稻香 (北海中心) (已結業)

被人請走的感覺，不用多說，心中忐忐忑忑，七上八落，應該是用「亂」一字來形容吧。3天通知的時間也不用，阿姐一句：「即走！」，弱小心靈重創。時間尚早得很，最佳動作當然是上酒樓品茗去。急急如律令，找了幾個朋友同事都是忙碌中，幸好還有家在灣仔的舊同事捨命陪君子，匆匆上了稻香解愁去。品茗還不是吃一盅兩件，但一試便知龍與鳳。由於人少的關係，是日只點了大路的點心。流沙奶皇包還是二宜樓的好吃；蟹粉小籠包本應很精采，但皮薄得太過份，上枱的時候已有兩個破掉。蝦餃燒賣還過得去，腸粉還可以煎得香口一點。化悲憤為食量，化干戈為玉帛，化戾氣為詳和……看來，我真的要化了。

一向對於打火鍋沒有好感，打來打去都是把一大盆魚肉菜丸放入一個熱鍋中淖熟，食材配搭及烹煮技巧欠奉，而且非常熱氣，不太懂得欣賞。不過今晚卻心血來潮，突然想打火鍋，稻香是不二的選擇。九點過後特價時段，十點過後廿元兩大樽竹蔗水，抵！先來一個鴛鴦湯底，一邊清湯、一邊沙嗲。不錯的湯底。點了生根、韮菜餃、水餃、貢丸、肥牛、珊瑚蚌、桂花蚌、油墨菜、芝士腸同脆肉鯇。一口韮菜餃細細粒幾好食，急凍肥牛算是不過不失，級數比有骨氣的差，一分錢一分貨。珊瑚蚌及桂花蚌非常爽脆，$33一小碟也值得叫，脆肉鯇的魚肉彈牙，但不太脆，貢丸幾多幾大粒，抵食。整體來說，水準屬中上，食到打烊也不趕客，絕對抵讚。

好耐都冇同屋企人去稻香飲茶兩點開始的特價下午茶市非常多人等了45分鐘先有得入坐仲要搭檯飲茶飲得咁委屈都係因為呢到的點心有水準三個人叫了鮮蝦腸粉春卷粉果炸雲吞燒鵝咸水角排骨奶皇包全部都好食腸粉好滑蝦好新鮮春卷同炸雲吞脆卜卜粉果皮超超薄餡又多料咸水角中規中矩係燒鵝同排骨比較多油基本點心做得相當有水準不過阿姐們全部都非常手忙腳亂服務係差一點架喇

某晚黎到呢度食火鍋~d料好正, 好新鮮~生菜夠清甜, 肥牛夠嫩口~腐竹好滑~ 正到滾兩滾就溶哂o係d 湯度~三色餃中, 韮菜餃值得推介~可能係老細俾錢~ 總之正啦~

今日lunch 一行13 人book 0左檯0黎飲茶. 上年秋天亦0黎過打邊爐, 其實唔覺得佢d 0野食特別好, variety 都係大路0野居多啦, 勝在平, 味道ok, 份量足夠. 雖然, 有得比我揀, 呢度雖然唔夠九龍城馥苑好, 但一定好過西寶城金龍船!最enjoy 的, 都不過係一大班朋友re-union 0下吹0下水笑餐飽.

2支公去左呢度食飯, 估唔到佢平日夜晚都full得咁交關, 阿姐推介左個$68的鮑魚花膠燉雞湯, 咁抵咪叫個飲啦!另叫左個金銀蛋莧菜同醬燒排骨估佢到個湯又幾足料喎, 花膠碎少少, 但有十隻鮑魚仔重有半隻雞喎~個湯雖然唔係好夠膠啦, 但係味道都重算係清清地無咩味精咁啦!!半隻雞就燉到好腍, 每人都有2,3碗仔湯, 好味道~~金銀蛋莧菜無咩油, 好味, 菜又無渣, 不過咸蛋略為少了一點, 但overall都good, 醬燒排骨就油左d同埋炸皮厚了點,味道略濃, 麻麻地, 但個伴碟做左個米網係後面, 好靚啊~~由於個場太多人的關係, 好鬼嘈,而且枱又set到好迫....呢度要扣分

週一晚上，攝氏九度，相對濕度百分之一百。又濕又寒，心情麻麻，極度肚餓，就去吃火鍋。晚上八點九巳經好旺場。先來的兩位食住等，點了「刺身拼盤」、滷水拼盤（豆腐、豬腩肉、…）。因為太肚餓，味道唔好都要食。人齊巳經是三十分鐘後的事。六個男人，點了一桌子食物。湯底是差極有限的「鴛鴦湯底」。有印象的是：肥牛、羊肉、豬腿肉片、四寶丸、餃子。內臟如：豬肝、豬肚、骨髓。還有冰鮮鯇魚片、魷魚、鮭魚。炸番薯條、雜菌。至於花蟹，好可能是即劏即拆的，好鮮。食得好飽，另大啤三枝，埋單好似八佰多些少。我們六條佬，鄰桌五位女士。其中一位「中女」更對我朋友拋眉弄眼，四個字：「世風日下」！

男友仔爸媽結婚週年紀念, 原本諗住去利苑,點知唔夠七點就話full booking, 所以去左稻香, 叫左:1. 燒味拼盆- ok lar, 有我鍾意既海哲2. 芝士龍蝦伊面底- 太杰太漏3. 龍"等"兩味- 皮煙韌, quite gd4. 花膠湯- 幾甜架5. 瑤柱浸豆苗- ok

婆婆生日大家都話要去呢間度食飯我本來以為都唔錯嫁點知等到8:20分都入唔到席我地係約8:00入席搞到我地好似等位咁用群眾的壓力令之前的人快閃

十月十三日晚剛從大陸回來咁岩同時係我既生日, 因為太支力都冇咩心機諗去食的咩, 就係公司附近行過見到稻香就上左去打邊爐因為係晚飯時段知係貴價錢, 而佢一定都會交足貨每碟大大碟, 唔敢叫太多送*　粟米豬骨湯底　（入面真係有好多骨, 有條仲成個煲咁長添呀)- 菠菜(真係有揀過既菜, 條條都好靚仔)- 蝦丸拼墨丸(全部手打, 一定水準)- 本地牛肉(差左少少, 好難"趙")- 水餃(隻隻都有蝦既, 味道好好)同場見到佢地既西瓜汁全部係即搾, 所以都叫左一渣, 不過唔係好夠甜, 都證明左佢係新鮮無添加~~

離晒譜!最尾的香妃雞竟然用煲燙后之雞,簡直離晒譜! 可能因為父親節又是8:30pm 入坐,所以哪樣攪笑,當然拒絕收貨,需然個個伙計做到不停手,但仍然十分有禮貌地改單,最後改了做煎雞,上檯原來是剛才那隻無味雞煎后加醬油和糖,我們只好大笑,實在是大開眼界. 但是$1699的十二人套餐,其他的菜則十分perfect. 但大酒樓這樣的取巧真是值得放在這裡一提. 來之前本想叫$2280的龍蝦餐的,但一路行入坐位見到是用紅殼龍蝦仔便打消念頭.

因為要非吸煙區，所以坐房，環境幾清靜。鮮蝦腸粉:皮唔算厚，蝦有兩隻，味道還可以腐皮卷: 腐皮好薄,好香脆,幾好皮蛋廋肉粥:粥底好浠、好渣喎白灼唐生菜: 好少生菜，但係隔離碟菜心好大碟喎鳳眼餃: 唔錯埋單都係$120 (正價時段)，灣仔區算OK。不過兩點半(星期日)後入坐重抵

放工後同同事食飯吹水，近近地去灣仔，佢o地提議去稻香打邊爐。講到去稻香打邊爐我都係第一次，碟碟一律28蚊唔係貴，而且俾我想像中好。要了個鴛鴦湯底，湯底都好濃，就其是個沙爹湯底。四寶丸原來係手打，粒粒彈牙，又唔會咬落成舊粉；水餃我食了好多粒，因為每粒都有好多蝦，唔會只得一舊肥豬肉；帶子片好大塊，都幾新鮮。駝鳥肉、桂花蚌、脆肉鯇等其他火鍋料亦唔錯。飯後甜品亦都唔貴，就算椰皇雪蛤榚都係18蚊，當然唔好預期好多雪蛤，但以18蚊o黎過，算係好好。楊枝甘露好多芒果，而紅豆沙亦煲得好夠味。甜品o黎講好過一段甜品舖。5個人食了十幾碟、一渣蔗水同糖水，食到抱住個肚走，埋單都係620蚊，唔怪得我o地走時到9點幾都有十幾人係度等。

老闆每次返香港總會同一班伙計去稻香食午飯, 一來近, 二來食物水準不俗, 服務都幾好:五個人叫左:炸蕃薯條:很好吃, 幾特別黑椒豬肚:好黑椒味,普通牛肉腸粉皮厚左d,普通蘿蔔絲酥:很好吃米水浸菜心苗:都係一條大菜心,唔知點解叫苗,我同事係咁飲d米水,可能好好飲荷葉飯:幾好食,不過冇乜荷葉香鮮蝦伊面:冇食湯:唔記得個名,不過覺得有味精仲叫左d點心, 不過唔記得左係乜基本上都幾好食, 埋單就唔知貴唔貴啦.