福興印尼餐廳

营业中

休息中

星期五晚，原定與女友去銅鑼灣睇戲，但因臨時加班，只好作罷，突然想吃黃薑飯，曾試過敬誠街的印尼美食館，今次就去電車路旁的福興粉麵吧！福興位於糖街與怡和街的交界點，鋪位前身曾是文輝魚旦大王，附近有不少印尼超市，應吸引不少「街坊」幫襯。茶餐廳格局，餐牌上除供應特色的印尼菜外，竟然還有香港地道的車仔麵，就連廈門炒米和上海粗炒 (英文名卻寫著 Fried Noodle in Japanese Style?)　都可以找到，選擇範圍極廣。最想吃的印尼黃薑飯 ($53) 八點未到已告售罄，唯有退而求其次，二人要了巴東牛肉飯 ($48) 及特色椰汁雞飯 ($48)。跟餐附送的羅宋湯，色水淡，有一些紅蘿蔔粒及薯仔粒，更「免費附送」雞腳趾一隻，湯的味道好濃，應該下了不少「師傅」。再試一口凍奶茶，奶與茶的比例竟是五五之比，糖漿也下了不少，甜得我面容扭曲，眉頭可夾死烏繩，立即舉白旗放棄，或者港式奶茶及西式羅宋湯不是福興的招牌，主菜不會太差吧？特色椰汁雞飯及巴東牛肉飯先後送上，前者醬汁顏色較紅，毫無椰香，味道卻帶少許辣，送飯吃還可以。配料方面，炸蛋上放了辣醬，幾特別，但卻是凍冰冰的，感覺不太討好。「雞轉彎」就更糟

我同媽咪去銅鑼灣好多時都係去呢間食野我可以食到好辣既野所以特別鍾意食個度Ｄ辣野黃薑飯蛋上面Ｄ辣椒醬夠晒辣另一個係炸雞上面鋪好多辣椒醬既飯勁好味又夠辣個度到野又唔係特別貴‵比起其他印尼餐廳算平＄５０一個飯左右我同媽咪食左兩個飯加杯野飲都係百幾蚊左右真係唔算貴既

lunchtime想搵吓新嘢食行過見到門口寫有車仔麵就諗住試吓入到去原來係間食印尼嘢o既茶餐廳睇個門口以為係普通茶餐廳入面又員工以至客人都係印尼人多啲揭吓揭吓個餐牌,叫個飯/麵大概三十多~四十多元價錢比想像中貴少少改變主意,唔叫車仔麵,叫咗個招牌印尼撈麵,睇吓佢有幾招牌撈麵有蛋,有菜,有雞翼撈麵有酸酸鹹鹹的味道,好得意,起碼平時食中飯/西飯好少呢種味道醒胃之選!好味!yeah,以後食飯又多個新選擇!下次試其他嘢

22.7.2008 (二)Sam Sam就黎走啦,於是就和endi同她一齊吃食個"最後的lunch"~我地有時放工都經過哩間餐廳,一直都猜不透哩間野到底係食乜gei..好似茶餐廳,但係又有d印尼人出現架喎...仲見到蔡san個食評添!!!於是我地就黎一探盧山真面目喇~我叫左個特式印尼炒飯--份量好足呢!! 辣辣地...有蝦、蛋絲,幾惹味,炒得都幾乾身唔油!sam sam食咖喱雞飯+飲品(lunch set)--我偷食左dd,嘩,我最鍾意咁有椰味的咖喱架~~愛黎撈飯真係一流呀!! 有機會再黎食的話我一定會食哩個!endi食紅燒排骨飯+飲品(lunch set)--佢話幾好味,d肉煮到好淋,骨都軟晒咁滯,正式係"骨肉分離" (嗚,咁慘?!)再叫左一個雜錦串燒,d沙o爹醬就好夠,不過唔知係牛定羊個串好硬!哩d餐廳仔都唔奢望環境好成點,但係隻小強都太過份,一而再,再而三咁晌我地面前行黎行去仲要幾大隻下......(用手機影相,質素差了點,請見諒)

今日去完銅鑼灣做野, 做完收工行下街.糖街小巴站旁有著一間非常地道的印尼茶餐廳, 裡面除了正宗印尼飯面小菜. 那個ABCDE餐仲有上海粗炒, 紅燒排骨.看另一邊紙版, 有四川麻辣米粉, 雲南米線, 仲有車仔麵. 可以一贊師父好野, 能集多菜之大成.我點了爪哇羊肉飯. 個汁好香口, 羊腩好霖, 可以說是正宋印尼菜. 連印傭都有幫襯.

係香港嘅印尼菜館並唔算太多，地道嘅就真係有如鳳毛麟角，昨日好好彩竟然俾我揾到一間..茶餐廳格局，就咁望落去點睇都唔似係食印尼菜，而事實上佢亦有類似茶餐廳嘅嘢叫(如車仔麵、三文治及碟頭飯)，但嚟到點可以唔叫地道印尼嘢呢..差唔多全部客都係印尼人，感覺好地道...女友係串燒狂人，一睇menu就叫咗雞沙爹串燒飯團，我就叫十五夜飯團，再加一碟蝦醬通菜。飯團樣子別緻，造成一個個好似棋子餅嘅物体，食落去感覺軟糯，濕濕地，口感新鮮，可惜唔夠熱，差咗D；串燒十分精彩，雞肉醃得夠味，串燒醬味夠濃，再加上大量花生粒，食到唔停得口。十五夜係印尼地道飯食，响香港唔係處處有得食。查實即係雜錦飯團。材料有半隻蛋、雞肉、碎羊肉，再加上大量蔬菜如豆角及紅蘿蔔，配上椰香咖喱煮成。食落好地道，放面嘅蝦片有D透風，失色；雞肉比較嚡；碎羊肉有少許羶，唔錯；咖喱椰香夠，不俗...通菜炒得算夠鑊氣，蝦醬味亦夠，算係咁...二個人只係食咗一舊水，買一個地道嘅飲食體驗，有賺la..

5月26日，9:45辦完公事後，已近22:00，餓極。見人氣車仔麵有人龍，便到這店開餐，全店有三檯客，祇有一檯是港人，其餘全是印尼人(抱括店員)。要了招牌炒麵，等了十五分鐘，麵仍未到，而廚房內師傅已開始清潔爐灶，急忙要伙計追單！五分鐘後麵才上檯。麵：偏淋的公仔麵，麵上灑上了香葉和香料。配料：炸雞中翼兩件，香脆，香料入味，炸鹵蛋半隻，炸漿極薄，但仍感香口。吃後極口渴>m<

寫了附近的Warung Chandra，都要寫寫這裡，因為是另一間幾地道的印尼餐廳。又是另一個睇舖日子，不過今次是獨自進行，下晝正職又有會要開，只係得半個鐘食飯。諗住求求其入來快快手搞掂一餐就算，點知原來吃過，這裡的印尼菜都不錯。地方是正宗茶餐廳格局，直角卡位加幾張圓檯，仲有d膠餐具，不是看餐牌也不知是以印尼食品作主打的。選擇眾多，價錢便宜，第一次還是叫基本菜色，所以就要了黃薑飯。黃薑飯加上配料，是幾大埋頭。伴碟的有蝦片、醬牛肉、花生炸魚仔、半隻醬蛋及炸薯餅，加上份量不少的黃薑飯，賣相不錯。先吃幾口黃薑飯，有香料的味道，也有淡淡的椰汁味，不過就略為濕左少少，但感覺是正宗又地道的。伴碟配料中，最美味的就是醬牛肉，夠濃味又夠辣，牛肉炆得軟腍，相當不錯；醬蛋當然亦好，酸酸甜甜，幾開胃；花生香口夠脆，魚仔鹹鹹香香，可惜還要返工，如不是整支啤酒真的不錯；當然最滿意的，還有那一堆炸蝦片，其實上次在華苑已給食友發現，我是非常喜歡炸蝦片的，可以一吃不停口。估不到在這碟黃薑飯中，也可以吃到這麼多蝦片。總括而言，水準是不錯的。老闆娘見我好有興趣研究餐牌，就埋來傾左幾句，態度幾誠懇的。見菜牌還有其他特色印尼