禾牛薈火煱館 (金馬倫道)

营业中

休息中

自選火鍋🍲〰️〰️〰️〰️〰️〰️〰️〰️〰️〰️♨️湯底• 北海道鮮奶花膠湯💲148• 鮮茄坑腩薯仔濃湯➕💲30不得不讚嘅係個牛奶花膠湯底真係好正超濃牛奶味🥛💕入面仲有好多湯料又有一碟花膠😛鮮茄湯嘅牛味仲重過番茄咁🍅😹幾中意呢啲名附其實嘅濃湯咁就豉油都唔洗點🤙🏻講開豉油原來啲醬料計錢🙂我諗係當茶錢咁啦😹🍢食物• 西班牙橡果黑毛豬片💲138• 自家製餃子💲88• 手打黑白墨魚丸💲98• 醬爆芝心丸💲48• 凍蜂巢豆腐💲48• 天津娃娃菜💲38• 冬瓜片💲38• 茶介醬料（每位）💲25推介自家製餃子🥟！超大粒好多餡🤩入面粒蝦肉好爽口😗但啲餃子餡唔均一嘅有啲有蝦肉有啲冇😧墨丸都幾好食但我真心唔係好食到黑白嘅分別😹🛋環境我地兩個人去包咗間房 超舒服有電視 好有私隱因爲好隔音🤣但搵店員就可能麻煩少少整體而言覺得偏貴 因為佢係一碟碟咁叫而唔係放題 食開放題真係會唔覺意叫多咗食貴咗😹但係逐碟叫可以減少浪費食物嘅機會率😏😹〰️〰️〰️〰️〰️〰️〰️〰️〰️〰️禾牛薈火煱館 (尖沙咀)📍尖沙咀金馬倫道48號中國保險大廈1樓及2樓🔗#7eating尖沙咀#7eating九龍城#7eating港式

手機落單apps:ricepon出色推介：自家製餃子、墨魚太、手切肥牛、老友鬼鬼食物質素系幾好，服務正常，價錢偏貴，一分一分貨，湯底唔錯，帶淡既椰子雞湯味，最出色同印象深刻系肉類，其此自家製黑白墨魚丸亦十分記得，食到墨魚丸帶有鮮味，大部分食材評價都中上左右，不過以價錢區分似乎都屬貴左，如果價錢平民d既話，應該比較多客路湯底主要系調鮮味，當湯飲系可以但雖煲耐多最少15分鐘先飲，如果即黎即飲湯料未出味環境一般，兩個人都要坐大卡位，足夠6人坐，如果對窗景都可以算得上氣派，剛好那天對正𨋢口門口加走廊位，斜對角6人坐枱又系坐兩個，感覺唔太好，如果試食建議要求窗邊坐位，比較企理唔使對門口或者推下欄的車仔先

夜晚同朋友大邊爐吹水，有人提議來呢間火鍋店食，我第一次跟大隊來左。因為有部私人電視機任睇，所以我哋揀左卡位坐。一坐低就會一盤配料比你揀，選擇都好多。呢度有每日限定的湯底，係其他火鍋店係沒有的。我哋一場來到，就點左個御膳宮廷海中寶。香味撲鼻的湯底，但湯面好似平平無奇。實則禾稈蓋珍珠，用湯勺一撈，你會見到一個豬肚，工作人員剪開個豬肚，裏面就係海參、魚翅、冬菇。 用清雞湯熬製而成，我忍唔住先飲為敬，鮮味十足。我哋又嗌左一碟牛頸脊，條紋清晰，肥瘦均勻，不得不讚師傅刀工一流，真係10-15秒就啱啱好。食落油香滿口，極級享受。白鱔片好新鮮，師傅刀工已經去曬筋位。魚片輕灼配埋嗰湯底真係無得輸。貴妃蚌爽口彈牙，好新鮮。鵝肝+蝦丸，自家制，甘大個人都係第一次試，個味出奇地好夾，極力推介。呢間火鍋店食材新鮮配埋師傅的刀工同埋創意，帶俾客人喜出望外的感覺。#原來邊爐都可以甘打

聽過禾牛薈呢個名好耐，終於約到朋友一齊來試一試。我們上到二樓窗旁卡位，不得了，原來每枱都有獨位LED電視，我們可以一邊繼續追看倚天屠龍記，一邊打邊爐，這是喜出望外的。甫坐下便有一位貌似鼎爺的型格伯伯下單，雖然外貌cool cool的，卻是個冷面笑匠，非常配合餐廳的感覺。我們點了推介的御膳宮庭海中寶湯底，上枱時我們先是一呆，因為只見一鍋湯及一個豬肚，便甚麼也沒有了，我不禁吶罕，說好的海中寶呢。鼎爺伯伯的嘴角微微翹起，然後用剪刀將豬肚一剪，嘩不得了，豬肚內滿是海參、瑤柱、花膠、螺頭、魚唇、冬菇，和湯底一起滾幾滾，味道鮮得不得了，在我O了嘴之際，鼎爺伯伯說，咁易被你估到仲得了既。(高人)我們點了老友鬼鬼，非常香脆，即食又得，當佢是響鈴放在湯內浸又浸亦得。黑毛豬肉很有豬味，但我最愛的還是手切牛頸背，脂肪像微絲血管爆裂般均稱，入口不覺油膩，只覺牛味一陣陣的滲入齒脥。鵝肝蝦丸也是我一大推介，將鵝肝釀入蝦丸裡面，外面彈牙，裡面滿是濃濃的鵝肝香味，非常惹味。另外，我們也點了些白膳片和珊瑚蚌，配合海中寶湯底，簡直是一絕。

雖然依家已經開始熱...但打邊爐依然係我同朋友仔們嘅最愛. 今次揀左呢間響金馬倫道嘅禾牛薈試下，環境幾好，坐位夠哂闊落仲有電視睇添，原來呢間餐廳都可以掃描QR code 響電話落單夠哂方便.打邊爐梗係唔少得混醬啦，竟然仲有xo醬!我地叫左個鮮茄坑腩薯仔濃湯, 個湯底酸酸地好開胃好好飲, 忍唔住飲左兩碗,入面仲有好多坑腩 打邊爐緊係要配汽水啦 脆炸響鈴，一睇個樣就知係自家制，好脆就咁食都好好味，不過我都係鐘意放落個湯度滾一滾索哂d湯汁黎食韭菜餃，濃郁嘅韭菜味芝士蝦丸，一咬流去d芝士已經流出黎，芝士同蝦味好夾，食多幾粒都唔會覺得好漏豬天梯，第一次食，原來幾好食幾有豬味同爽爽地自家制水晶包，有奶黃，芋頭同叉燒，如果皮可以再薄一d就好喇，記得唔好落太耐 娃娃菜，本身想叫皇帝菜可惜買哂食到7788朋友仔話想試下個海膽刺身，估唔到有驚喜一d都唔腥，可以配青瓜或者紫菜一齊食 總括黎講呢度價錢合理環境闊落又可以一路打邊爐一路睇電視傾下計，我同朋友仔們應該會再黎

前2日同屋企人食飯，去左尖沙咀既一間火鍋店食飯。無諗過人少少，原來食材非常高質!我地叫左個椰子雞鍋底，入面有好多栗米、白蘿蔔、海底椰，非常足料！雞肉都好新鮮！我地即刻飲左2碗湯，好甜好好味！就算加湯，都係加番雞湯，保留番湯嘅鮮味！之後仲見左好多火鍋配料！手切肥牛必食！雪花分佈平均，滾10秒食得！好滑！自家四寶丸大讚！睇得出係人手製作，粒粒好彈牙，非常好食！仲叫左鯇魚、豬紅等等，全部價錢合理，份量都好足夠！

地方寛敞，有獨立卡位，更有獨立電視！！本來去一班多年不見老朋友，相約去快活谷，夜馬buffet ,但天雨關係，所有室內位置，全部訂湍，網上一找，就來禾牛薈，果然是正確選擇牛肉新鮮，湯底一流，上菜快！！一一。服務貼心，更多時自動加湯、沖水！只是甜品種類不太多，不過都好正👍👍👍👍👍👍👍👍👍👌👍👍👍👍👍👍👍👍👍👍👍👍👍👍👍👍👍👍👍。 下次再來跑季尾收工賽

同友人相約於尖沙咀 兩個即慶想打邊爐 之前聽過其他朋友介紹我黎呢間和牛薈火鍋 於是同友人上左去試下 上到去已經覺得環境好闊落 店員態度親切 仲安排左一個面對住電視的一張大枱比我地 🤣 而且火鍋配料好齊全 岩哂我呢d辣辣芫茜控 xo醬油也非常出色！一睇點菜紙 好多選擇啊 湯底都接近二十多款 ！ 我地就叫左素食益生雜菌薈湯底 都幾濃菇菌味 推薦特別要推介的主要有幾款喔*手切肥牛 非常新鮮 重牛味 正!!*脆炸響鈴卷 廚師新鮮即炸 沾上濃濃的湯底 口感一流*炸芋頭 都係即炸的 就算即食都好好食！！*午餐肉 係厚切 個人覺得厚切的用黎打邊爐最好 加分👍🏻😊*餐廳自家製飲品 竹蔗茅根 清熱下火 亦唔太甜 讚👍🏻整體來說 對餐廳的環境 服務 食物都好滿意 非常愉快的一餐飯 同朋友異口同聲表示一定會再來光顧😊

餐廳環境舒服，近地鐵站，卡位非常寬闊，服務一流，服務員笑容有禮，湯底點了胡椒豬肚湯，好好味，味道好濃好足料，有好多豬肚。自製雲吞好大粒，值得推薦，可以再黎多次。

睇完套三個鐘既戲刺激又緊張，好肚餓之餘，又想搵個舒服啲嘅地方慢慢食可以傾吓剛才劇情。見到呢間嘅評價唔錯一於試吓。我哋選擇咗靜靜地既卡位，每個位仲有電視仔添喎！不過我哋都係傾計飲杯啤酒聽下頭先啲劇情先。鍋底我哋叫咗招牌和牛薈。材料比較似牛雜鍋，中間放左一大舊牛骨，令到湯底牛味越煮越濃郁。男朋友好滿呢個湯底，見佢偷偷地飲咗半碗。本地牛頸脊賣晒，佢哋話今日嘅邊爪都好好，不過我哋未食過邊爪，所以都係食返極品特級手切肥牛。啲雪花密集又夠均勻，煮3秒食得，入口即溶，脂香味濃郁，正！師傅仲送咗兩片本地邊爪我哋，肉味濃重，下次真係可以一試。三菇拼盤新鮮，絕對唔係放耐變軟身嗰種。鮮肥鵝腸肥美甘香！響鈴係廚房自己炸，可以點炸雲吞嘅甜酸汁食，夠晒脆口又大件。手打黑白墨魚丸，賣相好睇之餘，墨魚丸夠實淨爽彈，味道鮮，質素好高！總括嚟講呢間火鍋店食材高質，卡位都幾舒服，約朋友傾計食飯可以再嚟。

今晚落班收工同同事食飯, 四個人最好就係打邊爐,禾牛薈就喺公司附近好方便, 我地book咗六點半時間尚早未係好多人, 喺樓下有店員確認booking,上到去就有店員安排座位, 店內有好多卡位而且仲幾寬敞添, 我見仲有好多間VIP房, 睇黎下次同學聚會可以諗諗佢。湯底也多不過是，以魚或醬油為主. 可能在日本吃了不少燒肉, 是次火煱我們也不想試太濃味, 太刺激的口味, 一致通過點了一個椰子雞湯, 裡面除了也大量切薄了的椰子外, 還有很多粟米,。餐廳主打牛肉就緊係要叫個拼盤試下；牛脷扣薄切肉質爽嫩；牛胸爽望落好似好油膩但其實口感偏爽帶脂香；特級雪花牛柳粒肉質緊實大小適中。下次一定會再來。

春天都就完，又有藉口打尾水邊爐 (雖然我應該夏天都會打)，叫埋屋企人出黎就要照顧下牛魔王爸爸，去左係尖沙咀專食牛既和牛薈。Book左位有得坐卡位，每個卡位都有部私家電視機，可以電視撈飯。點餐可以用QR code點，與時俱進，好方便。湯底揀左椰子雞湯，$188有成隻雞，雞肉都滑，好重椰子味，唯一美中不足係d椰子好硬，唔食得。本地招牌手切肥牛$318今晚既主角，肥牛好新鮮，好有光澤，每一塊都痴住隔離果塊好有彈性，本地手切既無雪味，d肥膏又唔會太多，夠牛味又食得健康。手打牛丸$78紅卜卜好新鮮，好多汁好有牛肉味，裡面加左d馬蹄，多d口感。蜂巢豆腐$48打邊爐必食，比滑豆腐更入味，吸收晒湯既精華。鮮腐竹$38人大左發現腐竹比響鈴更好食，豆味好重，又滑又薄，小小煙韌有咬口，而且係新鮮非油炸，比響鈴健康得多。餃子$88對餃子係自家製嘅，又要有好大粒蝦，最鍾意係加咗好多木耳，好有口感，木耳又清新，去肥膩一流，餃子皮好薄，晶瑩剔透，好滑溜。芝心丸$48睇到裏面啲芝士比較柔滑，小小嘅拉絲效果，仲有一層芝士油係上面。水晶粉$48質地比較類似紅薯粉，煙煙韌韌，但係比紅薯粉幼好多，方便入口，餐廳仲好細心比埋個

今晚同男朋友去左尖沙嘴禾牛薈打邊爐，我地6點幾就到，可能未放工冇咩人，靜靜地幾好！食物我地叫左肥牛啦，墨魚丸，餃子，菜，個湯底我地就叫左海底椰子雞😝😝佢有獨立電視，而佢安排俾我地個位係角落頭，隱蔽，坐得幾舒服！野食黎啦，隻雞都幾滑唔錯，個牛就好爽口，加埋啲醬汁，我地加多麻油，唔錯！！😝😝而個丸呢就分左兩種墨汁同墨魚，個人就比較中意普通嘅墨丸，爽口啲！！最後，都唔想咁熱氣，要健康啲，所以就叫左個菜心苗同西生菜🥬解下熱氣！

实在是太好吃 真心觉得食物很美味佳肴 我们四个吃得很开心 很饱 他的饺子🥟是他们现包包现做的 还有小食送 还有房间和电视 另外他们服务也不错 很nice 它的汤底很浓郁 值得来试

雖然依家已經開始熱...但打邊爐依然係我同朋友仔們嘅最愛. 今次揀左呢間響金馬倫道嘅禾牛薈試下，環境幾好，坐位夠哂闊落仲有電視睇添，原來呢間餐廳都可以掃描QR code 響電話落單夠哂方便.打邊爐梗係唔少得混醬啦，竟然仲有xo醬!我地叫左個鮮茄坑腩薯仔濃湯, 個湯底酸酸地好開胃好好飲, 忍唔住飲左兩碗,入面仲有好多坑腩 打邊爐緊係要配汽水啦 脆炸響鈴，一睇個樣就知係自家制，好脆就咁食都好好味，不過我都係鐘意放落個湯度滾一滾索哂d湯汁黎食韭菜餃，濃郁嘅韭菜味芝士蝦丸，一咬流去d芝士已經流出黎，芝士同蝦味好夾，食多幾粒都唔會覺得好漏豬天梯，第一次食，原來幾好食幾有豬味同爽爽地自家制水晶包，有奶黃，芋頭同叉燒，如果皮可以再薄一d就好喇，記得唔好落太耐 娃娃菜，本身想叫皇帝菜可惜買哂食到7788朋友仔話想試下個海膽刺身，估唔到有驚喜一d都唔腥，可以配青瓜或者紫菜一齊食 總括黎講呢度價錢合理環境闊落又可以一路打邊爐一路睇電視傾下計，我同朋友仔們應該會再黎