私房御約

营业中

休息中

已經超過成個月前去幫襯，不過一直太忙到而家先寫到食評，所以部分細節可能已經有點不太記得。當晚一行八人去食生日飯嘅，老實講，見openrice全部都係好評，但去到發現又唔滿座，其實反而有點擔心嘅。首先要講講，當日下午，佢地有人打電話比我，問我有咩海鮮或特別野想食，然後會幫我去街市入貨，一聽到，就覺得唔錯喎，咁肯定d海鮮會新鮮呀！佢地係以套餐每位幾錢咁計，主要有兩款，價錢不同。本身有兩款火煱湯底可以選擇。我地可以一半人叫a,一半人叫b款，都幾方便。我地8人亦唔一定叫8個餐，可以叫少個餐自己想加side order先加都得，又加左分！由於我地其中一人唔太舒服無胃口，所以我地就叫少左個餐，再另加左幾隻扇貝。套餐內記得有花甲，蝦，龍蠆腩，肥牛，豬肉片，手打蝦滑同烏冬，好記得d蝦上枱時用個細煲蓋蓋住，後來知點解嘞，因為蝦新鮮到狂跳，有次連個蓋都跳開埋，好搞笑。最難忘係個龍躉腩，自己平時有買過街市d龍躉黎打邊爐嘅，但從未試過咁濃咁好味！最後仲有糖水或雪糕送嘅，我地大部分人揀左糖水，好彩係咁揀，因為連個湯丸糖水都超好味，個糖水係等左一段時間先到，有識食嘅人士食完話粒湯丸應該係即叫即制，唔係現成利x湯丸

離開香港工作前幾日，想同朋友搵個清靜既地方食飯傾計，朋友介紹左依間要BOOK位既蒸氣火鍋一試，貪個地方唔會太多人細細間，夠哂私人空間，如果有需要仲可以BOOK VIP房。雖然地點要行陣先去到，但包你話值得。因為係類似私房菜既關係，餐單選擇唔多，得A同B，但係就岩哂我依種有選擇困難症既人，唔洗諗唔洗煩，交比老闆話事。處理食材十分用心，所有前菜同醬油都係餐廳特製，前菜相當開胃，食到停唔到手。餐廳有自製既桂圓紅棗菊花茶可以飲用，解油膩非常好。食蒸氣火鍋前，會係鍋底準備定最後先食用既粥，今次係南瓜粟米排骨粥。之後就馬上進入蒸海鮮既環節，首先係花甲同基圍蝦，花甲養夠水，唔會有沙，十分鮮甜。再到龍躉肉，滑而不膩。聖子十分鮮甜彈牙。手打墨魚滑及鮮蝦滑，唔會有種好假既彈牙感覺。而梅頭豬肉軟硬適中，肉味香。蒸煮過程中間，老闆會係廚房整好一塊西冷，4成熟，剛剛好。 之後就到帶子同裙邊，兩樣分開處理，所以唔會煮過火。龍蝦順口微甘。最後要蒸既得番蟲草花紅棗冬菇雞同各式各樣蔬菜，雞肉肉質鮮嫩入味，好岩送飯(如果有)。蒸完所有野，就到準備左成晚既南瓜粟米排骨粥，個粥夠鮮味，夠哂綿，容易入口。最後既最後就係一碗木瓜

一直同朋友話食海鮮但香港食海鮮既地方確實少 但第一次聽朋友推介喺旺角食海鮮上網睇評價都好似唔錯嘅所以就決定約Fd食呢間每次上完菜都會攞個蓋cum住佢蒸一開始嚟到佢就好貼心甘即刻上咗個圓肉杞子茶😍想講杞子茶真係啱晒食海鮮 佢既味道有淡香同小小薄荷味因為食海鮮嗰陣應該飲太濃烈嘅嘢真係值得一讚🤤🤤🤤第一碟上既係蝦同細青口因為佢係蒸既關係唔會去走左啲鮮味所以食落去都好鮮甜跟住就係啲蝦好大隻份量十足 食得呢行必定推薦！呢個蒸扇貝真係呢間鋪主打除左佢好大粒好鮮甜外大家可以試下仔細咀嚼會食到好爽口既口感最重要係可以連埋貝殼上面啲水齊飲真係食完一次會再翻黎食過！食海鮮梗係唔少得食龍躉啦但呢個真係好滑好甜出面係好難會食到而且成個係無骨咁上絕對係海鮮必食！然後就係豚肉同墨魚丸了(一齊上既)兩款各有各特色豚肉食得出真係好特別從口感同咬落去既肉汁 就知係上等豚肉墨魚丸都唔係出面d質素食落去好彈牙 推薦哦跟住就係雜菜同豬肉餃食咁耐海鮮食翻d菜都調翻起d胃口而且個豬肉餃蒸上黎肉汁都鎖住左好香口值得一試！最後有個驚喜就係原來最底係有煲南瓜粥粥係到🤤🤤(嗌餐先有) 我地一路食蒸海鮮 下面d粥就一直蒸緊 所以粥有南瓜味

同朋友今日去食私房菜，使私房菜來講，價錢唔算貴，品質算好。餐廳安排嘅菜式唔算特別，但樣樣都高質素。會有個店員一直負責我張枱，所有食物都由店員負責蒸熟，佢一樣一樣順次序蒸熟，然後把食物放在我們的碟上，再再將下一樣食材放在蒸汽鍋中。以下我將會慢慢簡介一下以上的菜色，首先我想講的是日本放養豬梅肉，半肥瘦，豬肉夠嫩又夠滑，不會很乾身，蒸出來的豬梅肉鮮肉汁更多。扎扎跳基圍蝦，蝦肉很紮實，熟度剛剛好，蝦肉不會過老。深海龍躉魚腩的時間也是剛剛好，蒸完就該魚剛剛好熟的時候，夠晒滑！最後，廚師拿起一整個熱鍋，就開始分南瓜粟米鮮排骨粥，南瓜味道很香濃，加埋排骨肉嫩，正呀！最後，我還是要稱讚一下店員，除咗很細心你一直問我沒有什麼需要，她蒸食物的時間也很準確，令餸菜都很新鮮。

男朋友生日，於是決定同佢食餐好，上網做左research，放題/火鍋就食得多，想食下黃他野。蒸海鮮都係一個唔錯既選擇，於是就決定去呢間私房御約。跟住google map好快就去到，有招牌寫住私房御約4個字，非常醒目，老遠都見到。店裡面會提供非常足料既菊花茶，有杞子、桂圓等等。味道非常清香，而竟然係任飲架！飲完仲可以fill！前菜非常不得了，除左一般都會有既花生之外，豆芽唔係普通既豆芽，佢入面有蜆肉有蝦肉同埋魚肉，淨係前菜已經比到好多驚喜。個menu真係好吸引，全部都係靚料，但呢個價錢黎講，已經係好抵！調味料一樣都係自己黎！選擇唔算多，但正常會加既都有。一黎已經食海鮮，有基圍蝦同埋花甲。蝦同蜆個色澤都好鮮明，已經由於係清蒸，都保留左海鮮原本既原汁原味，特別係個蝦，雖然唔係話好大隻，但勝在夠新鮮。呢個龍躉魚腩真係不得了，人生第一次食龍躉，但真係唔會失望。好耐都無食過咁有質感既魚肉了。滑得黎咬落去係有彈性。加左蔥同薑，無哂腥味，好鮮甜。好大粒既元貝呀！唔好睇佢白雪雪，以為佢無味，但其實佢咩都唔洗加已經好鮮甜。老闆仲建議我地連佢既汁都要飲埋，果到都係精髓。緊接住既就係手打墨魚滑同蝦滑，老闆提我

蒸氣火鍋呢兩年好興，而家到處都有得食，但成日都蒸老左，失晒鮮味! 聽朋友介紹呢間餐廳有店員serve足全程，完全唔洗擔心蒸老左呢個問題，就即刻book位試試！我同朋友揀左龍躉海鮮套餐，每位$298。另外加了$10/位的杞子菊花元肉茶首先係花甲同基圍蝦，食第一啖花甲已經知呢間店d海鮮好新鮮，因為唔洗點任何醬汁已經好甜好好味！基圍蝦好爽，蒸嘅時間岩岩好。之後係龍躉魚腩，第一次食龍躉，完全愛上！！魚肉無魚骨，魚皮較厚，非常彈滑，魚皮下的油脂真係令魚肉增添不少分數，食完好想再單點多份！！再來係日本放養豬梅肉、鮮蝦滑同墨魚滑。豬梅肉幾嫩口，好有肉味！鮮蝦滑同黑魚滑好彈牙然後係元貝王！ 以前食蒸氣火鍋成日蒸失敗，又怕唔夠熟又怕熟過頭，但而家有侍應哥哥幫忙，真係好嫩！蒸完嘅元貝殻上有d汁，記得要飲埋佢！！因為真係好新鮮，完全冇海水味！跟住係蟲草花紅棗蒸雞、鮮蝦豬肉餃同時蔬。南瓜好淋, 入口即溶。餃子多汁內餡扎實😋😋 蒸雞值得一讚！店家好有誠意，雞完全入晒蟲草冬菇紅棗嘅味道，皮香肉嫩。食完海鮮同肉之後，蒸氣逼晒佢地嘅精華去粥底到，再配上排骨、南瓜同粟米，真係好甜好鮮，食到海鮮嘅味道！ 每人分到2-3

今日食一間海鮮蒸氣火鍋，一入到去環境都幾乾淨，餐廳枱的數量不多。今次我地叫了一個普通的海鮮set。首先來了一個花甲，花甲真心正，好鮮好甜。建議大家不需要沾豉油都得，因為個種鮮甜已經超值。之後來了一個大蝦。蝦就真係好大隻，不過以我係一個蝦迷黎講，不是好鮮甜。之後來了一個龍躉腩，平時好少食龍躉的我，仲要係食佢個腩，感覺好新奇，個塊邊in in un un 都幾好食，蝦同龍躉一樣都是沾豉油會比較出味啲。之後來了一個又係我好中意食的野，帶子。帶子真心大粒，都好鮮甜，個職員話可以揀幾多成熟，個人認為熟透會好食啲，一半生一半熟的感覺好似怪怪的。之後來了少少雞，雞的味都幾好，幾入味，平時不多食雞的我都食，好滑。最後就是個粥，個粥吸哂所有頭先有的料的味，真是好好味，可惜我同朋友都飽了，所以食唔哂。

冬天既時候一直好想試下食蒸火鍋，畢竟傳統果隻火鍋食得多，都想試下新野既😗。經朋友介紹過後，原來油麻地呢頭都幾多野食下，最後選擇左呢間食蒸海鮮既私房御約。建議都係預約定位置較好，免得特登去到冇得食，因為都幾多人下！首先店員會上左D醬油同埋蔥蒜等等，按個人喜好添加，陣間食海鮮果陣用～當然仲有兩碟小食喇！之後店員就會放左個粥底先，再蒸唔同種類既海鮮，粥就會吸收哂所有海鮮既精華，聽落都覺吸引，更何況係望住呢🤤。除此之外，仲有一壺杞子茶可以飲用。飲落清清淡淡，不錯。食物一開始既時候會先上左蝦同埋蜆，食落都係好鮮甜，品嚐得出用料新鮮。之後就會有豬肉、魚肉、蔬菜等等。當中不得不提既係魚肉選用龍躉，食落肉質鮮嫩，好滑，連個魚皮都透透地色。店定仲會連埋小小薑蔥一起落去蒸，點埋醬汁好想黎一碗白飯呀！其次係帶子😳，店員會先蒸好帶子既裙邊，其實我都係第一次食，但食落好有咬口，但個人感覺有微微的腥。輪到重頭戲，大大隻帶子，好滑口，建議就咁食，食下佢自身既鮮甜。之後仲有大量既蔬菜、餃子、蒸雞。蒸雞係一定要食！！極入味，超滑！最後係集結所有精華既粥，食落海鮮味品係好出，但食落都好好味🤤。本來已經飽哂，估唔到最後仲有

同朋友去咗油麻地「私房御約」試吓私房海鮮套餐，入到去餐廳空間位置大，坐得都幾舒服。呢度出名新鮮海鮮，我哋揀咗個「龍躉海鮮餐」，＄298一位，呢個套餐有我最鍾意嘅龍躉肉，所以就揀咗。套餐包括「日本放養豬梅肉」、「扎扎跳基圍蝦」、「深海龍躉魚腩」、「蟶子皇」、「手打墨魚滑及鮮蝦滑」、「元貝皇連裙邊」、「自製鮮蝦豬肉餃」、「蟲草花紅棗冬菇蒸雞」、「時令七色蔬菜」、「南瓜粟米排骨粥」、同埋「精選甜品」就係木瓜雪耳糖水等等。係等緊嘢食期間，店員就攞咗一壺菊花茶同埋兩個杯俾我哋飲，菊花茶入面仲有杞子同埋圓肉呀，好少餐廳會有咁滋潤嘅茶水飲，飲落口清清地，好正啊。店員就攞咗一盆新鮮嘅海鮮俾我哋睇，之後親自將豬肉同埋基圍蝦放入蒸爐入面蒸，之後冚返個蓋，幫我地計埋海鮮要蒸嘅時間，非常體貼。基圍蝦食落去好鮮甜，而且啖啖肉，唔使點豉油都已經好好食呀。另外豬肉嘅肉質「林」，半肥瘦有口感，好味道！之後就係我最期待嘅龍躉肉啊， 龍躉好厚身，見到都好想食呀，仲有葱可以僻咗啲魚腥味。龍躉肉食落去好滑，啖啖肉而無骨，非常鮮甜嘅魚味道，必食，大愛！除此之外，仲有我至愛嘅扇貝兩大隻，蒸完之後有啲鮮甜汁可以飲係單貝殼度，飲落去

今次去到油麻地私房御約試吓私房菜，聽朋友講呢度啲海鮮好新鮮，而且鮮甜，所以我哋就兩個人過咗嚟試啦。入到去餐廳格局非常整潔，而且空間位置大，座位非常寬敞坐得好舒服，我哋兩個人就坐咗一張中間位置嘅四人枱，店員非常有禮客氣地比餐牌我哋，仲介紹今日嘅新鮮食物同埋套餐，最後我哋揀咗個「龍躉海鮮餐」，每位都只係＄298，套餐有11款食物，大部份都係新鮮嘅海鮮，有「日本放養豬梅肉」、「扎扎跳基圍蝦」、「深海龍躉魚腩」、「蟶子皇」、「手打墨魚滑及鮮蝦滑」、「元貝皇連裙邊」、「自製鮮蝦豬肉餃」、「蟲草花紅棗冬菇蒸雞」、「時令七色蔬菜」、「南瓜粟米排骨粥」、同埋「精選甜品」就係木瓜雪耳糖水等等，成個套餐非常我食物呀，不同種類、不同款式，一次過滿足晒我哋兩個需求。係等食物來之際，我哋就調味混醬先啦，分別有四款調味料俾我哋選擇，當然唔少得有我最鍾意嘅辣椒絲，加埋落去啲豉油，再點海鮮食非常惹味。另外仲有一壺菊花茶俾我哋飲，餐廳真係非常貼心啊，入面仲有杞子同埋圓肉呀，可以一邊食蒸氣粥底火鍋，一邊飲菊花茶解渴消暑。飲品方面，有唔同種類嘅汽水同埋啤酒選擇，仲有德國最好飲嘅啤酒，，當然我梗係叫返我至愛嘅「芬達橙汁」飲啦

朋友突然興起話食蒸海鮮之後黎左呢間試下 的確唔錯 第一次粥底蒸海鮮 就俾左佢😂一坐低，店員就擺低左醬料架 ，好貼心呀第一樣係脹卜卜花甲，口感一流，味道鮮甜，真係好好食喔第二樣就係扎扎跳基圍蝦，店員攞過黎個陣已經覺得好新鮮，食落去果然一流，非常新鮮。第三樣係深海龍躉魚腩，一睇就知啖啖肉，係啖啖肉呀😍 正呀第四樣係元貝皇連裙邊，店員黎既時候，真係o哂咀，好大隻呀，味道仲好好添第五樣係手打墨魚滑和手打鮮蝦滑，手打至起膠，好有口感，食落仲有好香既墨魚同蝦味道。第六樣係蟲草花紅棗冬菇蒸雞，感覺仲好似個d藥膳咁，d雞好好肉地，仲好入味。第七樣係日本宮崎放養豬梅頭肉，肉片切致薄身，不會太肥膩。第八樣係嫲嫲愛心豬肉蝦餃，果然冇改錯名，真係好似我屋企人整個d味道，食到個家既感覺來。第九樣係南瓜粟米鮮排骨粥，味道香甜，因為蒸完海鮮的味道都滲哂落啲粥到，精華所在！最尾就係甜品啦，當日甜品係紅豆和綠豆雪米糍，口感煙un，係吃飽之後仲有小甜點食，好貼心。

其實我未食過蒸火鍋架！今次第一次試就去私房御約，係openrice見到好評滿滿，就去試吓啦~~我地4個人每人叫左龍躉海鮮餐$298/位，就包哂menu上既食物啦❤️ 小食有鹹花生，酸蘿蔔、酸硯肉，酸酸甜甜特別開胃呀！ 黎主菜前黎左杯菊花茶，飲落好舒服，好清甜👍🏻👍🏻首先第一樣食物係花甲，食落去冇沙、鮮甜、肥味！比十個like👍🏻👍🏻👍🏻👍🏻之後就係蝦，普普通通，大細剛剛好，唔會太大或細第3樣係龍躉魚腩，每人有2舊，魚肉都好大舊，不會太un，味道ok第4樣元貝連裙邊，元貝師傅較左蒸5/6成熟，所以不會太un。依間餐廳既元貝算大舊架。依個都十個like👍🏻👍🏻👍🏻墨魚滑蝦滑大大粒，好有口感第5樣係蟲草蒸雞，啲雞好嫩滑，不會太油膩，而且好入味👍🏻👍🏻第6就係七色時蔬同豬肉餃，豬肉餃既涵淡淡肉👍🏻大舊又juicy，食到依到已經好飽啦最後就係最底碗粥啦！！！！枱面有一個蒸爐，底下放粥，上面放左蒸碟蒸啲海鮮，蒸既期間，海鮮汁同精華流落粥入面，令到碗粥好鮮甜同有海鮮味！👍🏻👍🏻👍🏻👍🏻👍🏻雖然舖頭細細地，但係因為依個細細地，師博可以準備定新鮮材料比客人食👍🏻餐廳主要係重質不重量，所以每一樣食材都係好新

前兩日朋友突然話想食蒸氣火鍋，又話唔要去酒樓果d 太嘈傾唔到計， 於是我就上網搵到呢間街坊廚神都黎食過嘅餐廳！ 餐廳門口貼晒小儀 金剛嘅相，原來有好多明星都幫襯過，好期待呀!! 我地點左龍躉海鮮餐，仲有老闆推介嘅菊花龍眼杞子茶。 本來驚菊花茶會落好多冰糖之類好甜，但呢壺係飲落有淡淡嘅菊花味，以龍眼提味，無加糖 好健康呀！有個侍應幫我地處理每一道海鮮，好好服務呀！ 女仔緊係咩都手機食先，佢好耐心咁等我地影完👍🏻 重點當然係每樣都蒸到剛剛好啦！基圍蝦鮮甜爽口，最surprise 係花甲好甜！點豉油反而失去左佢果份甜味。龍躉係最令人難忘的，廚師處理得好好，加左簡單嘅薑蔥，保留左魚肉味，去除腥味，係傳統又精明嘅做法！ 食一啖已經陶醉於魚油香當中，非常鮮嫩！元貝王亦值得一試，店家先蒸裙邊俾我地淺嚐，然後蒸大元貝，真係好大粒！ 蒸完多汁嫩口，好味！另一驚喜之作係雞肉！ 廚師以蟲草花同紅棗醃雞肉，非常入味！ 朋友好鐘意，鐘意到同我爭食。最後係南瓜排骨粟米粥，好清甜嘅粥，充滿海鮮味。 食飽飽仲有糖水！女人有兩個胃嫁嘛！ 木瓜雪耳桃膠糖水，桃膠好有膠質，呢款糖水好岩女仔飲呀！美顏嘛！依間餐廳材料好新

今日又再帶好友嚟佐敦食好嘢，不過呢排比較熱氣、唔可以再食串燒之類的熱氣嘢了，跟住搵咗呢間私房御約，貪佢有海鮮又有鮮甜粥底食，一舉兩得揀咗個龍躉海鮮餐才$298，連埋甜品總共有11味、一d都唔貴喔一坐低，店員就即刻將呢壺(桂圓杞子菊花茶)逢上，味道清甜又帶著花香，杞子又可明目安神前菜小食卻一d都唔馬虎，分別有酸、咸、脆，大大提升了你的味蕾脹卜卜的蜆受熱馬上卜開代表啱啱熟了，立即放入口裡，你會嘗到又鮮甜又嫩滑的味覺扎扎跳嘅新鮮基圍蝦，當一變橙色時夾上，又彈牙又鮮甜 深海龍躉魚腩我本身已經好鍾意食魚，因為肉質嫩滑又有營養，但用蒸氣的方法去吃這味龍躉魚腩卻是第一次呢首次要烹熟這舊厚身而肉實的龍躉腩，火喉控制係非常重要，值得一讚嘅係每樣海鮮上枱時，店員都會耐心地教你蒸煑的時間，有些直情由頭到尾幫忙蒸起講返舊魚腩、嫩滑？係唔會有嘅，實！無錯，就係肉實，但一d都唔韌而係非常爽口，連那塊充滿著骨膠原的龍躉皮都咁爽口 元貝皇連裙邊店員首先將裙邊蒸熟遞上，緊緊熟就拎起時間啱啱好，好鮮甜質感似象拔蚌刺身呢。要控制這麼大隻元貝的火喉真的不容易，蒸過龍就會韌，蒸不夠就會生、所以家裡烹調元貝的話，必會選擇只需要新

今日朋友話帶我去食新奇有趣既粥底蒸海鮮，我都係第一次試炸，係柯士甸站附近行入橫街就見到好多人隱世小餐廳，一入到去坐就見到裝潢好新好特別，店員一見到我地就邀請我地坐低，一坐低就上餐前小食，共有3盆，首先係豆芽辣海鮮，內有酸菜青瓜，少許海鮮如有蝦和蜆肉，酸酸辣辣十分開胃。另外兩盆伴菜就係花生，是朋友比較喜歡的鹽味炒花生，仲有一壺菊花茶。.呢一到最特別既係有店員同老板服務，替客人每一款海鮮不停地蒸。.首先來第一款海鮮係花甲，體積都算大，而且好新鮮又冇沙石，朋友最愛呢款！.第二款係蝦，都算大肥美又鮮甜。.第三款係龍躉腩，我最愛呢款，魚皮比較有趣是比較煙un，肉質不會un但好有口感，魚肉細膩，好值得再一試。.第四款係帶子同帶子群邊，六成到七成熟，比較厚肉同juicy。.第五款係墨魚滑，呢一款都係我喜歡的，真材實料，好滑好濃墨魚味，內有墨魚粒，爽爽脆膽。粉紅色既係蝦滑，都好煙un呀！.第六款冬菇雞紅棗蟲草，雞皮好滑，汁入哂雞肉.第七款，豚肉，肉質吾會好un好香口蝦同豬肉餃.第八款有雜菜加豬肉蝦餃子，有秋葵，南瓜，粟米，冬菇，紅椒，椰菜花，菜心，清清地最岩迎接下一味菜！.食哂全部之後就到粥底啦，粥好