福祿壽健康素食

营业中

休息中

平日餐餐大魚大肉，午餐想食清淡而有飽肚，素食都是不二之選，這間餐廳是很多白領的飯堂，每天一到午飯時間全店滿座，人流不斷，各人都很熟悉店內運作，駕輕就熟，先選兩樣素菜款式，每日不同，大約有五至六款可供選擇，總有一款素菜款式你會喜歡，另外，有素湯、粥、米粉任食，當然不要浪費食物，量力而為。味道很不錯，份量十足，絕對是素菜首選之店。只是店內位置有限，因要容納較多人，所以難免座位會較窄，但每人食完都會自動自覺離座埋單，有規有矩。

係中環返工既朋友都知中午食飯有幾貴閒閒地一個飯盒收四、五、六十係好平常既事想食平D其實冇太多既選擇不過最近有同事帶左我去買素菜飯盒好抵食喎 +__+ $28 有三餸飯加例湯由於係素食餐廳，所有餸都係素菜，冇肉食好彩對我黎講都唔係問題試左好幾次，味道唔算得上好好味，但唔差架，好似屋企飯咁。個人認為性價比好高！雖然冇肉食，但三餸飯加湯係飽既～餸菜方面十分推薦8號素鵝😆😆😆好食仲要每日都唔同款，我次次都會揀之後加個蔬菜類同豆腐/蛋類既就差唔多Lu每日既素菜單都會放上舖頭既Facebook 😮😮我習慣買之前都上去望一望，揀定要咩餸去到講想食既餸號碼就OK la ~比完錢記低自己個飯盒號碼，等叫號～係中環可以買到咁既平價飯盒真係值得支持！希望店家可以長做長有係中環返工既朋友可以試試丫！

話說我仲系度猶豫緊，有4個心水菜色，揀3個落order時候，我揀咗我至愛的乳豬，仲有茄子同素鴨，放棄了第2最愛的菜甫蛋(考慮沈日食咗好多蛋)。可能乳豬同鴨太類似，居然執錯number,無咗鴨，變咗蛋。係你始終係你，今次的出錯沒有想像中的不開心，反而好開心，唔洗我揀，帮我揀咗，哈哈，與蛋有緣。不過星期六唔係有糖水送咩? 我見張紙寫係薏米腐竹㗎，點解得湯嘅? 唔通送晒? 由佢啦，我都行走咗咯。始終無緣嘗嘗佢啲糖水，一次都未試過。

今日再食福祿壽，好方便，可以上facebook睇菜單，日日update。今日個滑蛋係涼瓜，唔食lu。 牛腩蘿蔔唔得囉，得半粒丸就叫牛腩，加得一小塊枝竹同無限多嘅蘿蔔，味道仲好一般。紫菜素鴨都ok, 都係素乳豬好食好多。我幾鍾意食呢間，平吖嘛，又唔遠，款式多，都ok好食。最好係佢嘅炸嘢，啲素鴨素乳豬真係款款唔同味㗎，唔係坊間所謂嘅深圳齋，一大包深圳做運嚟開包翻炸，似係佢哋自己整嘅。湯仲日日不同，星期六仲送湯送糖水添，$28 超級抵食啦。

呢間舖成日聽同事講，之前係搭單叫同事買，今日終於自己行咗嚟買。$25 2餸$28 3餸送湯仲有十幾個菜式任揀去邊度搵，仲要中環喎啲嘢食都好味㗎，餸菜仲好夠份量，反而飯真係算少。最鍾意就係佢個叉燒菜甫炒蛋同素乳豬，同事嫌佢油咗啲，我都可以接受嘅。

這素食店雖平靚正，但仍有改善空間，如有時有牛扒的菜，其實只是幾粒牛粒，如鮮茄免牛，免牛份量等同幾粒鼻屎，這隨時違反商品說明條例。此外，因任食是自己舀湯，基於地方淺窄，隨時出現人撞人（或阿姐）之情況，出現勞保或三保賠償機會很大，保險公司需留意。

今日不想出外吃，便與同事訂外賣。這店有每天更新的網上菜單，現在更有面書版本，方便食客訂飯或預先選定菜式。可選兩餸，選三餸會送中湯足料一打開飯盒，餸菜滿滿的。色澤也漂亮，應該挺新鮮。我選了素肉豆卜炆節瓜、梡菜腐皮炒芥蘭和菜圃叉燒炒蛋。節瓜新鮮，多水分；豆卜吸了汁，好味。芥蘭煮得腍，而且有甜味！ 梡菜鹹中帶少少甜，很惹味，跟腐皮很配合。菜圃炒蛋除了有菜圃，還有紅蘿蔔粒、青豆粒和玉米粒，炒蛋吃起來更有不同質感。飯可以選白飯或混了紅米的飯。我選擇有紅米的，健康點 不過飯就腍了少許。難得的是這些齋菜沒有加味精而味道調較得不錯。在中環，$30有這樣的質素（三餸飯外賣自取$27），已經是個驚喜了，十分抵吃。這間齋飯店是一個不錯的素食選擇。

餐單內容天天不同午餐菜式有十多款點選兩個午市套餐圖的中上方-- 西蘭花芋頭粒炒滑蛋 + 西芹藕片炒雙花 相比西蘭花，椰菜花較腍。藕片超爽甜；但就沒發現有西芹，芋頭粒不太多。圖的中下方 -- 西蘭花芋頭粒炒滑蛋 + 梅菜菇粒梅菜很爽口入味，但不醎是日湯水 -- 鮮茄薯仔煲木瓜有很多木瓜，蕃茄同薯仔大多都煮溶於湯中，因此味道清甜除白飯外，還有紅米飯、炒米粉、炒麵及炒可粉。同湯一樣，都可自己任裝。所有食品都不覺有落味精，調味亦不濃，很清淡

同事早上在外工作，完成後順便買飯回公司，小人乘機搭單，其實不知道他買甚麼的。原來是素菜，兩餸飯是粟米什豆和南乳粗齋。粟米汁甜甜地，什豆軟硬適中，沒有雪味，不錯。齋菜有枝竹、珍珠荀、黃芽白、雲耳、冬菇、磨菇，非常足料，南乳汁頗烯，不過是夠味的，而且多得漏出飯盒外，撈飯很是和味。這個飯盒才$24，又便宜又健康又飽肚，無需每天大魚大肉，偶然一次的齋晏也吃得很舒服。

下晏自己食，得半个鐘唸下边度食又平又抵，就唸起福祿壽。平時成日外出大魚大肉，今日就食清d。未去到间店，已經在入口處有一大堆鳥在供候，怕鳥的人要小心啊！我選擇我外賣，有成+几款素菜比你擇。2餸25, 3餸27包湯。咁梗係27蚊抵d。湯很清，有微豆及菜，冇味精，不過太淡所一大我不太喜歡。飯是熱辣辣的，我選了白飯。素鴨賣相及味道都不錯，津白很爽，薯仔也很入味。

知道福祿壽這間小店是從素食群組中看回來的，每次見到素友介紹福祿壽的大大份午餐都相當吸睛，可是自己鮮有會在星期一至六的中午時段在中上環啊...因今早早上要出去灣仔幫老闆辦簽證，然後又要去上環辦車務，於是我就趁機去福祿壽食餐晏﹗(開心)從群組中吸收了資訊就是午餐11am開始，12pm後開始要等位，所以如果是堂食就盡量在11點半前到達，最後我在11點半去到果然有不少人食緊飯了。阿姐見到我便叫我隨便找個位就座，坐好我同阿姐點餐，之後便可以自己去取飯麵湯。廚房外分別放有一盤白飯﹑一盤紅米飯﹑一盤炒米炒麵炒河及一窩是日湯水，全是任飲任食的，絕對適合大食的我﹗見到麵盤內有一隻煎蛋和數件蘿蔔糕，好彩看過素友講解，原來早市有賣剩的食物店方就會放在午市做埋任食，哈，竟然給我遇到突然有種賺了的感覺，呵呵﹗每件蘿蔔糕都是超大片，雖然煎糕放在蒸盤中不過食落外表仍帶點點脆身，味道清淡，有少許蘿蔔絲，都算不錯哦。店方每天都提供十幾款素菜，是次我試了雜菜薯餅及薑絲炒菜心，薯餅是薯蓉再煎香，內含少少菜絲，味道偏清淡，薯餅有四大片吃完這些都飽肚反轉了，而菜心鮮嫩無渣，帶少少薑味，好吃。因為平時食白飯較多所以今次主攻炒麵及

午飯時間, 同事推介過呢度好平, 但話 lunch hour 好難等位,趁boss唔起office, 早左蛇出黎食飯, 去試下佢有分2種餐, 1個係2個送, 任食飯面湯 --> $29另1個係2個送,配飯 --> $32差3蚊, 緊係任食啦, 感覺上抵d ma揀左梅子汁素鴨,同素雞翼,好勁呀, 隻素雞翼做得好似真, 個表面就查左d醬, d醬甜甜咸咸咁, 好夠味, 但其實食完一隻已經唔想再食, 因為佢成隻都係米黃色類似豆腐干果d野整成,個人黎講覺得佢太實,食到我好攰,所以冇乜心機食落去梅子汁素鴨好好味, 個汁酸酸甜甜好開胃, 同埋我本身好中意食素鴨, 佢冇平時街買果d素鴨咁干, 唔係一咬落去,d汁好似會咇出黎咁, 真係好好味呢一餐完全唔覺得自己食緊素食, 似食緊普通碟頭2送飯任食,所以湯係可以任裝ge, 但湯就一般般啦, 飲完都冇印象自己飲左d咩, 雖然個鍋好多料, 但好淡好淡, 可以肯定佢冇落味精~因為佢個餐冇野飲跟, 我飲湯當水, 飲左2大碗, 番到公司都唔覺口渴....很難得

I've been intrigued by the place for a while given that it's about the only Chinese vegetarian place within a lunch-run's reach of my office. As I didn't have time pressures today I decided to join the lunch scrum and see what was what. Lunch time here is definitely not a sport for the nervous eaters out there, you must wade through the crowds of office workers to place your order by selecting (or in my case pointing at), two or three of the dishes on display, then pay the order-taker and wait i

中環雖然都有素食餐廳，但早餐時段都開既真係少之有少。好開心福祿壽7：30就開，早餐價錢係中環地段係超級超值。腸粉/蘿蔔糕+粥/飲品只係15蚊，麫+粥/飲品18蚊，非常實惠！今日天陰冷雨，叫左粟米粥同蘿蔔糕，$15。行返office開餐，啲食物仲好熱。個粥有陣陣白果味，蘿蔔糕有3大塊，厚既，睇到一條條蘿蔔絲。食完好飽。下次會試下其他早餐

呢間＜福祿壽＞嘅外賣飯盒價錢好平，$22兩餸飯，喺中上環區可以話係碩果僅存，每日有十多款餸菜以供選擇，每日中午會限量供應混有紅米白飯，味道方面，餸菜唔會太濃味，炒菜亦少油。例湯足料，飲完唔會口乾乾，係追求健康人士必然之選。