稻香 (藍天海岸)

营业中

休息中

因為疫情而導致失業，目前提早過住夢寐以求嘅退休生活，起身晨運再飲個早茶，睇吓報紙，又一個good morning, 飲茶🫖 3寶，蝦餃燒賣排骨飯，一個人，飽到午餐都唔洗食，另外11點半前埋單早茶又有折，130蚊有找，抵到爆🤩 不過有時候水準就比較大起大落，不過都算係咁架

已經平日去都坐滿，枱枱都叫乳鴿同上湯龍蝦伊面。我哋仲叫咗條清蒸斑， 咕嚕肉，同炒蜆。全部餸中規中矩，係得蒸魚同乳鴿上菜時夠熱，其他餸都只係暖嘅。調味方面全部都少咁D鹽咁，唔夠味。少鹽唔代表個厨幫你少油。 可能真係人手唔夠，D部長都唔得閒理你，揾人加水換碟都難。

食飯食咗$7xx、又貴又成肚氣😡😡😡撞正😒母親節，人多到好似👉🏻唔使錢已經係第三次想食 特價 乳鴿又食唔到，今晚原價😱😱😱叫咗豆腐煲，未上抬已聞到陣陣 🛑燶味🛑都唔敢叫換，因為人手不足，啲staff 已經做到燶口燶面….限時7點半交檯埋單仲要排長龍，仲要有2條龍我提醒經理要安排好D竟然比佢閙👿👿👿佢仲要轉身 恰熟🐶頭同所謂熟客講嘢👺離曬譜👺👻👻👻以後唔會再去@@稻香@@

稻香接近每年都會推出一蚊雞系列，記得以往係可以無限任叫一蚊雞的，但由近年開始就有人數限制，每2人先可以嗌一隻，雖然個玩法轉左，但都係要去食下既～今次係平日晚上去，原本以為有好多人去食，但實際人流唔多，亦唔需要book枱，而佢晚市亦有套餐，但由於想嗌下唔同野食，所以就無叫套餐散嗌小菜啦，而今次就叫左豉椒炒蜆同兩隻雞～豉椒炒蜆既份量算多，但係得返啲殼，蜆肉既份量實在太少😂而味道亦欠缺係大排檔既鑊氣，感覺上只係普普通通，唔叫亦唔會蝕底。而一蚊雞係以燒雞形式煮，而佢係以原隻雞上，如果要斬件就要加錢，佢會提供埋較剪同手套比你食，而雞既味道都唔錯，size亦算大隻，係食得耐左就會有啲滯～總結嚟講自從無左$1任叫之後，黎稻香食野既吸引力大大降低，而小菜亦唔見得十分出色，如果去大排檔食飯相信會更有風味～

放假同老婆去飲下午茶，知道稻香下午茶有半價點心優惠，決定去試試😋唔使等位即時可以入座，下午茶任何點心都係16蚊好抵食，我哋點了原蝦燒賣皇，燒賣好大粒，燒賣上面有隻蝦，蝦上面再有蟹子，好香蝦味幾彈牙。酥炸鯪魚球，熱辣辣，但略為細粒。鯪魚球西生菜(汁另上)，鯪魚球冇魚腥味，加埋胡椒粉食唔停。切雞米線，切雞分開上，米線加蔥花好大碗，雞髀配薑蓉啖啖肉。酒樓到三點幾之後仲有超特價點心推出，我哋就再叫叉燒酥及菠蘿包，兩樣都係熱辣辣，菠蘿包入面仲有叉燒餡，都幾好味。總括而言，呢個價錢兩人下午茶真係抵食😋

今晚我哋行山行到天都黑，出到東涌， 又攰又肚餓，想揾間平啲嘅中菜食，揀咗稻香今晚晚餐，我哋8:00 先入坐，未到宵夜時段。 全店都唔多人，所以坐得都好闊落。我哋揀咗個專櫃推廣自選套餐A: 有清蒸龍躉斑仔一條，包兩碗蟹肉海皇翅，仲有選兩款小菜，我哋揀咗個古法扣花菇玉掌，一碟花膠真菌燒豆腐 。另外再加多$60要一碟黑椒咸豬手。我哋今晚四個人，所以再加多每位$18要多兩碗蟹肉海皇翅， 一人一碗大滿足。之後我哋諗住取消嗰個豬手改叫羊腩煲，可惜經理check單， 話做咗冇得取消，只好下次先試呢個特價羊腩煲

平時都會嚟東涌行下，順便飲下茶， 今次疫情下飲茶，有感而發，在這裏寫個(攻略)攻略一 位置早上9點多， 人太多需要搭枱，被分配在房前一排卡位， 疫情下四個互不相識的人坐在一張四人枱， 隔離枱都坐滿人， 重點係， 沒有冷氣!!! 隔離枱的食客叫店員把冷氣開大一點，因為很熱。 店員回覆已經開到最大，呢個係中央冷氣， 受到商場冷氣管制。 或許係其中一個原因吧， 但我在想，會唔會係冇洗冷氣呢!? 唔考究，但係下次一定唔會坐嗰啲位， 個個一邊食一邊抹汗攻略二 優惠時段喺上面價目表 可以知道早茶某時段前結帳有半價， 下午茶有優惠，呢點好重要， 除咗慳錢， 仲有以下原因。攻略三 美食幫襯呢間咁多年，發現食物質素慢慢向下調整，而點心更是大幅度調整。。。鍾意食雞扎的我次次飲茶都會點。 呢個雞扎一放上枱巳聞到一陣味， 只有腐皮和芋頭是正常， 雞肉樣子和味道奇怪， 魚皮有堆黑色的東西， 見到都唔開胃sorry 冇影排骨鳳爪還算正常 食得出排骨唔係咁新鮮 但至少冇奇怪的味道呢個蠔豉生菜肉碎粥唔錯， 雖然有點水汪汪，但至少味道是正常攻略四 唔介意自己動手全場坐滿食客，店員佢哋都好忙， 人手有點緊張。同枱食客自己

稻香最近推出左個優惠 早茶有半價優惠稻香出左名貴 但有半價優惠 一於試試我地一行四人 叫左12碟點心 可能唔係太多人既關係 落完點心紙 d野食都好快黎齊蝦餃料足餡靚 蝦餃最重要係個皮 佢呢個個皮唔好太厚 好味菠蘿叉燒包就一般 叉燒醬太多 春卷新鮮炸起 香脆可口生菜鯪魚球就普通 但鯪魚球有細骨 食既時候要小心上海小籠包就值得一試 小籠包入面個湯唔算好多 一口咬落去唔會漏哂出黎 個皮又唔厚 最重要係$15都唔洗 所以去飲茶呢個必點最後4人埋單$200 12碟點心 連埋茶位 一個字：抵

是日一個人去吃火鍋，坐了15分鐘才送上湯底，店內人手不足。我點了麻辣花膠雞煲，最嚴重的問題是雞煲來到後，煲身過高再加上爐，我坐低後連個煲既一半都見唔到，我全程要企起身食，覺得好可悲。半個鐘頭都未有送上我落既火鍋配料。侍應同我講食物份量按人計算，結果黎到係二人份量。雖然稻香係價錢平，但其他分店無依個情況，東涌店質素明顯有待改善，價錢平但都唔值再黎。服務差，環境差，食物差，無時間觀念。

很久沒上線了🖥，剛上線就看到Ellen師父昨晚分享的Post裡說，稻香的長腳蟹從當初9月份138/斤到10月中的168/斤，然後11月3日竟然漲價到是228/斤了，心裡在想，幸虧我們那個時候還算吃的合時呀。。。💪想起上個月的10月17日晚上，師父夫妻倆邀請我們一起到東涌共進晚餐。以往去過市區好幾家稻香進餐，幾乎都是失望而回的，但恰恰相反，我們來東涌這家店多次茶聚及晚餐，暫時尚未有可投訴的地方。說回這次的餸菜，窩心的兩位長輩第一時間點了我最喜歡吃的阿拉斯加長腳蟹（82兩=HK$ 861）、汽鍋銀盤海珍湯（兩盅=HK$ 56）以及當天食店推薦的三寶套餐HK$ 318）。整晚的餸菜均味道不俗，不過海珍湯略嫌不夠熱，最讓我讚不絕口的，當然就是這隻長腳蟹了。兩位長輩指導，讓我們從蟹腳跟鉗子先開始嚐。這裡我倒要說說這長腳蟹的這雙鉗子，左小右大特別礙眼，我好奇的問David大哥：“為啥這長腳蟹的鉗子會左右大小不一呢？”大哥回答我：“右手是要來爬行的，經常運動所以強壯一點，左手只負責吃東西，少運動所以沒那麼壯。”🙃 哦。。。原來這樣！不過這長腳蟹的腳和鉗子都非常鮮甜，把它們消滅到差不多的時候，兩位長輩

七個女仔一齊食晚餐,我們便去了稻香酒樓打邊爐,沒有叫很多東西,看上去選擇不算很多,價錢亦不算是平,服務員過來的時候,不停推介給我們點一些較貴的菜色,還跟我們說鴛鴦鍋底是不可以選擇其他味道,因為本身是清湯加沙嗲湯底,如果要加辣的話,便要再加100多元的雞煱才可以吃辣。食物尚算可以，衛生可以接受，只是服務態度不太好而已。比較喜歡他們的雜菜腩，選擇很多，另外雲吞也很好吃，反而覺得他們的肥牛沒有什麼味道，可能是急凍太久了吧。海鮮選擇不算很多，好像只有魷魚和不同類型的魚片吧。

適逢端午三連假，加埋屋企人幾個都5/6月生日，就趁埋父親節一次過食飯啦～～叫左A宴，有：1. 全隻乳豬—脆卜卜，大部分既位都有肉食，唔係全肥，唔錯！👍2. 上湯龍蝦伊麵—我大愛既龍蝦，好新鮮。食左1隻，同2個鉗🤫，好味道！鉗會剪開哂，拉一拉開一開就食到，正！伊麵淋左啲，但索哂d上湯，唔錯啦！3. 清炒翠肉瓜象拔蚌片—爽口！食食食就食左4片😆4. 炸蝦🍤棗—係燶左少少，加喼汁味道唔錯～5. 竹笙雞絲翅—味道一般，料正常量。6. 清蒸龍躉—啖啖肉！雖然大大條，但肉質firm唔韌！中意佢夠多蔥，加埋豉油，好味！7. 金錢鮑：目測12頭鮑，都淋，味就冇咩鮮味，少少失望😞冬菇發到好大好淋，生菜又太油，呢個麻麻！8. 穗香雞—紅左啲，唔得喇🙈，要叫佢翻蒸！不過蒸完都好滑，夠咸香。我杯茶！9.瑤柱蛋白炒飯：飯都算乾身，味道唔錯，夠鑊氣但唔會好油好咸！10. 壽包：正常～呢餐以中菜黎講，份量夠多，賣相唔錯，岩哂一家人食。而且，重頭菜交到貨！唔錯！

真係唔知幾多年冇食過稻香品牌了， 以前食總係覺得又貴又唔好食，搵笨， 今日無啦啦系地鐵睇到稻香呢個”初夏非常煮意”嘅廣告單張， 啲嘢巧平喎， 乳豬半隻都係$88， 假日都係$98， 抱著一試唔方好味嘅心態， 冇期望之下反而覺得很不錯。**沙薑雞腳 ($38)  ~ 雞腳好硬囉**燻蹄海蜇頭 ($58)  ~ 海蜇頭 好爽口， 不過個汁就中西合璧怪怪地**白焯蝦（半斤）~ 新鮮爽甜三寶 ~ 白灼蝦(半斤)+燒雞半隻+花膠雜菜煲 ($248)**燒雞半隻 ~ 賣相靚仔， 皮脆肉嫩， 無雪雞味，  鹹度亦適中。**花膠雜菜煲 ~ 睇樣就知唔掂， 啲菜黃咁咁， 花膠有苦澀味的， 成晚最差勁的一味。**黃金脆脆大蝦球 ($98)  ~ 誤會咗，黃金原来唔系鹹蛋黃，蝦球拈炸漿炸，冇乜鹹蛋黃味， 幸好炸漿唔厚，蝦球夠大夠爽口，食味不錯。**玩味BB猪 ($98)  ~ 乳豬皮脆卜卜， 乳豬件唔太肥， 可以全部食得，猪肉燒得頗香幾 juicy， 冇死豬味道，$98 超抵食夾餅有3種味道；南瓜，粗糧及香蔥，夾餅配埋青瓜、乳豬醬及豬件食, 感覺冇咁油膩。晚餐連酒及汽水, 每人一百鬆啲， 食味唔差， 坐得舒

稻香又有一蚊雞，星期六本想去吃，原來要星期一至四。好啦好啦，終於等到星期一了。人很多，我們唯有坐門口旁的桌子。不過望著窗，都舒適。點了一蚊雞和一條魚，侍應見狀，上前三次推介我們不同菜式，吃多點。唯有多點一個冬瓜盅。炸雞等了40分鐘，終於到了。皮脆肉嫩，好多汁。冬瓜盅夠清甜， 但其實是冬瓜湯。魚的火喉不錯，就是魚本身不夠甜。

送假同屋企人去稻香飲下午茶，貪佢所有點心（包括特點、大點、中點同小點）都有半價，好抵！三個叫咗好多點心🥳叉燒酥：好酥脆又熱辣辣，一咬落去聽到嗦嗦聲，證明真係好脆，不過就有啲油。櫻花蝦薄罉：最中意食薄罉係因為佢煙煙韌韌，側邊又脆卜卜。但估唔到今次個薄罉咁真材實料，咁多櫻花蝦，好熱、好香口好好味。叉燒腸：又係新鮮出爐，啲腸粉好滑，叉燒都算多。燒賣：好大粒爆晒汁，差啲辣親個口。另外，鮮蝦好爽口，好味。金錢肚：份量比想像中少，有50%都係墊底嘅芋頭，不過啲芋頭都好粉好入味。金錢肚啲一格格沾滿咗啲沙嗲汁，辣辣哋好惹味。煎堆仔：芝麻味好香，出面個煎堆皮同入面啲芋頭蓉都好熱，兩樣夾埋好好食。鳳爪排骨：唯一一個麻麻地好食嘅點心。鳳爪無乜問題但啲排骨好羶。