯. 有好多款唔同套餐可以選擇. 有烏冬 有燒物 炸物 刺身 刺身飯 串燒而我最愛既都係刺身飯. 刺身新鮮. 成個餐有前菜. 湯. 甜品. 埋單$250有找. 穴壽司都算係唔錯既選擇

呢間食過堂食，食物質素很不錯，然後睇到佢外賣呢個價錢真係好吸引🤩外賣6折，真係好抵食！海膽好鮮甜，壽司上面嘅魚生新鮮夠冧，佢嘅壽司飯都好好食😋！當日外賣仲有送湯品，不錯！

薯絲蝦佐蛋黃他他醬，賣相一流，之前就是給他的賣相吸引過來吃的，果然好好食，很可口，裏面的蝦也很新鮮好吃，啖啖蝦肉；而外面要捲着薯絲再拎去炸，好考功夫呢🥰🥰🥰這家店的壽司🍣也非常新鮮好吃😋火炙壽司當然更不在話下！入口即溶。推薦這家日式餐廳。

走入這家日本餐廳，空氣中瀰漫一陣炭燒嘅迷人香味，令我即刻醒晒精神。首先，蔬菜沙律好清新，輕輕醋味嘅醬汁帶出菜嘅鮮甜，簡直係開胃嘅完美序曲！跟住，豉油牛肋嘅香氣撲鼻而來，肉質嫩滑得黎唔失汁水，簡直係美味極了。飯後甜點嘅芝士蛋糕，濃郁嘅芝士同絲滑嘅口感真係絕配，透出一種幸福嘅甜。食飽之後，杯嘅抹茶又真係扣分，苦中帶甜，帶走了所有嘅油膩，仲有，攞個餐巾紙擦擦口，飽滿滿地走出餐廳，感覺成個人都輕盈咗！每次來都有種滿足感，雖然價錢唔算太親民，但質素同服務無得輸，對面咁多人排隊等位都值得。下次再黎食，我一定會預埋位，咁就唔使等咁耐喇!🍣🔥😋

簡直係食好西滿足小日子！今次試咗幾款菜式，每樣都令我心花怒放咁興奮。先講講軟殼蟹沙律啦，啲軟殼蟹炸到金黃鬆脆，啖啖肉感，同咁爽口嘅沙律菜拌埋，酸酸甜甜真係做到滿分！🥗再嚟就係拼盤，同桌嘅海膽卷真係高登去到新境界。那個海膽軟滑得嚟，魷魚嘅彈牙質感配上海膽嘅鮮甜，爽！🍣當然，講到重頭戲，非得松葉蟹蓋海膽石鍋飯莫屬。蟹肉、蟹籽甘香四溢，每一啖飯都有佢哋嘅蹤影，咁濃郁嘅滋味，完全係蟹控嘅天堂啦！🍚依間餐廳嘅裝潢都幾有feel，坐落度食飯又舒適又寧靜，食物嘅表現係實力派嘅，真係讓人心情好到不得了，你話，下次再唔再嚟？當然答案係一定要嘅啦！

同事約我去形點穴壽司食晏，話性價比高，值得一試。睇完餐牌，卒之點咗咖哩豚肉飯。先嚟前菜、麵豉湯、海鮮蒸蛋同沙律，清清哋又開胃。跟住碟主角，日式咖哩好香，豚肉都好冧，份量啱啱好，冇浪費食物。最後食埋個甜品，埋單唔使一舊水。

逢親過去元朗朋友總說我去大西北，今日過去辦點事情順便午餐。Yoho One 總有好多選擇，各國菜餚料理都有，今天忽然好想食咖喱。穴壽司的午餐set也有我喜愛的日式咖喱，選了「吉列黑豚咖喱御膳」$128，包括前菜、麵豉湯、沙律和甜品。吉列黑豚咖喱御膳真係香噴噴，外面的炸醬薄薄的一層，裏面包着好Juicy的黑豚肉，份量之大差不多相等如成人的手掌，豚肉軟滑沒有一點嚡，咬下去肉是光亮帶點油脂，咖喱汁香濃中帶點甜，豚肉吸收了咖喱的味道，送飯一流！