稻香.茶居 (星峰薈)

今日同朋友去咗稻香飲茶，這裏的下午茶好便宜，抵食質素好高🍞 煉奶炸饅頭炸饅頭外皮金黃酥脆，咬落去鬆軟香甜，配埋煉奶一齊食，甜而不膩，簡直係童年回憶嘅味道。每次都要好多煉奶加埋一齊超好🦐 煎薄撑薄撑煎得香脆，唔會太厚，入面包住蝦仁鮮味十足。外脆內嫩，配埋辣椒醬更加惹味，🥟 煎韭菜餃韭菜餃煎得微焦，皮薄餡靚，韭菜香氣濃郁，乜不會太油，食落去啖啖肉，連唔食韭菜嘅朋友都話好味。整體而言，稻香食物穩定，環境舒適，服務親切。真是嘆茶的好地方…Read More

放假有時間帶咗女女去將軍澳中心上面嘅稻香飲茶，順便帶下呀女見下啲親戚。平日早段入去唔太多人，環境乾淨，冇咁嘈，坐得舒服啲。佢哋有BB椅，叫職員攞就會即刻拎過嚟👍。我哋點咗蝦餃、燒賣、腸粉、蒸排骨、同埋女女最鍾意嘅流沙包。蝦餃皮薄餡靚，蝦肉爽彈，冇腥味；燒賣都算足料，唔會太肥膩；腸粉滑，醬油唔過鹹，排骨冇太多骨，小朋友咬都咬得開；最驚喜係流沙包，爆漿程度啱啱好，女女食到成面都係😂。服務方面都唔錯，侍應會主動加茶、收碟，態度有禮貌。價錢方面，人均八十幾蚊，唔算貴，食得開心又飽飽。整體來講，係一間適合家庭、特別係有細路嘅媽媽嚟食茶嘅好選擇🍵🥟。下次會約埋媽咪group一齊嚟！…Read More

馬騮B最近有新發現，稻香晚市有早鳥價，七點前開飯只需$138有兩餸兩燉湯加飯的套餐，非常之抵！今次4人去，可無限點呢個套餐，燉湯仲有鮑魚仔非常有驚喜！蒸龍躉肉質嫩滑最欣賞佢啲汁料有少少蒜蓉同蔥蒜仲有冬菇和肉碎，好野味，汁用來送白飯一流！飯可揀白飯和油飯，後者有碟油和少少蔥撈勻佢食，未試過都幾特別！涼瓜炒牛肉、炒蝦味道都好好。雖然價錢平左，但茶位費原來已加到$14/位。之前好似係幾蚊茶錢，突然貴左好多！味道：性價比：encore 指數：8/10…Read More

在稻香茶居的用餐體驗中，每一道菜品都令人驚喜，展現了傳統與創新的完美結合。首先，芋絲炸春卷外皮酥脆，包裹著綿密的芋絲，咬下去的瞬間，香氣四溢，令人回味無窮。接著，蓋汁雞包仔口感鮮嫩，雞肉配上濃郁的醬汁，讓人欲罷不能。功夫小籠包則是經典之選，湯汁豐富，皮薄肉嫩，讓人陶醉其中。炸兩腸獨具特色，外焦裡嫩，搭配特製醬料，咸香味的平衡恰到好處。瑤柱蠔豉肉碎粥則是溫暖的選擇，每一口都散發著海鮮的鮮美，令人感到舒心。惹味臘肉燒賣則展示了豐富的層次感，咸香的臘肉與糯米的搭配相得益彰。櫻花蝦蒸蘿蔔糕清新可口，而香煎蝦米腸香煎賀年什錦糕則香脆十足，帶來節日的喜慶氛圍。整體而言，稻香茶居的每一道菜品都充滿了匠心獨運，令人流連忘返。…Read More

近月稻香有超抵優惠，今次係$9.9打邊爐，我哋實測過兩個人去叫一份真係$9.9 ， 當然要加1茶芥啦。一如以往特價嘢二人去可點一份五人去可點兩份。九個九一份打邊爐究竟夠唔夠食呢？佢有兩款湯底同餸揀，我哋揀咗美牛拼雞小海鮮套餐，包埋鍋底，份量係圖中所見，其實都夠，大食嘅加個麵同加多碟肥牛就一定夠啦！抵讚粒蜆肉好嫩滑鮮甜👍手打丸蝦墨魚仔魚片都好新鮮！咁嘅質素咁嘅價錢真係抵過不上消費啦，唔知優惠做到幾時呢？等我哋再去encore一次先！性價比味道…Read More

基本上假日 坐位爆滿⋯晚餐散叫 點了乳鴿、生蠔、龍蝦、松葉蟹黎一個海鮮之夜！松葉蟹 大約400蚊左右、8肢都有甘上下粗壯蟹肉鮮甜⋯ 不過蟹膏少d，整體新鮮抵食！生蠔大約10蚊隻鬆d充滿蒜香而且口感剛剛好 食落juicy而且都算肥美 唔會太細隻…Read More

近排好想食片皮鴨,但唔知食邊間好,今日行行吓街,見到有個好大既特價片皮鴨招牌出現係我睇前,機會係我面前,我無理由唔好好把握阿一坐低第一時間就叫左個片皮鴨先見到差唔多枱枱都叫,所以都等左一段時間先到~片皮鴨平時食片皮鴨都係跟青瓜絲阿,大蔥絲阿,海鮮醬阿個D但哩間店好特別,佢仲有比埋紫薑片 & 菠蘿粒 & 千島醬真係出奇地夾,仲要係好好食添阿片皮鴨我地叫左兩食~涼瓜鴨件哩個就麻麻地啦~蒜蓉蒸扇貝都係特價熱辣辣好好食,蒸得剛剛好…Read More

稻香·茶居屬於酒店商場部分，乘電梯便可到達，故交通也算方便。面積不少，座位之間比較窄唔太舒適，食物水準一般。每桌也附設全自動茶水機，電熱水機體積大，煲水量少，出水慢，煲水速度慢，電線令顧客職員走動時易生危險。點菜亦採用QRcode連接點餐系統，直接用手機點餐。在窗口邊可以看到街景及花園平台，至於食物質素真係一般（我講嘅係火鍋食材），因為之前試過飲早茶，點心不錯的。服務員的態度質素則不一，可能是管理層的管理手法不一致，地方整體算是雅潔，祈望其出品及服務要提昇高一些層次。整體食物（火鍋食材）質素普通，服務一般而已。…Read More

近排忙得滯，得閒食唔得閒寫，呢個post出嘅時候呢個推廣可能已經冇咗啦，不過唔緊要都記錄一下開心share! 7月份試咗$88片皮鴨一隻，聽落梗係好抵啦，一上碟見到個份量係有少少失望嘅，我哋四個人去，呢一隻嘅份量就好似好少囉！配料蔥呀醬汁唔可以添加，要額外比$。大家都要就住－片皮－塊肉－條瓜－條蔥包－份，唔係食到尾就唔夠配料啦😭至於味道都ok, 皮未至於好脆，不過起碼唔靱，片皮都軟糯。我哋順便叫埋其他推介小菜，魚、龍蝦伊面、煆球、氣鍋湯。食曬就飽晒！補充番，食片皮鴨可以加少少錢要埋殼、或者兩食！…Read More

樓面知客經驗不足，致電查詢地址，居然老點去酒店入口到酒樓。到達後取票，知客本身安排到窗口位置。孕婦🤰坐到窗後枱後，居然安排另外客人坐落枱。本身係P0020, 後面 P0021 居然話係佢嘅枱，話自己90歲，坐落枱，我睇唔出邊位女士90歲，要孕婦讓步，真過份！明明係酒樓安排錯，知客居然話係客人坐錯，然後有位唔俾大肚婆坐，非要安排門口上落客位俾大肚婆，非常過份！最後經理道歉，把枱拖出，唔俾其他人出入，再安排坐位。但係都係門口位，其他等位客人望住食要求酒樓教育好知客，本身以為係酒店既餐廳有返啲水準，但係服務比普通酒樓更差！…Read More

一蚊鴿又出來了，所以全家在此晚餐。因為土地問題，座位排得又迫又窄，容易跟隔離枱的椅子碰撞，就連水車都要爭位囉！ 養生鮑魚氣鍋湯    正常餐牌散點要四十几個大洋，現在廿八蚊，所以要來一份。 湯料很足，湯頭清甜， 還有鮑魚呢！乳鴿上來了，要出動五指山。乳鴿表皮顏色偏深啡，有點擔心是否<炸過龍>。味道偏鹹，乳鴿皮較薄較脆，肉質較乾，跟平時的炸乳鴿有很大分別。個人覺得是翻炸的。另外，乳鴿帶有酸味。因為天氣炎熱，肉類變質?  還是E330?  金銀蒜粉絲蒸元貝    36個大洋有二件，抵! 所以點了几件。帶子彈牙又鮮甜，最美味的還是墊底的粉絲，吸盡帶子精華，配上蒜蓉一起享用，正!嚐過失望的乳鴿，幸好有帶子。 鮑粒金醬釀豆腐煲     名曰<鮑粒>，但明顯見到几件小鮑魚，呎寸接近細罐頭的鮑魚仔。豆腐是板豆腐，有豆香 ，配肉醬，軟綿綿 ，容易咬，我喜歡。 胡椒雲勝海貝生蠔    胡椒濃湯有几粒蠔仔，還有花甲。湯底又鹹又香辣，引得小米直接飲胡椒湯。 欖豉蒸金花班   98蚊大大條魚，接近街市價格，所以要來一份。 艇皇啫通菜  通菜夾雜著蝦乾蝦米，咸香又惹味，就連不喜歡青菜的小米也多夾几箸呢！ 沙嗲肥牛粉絲煲    嚐過推廣的特價美食後，大家意猶未盡，還想再食，加了肥牛粉絲煲。 南山壽桃包       小妹妹叫這個做屎忽包， 在屁形狀的粉紅色包包中間必出啡色的東西。原來在此消費，不能享用popcorn免費泊車優惠。   中伏!!!!!!…Read More

稻香茶居(星峰薈)稻香茶居位於將軍澳唐德街3號星峰薈2樓,近期稻香茶居早茶有多款新優惠推出,多款點心低至$12.8非常低食,性價比高。功夫小籠包12.80四粒小籠包多汁,肉餡鮮嫩,入口爆汁,小心會燙傷嘴唇。金肚片珍珠雞$12.80好特色嘅點心配搭,珍珠雞上面有金錢肚,一籠點心裏面有兩種食物。相思煎軟餅$12.80相思煎軟餅餡內係香甜嘅豆沙,唔會太甜剛剛好。脆餃子蘿蔔糕$12.80一碟點心有雙拼食物,香脆餃子和好多料嘅蘿蔔糕。滋補藥膳鳳爪$12.80鳳爪有香濃嘅藥膳味,鳳又嫩又滑。超星級燒賣皇$16.80有帶子燒賣,鮑魚燒賣,蝦燒賣,一籠燒賣有三種食材真係非常豐富。…Read More

稻香加一蚊雞之後，呢期有一蚊乳鴿，馬騮🐵B仔兩兄弟梗係要捧場試吓啦！今次一人嗌一隻，二人去可以嗌兩隻。上菜都算快，一籠裝住兩隻乳鴿仔好可愛☺️，不過兩隻都瘦瘦地，見骨，鴿脾都冇乜肉，估唔到連馬騮仔都大隻過佢呀！不過上枱時仲熱嘅，$1燒埋乳鴿俾你就不要太苛求啦，我哋唔做西客！食完咁細隻嘅鴿當然唔飽！我哋仲叫咗兩味餸：茄汁蝦，普寧豆腐。茄汁蝦D汁好惹味，甜甜酸酸啱胃口！炸豆腐雖然係小食，份量都唔少呀，兩個人啱啱好！…Read More

今天去了將軍澳站的稻香食 $1 一隻燒乳鴿， 5:30pm 去到巳經要排隊。入座了二人半卡位，叫了兩隻乳鴿，仲叫了一個 $ 288 兩人套餐，套餐有一條 龍躉斑，兩位的 鮑魚冬菇，和兩個 鮑魚冬蓮汽鍋湯，仲可以選一個餸，叫了 菠蘿咕嚕肉，超多嘢食。龍躉斑肉質鮮嫩，非常好味，叫了一個白飯， 可以 魚肉 配白飯 ，真是好好味， 菠蘿咕嚕肉，啖啖肉，都 好惹味。仲有兩位的 鮑魚冬菇， 原來都好大碟，鮑魚冬菇下面有好多生菜墊底。 汽鍋湯都好鮮甜，有好多湯料， 有鮑魚仔、花膠、雞腳、瘦肉和雞等等。今天食完了飯，真是超飽，食物質數都好好。稻香 時常都會有好多特價食物，今晚星期三， 7:00pm 巳全場爆滿， 仲有好多人喺外面等住入埸。…Read More

提早做母親節，所以近屋企人一大棚人落去舖頭到食母親節飯，之前講話原蠱花膠海中寶要預先落訂先可以享用，所以一早就已經落晒訂去食飯，而menu都一早告知~~點知去到食飯個陣先發現換左個餐牌但係唔出聲！將鮑魚變左做胭脂蚌，將個糯米飯又變左做蛋白炒飯，我覺得不可以接受喎！價錢都好明顯有差距，上菜前亦無預先通知，食到一團火！原蠱花膠海中寶真係一盅盅上，都幾有氣派，料都足，味道唔錯既！其實一貫既食物都有質素，但真係因為同個菜單唔同又唔早D通知呢下真係火都黎！然後我地發現隔離左右都有漏單同上錯菜情況！個位都比較迫，坐得唔係好舒服，亦都因為太迫所以好嘈，一人一句都嘈死！…Read More