影片
依家d食店好多都收好早。8点几就谂住求其坐低揾食。路过呢间收9点 （8：30截单，好在赶得切）就入去谂住医肚。餐牌好多页，有选择困难症嘅我真系唔知点拣好。最后就叫左个平时好钟意食但好少食到好食嘅西柠鸡扒+18蚊仲有汤有饭。例中汤系西洋菜汤，不过不失，淡淡地，起码唔系味精水。西柠汁不是杰挞挞的那种，不太酸亦不太甜。鸡扒粉浆不会上得太厚，鸡扒亦几嫩滑。总括而言，都算唔错，食完返屋企无口渴。下次会想再来试试其它菜色。
继续阅读
如题，打紧呢篇食评嘅当下我仲等紧个出前一丁，我朋友个鸡扒蛋包饭等得仲耐。我真系无法理解咩餐厅可以整一个常餐整半个几钟，我地两个餐都唔系好复杂姐，又冇焗嘢又冇炒嘢。隔离台催单，个侍应就答冧档个个都要等，大佬你地接唔到咁多单，就唔好开咁多台客啦😅一句冧档就老冯要我坐系度浪费自己时间？lunch hour个个都赶时间㗎😅🙏🏿网上外卖平台𠮶啲又照收，冇病啊？？？衡量过自己能力先开舖做生意啦
继续阅读
看来, 我的命格, 似乎是和星洲炒米相克的.上一篇食评, 无独有偶, 都是有关星洲炒米(粉碎)的负评. 老实说, 今次食物质素没上次那么恶劣. 但不合理的完成时间, 和食质素低劣同样令人不快.我是亲自到收银落单的. 我怕人多, 也怕冗长的轮候时间(包括等位和上菜), 所以可能的话都会避开十二至二这段繁忙时间. 我是近三点才落单的, 也一如所料, 在午市和三点三之间, 单数不会很多. 当时可容纳十多廿枱(四人枱) 的食堂, 只有五六枱客; 往后的廿分钟, 也只有一单外卖. 我是等了十分钟多一点, 才开始追单的, 那四个一路闲企著的侍应的其中一个, 说师傅正在炒. 我也没办法, 只好继续等. 但竟然要等另外十分钟, 外卖才拿出来.我不懂烹饪, 所以请问星洲炒米的工序是一是很繁复的呢? 是不是要落单后才烧叉烧, 剥虾壳, 拔芽菜等等?为了一盒十分钟吃完的快餐, 竟然要浪费差不多一半的午饭时间.我以后不会再冒这个险帮衬这间.
继续阅读
星期六日踩单车最钟意黎呢到食，今日系平日，但细仔放假，所以同佢一早去恐龙公园玩，不过原来8am都已经好多人，玩到11点已经要排晒长龙，我话不如过禾𪨶食呢间..一时醒唔起呢到有学校同地盘🫨 等咗15分钟先有位，我哋三个人，坐4人枱，繁忙时间要搭枱。我哋系排队嘅时候已经谂好食乜，一坐低就嗌，坐咗一阵有人搭枱，佢个餐仲快过我地，不过野饮就催咗1次。餐饮有啲乱，其余嘅都ok食物蒜蓉汁鸡扒焗意粉好香蒜蓉味，鸡扒都好好食！但系意粉有啲涨。自己拣系列-吉列鱼柳肠仔，蒜蓉汁意粉冻柠茶其他真系超full同好忙，3个人大枱要拎筹，等咗大概15分钟。呢度其实真系值得食，不过下次一定唔会系学校日子黎，唔好阻住学生同真汉子食饱返工返学🙏🏻11点半到1点都好爆
继续阅读
【沙田区】【禧华餐厅】我住沙田区，不过有睇开我写嘢嘅朋友都知道我真系好少喺沙田食嘢。然而，其实我系喺沙田读书，沙田区周围都中意去游荡吓。例如老牌屋邨禾𪨶邨，成个商场街市建筑群大装修咗之后都好少去，咁啱同家严去开就食埋嘢。始终家严系一个年纪比较大嘅男人，所以佢都会倾向食茶餐厅。咪住先，点解呢句嘢好似怪怪哋咁嘅。不过睇唔出有咩问题嘅时候，我已经喺餐牌度拣咗个铁板猪手嚟食，听家严讲都几大份，所以想叫嚟睇吓，点知下昼唔整。咁我唯有退而求其次，叫个 $48 嘅全天候常餐「美国鸡扒出前一丁」，配「火腿奄列」同「牛油多士」，好嘅地方系佢冇将块鸡扒墨守成规咁放喺碗面度，而系放咗喺配菜度，保留到煎鸡扒嘅风味。奄烈有蛋汁，属用心之作。加 $2 要埋「冻柠茶走甜」，用咗不绣钢杯有助保持温度。家严就要咗 $40嘅「叹个下午茶」，佢拣「意式香肠焗肉酱意粉」再加 $2 饮「冻柠茶」，好似焗得几靓而佢又食得开心。一个常餐一个下午茶，埋单价 $92，唔贵。。。（地址：沙田协欣街1号禾𪨶邨智和楼地下SU29号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田区 #沙田 #禧华餐厅 #茶餐厅 #全天候常餐 #美国鸡扒 #出前一丁 #火腿奄列 #牛油多士 #冻柠茶走甜 #意式香肠焗肉酱意粉 #冻柠茶 #1am1136 #1ambackup
继续阅读