稻香 (已結業)

和媽來呢度飲茶.都開了成個月, 希望一切都上晒軌道吧.星期日午市有特價點心, 都只是叫了幾味, 加個炒飯.點心有腸粉, 釀豆腐, 义燒包等;算是一般喇, 除了义燒包的皮過厚, 其他的點心都是集團水準...炒飯叫了個特價組合, 是咖哩牛腩+炒飯.炒飯很好, 炒得唔油.但d咖哩牛腩超韌, 有3舊仲係o趙唔入, 車軚咁硬!服務很好, 人手尚算ok.

下午茶要2:00pm先有，但係我地1:45pm就到咗，所以就周圍行下先去食皮蛋瘦肉粥：肉碎嘅分佈令我想起醫院嘅肉粥，有d恐怖，不過食落去係好好食的~牛肉腸拼蝦腸：創意無限，我起初以為是1條蝦腸，1條牛肉腸為一碟，點知原來係有3條，每條一半係牛肉腸，一半係蝦腸~ 而且蝦腸裏面嘅蝦超大隻，好好食呀！ (不過豉油略為淡了點)鮮蝦春卷：超級好食，平時嘅春卷外脆內硬，但係呢度嘅外脆內都脆，鮮蝦夠鮮，而且加咗蒜蓉好夾，好好食手工三式餃：好特別，三種餃包括：潮州粉果、鮮蝦餃同韮菜餃，韮菜餃無肉，不過整得好鮮，好好食~潮州粉果：我個人認為無咗種古舊嘅味道，味道modern，可能因為佢加咗太多芫茜，搞到無咁好食。(雖然我鍾意食芫茜，不過可能加太多落去粉果度唔得)蘿蔔炆牛腩：汁是黑色的，不過一d都唔鹹，而係濃~ 汁係牛腩嘅精髓，所以好味到飲哂d汁~上湯小籠包：味道還好，不過湯淡了點，而且小籠包不是薄，但非常易爛~藥膳鳳爪：味道很好，不過唔抵食，10幾蚊，得三隻鳳爪，不過還可以的第一次來這裏吃，感覺還不錯的

今年因為就阿仔考試, 所以遲左去食母親節, 本來訂左食開個間酒樓, 點知見到佢出左個新套餐, 咪去試, 呢間仲係新開既, 我地就訂左佢新出的皇席宴, 去到酒樓, 我地點呢個餐, 個侍應就話我地十四個人唔夠食, (我地雖然有14人, 但係有5個係小朋友同bb) 死都要sale我地另外一個$1688既餐, 我地唔要,佢又話你地叫呢個唔夠食架, 不如架$300-400 轉左條班, 我地覺得個餐本身都有條班, 無謂煩, 堅持只要$1188呢個, 等左一陣齊人就叫佢起菜, 點知等左成個鐘先有第一個菜黎, 但係d次序就亂到七彩, 趐就第2個黎, 宣傳單張就話有孔豬全體, 但係黎既孔豬就只有3份2隻囉, 味道又差, 自己出左咩比客人都唔知, 最尾無啦啦送碟糕餅黎, 話無壽飽, 用碟糕餅代替, 我地就無呃佢, 話比佢知我地食左啦, 嘩佢一個唔該都無, 即刻攞走碟糕點, 真係無禮貌, 唉, 各位人兄, 真係便宜莫貪, 佢只係平少少啫, 換黎貨不對板, 兼一肚氣!!!

星期日, 盡了我的公民責任, 便同家人前來位於烏溪沙站, 新開的稻香酒樓, 試一試新店. 來到, 人頭湧湧的, 因為大多利安居民, 都來試這新酒樓, 而且對翠蕹華庭, 銀湖天峰來說, 呢間係獨家飲茶地方. 所以開業不足一個月, 便搞到平時冇乜人煙既烏溪沙站, 尤其是巴士總站一角, 係星期日的午飯時段, 熱鬧起來.好不容易等到位, 期間因一些港男港女習慣行為, 場面"熱" "鬧" 非常. 女的鼓譟 (熱), 因為訂了檯要等. 男的火滾 (鬧), 因為佢張15人檯等了N個鐘. 我們要5人檯, 而且人齊等, 所以極之順利. 不用加入"熱" "鬧" 戰團.由爸點菜, 總有一些意外驚喜. 先來的腸粉沒什麼大不了, 兩條是叉燒, 一條是蝦. 但腸粉皮是可惜了, 太粘, 不太好食.意外驚喜 (1), 大包, 所謂大包易賣, 大錢難撈, 為求撈你一筆, 大包?! 誰會好似以前咁, 真係包羅萬有咁整隻大包益街坊. 大包易賣, 大錢難撈, 為求撈你一筆, 我用菜絲肉碎做餡, 實行一個菜肉大包. 大包的確易賣, 大錢的確冇撈, 但小錢就咁被擄掠了一小筆.意外驚喜 (2), 也是大包, 不過此包不如彼包. 此

為此店寫首個食評, 原不想給她一個哭臉作開始, 可惜, 實在不彈不行。三寶飯, (雞 / 鴨 / 义 -- 3選2 + 咸旦)要了個义鴨飯興奮的提着飯盒回家, 打開一吃 . . . . . 燒鴨：從未嘗過難食如此, 也不知是那部位切出來的一塊, 又乾又鞋, 入不了口义燒：賣相好吸引, 不會太肥, 紅紅的好美, 可惜, 一咬下去, 哇, 未熟透的, 有無搞錯？！咸旦：一個好小的旦黃, 淡淡的米黃色, 看就知不是個靚咸旦一間有名酒樓卻有如此出品, 實在失望, 雖然才收那$18, 但比街巿燒味檔$13雙併飯盒不濟, 唯一可讚的是其沒壞"稻香"一名, 飯確是軟硬適中, 是有咬口又甘香的絲苗另店內還有外賣甜品, $6的芒果布丁 和 $6杏仁茶都不錯