秋田日本料理 (己結業) (已結業)

第一次同朋友去食,佢地有coupon,話送原條三文魚比你,點知佢都好技巧咁話,為確保新鮮,你可無限次任叫,ok,點知第二次,我已預先打電話去問係咪有三文魚送,但我已同佢講我無coupon,佢話無問題,好啦,我去到叫了一些order,同埋order埋一碟free 三文魚,佢話好,無問題,點知我地所有order野都齊(當時都差不多成45分鐘),獨欠三文魚,我地咪吹佢囉,佢既解釋係條魚未溶雪喎,哈哈,咩三文魚黎架,要溶雪,同埋邊有可能營業時間重未預備好呢樣野,食得日本野都多數會叫三文魚啦,又唔係d咩冷門野,而且你地重做緊promotion,無野呀!ok,我知道發生咩事,佢想你地食完D order都飽啦,重食得幾多免費三文魚呀,你唔好欺騙顧客啦,做生意講口碑架,你小小三文魚值幾錢呀,我有FD去食我一定推介佢.........千祈唔好被騙呀!

開頭去食好驚, 因我在晚上六點十五分到達, 一個人都冇, 又冇人試過.不過當食過之後, 覺得值得一試. 尤其軟殼蟹size 好大未食過咁大的. 鹽燒墨魚咀都幾得意.服務不錯, 不過地方就偏僻了少許. 價錢都不算貴