影片
以上资料只供参考，请与餐厅确认详情
寻晚终于去食，因为我地就系附近番学，但一直以黎都无机会＋无试过食，真系终于约到朋友黎食！服务几好，佢地安排左我地坐卡位，几舒服！叫左个套餐，有烧牛肋骨，烧猪肉同埋仲有石头锅饭，另外朋友见到隔离嗌左炒粉丝同烧虾，卖相都唔错，所以我地后期都嗌左，之后仲叫左鸡丝汤面添！好鬼多野食牛肋骨好好味，好多汁，配汁ＯＫ，唔会太浓，还可以。.猪肉都好入味，唔错唔错。虾就得5只相对黎讲贵左少少，不过就几大只，好鲜甜。石头饭就好好食，几香几唔错，正！鸡丝汤面好清,食左好多油腻野之后食，其实好正，觉得特别清，当平衡下都好，唔好样样都系浓味既野食。服务好好WOR, 不时有人过来帮你烧,个烧碟都帮我地换左一次，又自动问我地要唔要REFILL泡菜！！不过泡菜得8碟,冇萝卜辣泡菜,冇特别同REFILL唔驶加钱.总之,值得一试，如果早Ｄ黎食咪好啰，好野原来远左天边近在眼前。
继续阅读
呢个商场一星期六、日就水静河飞，鬼影都唔多只，如果唔系爸爸喺中环做野，绝对唔会知有呢间铺头。店中全为韩国人居多，所以唔明中文、英文都唔太明。所以我明明话要西冷佢地俾左牛肩我，算啦费事换了。烧肉的水准几好，啲肉都腌得好入味、但不会盖过肉鲜。牛舌好好味，薄薄的一片但就有好多汁同有好香的牛味。唔洗点其他野，加少少盐已经好好了。鸡肉都唔错，几鲜嫩，份量刚刚好。但牛肩肉真系唔得，冇肉食得骨，而且仲烧好耐都好似唔熟、食落有渣。麻辣豆腐汤是包括在2人烧肉套餐内，三个人食、一人一细碗差唔多。汤的味道除了辣味、其他味都是淡淡的，可能不太适合香港人的口味。我本人就钟意中式老火汤多啲，但不得不赞个豆腐真系好清好滑，几开胃。小食葱油饼平平无其，似加左少少葱的煎蛋饼多啲。葱味不浓不突出，好彩佢地控制油份控制得唔错，冇煎到好油，如果好油我真系食唔到落去。个石头窝饭睇落好靓，用料好足…个碗亦都好够热，一落酱有滋滋声、出晒烟咁，好好气氛。碗底有饭焦，呢样系我意想不到的。美中不足之处系个酱冇咩味，如果个酱料可以香浓啲就满足了。
继续阅读
好朋友难得相聚，当然想找个舒适的地方可以边用餐边谈天。一行三人，2位在金钟上班，另1位在中环，于是找个中间点，既要坐得舒服，又要可以订枱。虽然订了枱，到达餐厅仍然等候安排入座。午膳时间，餐厅坐无虚席，建议必须订枱。餐厅有set lunch menu (价钱$160)，今天的set lunch 是石头锅饭，天气闷热潮湿，热烘烘的石头锅饭就真的不太吸引 最后，我们三个人决定叫 a la carte, 再 share 食。上主菜前，餐厅送上传统韩式前菜小碟。我本身吃不到辣，听朋友说，kimchi 辣得很好味。我就喜欢那韩式粉丝 ，其他小碟都不过不失 (始终免费的，不能要求太多!)我们order 了3样东西:1. 韩式什锦炒粉丝 ($150) 炒得很有镬气，我和朋友都十分喜欢。粉丝烟韧弹牙，有口，很赞!粉丝本身无味道，但那个酱汁可以炒到与粉丝溶为一体，此外肉片很薄，但没有 overcooked, 整道菜认真一流! 2. 烤牛肉 ($170) 这里烤功一赞，牛肉片很薄，但肉质仍然幼嫩，并且仍然锁著肉汁，不会烤到干干的。此外，那个烤汁都是一流! 3. 人参鸡汤 ($200)份量很大，鸡肉已被煮到软腍腍，连鸡骨都被煮软了。不过，这个汤稍为逊色，味道既没有鸡味，亦没有人参味。但价钱上，他却是3个中最贵的，所以价格与质素不太相称 整体而言，这里的环境的确是在烦嚣的金钟区域中难能可贵，的确很适合与朋友静静相聚用膳，再者餐厅的员工亦服务友善，至于食物质素与价钱相不相称，则见仁见智，始终这里是金钟，在繁忙的午饭时间找到餐厅已是不简单的事，要找到一间性价比高的餐厅更是谈何容易。
继续阅读
今天三人行想食韩国菜,由于中环韩国菜option比较少,所以又一次黎左secret garden, 三个人点了抄年糕一个spicy, 一个non-spicy再加左个抄粉丝 一开始上左六小碟韩国淹菜,跟住黎左个海鲜 Tteokbokki 年糕软硬适中,个汁即使不辣都好好味,满足左大家想食韩国菜既渴求
继续阅读
平时好少食韩国野，食亲都系港式"韩烧"，志在同朋友见下面，食物反为其次。秘苑系香港甚少有嘅正宗韩国餐厅，老板娘系韩国人，用嘅餐具系韩国先常见嘅铁碗、短筷子。同香港其他韩国野唔同，尼道嘅食客大部分都系韩国人，比较少香港人会黎尼道食。 因为我唔系太钟意食辣，所以系道推荐两款唔辣嘅韩国菜。1. 烧鸡同平时系韩烧舖头食道嘅唔同，尼道烧嘅系鸡柳而唔系鸡扒。食客可以拣系厨房烧或者系餐桌中间嘅烧烤炉烧。如果你技术唔系太好，我就建议你系厨房烧。我觉得尼个烧鸡最杰出系佢𠮶酱，少少甜但又唔系太浓。有少少近似日式烧汁，不过无咁甜同埋𠮶味无咁抢。2. 蒸蛋听落唔系一啲好特别嘅韩国野食，不过秘苑将佢做得几好味。同中国蒸水蛋唔同，佢唔系以滑嫩为卖点，而系用佢浓郁嘅口感吸引顾客。一问之下，先知厨房加左虾酱黎整个蒸蛋，令佢咁香除左以上两样，秘苑仲有好多野都好好味，例如烧牛肋骨、鸡丝汤面 etc. 大家有机会真系要黎试下！秘苑唯一缺点就系间铺有啲隐秘，要花啲时间揾
继续阅读