福滿樓川粵酒家 (已結業)

前幾日Miss結婚,我同dFD去睇完佢的婚禮後,就去呢間福滿樓食野,因為我媽同嗰度老板熟,有折扣,so呀媽叫我去嗰度食野,嗰度d點心都唔錯,食落去d口感都ok,+上d點心好平,9蚊一盅,上湯菜肉雲吞好正,我極度推荐,我dFD個個話好,南乳炸雞奕味道好特別,唔同d街邊d炸雞奕,冇咁油囉,大蝦沙律都好正,蝦好鮮甜,生果又多,又新鮮,40蚊碟,都幾平下,環境幾乾淨,d Waiter態度很好,不過toliet超細,但好乾淨。

上星期日晚同流沙包出佐尖沙咀食飯, 因為流沙包剛剛入佐Marco Polo既Privilege Club, 有一張食中菜一圍既唔知咩coupon, 於是流沙包就約埋班同事一齊黎食, 菜式如下: 荷葉花彫籠仔蒸生蝦-- OK啦.桂花瑤柱炒魚肚-- 幾好食喎, 好特別.蜜豆花枝帶子-- 唔錯, 帶子大粒彈牙.鮑參肚翅羮 -- 好淡好稀... 清蒸大海青斑-- 條魚好靭... 古法羊腩煲-- OK, 唔太羶.薑蔥焗蟹-- 呢個好味, 但份量好少...福滿出位豉油雞-- OK.瑤柱蛋白炒飯-- OK.上湯雲吞-- 難食, 感覺裏面D肉好霉...美點雙輝-- 甜品好食, 係芒果布甸, 同埋類似老波餅, 但裏面有奶皇既酥, 好味~合時甜品-- 紅豆沙, 好唔掂, 食佐兩啖就放低佐...生果拼盆-- 西瓜同哈蜜瓜. 無咩特別, 服務都OK既, 但個toilet勁細...

Peking Duck $250, the skin not cripsy, too fat SHark Fin a boat -$58, very 杰, use too much corn flour Siu Lung Bin....poorer than instant dim sum in 7-11TOO Expensive

23/6(五) 7:30pm家母牛一,指定飯局.一早已訂了此店的6人套餐,marco polo會員半價後價錢為$745.菜式如下:錦繡大拼盤(筍,手撕雞,海哲,煙鴨胸,滷五花腩)瑤柱桂花炒魚肚蔥花脆皮蝦仁砂鍋雲吞雞煲翅遼參扣鵝掌清蒸石斑布袋和尚(荷蘭豆馬碲粒炒肉碎+叉子燒餅)豉油雞福建炒飯大鄉里炒米美點雙輝-合桃酥,楊枝金露布甸糖水:西米露,紅豆沙除蒸石斑體積略細外,食物水準屬中上質素,而且菜式不似傳統中菜般大路,頗有特色!!推介錦繡大拼盤,豉油雞,福建炒飯,美點雙輝.一行8人(兩個小童)食此6人餐亦有食剩,另要了3渣鮮榨橙汁$100/3渣.服務方面因當晚近乎坐滿,感覺有點人手不足,客路方面以遊客居多.$1140埋單,值得一試!

今日飲茶, 好多間都fully booking...朋友食過晚飯話okay, 兩個人咁就上左去試下佢o既茶市, 食左1. 鮮蝦白蝦餃($9), 皮簿但好多油, okay2. 蜜汁燒雞翼($9), 都唔係燒, 係炸, 但係炸得太耐, 實的的3. 蘿蔔絲酥餅, 個皮完全唔鬆化, 唔好味4. 侯柱蘿蔔牛肚($9), 點心嚟講得呢個可以覺得比較好味5. 小籠包, 唉... 皮厚冇湯, 好失望6. 燒腩肉($35), 個皮完全唔脆7. 九肚魚($30), 太油"林" ber ber8. 油菜($30), 分量好少9. 紅繞蟹肉翅($100位)一碗, 都okay...hmm... 咁o既價雖然唔係超貴, 但係寧願食番啲平價啲o既酒樓, 係唔值... service 開頭麻麻地, 之後可能見到朋友係外國人, 所以比較好啲...

18/6(日) 2:30pm父親節當然要與家父慶祝慶祝,一行7人訂了2點半,準時到達,此日子此鐘數得7成滿,看來生意不太理想!環境無疑比一般大酒樓舒適寧靜.此處並無下午茶時間,一個茶市,特價點心$9(6-8款),小點$13,中$18,大$23,茶芥加前菜$18位.點了14款點心:灼白菜$30 x 2,白玉海鮮卷$9,煎蝦米腸$9,珍珠糯米雞$9,粟米餃$9,星州蘿蔔糕$9,奶皇馬拉糕$9,蒜泥白肉$30,醉雞$30,牛肉腸粉$23,蟹籽燒賣$23,京式蔥油餅$18,叉燒包$13,山竹牛肉球除粟米餃(餃頗其厚且嚡口,蒸過火!不太喜歡青豆挺多!)及京式蔥油餅(過份油膩!),其餘點心均屬中上質素!推介醉雞及蒜泥白肉.服務方面亦做得招呼周到,彬彬有禮!飯後還送湯水馬碲露.Marco Polo會員正價點心8折,折後埋單$334,算是過得去!P.S.:6月果真是"破財月"!父親節,男友牛一,家母牛一,旅行.看情況今下兩月財政要控制得宜,開源節流!

我黎過呢間酒樓飲茶幾次, 感覺唔錯, 價錢都唔太貴, 每位大約$50左右, 服務好! 最正就係食飽飽後有免費糖水送, 質量唔差, 仲正過糖水店添 不妨一試!

已光顧福滿樓數次,每次都保持到一定o既水準,上菜速度適中,服務態度良好. 今日點咗4-5人套餐,份量十足(1)江南四小碟-- 雞絲粉皮,鹵水牛展,荀尖,煙薰鴨胸肉(都幾大碟,但碟碟質素幾好,未齊人時食order呢個套餐唔錯,可以一路食一路等^,^)(2)砂窩雲吞雞-- 味道唔錯(3)上湯龍蝦(每人半隻,幾新鮮好味)(4)玫瑰豉油雞-- Good,好香好滑^,^(5)鮑片+菜-- 呢個一般(6)清蒸海鮮-- 條魚好滑,顧住傾計,唔知係乜魚^w^(7)荷葉飯-- 每人一件,食到尾聲,可能肚飽,味道尚可.(8)甜品-- 香芒糕點(幾滑) 煎堆仔(幾香口) 手磨芝麻糊(幾香,但略淡)(9)生果盤整體嚟講唔錯,見到佢有個10人餐,菜式幾吸引,好想食,但唔夠人數試唔到>.<呢間舖頭冇侷促感,幾舒適,上次見到家燕姐都有去幫襯.如果約朋友飯局,可以試o下呢間舖頭.因為值得一試呢! ^.^

母親節嚟呢度食晚餐, 我地有三圍枱..食左: 唔知咩併盆, 有海哲, 粉皮, 鳳爪個d, ok 好食... 又唔係有咩特別咁.炸蝦球: 都係一般, d 蝦唔係咁大隻, 不過, 點個d 泰形醬好好味.仲食左海深, 乳鴿, 魚, 個d 普通菜, 又唔係話特別好食. 不過, 值得一讚係服務態度好好lor~ 我地咁多人, 都幾嘈, 佢地又唔會點, 我地將之後個d 飯同麵食唔哂, 問佢拿盒打飽, 佢又唔會點, 仲比好多盒我地裝食物, 真係好好人... 而且, 又唔係太貴, 3 圍食得好飽又打包好多野都係6千幾蚊, 計番抵過出去食普通酒樓呀!!!

近日去過，地方唔易找，原來係地鐵出口對面....酒家有十五蚊一小時泊車服務去到叫左佢多種茗茶中既玫瑰花茶同人參烏龍茶同好多道菜可，重點推介如下：蜜汁烤雙方- 甜軟的蜜汁火腿與酥脆的烤素方組合為江浙的代表名餚。上等火腿，經糖蜜花釀蒸煮去火腿之鹹腥，另外增添花果香味之雅致而成蜜汁火腿，四方薄餅包裹蜜汁火腿，層疊酥炸的烤素方入口，火腿甜蜜緊緻彈牙，烤素方鹹勁酥脆。其中多種風味融合，好有口感。玫瑰豉油雞- 平常一只有味又新鮮既豉油雞，豉油香，雞滑，用新鮮雞做，好味。雞絲粉皮- 平日難食到咁好味既粉皮青菜雞煨麵- 又清又甜既雞湯煨麵，一定要試一試。芝麻湖- 自磨芝麻湖，不太甜又冇加豆粉，正！

表妹滿月,舅父訂左係度擺滿月酒~菜譜都幾特別~唔食乳豬改食龍蝦沙律~都有好多龍蝦肉值得一提既就係煲雞燉翅果件金華火腿,好靚又好香,全部人一致讚好~就算係水餃同帶子瑤柱炒飯都整得幾好食~甜品有麻蓉煎堆仔同高力豆沙~好好食,兩樣野都係熱辣辣。

有朋自遠方來,不亦樂乎~~ 遠方來的朋友在港渡生日,而有一大班朋友和她慶祝,更加是可喜可賀!!地點選擇在這裡,一來是因為在舊址時,朋友吃過此店的晚膳,水準也不錯,二來是其他朋友未踏足過,而又是吃中國菜的,用來招呼遠道由日本而來的朋友,也不錯罷!!因本人遲了來,而且友人們也有點餓的關係,因此,也沒細看散叫的餐牌,便順應朋友意願,叫了一個十人用的套餐,但我們總共有十三人,因此,小籠包加多三隻,而早已預訂的壽包,也要加多三隻~~上菜的速度不太快也不太慢,大家也是邊吃邊說笑,先來到面前的,是拚盆,有雞絲粉皮,燻魚,素鵝等小食,另外的熱葷,有白灼蝦,蒸膳,冬瓜盅,鴨方,炸子雞等等菜式,味道也不錯,份量也不少,雖說是十人套餐,但可能全檯也是女性的關係,也有一些食剩的,至於附送的糖水,都幾特別,並不是一般的紅豆沙,而是久違了的髮菜眉豆糖水,而甜味也恰到好處,不過就不是人人也可接受,在坐就是有幾位朋友,品嘗了一啖後便放棄,全因覺得此道糖水怪怪的~~到了戲肉~~壽包,因為侍應和我們之間溝通上的誤會,因而本是$20一大個的壽包,變成了十個銀兩的每人一個壽包,驟耳聽,覺得十個銀兩的壽包,好貴!! 但當壽