影片
越来越差，一入门口巳经比人凶： 目露凶光： 有位未呀！然后佢就转身向另一枱讲，喂你哋够钟啦㖞⋯⋯想点呀⋯⋯未食巳经hard feeling, 我入嚟𠮶阵系1900未到……价钱贵不特止，份量又小，班头腩两食夹埋得几旧，蒸𠮶碟求其放几「条」金菇菜系底（我想笑出泥）就算不特止，鱼尾𠮶块重要半件（直切），芝士虾面变水浸面，贵妃鸡，白切鸡全部冇味重要鞋到似肉干，烧鸭全部系肥油，全部𩠌味道更加不知所谓……点解依家变成差到呢个地步架………服务差到一个点，上菜𠮶啲人永远企系度话无位无位，然后望住你等你林掂佢，问佢拿碟辣椒油： 无碟㖞，我传菜来架，苦苦哀求下然后成支比我叫我自己倒落个碗度，跟住又拿拿林抢返走⋯⋯ 想点呀！举手叫人就隔几张枱大大声叫等阵啦，忙紧，之后等一大轮就行过嚟，大大声要咪呀⋯⋯⋯之后派利是比个招呼比较好d伙计，点知一大班伙计全部走晒出嚟，就连刚才话忙紧𠮶位都9 秒9 现身差到一个点⋯⋯
继续阅读
见到招牌写住一食片皮鸭38蚊即刻吸引我同屋企人去食，我哋叫咗一食片皮鸭芝士龙虾伊面炸蚝饼蒜蓉粉丝蒸蛏子炒豆苗同埋咕噜肉片皮鸭真系好抵食，仲比左2只鸭髀👍🏻炸蚝饼同炒豆苗劲好食！芝士龙虾伊面就麻麻哋，芝士太重奶味，龙虾冇乜肉，可以唔试！蒜蓉粉丝蒸蛏子同埋咕噜肉不过不失！为咗个片皮鸭可以再食！
继续阅读
11月2日 晚上，已经个人好攰，收咗工又饿，从九龙返入嚟粉岭，第一件事就系去买饭食。帮衬咗咁多年，算不上熟客但一直都觉得佢哋嘅烧味饭做得好好！先入去柜枱买票落单，然后取票到店外烧味部窗口取饭，这些都是正常操作。惯性递单入去𠮶下我都会先叫声：师傅，麻烦晒！今晚我又系咁啦！然后我发觉师傅唔应我，一直弯低腰处理其他事，然后我又叫了一声：师傅唔好意思！佢就企返直个人开口闹我：等阵啦！整紧嘢嘛！洗唔洗系咁催呀！催？我攰到咁嘅语气，都算催？问题系你唔应我，我真系唔知你系听唔到定点，我无出声，佢好晦气咁扔咗手上条枱布落枱面，然后斩烧味放落盒饭度。我连西面都无，我只系觉得佢可能受咗啲气，见我个样好恰啲呱，唔紧要啦！攞咗盒饭我就返上楼开餐！我打开个盒….其实我唔系想话盒饭啲乜嘢，系的确同我买开嘅好大分别！我知道佢个岗位算唔上要提供乜嘢服务，我想讲依啲已经唔系服唔服务嘅问题，大家都揾食啫，洗唔洗呀⋯⋯
继续阅读
粉岭呢一区真系越来越少酒楼，尤其是呢边屋村多。呢间酒楼好似专做熟客咁，熟客就快啲有枱啰人手就长期都唔够嫁啦，不过好彩嘢食都OK嘅。我钟意食佢哋嘅绿茶芋头饼，好少酒楼有得食嫁
继续阅读
食过几次晚饭，饮过两次茶，食物味道几好，门口个带位态度就差d，可能假日系会比较紧张d坐位，但d熟客又唔想搭枱...... 饮餐茶都见到佢地嘈，真系扣晒分！点心：萝卜酥，松软，都几多萝卜丝同虾米，食3件都唔会漏（个个都唔食萝卜.....自己食晒）烧卖，正常味道虾肠，皮唔算好薄，虾大少中规中矩，合格凤爪，几好味，但我果碟个卖相鸡扎，普普通通，鸡件唔够滑，鱼肚唔算好软好吸汁。马拉糕，松软好食。BB话好好食皮蛋瘦肉粥，大路野。点心款式唔多，但同附近几间比较已经算好食（讲紧已经系隔离邨）几间我都试过，呢度就坐得迫d，个人选择！可能加左价，2个大人 1个bb 都要$275埋单。（当然只计两位茶钱）去连锁店食西式早餐都系$60/位，当然冇咁丰富啦
继续阅读