禮記 (已結業)

THE MONTEREY PLACE除左DONKI外都係一個食飯既好地方, 今晚去左禮記食中菜, 門面簡潔亮麗, 座位闊落, 整體感覺舒適。坐低後店員第一時間問飲咩茶, 我地揀左出面較少有既荔枝茶, 清香又解渴。千島黑豚肉排粒  $128沙拉骨就食得多, 千島醬黑豚肉就第一次食, 又幾好食, 千島醬既酸酸甜甜令豚肉排既油膩感消失, 入口有肉香, 又開胃!銀芽肉絲脆麵  $198依個一定要相機食先啦, 賣相擺盤咁有心思! 脆麵凌空掛起, 有趣又吸引。打完卡店員會倒入醬汁同埋剪開脆麵, 唔洗自己郁手。銀芽同肉絲已經炒得好入味, 脆麵入口脆卜卜好香口, 食完脆既部分又可以食下比醬汁整淋左既部分, 一麵兩食。 銀杏鮮腐竹扒時蔬 $118同上鮮腐竹同埋銀杏湯頭, 配上清甜既娃娃菜,  正好解去脆麵既油膩感。

好耐無去飲茶食點心，今次唔去傳統茶樓，近近地試吓呢間將軍澳新開無幾耐嘅新派中菜廳！.🫖 茶芥 $13/位叫咗玫瑰荔枝，茶味清新帶淡淡花果香，飲落幾順喉。.🥟 紅菜頭松露野菌餃 $43餃皮加咗紅菜頭汁色澤鮮艷，皮薄晶瑩，黑松露野菌餡料飽滿，啖啖松露香氣。.🥟 京滬灌湯小籠包 $43呢款小籠包賣相吸晴，三種顏色味道係一樣嘅。外皮柔韌，鮮肉餡料咬落去幾多汁，但記得要趁熱食，凍左就會有啲變硬喇！.🥢 香茜叉燒腸粉 $39腸粉晶瑩通透，食落軟潤滑溜，叉燒肥瘦適中，加咗香茜多一份清香。.🐥 蛋煎糯米雞 $48呢款有啲似日式蛋包飯，糯米包住雞肉、鹹蛋黃和瑤柱等材料，外面再沾一層薄薄蛋漿，煎得香口軟糯。.總括而言：餐廳裝修典雅，環境寬敞坐得舒服，點心賣相精緻，水準不錯。唔想去傳統茶樓可以試試！

•禮記•自從將軍澳Monterey開咗Donki，多咗去附近行街，今次就揀咗食中菜，估唔到中菜都食到fine dining 嘅感覺呢🌟餐廳裝潢精緻，樓底夠高有空間感，播住中國風嘅音樂，感覺都幾relax，估唔到仲有花茶選擇🫖我地就揀咗”瑰荔堂煌”: 玫瑰荔枝茶，清香的玫瑰加上淡淡的荔枝味，絕對會一試就愛上!🌀錦鹵雲吞懷舊古法炮製糖醋汁，裡面有魷魚、雞肉同青紅椒等配料，非常開胃，另一重點係金黃酥脆的雲吞皮，吸收醬汁之餘食落脆卜卜，係會停唔到口㗎🤤🌀川味辣子雞平時食到的辣子雞好多時都會炸得較乾身，禮記的辣子雞相對較為juicy，香口得嚟唔會覺得熱氣，仲有一個加分位係伴碟嘅辣椒都炸得香口，忍唔住食咗幾粒呢! 辣度屬微辣，係大部份人可接受嘅口味，加返碗白飯真係絕配🙌🏼🌀瑤柱魚滑上湯浸時蔬以石鍋裝住上枱，夠晒熱辣辣，湯底鮮味十足，值得一讚👍🏻娃娃菜吸收晒湯底嘅鮮甜，清甜入味，魚滑爽口彈牙亦做得非常出色，為表示欣賞，我地係飲晒成煲湯㗎🤣

上次吃過禮記的點心覺得滿意，今天行完Donki順道來禮記吃晚餐。餐牌選擇多，有小菜，也有套餐。因中秋吃多了，今晚便叫些輕盈的菜式。冷盆松露醬手撕雞精緻有水準。青瓜清爽又甜又脆，手撕雞微咸有雞味，松露醬提升整個菜的風味，開胃好吃。红燒花菇豆腐雖然簡單，但極好味。我們最欣賞那些滑滑有豆味的豆腐。這菜比我在酒店吃過的做得更好，推介。蛋白鮮蝦炒飯也突顯厨司的手藝。飯不油膩味道好，每粒飯都晶瑩有咬口，蝦仁蛋白不錯，好味到我連吃兩碗。荔枝玫瑰茶清香。此店食物出品精緻，環境服務都好，價錢質量合理。兩個人消費約200元一位。下次約多幾個朋友來飯聚，試其他招牌小菜，湯品或套餐也不錯。

幾個朋友好耐冇見，想搵個地方舒服好坐，有人就提議嚟呢間新店一試 一坐低，打開餐牌竟然有魚皮，即刻叫咗先調味唔錯，不過魚皮再脆啲就仲好😅脆皮雞真係又脆又好食，不過要趁熱食，凍咗就會唔脆🥲 加埋青檸汁更好！季節限定嘅上湯白蘆筍，幾入味😋小炒王，合格之上個蟹味道唔錯，只係個汁太稀，唔太上到伴食嘅法包個麵自己企左係度 ...呢個酸甜蝦脆脆麵，打卡一流，而且睇得又打得，好好食值得一試

今日係將軍澳行完Donki搵野食，原來將軍澳南嘅餐廳真係幾少🤣兜咗個圈最後揀咗呢間中餐，價錢定價唔算特別平，但係裝修同環境就幾好。.🍴 銀芽肉絲脆麵 $198打卡銀芽肉絲脆麵，驟眼望落去好似懸掛喺半空中😍 呢款麵的特色在脆卜卜既麵條淋上銀芽肉絲茨汁，又脆又軟的口感，但記著要襯熱食，因為淋左就唔好食啦。.🍴鐵板蜜汁叉燒$98叉燒在鐵板上火熱燒煮並淋入蜜汁，香甜撲鼻，咀嚼時滋滋作響👍🏻唯一美中不足既係叉燒偏瘦，如果肥叉就仲正😆.🍴瑤柱魚滑上湯浸時蔬$138簡單又清既菜式，瑤柱魚滑幾唔錯，舊舊都有條條瑤柱絲，配上小棠菜再淋上濃郁上湯。.與其話係餐廳，其實更似高級中菜館，食物質素高，最後想一提，佢個荔枝菜好特別又好飲，建議大家都可一嘗😆

見就黎到中秋節🏮同屋企人去食返餐飯🥰就黎左呢間幾骨子既餐廳😍見佢餐廳夠大、座位闊落D，比較岩帶埋長輩去!一坐低，waiter問我地要咩茶，我叫左玫瑰荔枝烏龍😍好清香呀，估唔到有咁特別既選擇👍另外，仲有蠶豆小食送，好香口!沿路睇MENU，一路睇人地枱既小菜，見佢既菜式都整得幾精緻同埋好有擺盤咁樣，未食都期待😍椒鹽脆豆腐：好香脆，入面豆腐又夠滑身，上面灑左少少椒鹽，做前菜都真係幾香味! 不過就真係要趁熱食，凍左就會無咁脆身，始終豆腐都比較多水份千島黑豚肉排粒：食落唔會話好多肥位，豚肉本身都幾夠味，再加埋千島醬，成件事好邪惡呀😈銀芽肉絲脆麵：waiter話係呢到既招牌，必試! 脆麵一架到，好浮誇😂筷子凌空卷起D麵😂打卡一流!上菜後，waiter仲好自動自覺地俾客人打左卡先，再幫您淋芡汁😂麵到加左豬肉絲、韭黃、銀芽，都幾足料，夾埋個脆麵一齊食，都不錯😇🌸我覺得做節呀、請客呀，好岩黎呢間餐廳，睇得又食得環境：⭐⭐⭐⭐⭐價錢：⭐⭐⭐⭐味道：⭐⭐⭐⭐📍禮記將軍澳唐俊街23號MONTEREY Place地下G19號舖

夏天最鍾意食辣野夠晒開胃，近排我真係好喜歡食酸辣唔知你哋鍾唔鍾意食呢😝😋呢間中菜館裝修簡直中式格局，座位都比較寬躺 ，柔和燈光同朋友坐喺度傾偈真係好適合嘅地方✨😍✨老壇酸菜魚一坐低order酸菜魚🥰好快到了枱上我同朋友眼都凸見到😳真係好大碗仲要材料好充足有花椒 、生薑 、蔥段、乾辣椒、蒜、白胡椒粉、粉皮 、酸菜、芽菜仲有配角鯇魚😍材料真係好豐富，味道獨特鹹鮮酸辣、香甜椒麻的好滋味，粉皮索晒所有湯汁有浸酸酸 甜甜 辣辣愈食愈開胃😛😛稍為我覺得辣度唔夠辣🌶🌶如果加多少少辣更加好味😋✨松露醬手撕雞平時食四川菜都係涼拌就係青瓜手撕雞而特別就係改良咗個醬汁就係用咗松露醬，聞到松露嘅香味食落去嗰一啖手撕雞配醬汁好夾一啲都唔油膩，青瓜切到一小條食落去新鮮爽脆

一段日子冇去過將軍澳MONTEREY Place，今晚發現個場旺了很多，商場內和地舖都開得八八九九，繁華熱鬧，朝氣勃勃！進駐的食肆有西式Cafe、日式、韓式、泰式…其中見到一間頗華麗的中菜餐館，中國風之餘又不失時尚感覺！老公喜歡食中菜，就決定在這裡食晚飯。餐廳呈長方形，內籠幾深而不足二十檯，空間感十足坐得好舒服。播放着柔和的音樂，聽落好似是古箏的樂曲聲。而牆身掛上大大幅牡丹畫亦增添中式色彩。坐低先點了普洱茶，茶壺、杯子餐具都很精緻，而且每枱的杯子花斑都不同！蜜汁叉燒$98用鐵板上，上枱時吱吱喳喳聲熱辣辣。叉燒係完塊未砌的，超厚好似厚豬扒，啖啖肉之選！紫洋蔥墊底，可以自己用刀砌出喜愛的厚度。叉燒瘦瘦的，沒有多餘脂肪，配合蜜糖甜甜地幾好食！😋懷舊鳳梨咕嚕肉$128 擺盤好靚、打卡一流，咕嚕肉炸得鬆軟，仲有甜椒、鳳梨，個酸甜汁好味，開胃惹味之餘唔會太濃太酸。蝦乾雜菜煲$138三個小菜之中最得我歡心，蝦乾、粉絲、雜菜有西蘭花、菜心、小棠菜，還有少少野菌，看似簡單平凡，但又令人食完一啖又一啖，蝦乾好大隻，粉絲入口軟滑！上湯滲入雜菜和粉絲令味道提升。平時出街食飯之後，老公都會話口乾，今餐佢

錦鹵雲吞有別於廣式炸雲吞，雲吞皮炸得鬆脆而不油膩，加入蝦、魷魚、叉燒、青紅椒，酸甜汁的酸甜度剛剛好，惹味又醒胃，忍唔住一口接一口。懷舊鳳梨咕嚕肉其實咕嚕肉唔難煮，做得好味卻很難，令人眼前一亮，外脆肉嫩，食落啖啖肉，肥瘦均勻，加上酸甜汁剛好掛汁，加上爽甜的鳳梨，好開胃又送飯。銀芽肉絲脆麵將麵炸得香脆，伴以爽口的銀芽，將濃郁豆豉芡汁，淋在炸至香脆嘅麵底時，仲會發出滋滋聲，食到最底變成又脆又軟的口感，賣相滿分，打卡一流 。

放假嘆一盅兩件, 嫌去得太多傳統酒樓食點心開始覺得悶, 今日就去咗間新派酒樓, 賣相同味道都很有驚喜, 價錢相對亦唔會太高。餐廳環境闊落舒適, 入座先送上熱茶,點了好幾款點心share試試【禮記黑金蝦餃皇】HK$58黑金色蝦餃皮更顯貴氣, 皮好薄, 足料蝦肉餡鮮甜彈牙, 但稍為有d偏鹹。【紅菜頭松露野菌餃】HK$43皮同樣薄, 一咬落去, 粒粒野菌餡令口感更有層次, 兼很重松露香。【黑金流沙包】HK$39流沙包軟熟, 流沙餡澎湃湧出, 奶黃味濃郁【奶皇炸煎堆】HK$39炸煎堆外層不油, 表面很有芝麻香兼鬆化, 中層好似湯丸嘅口感, 再包住流沙奶皇餡, 正! 推介! 【香茜叉燒腸粉】HK$39腸粉皮晶瑩通透, 好滑, 叉燒切成細粒, 有層次得黎又唔會好硬, 仲加咗少少莞茜, 多一點清香。 

裝修很典雅， 中式的裝橫和掛畫，茶杯也十分精緻，有玫瑰荔枝茶很特別， 有淡淡的玫瑰和荔枝味鐵板蜜汁叉燒($98) 非常熱辣辣，上菜的時候蜜汁還在滾燙，好大件叉燒，成塊豬扒咁大件要自己砌，偏瘦， 蜜糖味適中， 不過略嫌叉燒唔太夠入味禮記小炒皇($208) 不只是炒韭菜花咁簡單， 還有很多矜貴配料，例如蝦乾、鮮蝦、魷魚等，是款精品小炒頭抽乾炒牛河($138) 新鮮炒起， 不單有牛肉片，還喜歡配搭了很多韭黃、芽菜， 增加口感

禮係禮義廉恥之首，禮記俾我感受到廚師對食物嘅執着嘅態度都係一種禮貌！發乎情止乎禮！幾乎係屋企老人家指定中菜館！👴🏻千島黑豚肉排粒🐷千島醬配排骨都係第一次食！啖啖肉加上千島醬好特別！銀杏鮮腐竹扒時疏🥬腐竹好滑，娃娃菜好甜！一定要飲埋個湯因為個精華喺晒個湯度！銀牙肉絲脆麵🍝呢度炒麵店必點，好有特色，鐵板上，食極都係熱嘅，幼面炸到卜卜脆，鍾意食吹口嘅炒麵嘅人一定唔可以錯過，因為真係超級脆！出面好難食到又唔會炸燶同感覺到好油膩！將軍澳區唔錯嘅中菜🙂

今晚又去海旁搵食喺條唔起眼嘅路邊發現到呢間中菜見佢裝修都幾雅致就入去試下環境幾舒服好似去啲高級中菜廳咁侍應都好殷勤開左壺靚茶飲下先揀左特別啲嘅荔枝玫瑰茶茶味清香用嘅茶壺都好講究感覺儲熱好好，一直可以保持水滾茶靚～請侍應推介下菜式佢介紹我地招牌嘅銀芽肉絲脆麵同鳳梨咕嚕肉我地再加個瑤柱魚滑上湯浸時蔬鳳梨咕嚕肉擺盤精美咕嚕肉酸甜適宜肉件肥瘦相間而且唔會太大舊好易入口送飯一流！瑤柱魚滑上湯時蔬魚湯清甜時蔬翠綠浸過上湯蔬菜更淋更易入口銀芽肉絲脆麵賣相特別造型吸睛竟然可以將原雙筷子夾喺脆麵當中！侍應俾我地相機先食後就幫我地淋上醬汁再將脆麵剪開亦細心提示我地小心脆麵會整污糟我地件衫脆麵好爽口比一般更脆醬汁另上更可以滿足各人要求要淋要脆，悉隨專便成餐飯都食得好舒服食物質素高環境又好播嘅歌中國風得黎又好啱聽唔錯～

將軍澳最近開咗唔少西餐廳，連中餐廳都夠㗎!! 當日同朋友食晚飯，以小炒為主😋 如果下晝去都會有點心食😁.❤️懷舊鳳梨咕嚕肉 $128: 咕嚕肉賣相好靚，外層非常香脆 唔會淋晒👍🏼份量都幾多，仲有唔少菠蘿、青椒、紅椒等😊 甜酸醬非常開胃💕🍝禮記炒米 $128: 炒米好香口😀 有叉燒、蝦仁、蛋絲、韭黃，份量都幾多😆.🍄 紅燒花菇豆腐 $138: 紅燒豆腐茨汁好濃郁，又夠鑊氣🥰 豆腐內裏非常嫩滑，配上花菇同菜心不錯👍🏼.🫖瑰荔堂煌: 玫瑰荔枝茶味道清新，荔枝味好出色😇