禾牛薈火煱館 (金馬倫道)

营业中

休息中

火鍋食材選擇多, 椰子雞湯底好味。花甲, 魚腩, 牛柏葉, 粟米, 禾牛, 魚滑, 餃子, 肉片, 鹅腸等, 總有一款啱味。而且鄰近尖沙咀地鐵站, 交通方便。 最啱一家大細及三五知己共聚。

同朋友食生日飯選擇左呢間 ， 叫左碟西班牙黑毛豚片超薄!入口即溶 ， 香港牛肉不夠雪花 ， 魚頭湯及 豬肚湯好味 ， 炸響鈴一流食過最好食 , 豆腐係百福， 飲品竹蔗茅根同菊花蜜好味。

呢間火鍋店真系好特別，唔同出邊其他火鍋店，呢間火鍋店仲有好多魚嘅產品，我就要咗一個椰子湯底，椰子味好香好濃，但系都算好清新，其他配菜都算中規中距，總體嚟講質素唔錯，食完啲嘢仲可以試一下個湯！

野食新鮮，味道好好味😋。一班朋友傾計好腳點。推介廣島蠔，蝦丸，極品肥牛，麻辣墨魚鬚，墨魚滑，湯底今次叫咗豬骨窩非常足料😍😍😍如果多人仲可以book房，今次小人所以就坐廳。

約一班同事食火鍋，緊係揀d可以book房自私食既餐廳啦！夜晚一去到，即刻叫左三個湯底，分別係台式麻辣火鍋，芫茜皮蛋火炭，蕃茄牛腩火鍋。個麻辣火鍋色水紅到有d嚇人，但食落又ok wo，吾算超辣，另外兩個就比較養生，清淡啲，不過都好入味。食材方面，上菜速度快，我們叫左幾款小食都好快到，醫一醫肚餓感覺先，炸雞軟骨，溏心皮蛋，鬼馬油炸鬼都好食。火鍋材料特別推介係牛，平均只會食肥牛，但佢地既邊抓牛，望落又靚又高質，d雪花紋睇到大感食慾！仲有桶蠔大大隻，食落好新鮮，幾值得推介，人均$400埋單，有大量汽水同啤酒🍻🍻

食物新鮮，招呼一流，服務好，鍋底夠龍尾，牛肉極度好食，藥膳雞亦都好入味，老友鬼鬼夠鬆脆，丸彈牙，魚片非常脆口，諗下諗下真係好想繼續再幫襯，下次必須必須會再嚟多幾次

環境寬敞，食物好好好好食！叫左椰子雞湯底，味道清甜，雞嫩滑！蟹子墨魚滑份量多服務態度誠懇，有禮貌，好responsewill definitely visit again

事源是約好了朋友到這裡用餐，可是到店後由門口侍應到樓面、服務生的態度（就坐後到離開前過程當中只是問了侍應取餐牌）卻受到惡劣的態度回應！都不敢再逗留了。（無法接受要給這種「服務」消費，所以都建議朋友馬上離開了。沒辦法為食物評分。）

尖沙咀食火鍋，座位舒服，6個人比左張8人枱，一啲都唔迫。呢度個招牌牛肉好新鮮，好好味。另外仲叫左蟶子、墨魚丸、墨魚滑，全部都好好味！！🤤🤤下次一定會再黎食過

第一次到尖沙咀禾牛薈火鍋環境寬敞，卡位有獨立電視，坐得好舒服食物選擇多叫左沙爹湯併芫荽馬蹄皮蛋湯，$108，本地招牌手切肥牛（大），手打黑松露墨魚滑，凍蜂巢豆腐，三式餃，，老友鬼鬼，全部都係推介肥牛厚薄適中，新鮮好味黑松露墨魚滑好香三色餃係雲吞，韭菜餃，牛肉餃老友鬼鬼係油炸鬼加蝦滑，第一次食呢個配撘，好脆好食

地點方便，地鉄行兩步就到，重有兩層，不限時間慢慢食，食物新鮮，種類也很多，火鍋料及小食小抄齊全，豬牛羊海鮮樣樣有，招待好友善，親切又細心，枱面重有私人電視，一邊食一邊睇，so good 👍

大頭蝦既我地，冇睇到原來9點半後有雞煲任食。唯有行多幾圈等到時間先食飯。臨走時接待提醒我們小心。我心諗咩事？原來係示威人士和警察對侍中。講反食物，除左牛和豬比較好，其他菜式都好一般。我好怕豬內臟既味道，所以冇食到，但雞煲就係全晚最出色 好野味

食物新鮮, 四寶丸必食, 蝦丸勁彈牙。牛肉粒好有牛味及有肉汁。鮑魚新鮮。座位舒適寬敞。雲吞大粒又爽。菜乾豬味湯底, 十分鮮味, 真材實料, 先飲湯後打邊爐。豬肺大件, 記得要食埋菜乾降火。

收工行開尖沙咀搵野食 搵到間樓上打邊爐上到去望下餐牌 叫左個極盛牛肉海鮮套餐 可以食勻28款自家製既野食 一次過滿足28個願望 每位加60蚊可以叫多個雞煲 仲要任飲汽水/自家制飲品 非常吸引竹庶芽根 清甜涼透 消暑解渴 落左好多材料去煲雞煲係用雞脾肉 加埋唔同花椒八角同調味料 肉質咬落非常滑 而且十分香口 又惹味 辣度又唔會太辣好吊味 食到停唔到口 唔夠飽既雞肉仲可以任加。食完雞煲就到重點菜 一大盤食材上黎 有28款食物 我地打邊爐既湯底就揀左沙爹湯 湯底夠哂濃 好好味十分值得一試既有海鮮花甲 蝦同脆鯇片都係非常新鮮 而自家製食物就有豬紅 韭菜餃 魚蛋 豬天梯 牛柏葉 等等最後就到肉類既肥牛同黑豚肉肥牛食落肉質非常鬆軟 肥瘦適中 入口即溶黑豚肉 肉質食落又唔會有"鞋"既口感 豬味濃郁

同朋友慶生既生日飯！呢度有好多款湯底選擇，鍾意食辣既我緊係揀麻辣啦！最後揀左雙拼：台式麻辣鍋 x 椰子雞湯底 ！台式麻辣火鍋入面已經有埋峰巢豆腐、鴨血、豬皮，分量仲唔少添！揀左小辣姐，不過愈食愈覺得嘴麻，正呀！椰子雞湯就除左有椰子同雞，仲有蘿蔔同粟米，好岩唔食得辣既壽星女！兩款湯底都唔錯！打邊爐點可以無牛牛呢！招牌手切肥牛有五個部位揀，試左推介既「邊爪」，好有牛味同嫩滑佢個老友鬼鬼 、響玲 、松葉蟹皇包同手打丸都好正！其他正常野都好新鮮既！一定會再黎！