稻香超級漁港 (已搬遷) 新店位置

是夜和兩好友相聚，打算去食一壽司。但離遠見到長龍打退堂鼓，轉而陣地去樓下稻香打邊爐。星期五晚無book枱所以要等位，但等左約5分鐘就入得。叫左個鴛鴦鍋，一邊清湯一邊沙嗲。點左手切豬肉，四寶丸，腐皮，蝦餃水餃獅子狗等，仲有招牌一蚊雞。上菜都幾慢下，可能人多，個湯底料唔算好足，沙嗲還好，幾夠味，但清湯淡如水。一蚊雞好大碟，份量絕對和價錢不成正比，但就預左無雞味。豬肉脂肪分佈好平均，淥幾淥就食得。最鍾意個響鈴，雖然唔算新鮮即炸，但一淥就食，點沙嗲湯底其實好好味。雙餃就一般水準，入面啲豬肉同蝦係食得出唔新鮮，質感好死實。四寶丸正常水平，魚肉丸陳皮味好香，墨丸都爽口彈牙。最穩陣係個菜，好大盤之餘仲好新鮮，而且款式都好多，有菇有菜有粟米，平平地百零蚊唔使點等位吹左一晚水，其實好扺。

稻香超級漁港主要以海鮮和火鍋出名，但是早上的早茶也出乎意料的受歡迎。碗蒸翅。好好吃強烈推薦，可以吃到火腿，散魚翅和一些海鮮，味道很濃郁，火腿的香味也剛剛好，爽滑無比。叉燒酥，外皮有點粘牙，但是裡面的叉燒大塊好味。

今日老細傾成左一個大客，請曬我地過嚟飲下午茶，雖然系老細請，但我地都會就住佢個荷包，所以就揀左稻香，離我地比較近，價格都幾親民，味道又唔錯，以為工作日會無咩人，但下午茶時間去到，依然都系甘多人系度排隊等食喇。有个女同事话要减肥，唔敢食太多肉，就点左个斋肠比佢，我就无咩兴趣喇，肠粉无肉唔好食，总系觉得差D咩咁，但佢话都唔错，肠粉好滑，加上豉油味道都OK，叫我下次都试下。虾饺，每次饮茶我都会點蝦餃，呢度嘅蝦餃出品都可以，皮雖然唔算好薄，但入邊只蝦都系好大只，好新鮮嘅，食落好彈牙，我幾鐘意，唔錯。黑芝麻糊，同事话系生磨嘅，我唔系好識分，只系識食，不過芝麻味好香濃，感覺芝麻比例占得比較多，有時出面食嘅都系粉多過芝麻，呢個比較香濃醇滑，都幾好食。

難得同屋企人過嚟稻香嘆早返個一盅兩件，梗係早早嚟到霸位喇；一坐落就要咗鮮蝦餃同埋燒賣，大大只又新鮮嘅蝦肉老媽子就最啱，黑芝麻係我嘅最愛，好食又營養，每次嚟食甜品都必點嘅，花生鳳爪夠濃夠入味，花生仲好腍好好味，老豆就最鐘意喇；稻香嘅腸粉、粥、蒸排骨、叉燒包等都比較熱門，我哋掛住食，到后來都唔記得拍照添；下次有機會再嚟嘆早茶！

今晚我們去咗旺角雅蘭中心嘅「稻香超級漁港」食晚飯！我們叫咗清蒸海石斑、古法羊腩煲、鐵鍋鮮沙薑鷄、鮮果咕嚕肉、香蔥炒鷄球、蒜粒炒芥蘭、金勾海味包仔菜同香芋南瓜煲！清蒸海石斑唔算係太新鮮，肉質唔算太嫩滑！古法羊腩煲嘅羊腩炆得唔係好腍，肉質比較韌，而且份量唔係太多，醬汁嘅味道亦比較鹹！鐵鍋鮮沙薑鷄嘅肉質相當嫩滑彈牙，鷄味亦幾香濃！鮮果咕嚕肉嘅炸粉唔算太厚身，肉質都幾鬆軟！香蔥炒鷄球嘅肉質唔算太嫩滑，芡汁嘅味道都幾鹹！蒜粒炒芥蘭都幾爽嫩同無根！金勾海味包仔菜嘅賣相一啲都唔吸引，而且味道淡而無味！香芋南瓜煲嘅賣相亦都係唔太吸引，南瓜嘅味道唔太香甜，香芋感覺唔太熟有啲生！

今日同朋友幾個小聚下，一時淋唔到食咩好，對于點心無抗拒嘅我就提議去稻香食點心，果度D點心好抵食，環境都算可以，都幾適合幾個人食飯，我地去到剛好有位，都幾好彩啊。鮮蝦燒賣，上面有一只完整嘅蝦鋪系上邊，仲有小小蟹籽，幾好味，反正我個人比較中意。豉汁蒸排骨，我都幾中意煮排骨食，但始終都整唔到呢度甘好食，排骨肉蒸得好入味，但肉質食落又唔覺得老，加埋豆豉嘅調味，中意食肉嘅朋友唔好錯過啦。鳳爪分量都算大，睇個樣就知好食，鳳爪蒸得有D軟身，有少少過火，不過總嘅來講都算可以。菠蘿包感覺一般，呢度無牛油，不過酥皮做得都幾松脆，面包又做得幾松軟，都算OK喇。腸粉蒸得好香滑，分量又多，加上豉油，好好味。

好耐無黎過雅蘭稻香，Boxing Day呢日既午市無得你揀, 人少就一定要搭枱。蒸鮮魷下面既炸芋頭夠粉，炸得亦夠香。粉絲索晒啲杰撻撻既醬汁，比較油, 所以都無食到個蝦餃拼粉菓就真係非常唔掂，唔係講緊味道，係size，縮水縮到不得了，點心紙上面既圖就係正常大小，上枱既時候我都嚇一嚇，點解會變到咁迷你，雖則話係"圖片只供參考"姐...都唔好咁過份丫最後講到服務，只可以用差字黎形容，我明白飲食業難請人，但啲侍應姐姐連開壺水都萬般不願意咁...咁大集團啲員工training係咪可以做好少少呢?

海皇丸內的兩粒墨魚丸簡直係我人生里程碑.太好食！咬落第一啖我就想拍枱尖叫：好好食啊！！！口感十足Q彈兼厚實！鹹度對於個人講係正常.用料足夠！上枱後，純白色丸身澤搭配渺渺蒸汽.簡直天使降臨.OMG！其實一句講曬：真係好好食啊！好食到遁地！！！！！至於隔離兩粒魚丸，請忽略.服務態度唔需要care咁多.美食當前.食得好食就好.

做冬飯去左稻香食中菜，叫左做冬set ,其實味道麻麻，最好味係沙彊雞同蓮偶炆豬肉。沙彊雞D肉好軟滑，豬肉炆到好淋，好入味。 帶子炒西蘭花……帶子係完全冇味……都估係雪帶子來....魚就冇特別。炒菜就炒得吾平均，所以一d咸一d淡……

最近阿拉斯加蟹大造, 好多酒樓餐館都做特價比平時平好多,之前嚟食飯呢度見到有做特價昨晚四人晚飯食阿拉斯加蟹叫咗一隻特價阿拉斯加蟹成四斤重上桌時,澎湃的氣勢已令人垂涎三呎其實我覺得食呢啲蟹重點係蟹腳蟹腳够粗啲肉有成隻醬油碟咁大,入口啖啖肉滲出鮮味無論蟹肉的口感或蟹殻的質感那份鮮甜味很突出超好吃！絕非平日吃自助餐時任吃的阿拉斯加蟹腳能夠比擬無理由靜食肉當然加碟菜啦另外叫咗碟雞油豆苖,豆苖份量好多清清綠綠，味道普普通通每人一個彿跳牆因為又係做半價所以食龍躉兩味一味係蒸頭腩，另外一味就係魚湯浸佛跳牆同龍躉兩味關於上次食評介紹過大至上無乜改變所以吾多再講埋單四個人只係一千二百多元老實講平時未計加一成千三蚊一隻蟹又點捨得食仲有見到龍躉兩味好多酒樓已經話特價做二百幾全部都係食精彩食物，真係嗱嗱聲襯平約腳去擦多餐

稲香呢期做龍躉兩味半價除此之外，仲有彿䟼牆，咖哩雞煲呢期我已經食咗兩次今次其實係第三次嚟仲係我推介比老友六點幾雅蘭商場等電梯上酒樓排隊上到去要囉飛等成粒鐘吾洗睇餐牌嗱嗱叫龍躉兩味，彿跳牆最後叫埋半隻嘅咖哩雞煲出品都好快，先講彿跳牆有原隻鮑魚仔，干貝，魚翅魚肚，花膠全部都係上等嘢個湯底吾洗講幾咁鮮甜龍躉兩味：一味用西芹魚湯浸另外一味清蒸頭腩兩個的份量都吾少，魚湯浸的湯亦好鮮甜但是龍躉肉就無哂味要點少少醬油，鮮甜爽實蒸頭腩䜴油味亦夠鮮甜，件件都好多肉三兩吓手腳清哂咖哩雞份量多，雞同薯仔好大件第一吾入味，薯仔吾夠粉咖哩汁吾香無乜咖哩味道而且個汁稀到好似水，呢個失敗兩個人連茶錢雜費再連貼士剛剛三百元，全部靚嘢嚟呢度順便比埋之前食果啲相你地欣賞

近幾年有聲音提倡月餅少用膠袋和膠刀义，又提倡自備物袋以減少污染，今年稻香卻反其道，以手袋作購物袋，所用的女裝手袋感覺很花成本，袋子屬厚身，夠大夠寛，幾乎full scape 紙都能放下，還有三重顏色任君選擇，若買家會繼續用那手袋的話，那就不會造成浪費；否則，除了覺得有點可惜之外，而且浪費及不環保；不過那手袋印了集團名字，又處於顯眼處，又真的有多少人會用，除非它與名牌或名設計師合作設計這手袋，這又作別論，幸好這盒稻香月餅沒有膠刀义，挽回少許環保分數；而盒子的設計亦十分簡約且容易令人聯想有關中秋故事 -月亮中的兔子，設計上相當貼切。至於月餅的質素又如何呢，單從月餅皮看，尤其是底部，不是很油，但一口咬下月餅，感覺實在非常鬆軟，此是第一次有如此鬆軟口感，相信這是在炒蓮蓉時是下了大量的油脂，否則難以如此鬆軟；當然，在壓模時的力度亦記一功，若用力過大，饀料便會變實；至於蛋黃方面，像夕陽般橙紅，油份充足，蛋味十分濃郁，面對這邪惡的油潤蛋黃，真的難以抗拒，可惜的是，蛋黃中心偏硬，不知是鹹蛋黃就是這樣，因為從未吃過全隻鬆化的鹹蛋黃，還是醃製技巧或時間出了問題，這就給我有了藉口，只吃最鬆化部份的蛋黃。

友人先揾位並告訴枱去，到步時分別問了三位員工再找到，員工們的态度令我以為自己去了小酒樓而不是大集团酒樓，再看點心紙，新款點心不多，點了都是傳統點心，味道—般，唯獨是炸尤魚穌，侍應一放上枱，我和友人立刻馬上对望，同想像中的样子大有出入，顏色較深，偏乾，再入口，简直硬的，炸粉超厚，肯定番炸过，並有可能不只一次，座位方面亦要答枱外，裝修較舊，整体來説比同集团別的分店失色。

最近一至到做緊半價優惠, 又有朋友食過唔錯,所以去試下龍蝦$58/隻連伊麵/烏冬底燉翅$24/碗乳鴿$24/隻一行七人六點半已經到達, 去到當然立即落單, 叫了以上優惠食品, 亦叫了椰皇燉燕窩過了一分鐘, 女侍應告知椰皇燉燕窩已售罄! 售罄?! 六點半已售罄, 而女侍應亦用不耐煩的態度回應:每個來到都叫這幾款, 一日只有數十碗, 賣哂有幾奇?如果我八點落單, 售罄不出奇, 但六點半.....真的好奇怪啊! 原本想再點其他菜, 算吧! 是但食算了!乳鴿, 好咸, 不用任何醬料. 咸得相當利害!雞燉翅, 整晚最好的一味, 但味精相當重!兩個字! 好差!好厚粉, 而且肉是霉的! 伊麵被多到瀉的所謂上液的芡汁浸到非常難食, 整碟碟龍蝦伊麵都非常差!可能地區問題, 之前到其他分店, 食品沒有這裡這麼差!!這間稻香, 樓面, 廚房都必需再培訓!

呢間最近半年每個月都有特價食品之前一蚊雞，其後有咖哩麵包蟹對上一次龍䠢半價，次次都好精彩吸引我幾乎每星期都去一至兩次今次出龍蝦伊麵半價昨晚我同朋友兩人等足個半小時入座立即叫了兩隻雞，當然不少得龍蝦伊麵龍蝦睇頭十足，爽口彈牙口感十足伊麵稍淋，味道淡了少少不過$48一份認真（超超超值）曾經食過是$168　因為我同朋友都認為好低昨晚已經是第三次食呢個龍蝦了雞是端士汁味道夠濃細隻得肯而肉質都可以呢度見到伙記都很多招呼亦可以所以最近都成日幫襯