祿怡食棧

营业中

休息中

今日去開元朗有野做，因為都趕時間，所以去茶餐廳！快靚正！朋友介紹呢間餐廳，樓上坐位都算闊落，冷氣夠大，仲播住懷舊廣東歌食物真係好驚喜，有菠蘿油食，仲要唔駛加錢！雖然係翻熱，但都唔錯呀！非常滿足！

小朋友返學 媽媽吃的不是早餐、是自由唔知點解食早餐唔鍾意去新式餐廳我鍾意間懷舊冰室嗰間茶餐廳唔算係冰室但偏偏係呢度 我食到懷舊冰室既味道一定食沙嗲牛肉福麵😍原來而家福麵, 已經唔係間間有得食 牛肉有咬口 、 好食其實係未好多餐廳都唔再做福麵？真係好好食喎 早餐必選啊 😝侍應姐姐仲好好傾 ～ 咩都講一餐

又係一個趕時間既下晝，碰巧見到呢個土魷煎肉餅飯，叫之前其實內心進行過一連串掙扎，因為呢一味就連大排檔都未必駕馭得到。當然，去到最後都係叫咗，上碟既時候心中暗想：呢個師傅ok啵！因為塊土魷肉餅煎完之後冇散開，而且仲可以完整一塊過上碟，唔似其他舖頭咁要切做一細細塊怕佢散成肉碎。塊土魷肉位妙在佢煎香咗之餘，土魷個一種回甘香味仲可以出到黎，唔會俾陣煎味蓋過。識煎肉餅既餐廳越來越少，所以我地要繼續支持，唔好俾煎肉餅失傳！

由於返學趕時間既緣故，冇時間上茶樓慢慢嘆茶，於是只好去巴士站附近搵食。點知兵兵之下揀左呢間茶記。本身叫左個時菜斑塊飯（因為筆者都幾鍾意食冇骨既魚），可惜天意弄人，竟然賣晒係冇時間再慢慢選擇既情況下，筆者只好用潛意識極速果斷地揀最安全既芙蓉蛋飯。眨左五下眼之後，碟飯已經出現係我眼前。表面上煎得好香好靚，心入面突然間出現左一絲期望。一食，「唉！都係算啦！」其實隻蛋都唔係有問題，只係落美極豉油落得太多，所以食落會令人變得咸濕。本身隻蛋都夠味，落美極實在係畫蛇添足。我勤日乾今句：美極留一滴，蛋飯好相見！

去學人玩瑜伽,先食返個早餐,好想飲凍鴛鴦, 經過呢間食店,見未曾光顧過,就去幫襯下啦!一坐低後面就有把女人聲話: 睇下要食乜野, 我一陣幫你落單(聲音柔和, 有禮貌)放低餐牌佢就已經係我面前.*鹵水雞中翼米粉*鹵水雞中翼二隻, 煮到剛熟, 中翼脹卜卜, 肉夠實, 正!最怕鹵到d 肉"梅"晒, 肉又縮晒!*白汁火腿雞絲奄列*味道唔錯, 奄列內的白汁少d 仲好!*油包半件*新鮮軟棉棉, 唔係到到都有!*凍鴛鴦*要求少糖少奶, 應有的味道都有, 再少d 糖及奶就完美喇!