禾川壽司專門店 (已結業)

今日一支公湊仔，唔想煮飯。就梗係買外賣。做嘢經過，見佢價錢幾抵，就外賣自己個份同小朋友個份返屋企。原來呢間禾川，中午會有一啲套餐。下次黎做嘢經開再試先，價錢都好抵下喎。叫咗個兒童套餐，熟食壽司、粟米沙律外加個原味波子汽水。呢個係粟米沙律！佢有個燒飯團、玉子壽司、吞拿魚壽司、蟹柳壽司同埋兩隻吉列蝦。小朋友黎講，都好多份量，食唔晒添。我就包阿仔食唔晒個份底之餘，再叫咗呢個壽司拼盤。叫做禾川燒盛盒，款式都好多！如果係芝士控既會好開心！佢有芝士蟹柳壽司、鰻魚壽司、燒三文魚腩燾司等等！份量大大件，男人食都夠。而且手握壽司黎講，手力控制剛好，不會散，而且量都剛好。阿仔有支原味波子汽水，我都叫返支菠蘿味既。

過黎屯門，路經一間小店，見佢好四正。又是屯門友有推薦，小小餓既情況下，就黎立食少少嘢。這間店，除了主力賣壽司刺身，也有一些食材可以在這裡買到。例如是好平的三文魚頭。老闆說，常常一有就好快清空。如果開PARTY，可以跟老闆講預算及人頭，他們可以設計特別開PARTY的套餐給客人，想不到服務貼心。店面雖不大，但也五臟俱全，有個立食區。點了兩個手卷，刺身，醫下個肚。三文魚刺身肥美，劍魚刺身也是厚切，比一般壽司店更為抵食。而北寄貝刺身，也處理得好。無雪味，也不會令到刺身水水的。這是值得一讚的地方。而手卷新鮮整起，也十分好食。有見及此，我就買埋外賣返屋企嘆。點了一個軟殼蟹反卷。份量很足﹐一盒八件！軟殼蟹香脆鬆軟，入面仲有其他配料，而且包得實淨，唔會一咬就散。因為食過手卷好食，所以再安哥軟殼手卷比屋企人食。而重點推薦是這個8吋浦燒鰻魚丼！份量十足！眾使是外賣，但鰻魚凍咗少少也依然好味，如果堂食應該仲正！大大塊鰻魚勁正，而且還是厚肉。燒汁充足，啱是愛食一族。佢既套餐湯係麵豉湯，但唔好睇少佢。絕非粉沖泡的麵豉湯，而係魚味濃郁的魚湯底麵豉湯，自家煲的！真想問老闆，有無得額外買這個湯回家？以這個小店價錢，食

上個星期happy friday老婆走咗同朋友去happy，我要返工陪唔到佢點知佢仲鬼咁sweet老遠喺屯門買宵夜俾我食，仲send咗個餐牌俾我自己揀幾貼心啊。佢返到屋企就自己食咗一部份，留返我揀嗰啲等我返嚟做宵夜。我去食日本嘢一見到有呢個蟹子沙律我就一定會叫黎食，呢個蟹子蟹肉沙律入面真係有蟹肉個喎味道仲較得幾唔錯好食喎。我揀咗七款壽司加埋有成14件夠晒我做宵夜啦！有咸香嘅芝士皇帝蟹柳、令立立好新鮮嘅油甘魚、油香十足嘅醬燒左口魚邊、焦香嘅鹽燒三文魚腩邊、軟糯黏口嘅海赤蝦、香蔥吞拿魚蓉軍艦同埋甜絲絲嘅鰻魚壽司，款款都好巨型可以話抵食夾大件。 當中最正嘅係呢一件香蔥吞拿魚蓉軍艦，鮮甜又肥美仲有陣陣香蔥味食完真係齒頰留香呀。最後老婆大人仲買咗一支日本白檸波子汽水比我飲，你話我又點會唔冧死吖哈哈。

我真的很喜歡吃壽司！很多時車爸爸未能陪我撐枱腳的時候我便最喜歡是一個人浪漫吃壽司，這天走到屯門找朋友茶敘走的時候路經這間禾川壽司專門店，忽然間壽司癮被引了出來便走入去買了不少喜歡吃的日本美食，帶回家中作晚餐另外還買了不少給車爸爸作當晚的宵夜呢。前菜買了我細細個已經十分喜歡吃芝麻八爪魚＄32 ，尤記得第一次吃的時候亦是我第一次品嚐日本芥辣之時，那種刺激沖昏頭腦的感覺印象非常深刻，這個芝麻八爪魚調味是我喜歡的那種，不會太鹹點上Wasabi享用就更加滋味。在餐牌看見有一個很特別的蟹膏帶子刺身＄42/3隻，平時經常也會買帶子刺身來吃，但這個中間夾雜著邪惡的蟹膏還是第一次品嚐，除了有軟滑鮮甜的帶子刺身內裏的甘香蟹膏亦令成件刺身鮮氣滿盈，而且實在太抵食了下次一定要買夠半打才行。看見有手卷我又心思思想吃所以點多一個軟殼蟹手卷＄24 ，這兒的價位實在太抵食出面的軟殼蟹手卷沒$30應該吃不到，軟殼蟹炸得香脆不油膩內裏還有不少蟹子口感好正。最後還有這一客香蔥三文魚蓉親子丼＄76，回家打開一看內裏真的超級豐富，三文魚蓉滿滿得連飯也看不見，配襯海量的三文魚子真的令我很興奮，平時在超級市場買一兜三文魚子已經要＄

行過見有間日本野外賣店，價錢都幾抵食喎，買幾盒丼飯今晚唔煮先，呵呵。小店貌似新開張？所有野都好新淨，廚房望落都好乾淨，感覺唔錯。餐牌～有唔少丼飯，壽司拼盤，刺身拼盤等，選擇困難嘅話叫個拼盤就可以有晒全部野啦，佢仲有qr code掃可以自行落單。點完野食又望下四周先，雪櫃放住三文魚刺身，嘩嘩，條腩位好吸引喎。仲有其他凍貨賣，甜品呀～叫左三個丼飯，一人一盒正呀～香蔥三文魚蓉親子丼，自己點左呢款，吞拿魚蓉就聽得多啦，試下三文魚蓉先，綿綿的三文魚肉，加埋大蔥辣辣地好味喎。大切魚生丼，屋企人就揀左呢款大切，有甜蝦、吞拿魚、三文魚、希靈魚、甜蛋、蟹籽魷魚同埋蛋沙律，超豐富喎，全部魚生都大大粒，好鮮味好有口感～大切三文魚蟹籽丼，最後仲有呢個大切三文魚，呢盒就係三文魚、甜蛋同蟹籽，份量好多㗎，同樣係大切所以啲魚生都係大大粒。每款丼飯都有個麵豉湯送，個人覺得鹹左少少。丼飯六十幾蚊起，足料又多飯，一碗夠晒飽，抵食呀！

睇完戲一街都係人唔想同人迫食飯最好就係買嘢返屋企食巴倫紐附近嘅外賣我有好推介！禾川壽司專門店新開張，地方乾淨衛生價位正正常常我叫左個三文魚壽司拼盤自私食(一客十件)但諗諗吓每款口味得一件又未免太自私好啦，叫多一客香蔥三文魚蓉軍艦一客兩件，比老公都試下啦成個三文魚壽司拼盤都好好食呢舊三文魚蓉軍艦真心要特別推一推因為佢完全冇筋冇痴牙略略調過味，唔過火唔洗點wasabi都已經好好味呢間啲三文魚認真得喎我另外叫左個三文魚角切沙律五十幾，冇諗過咁大碗咁足料！菜底新鮮碎口三文魚角切夠大粒夠厚身唔係出面街比啲頭頭尾尾你嗰啲貨色另外要讚下佢哋比足豉油wasabi沙律汁全部都包得靚仔冇滴到周圍係誠意之作！值得一試！

疫情下少左堂食，經常會買上車食🚗，無意中搵到禾川呢間日本外賣食店，鋪面光亮潔淨，今次一於試試佢。😊見到有鰻魚飯🍱梗係要試下佢，呢個8吋浦燒鰻魚飯值得一試，份量都唔少，鰻魚燒得好香味道一流，佢額外比左鰻魚汁當然唔放過，用晒黎撈飯。👍🏻另外叫左個原隻軟殼蟹沙律，賣相非常吸引， 而味道都唔差，軟殼蟹夠味唔會有油益味。最後試埋蟹肉蟹膏反卷，蟹膏甜美無腥味 出面少見菠蘿味波子汽水，用呢個做總結美好的一個晚餐。

見外送app有呢間新開舖頭就試下，暫時叫左三次外賣，每次都好好食，三文魚腩刺身大大件又新鮮，其他軍艦/壽司都唔錯！算係屯門區外賣壽司黎講非常好一間店😋😋😋唯一美中不足係海膽三文魚軍艦既海膽真係太太太少，不過總括嚟講都非常可以！唔似某d壽司小店每次叫分量都好參次，時好時壞。btw上次叫辣味三文魚軍艦，d三文魚仲要係腩位！大大粒好抵食！鼓油唔係包裝，大大一盒！好評！一定會再幫襯！😋😋😋😋