23
22
15
营业时间
今日营业
07:00 - 16:00
17:30 - 00:00
星期一至日
07:00 - 16:00
17:30 - 00:00
*到店外賣供應時間: 21:00
以上资料只供参考，请与餐厅确认详情
見到稻香出$1雞煲/ 海鮮煲，因為細個食過第一次出一蚊雞個時唔差，又勾起兒時情懷，諗住約埋班fd出黎雅蘭試試佢啦！咁呢個$1優惠係20:30後先有既，我地已經早左半個鐘去到等，一開始個知客態度已經差，問佢使唔使拎飛，黑住面話唔使拎籌，到21:00直接入就得，點知過左陣靜雞雞放個牌出黎要排隊，好彩有睇到個牌，個知客完全無通知其他客人要排隊拎籌入到去原來要自己掃QR code，但佢個code掛左係自助茶車側邊，另一個女傳菜係咁催我地快啲叫煲(語氣係好差)，我地5個人叫兩個金錢肚炆雞煲，再叫左啲火鍋料，兩個煲黎到個陣，得一邊有爐，個男經理過黎開爐，但因為個爐既LED好弱，又無聲，朋友禁多幾下開關，個男經理走埋黎大聲喝我地唔好亂禁，與此同時佢自己又好多手咁禁多幾次，大大聲話：嗱！個爐咪著架囉！咁因為另一個煲無爐關係，我地又問一次個女傳菜有無多個爐比我地翻熱，佢話好大聲話無架啦！得一個!(語氣差到以為我地食霸王餐定得罪左佢全家）本住$1雞煲既心態，對佢已經無乜期望，雞好大陣雪雞味，枝竹無味，亦見唔到任何一舊金錢肚出現，另一枱食客問男經理：金錢肚呢？ 男經理回佢地一句：無金錢肚架喎！ 好嘢，你放一舊金錢肚落去，食客都無得投訴你違反商品條例，宜家理直氣壯話冇金錢肚，仲話$1雞煲乍！(你想點）咁我地都叫左火鍋料，除左墨魚滑口感奇怪(唔知係咪材料唔新鮮），魚皮餃可以用劣食黎形容之外，其他火鍋料都可以放得入口既。最後5個人埋單$680.5，茶介每人$15，服務費都好意思收。你可能話，$1個雞煲，你仲想點呀？快餐店都有個免費笑容呀，職員如此優質服務，想比人鬧我不如過多幾個站去好出名個間茶記體驗好過，起碼唔係比錢買難受。結論：啲職員服務態度差到唔知點解仲可以掛住優質服務個章
继续阅读
話說今日去咗稻香食火鍋,淨係兩個人都食咗520蚊,仲要打咗七折,而且佢哋嘅樓面態度極差,首先一開頭入去嘅時候,個樓面態度差到呢,問佢嘢或者叫佢幫少少嘢,佢就黑口黑面,講嘢嘅態度極差!!!個茶包直接從一米遠揼過嚟張枱度,我仲以為個茶包「識得喺個天到跌落嚟嘅」🙄😡,上菜嘅時候,碟嘢食大大力放過嚟。再講返個貴,兩個人食$520(打咗七折)不如去食自助餐,可以任飲任食有埋雪糕,仲唔使受啲樓面氣。所以真係建議大家唔好去食,嘢食又貴態度又差!
继续阅读
服務態度用惡劣形容，一到三點半，吹你埋單，語氣極差，驚死你阻住佢落場，喺你面前收柸柸碟碟勁大力，與其係咁不如好似快餐店先俾錢後食飯！再唔係每一台都擺返個收電子貨幣收錢！
继续阅读
見唔使等位，就入去食晚餐紅燒乳鴿，外皮好脆，肉嫩多汁，唔錯黑椒炒牛柳粒，牛柳粒黑椒味都好重，但份量唔多口水雞，好辣，味道普通，份量都係少半隻燒鵝，肉質好嚡口，個皮又唔係好脆，有啲失望！
继续阅读
首先，入座的時候無人理會，門口的職員只顧着看手機，不告知位置卻催促我們走。僥倖入座，卻發現枱面的餐具全都是髒的，有飯粒、菜渣，甚至有唇膏印，讓人不禁以為這麼大的集團居然窮困至此，沒錢聘請清潔工人。我們向職員求助，想拿一套新的餐具，卻發現都是髒的，職員告訴我們全部都一樣，要乾淨的就自己洗，我們大為震驚。上菜的時候，送餐阿姨經驗老到，面向餐車背向食客，一反手把點心籠子砸在我的筷子上，嚇我一跳。想讓職員收走空空的碟子蒸籠難若登天，呼喚她們的時候裝作聽不到，扭頭離開。食物質素勉強能入口，味道普通，例如叉燒腸粉皮厚餡少，棉花雞索然無味。以上所述為本人的親身體驗，希望各位不要誤入此酒樓，不希望大家有同樣差勁的體驗。
继续阅读
您可能会有兴趣的...