稻香 (新九龍廣場) (已結業)

試左鮮腐皮(一淥要即時拎起,好易碎)水餃同雲吞基本上係同一個餡料,只係形狀唔同豬肉多蝦得一隻,而且豬肉有粒粒肥膏, 好在皮幾薄幾滑墨魚丸係手打,混左芥辣入去,幾驚喜但咁mix味道一般鮮冬菇新鮮乾淨,份量不少魚皮餃大大隻,味道ok

外婆生日,一家人黎食飯,要左個$3,188餐,食物質素ok,但係服務唔得,因為太慢!上左兩個送之後,停左成十分鐘,乜都無,齋等...跟住每個送都唔係密密上,而係有空檔時間,最離譜係最後一樣,即水餃及荷葉飯,荷葉飯一早到左,但係水餃未得,於是個飯一直放係度,放左大五分鐘有多到水餃ready,熱飯都就變凍飯喇!跟住本來話有生果盤,點知又話無晒,改紅豆糕俾我地,老人家想要紅豆沙,又話只可以紅豆糕,咁都無法啦,雖然紅豆係幾好食,但係生果始終矜貴且健康些...如果唔係咁慢,其實都ok既...

尋晚去新九龍稻香見佢有獲仔豬骨湯底or 海鮮湯底($28/ $18 after 9), try 下, ok wor, 見人地獲仔海鮮湯底有蟹, 大蜆... 枱枱都叫!獲仔豬骨湯底其實係豬手, 仲好食, 有成廿件咁多!! 仲有corn, 蘿蔔.最值得讚嘅係佢地嘅服務態度, 我叫左魚腐, 有d 霉霉地, 咁叫佢換, waiter 叫我choose 過第二樣, 我一時choose 唔到, 佢一直企在後面等, 我唔好意思, 話一陣再叫佢, 佢就推介炸魚皮好好(係貴過魚腐), 仲一路道歉, 唔好意思.... 埋單時d waiter 又係咁多謝.....food quality is not very good but good la, price is very reasonable, service is excellent!!! (especially 之前在麻酸樂　（奧海城）受辱，please refer to related topic, 更覺　ｓｅｒｖｉｃｅ　重要！)

新九龍廣場而家有k唱，有稻香，唔錯。呢間稻香新開冇耐，地方幾靚，開放廚房，啲廚師做乜都比人睇晒。點心就普普通通啦，試過粉果、燒賣、炸雞翼、蘿白糕、牛肉腸、奶黃包...不過幾貴。

D點心都唔錯，但服務認真唔掂。D服務員負負氣氣不在話下，同我地搭台果一家四口張單仲無端端多左十幾樣點心同小菜。有個服務員同拒地跟進，叫拒地嚓左無叫果D野食。五分鐘後，又有個服務員來叫拒地做同一樣野。最後件事點解決就唔知道喇，因為張單出左問題，拒地D野食亦相繼延誤。另外有趣既系，埋單系要自己出cashier埋，所以走數都應該會無人知。如果駕車之人，建議去奧海城食好過，呢度唔會另外print張單卑你免費泊車，你食多少，都系得果張單，唔掂！

上星期去打邊爐，新開張人冇其他稻香咁誇，訂左位等左幾分鐘就有位。先講食物，同其他稻香一樣水準，全部都好新鮮。招呼都OK。最新奇係佢採用開放式廚房，班大廚炒乜餸你都睇到，好新奇。可能新張，位置又唔係太就腳，而且附近好既火鍋店又唔少，所以真係唔係太多人等位，正，下次再黎！

尋日去打邊爐，食物出品有其他稻香一貫水準，招呼亦算OK，最奇就係採用開放式廚房設計，一路食一路睇到D大廚煮餸，幾新鮮。